جوعارى مەكتەپ ەمتيحانى قاقپاسىن قايتا اشۋ

  1977 - جىلى 8 - ايدا دىڭ شياۋپيڭ عىلىم جانە وقۋ - اعارتۋ قىزمەتى اڭگىمە ءماجىلىسىن باسقارىپ اشتى. جابىلعانىنا 10 جىل بولعان جوعارى مەكتەپ ەمتيحانى قاقپاسى ءدال وسى ماجىلىستە قايتا اشىلدى.

     اڭگىمە ماجىلىستە ءىشىنارا جوعارى مەكتەپتەردىڭ ۋاكىلدەرى قابىلدايتىن تولىمدى دارىندىنىڭ بولماۋىنان ەمەس، قازىر اتقارىلىپ وتىرعان وقۋشى قابىلداۋ ءتۇزىمىنىڭ سەبەبىنەن تولىمدى دارىندى قابىلداي الماي جاتقاندارىن ايتادى. بۇل سوزدەر دىڭ شياۋپيڭنىڭ نازارىن ەرەكشە اۋدارادى، ول ”جوعارى مەكتەپ ەمتيحانى ارقىلى وقۋشى قابىلداۋ ءتۇزىمى بيىلدان باستالسىن“ دەپ باتىل شەشىم جاسادى.

  دىڭ شياۋپيڭ جوعارى مەكتەپتەردىڭ جاڭادان وقۋشى قابىلداۋىنا قاتىستى حۇجاتتىڭ بەكىتۋ نۇسقاسىندا جوعارى مەكتەپ ەمتيحانى ارقىلى وقۋشى قابىلداۋدىڭ ساياسي سارالاۋ شارتتارىنا كوپ ىقشامداۋ - وڭدەۋلەر ەنگىزدى. ول مىنانى ايقىن اتاپ كورسەتتى: وقۋشى قابىلداۋدا نەگىزىنەن ەكىنى مىقتى ۇستاۋ كەرەك، ءبىرىنشىسى، سول ادامنىڭ بەينەسى جاقسى بولۋ، ەكىنشىسى، ۇزدىكتەرىن تاڭداپ قابىلداۋ كەرەك.

  دىڭ شياۋپيڭنىڭ قوزعاۋشىلىق ەتۋىمەن وقۋ - اعارتۋ مينيسترلىگى «1977 - جىلعى جوعارى مەكتەپتەرگە وقۋشى قابىلداۋ قىزمەتى جونىندەگى پىكىر»دى جاسادى. سول جىلى 10 - ايدا بۇل پىكىردى جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى تالقىلادى ءارى ماقۇلدادى، سونداي - اق مەملەكەتتىك كەڭەستىڭ بەكىتۋىنە يە بولدى. 10 - ايدىڭ 22 - كۇنى «حالىق گازەتى» حابار باسىپ، بۇكىل ەل حالقىنا جوعارى مەكتەپكە وقۋشى قابىلداۋ ەمتيحانى ءتۇزىمىنىڭ قالپىنا كەلگەندىگىن رەسمي جاريالادى.

  1977 - جىلى قىستا جاس پارقى ءار كەلكى 5 ميلليون 700 مىڭ جاس جوعارى مەكتەپ ەمتيحانى الاڭىنا كىردى. وسى رەتكى ەمتيحان كولەمىنىڭ ۇلكەندىگى جۇڭگونىڭ وقۋ - اعارتۋ تاريحىنداعى ەڭ جوعارى رەكوردى جاراتىپ قانا قالماستان، دۇنيە جۇزىندەگى ەڭ دەپ تە اتالدى.

  1978 - جىلى كوكتەمدە جوعارى مەكتەپ ەمتيحانى ءتۇزىمى قالپىنا كەلتىرىلگەننەن كەيىنگى 1 - كەزەكتەگى 273 مىڭ ستۋدەنت داشۋە اۋلاسىنا قادام تاستادى.

  جوعارى مەكتەپكە وقۋشى قابىلداۋدا قاتاڭ ەمتيحان الىنىپ، ءادىل باسەكە ارقىلى ۇزدىكتەرىن تاڭداپ الۋ جۇزەگە اسىرىلدى. قابىلداۋ قىزمەتىندە سول ادامنىڭ بەينەسىنە ءمان بەرىلدى، داشۋە وقۋعا وتباسى ماسەلەسىنىڭ كەسىرى تيمەيتىن بولدى. جاڭا ءتۇزىم بۇكىل ەل حالقىنىڭ قىزۋ قولداۋىنا يە بولدى. جۇڭگونىڭ جوعارى مەكتەپ ەمتيحانى قاقپاسىن قايتا اشۋى بىلىمگە قۇرمەت ەتەتىن، دارىندىعا قۇرمەت ەتەتىن ءداۋىردىڭ كەلگەندىگىن اڭعارتتى.

  (شينحۋا اگەنتتىگىنىڭ 10 - ايدىڭ 8 - كۇنى بەيجيڭنەن بەرگەن حابارى)

جاۋاپتى رەداكتور: نۇربولات قابىل
  • 1
  • 2
  • 3
  • 4