مەملەكەت مەرەكەسى كەزىندە ءبىرىنشى شەپتەن تاپجىلماعان شينجياڭعا كومەكتەسۋشىلەر

  □ شينحۋا اگەنتتىگىنىڭ تىلشىلەرى يۇي تاۋ، گۋان چياۋچياۋ، گۋ يۇي

  مەملەكەت مەرەكەسى كەزىندە، كوپتەگەن ادام دەمالۋ، ساياحاتتاۋ سياقتى تاسىلدەرمەن مەرەكەنى كوڭىلدى وتكىزدى. ايتسەدە 19 ولكە، قالادان شينجياڭعا باعىتتامالى كومەككە كەلگەن شيپاگەرلەر، وقىتۋشىلار، كادرلار جۇمىس ورنىنان تاپجىلماي، ادەتتەگى كۇندەردەگى سياقتى قاربالاس جۇمىس باسىندا بولدى.

  لياۋنيڭنەن شينجياڭعا كومەككە كەلگەن شيپاگەر ۋاڭ يىڭ:

  ناۋقاستارعا قىزمەت وتەۋگە قاشاندا دايىن تۇرامىن

  شينجياڭ تارباعاتاي ايماقتىق حالىق شيپاحاناسى تۋىت ءبولىمىنىڭ ناۋقاستار جاتاعىندا لياۋنيڭنەن شينجياڭعا كومەككە كەلگەن شيپاگەر ۋاڭ يىڭ كومەككە يە بولعان جەردەگى كاسىپتەستەرىمەن بىرگە بوسانعان ايەلدەر مەن جاڭا تۋعان نارەستەلەرگە قارايلاسۋمەن بولدى.

  تارباعاتاي ايماقتىق حالىق شيپاحاناسىنىڭ تۋىت ءبولىمى جەرگىلىكتى ورىنداعى جۇكتى ايەلدەر مەن بوسانعان ايەلدەردى، شۇعىل، سالماقتى ناۋقاستاردى شۇعىل قۇتقارۋ ورتالىعى سانالادى، تۋىت ءبولىمى قابىلدايتىن شۇعىل، سالماقتى ناۋقاستار ەداۋىر كوپ، بۇل بولىمدەگى قىزمەتكەرلەردىڭ جۇمىسى وتە قاربالاس. ۋاڭ يىڭ جۇڭگو مەديتسينا داشۋەسىنەن 4 - توپتا ۇيىرمە فورماسىندا ەمدەۋ ارقىلى شينجياڭعا كومەككە كەلگەن دارىندىلاردىڭ ءبىرى، قازىر تارباعاتاي ايماقتىق حالىق شيپاحاناسى تۋىت ءبولىمىنىڭ ورىنباسار مەڭگەرۋشىسى مىندەتىن وتەيدى. بيىل 5 - ايدا وسى اراعا كەلگەننەن بەرى، ول شۇعىل، قيىن، قاتەرلى تۋىت ناۋقاستارىنان 60 نەشەسىن قابىلدادى.

  مەملەكەت مەرەكەسى دەمالىسىندا ۋاڭ يىڭنىڭ ءوت قالتاسىن الدىرۋ وپەراتسياسىن جاساتقاندىعىنا جارىم اي دا بولماعان ەدى، ايتسەدە ول قىزمەتتىڭ ءبىرىنشى شەبىنەن تاپجىلمادى. ءار كۇنى تاڭەرتەڭ ۋاڭ يىڭ ناۋقاستار جاتاعىن جان - جاقتى تەكسەرىپ، اي - كۇنى تاياعان ايەلدەردى ەگجەي - تەگجەيلى تەكسەرىپ، بوسانۋ جاعدايىن باعالاپ، بوساندىرۋ ءتاسىلىن بەلگىلەدى.

  ”بۇگىن بالنيتسادا بوساناتىن 17 ايەل بار، بۇلاردىڭ ەكەۋىنىڭ تولعاعى جيىلەپ تۇر، اۋىق - اۋىق بايقاپ تۇرۋىمىز كەرەك“، - دەدى ۋاڭ يىڭ.

  ۇيىنەن سونشاما شالعايدا بولسا دا، ۇل - قىزىن ىشتەي قاتتى ساعىنىپ جۇرسە دە، ول وسى ەڭبەگىنىڭ ءبارىن تاتيدى دەپ قارادى. ”وسى اراداعى جۇكتى ايەلدەر مەن بوسانعان ايەلدەردىڭ اماندىعى مەن حاۋىپسىزدىگىن قورعاۋ مەن جونىنەن ەڭ زور ماقتانىش جانە باقىتتى ءىس“.

  ۋاڭ يىڭ تىلشىگە مەملەكەت مەرەكەسى دەمالىسى كەزىندە شينجياڭعا كومەككە كەلگەن ەمدەۋ اترەتىندەگىلەردىڭ شيپاحانادا تابانداپ تۇرعاندىعىن ايتتى. ”ەمدەۋ ارقىلى شينجياڭعا كومەكتەسۋ ەرەكشە قاجەتتى، ءبىز ەكى جاق ەمدەۋ تاجىريبەلەرىمىزدى ءوزارا ۇيرەنۋىمىزگە بولادى، شينجياڭدىق شيپاگەرلەر سىرتقا شىقپاي - اق كەيبىر وزىق ەمدەۋ بىلىمدەرىن ۇيرەنە الادى. شينجياڭعا كومەككە كەلگەن شيپاگەر رەتىندە، مەن الداعى قىزمەتتە ’ۇيرەتۋ، كومەكتەسۋ، جەتەكتەۋ‘ رولىمدى تولىق ساۋلەلەندىرىپ، بۇل جەرگە اناعۇرلىم كوپ تۋىت ءبولىمى ەمدەۋ قىزمەتكەرلەرىن تاربيەلەيمىن“، - دەدى ۋاڭ يىڭ.

  شاندۇڭنان شينجياڭعا كومەككە كەلگەن وقىتۋشى جوۋ جيان:

  شەكارا ءوڭىردىڭ وقۋ - اعارتۋىن دامىتۋعا كۇش قوسامىن

  مەملەكەت مەرەكەسى دەمالىسىندا، شاندۇڭنان شينجياڭعا كومەككە كەلگەن وقىتۋشى جوۋ جيان كەڭسەسىندە قاربالاس جۇمىس ىستەدى. وسى وقۋ ماۋسىمىندا وعان جاڭا ساباق قوسىپ بەرىلدى، ”دەمالىس كەزىندەگى باسىم كوپ ساندى ۋاقىتتى شوعىرلى تۇردە ساباق دايىنداۋعا جۇمسادىم“. ونىڭ وقۋشىلارى ءار كۇنى دەرلىك كەڭسەگە كەلىپ، وزدەرىنىڭ ديسسەرتاتسيالارى جونىندە ونىمەن جارىم كۇن تالقى جۇرگىزدى.

  شاندۇڭ ونەركاسىپ - ساۋدا شۋەيۋانىنىڭ ”ۇستازدىق ءمورال ۇلگىسى“ رەتىندە، 2018 - جىلى 9 - ايدا جوۋ جيان قاشقار داشۋەسى ماتەماتيكا جانە ساناق شۋەيۋانىنا وقۋعا كومەككە جىبەرىلدى. شۋەيۋاندا جاس وقىتۋشىلاردىڭ كوپ بولۋى، عىلمي زەرتتەۋ تاجىريبەلەرىنىڭ جەتەرسىزدىگى سياقتى رەال جاعدايلارعا مەڭزەس، ول جاس وقىتۋشىلارمەن ىرىقتىلىقپەن پىكىر اۋىستىرىپ، عىلمي زەرتتەۋ، ديسسەرتاتسيا جازۋ، عىلمي زەرتتەۋ نىسانىن ءوتىنىش ەتۋ سياقتىلار جونىندە جەتەكشى پىكىر بەردى.

  جوۋ جيانمەن ءبىر وقىتۋ زەرتتەۋ كەڭسەسىندەگى جاس وقىتۋشى جاڭ گى ەكونوميكالىق ماتەماتيكا جاعىنداعى زەرتتەۋمەن شۇعىلدانىپ كەلەدى. جوۋ جيان عىلمي زەرتتەۋ بايلىقتارىنان تەڭ پايدالانۋ، بىرگە زەرتتەۋ تاقىرىبىن ورىستەتۋ سياقتى تاسىلدەردەن پايدالانىپ وعان كومەكتەستى. ”جوۋ مۇعالىم عىلمي زەرتتەۋ جاعىندا، اۋەلى، زەرتتەۋ تاقىرىبىن ءوتىنىش ەتۋ حاتىن جازۋ سياقتى ۇساق ىستەرگە دەيىن ماعان مۇقيات كومەكتەسىپ وزگەرتتى. قازىر مەنىڭ عىلمي زەرتتەۋ تاقىرىبىم شينجياڭ جاراتىلىستىق عىلىمدار قورى نىسانىنا ءساتتى تاڭدالدى“، - دەدى جاڭ گى.

  شينجياڭعا كومەككە كەلگەن وقىتۋشى رەتىندە، جوۋ جيان وقىتۋ مىندەتىن ورىنداۋمەن قاتار، ءار ۇلت ستۋدەنتتەرىنىڭ تۇرمىسىنا جانە پسيحيكالىق اقاۋسىزدىعىنا دا ايرىقشا ءمان بەردى. جوۋ جيان جاتاقتارعا ۇنەمى بارىپ، وقۋشىلارمەن اڭگىمەلەسىپ، سىرلاسىپ، ولاردىڭ جۇرەك ءسوزىن تىڭدادى.

  داشۋەنىڭ 1 - جىلدىعىندا وقيتىن باقتىگۇل تۇرعۇن اكە - شەشەسىنەن تۇڭعىش رەت الىستاپ، بەيتانىس مەكتەپ ورتاسىنا كەلگەن ەدى، كەدەي وقۋشى ول جونىنەن داشۋە تۇرمىسى مەن بولاشاقتاعى دامۋ ءسال قيىنداۋ سەزىلەدى. ”ءبىر جولى تەلەفوندى ءتۇنگى ساعات 2دەن اسقانشا شالدىم“. جوۋ جيان: ”مەن وعان ءوزىمنىڭ داشۋە تۇرمىسىمدى جانە وتباسىمدى ايتتىم، ءوزىمنىڭ كۇرەس جۇرگىزىپ، تاعدىرىمدى وزگەرتۋدەي ءتول كەشىرمەم ارقىلى ونى شابىتتاندىرىپ، ونىڭ جىگەرلى، قايراتتى ستۋدەنت بولۋىن ءۇمىت ەتتىم“، - دەدى.

  ”شينجياڭدىق وقۋشىلاردىڭ ءبارى ەرەكشە قاراپايىم، ولار قۇلشىنىستارى ارقىلى اناعۇرلىم كەڭ ساحناعا شىعۋدى ارماندايدى، شينجياڭعا كومەككە كەلگەن وقىتۋشى بولعان بىزدەر شامامىز كەلگەنشە وقۋشىلاردىڭ دارىندى بولۋى، شەكارا ءوڭىردىڭ وقۋ - اعارتۋىنىڭ دامۋى ءۇشىن كۇش قوسامىز“، - دەدى جوۋ جيان.

  حىبەيدان شينجياڭعا كومەككە كەلگەن كادر ياڭ حاييان:

  ماترەيىممەن ومىرلىك تۋىس بولامىن

  ”مەملەكەت مەرەكەسى كۇنى ءبىز توپتىق حىبەيدىڭ شينجياڭعا كومەكتەسۋ قولباسشىلىق شتابىنا بارىپ، مەملەكەت مەرەكەسىن قۇتتىقتاۋ سالتىنىڭ تەلەۆيزوردان تىكە تارالىمىن كوردىك، كەلەسى كۇنى قىزمەت ورنىما قايتىپ كەلدىم، سودان كەيىنگى بىرنەشە كۇندە ’تۋىسىما‘ كومەكتەستىم“. شينجياڭعا كومەككە كەلگەنىنە 3 جىلداي بولعان چەرچەن اۋداندىق دامۋ، رەفورما كوميتەتىنىڭ ورىنباسار مەڭگەرۋشىسى ياڭ حاييان جونىنەن وسى رەتكى مەملەكەت مەرەكەسى دەمالىسى اسا قاربالاس ءوتتى. ”’تۋىسىمنىڭ‘ ماقتاسى جەتىلىپ بولدى، وسى بىرنەشە كۇندە ماقتا تەرۋگە كومەكتەسەمىن“، - دەدى ياڭ حاييان.

  2017 - جىلى 2 - ايدا ياڭ حاييان 4 كۇن جول باسىپ، تاكلاماكان ءشولىنىڭ وڭتۇستىك جيەگىندەگى شينجياڭنىڭ چەرچەن اۋدانىنا جەتتى. سول جىلى 3 - ايدا ياڭ حاييان كەدەيلەردى سۇيەمەلدەۋ بويىنشا كومەككە مۇقتاج اۋداندىق اسىل تۇقىم فەرماسى 2 - گرۋپپاسىنىڭ تۇرعىنى ماترەيىم راحمانمەن تۋىس بولىپ، تاعى ءبىر ”تۋىسى“ كوبەيدى.

  ”ياڭ اعام ۇنەمى كەلىپ بىزگە كومەكتەسىپ تۇرادى“، - دەدى ماترەيىم. ياڭ حاييان جونىنەن ءار جولعى جاساعان كومەگى ماردىمسىز ۇساق ىستەر سەزىلگەنىمەن، ءبىراق ماترەيىم جونىنەن ايتقاندا، ياڭ اعايدىڭ كەلۋى ونىڭ تۇرمىسىنىڭ ۇزدىكسىز العا باسۋىنداعى ماڭىزدى كەپىل ەدى. ”ياڭ اعاي بىزگە كومەكتەسىپ اۋلامىزدى تەگىستەپ، جول سالىپ، اۋىل شارۋاشىلىق داقىلدارىمىزدى ساتاتىن ورىنعا بايلانىس جاساپ بەردى. قازىر ماعان كومەكتەسىپ تۇراقتى قىزمەت تاۋىپ بەردى“، - دەدى ماترەيىم.

  ماترەيىمنىڭ ەكى بالاسى بار، ياڭ حاييان ءار رەت ونىڭ ۇيىنە كەلگەندە بالالارىمەن بىرگە ويىن ويناپ، ساباقتارىن پىسىقتاتادى. 3 جىلدان بەرى ءار رەتكى مەملەكەت مەرەكەسىن ياڭ حاييان ماترەيىمنىڭ وتباسىمەن بىرگە وتكىزىپ كەلەدى. قاتىناستارى بارعان سايىن قويۋلاپ، تۋىستار جاقىنداسا ءتۇستى، وتباسىنداعىلارمەن باس قوسا الماسا دا، ءبىراق ”تۋىستارىنىڭ“ جۇزىندەگى كۇلكىنى كورگەندە، ول ءبارىن تاتيدى دەپ قارادى.

  ”جۋىقتا مەن جالعاستى شينجياڭعا كومەكتەسۋگە ءوتىنىش بەردىم، مەنىڭ ماترەيىمنىڭ وتباسىنداعىلارمەن سۇيىسپەنشىلىگىم بارعان سايىن تەرەڭدەپ كەلەدى، ءبىز ومىرلىك تۋىس بولىپ وتەمىز“، - دەدى ياڭ حاييان.

  (شينحۋا اگەنتتىگىنىڭ 10 - ايدىڭ 8 - كۇنى ۇرىمجىدەن بەرگەن حابارى)

جاۋاپتى رەداكتور: نۇربولات قابىل
  • 1
  • 2
  • 3
  • 4