جۇڭگونىڭ ەرتەڭى، ءسوز جوق، اناعۇرلىم كوركەم بولادى

  جۇڭگونىڭ ەرتەڭى، ءسوز جوق، اناعۇرلىم كوركەم بولادى

   − باس شۋجي شي جينپيڭنىڭ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ تۋرالى

  □ حالىق گازەتىنىڭ شولۋشىسى

  تاريح بولاشاقتى نۇرلاندىرادى، ساپار جولىنىڭ اياقتار كەزى بولمايدى. جاڭا داۋىرگە ەكپىندەي وتۋدە، جاڭا ساپارعا اتتانۋدا ءبىزدىڭ استە توقمەيىلسۋىمىزگە بولمايدى، وزىمىزگە شەكسىز سەنۋىمىز كەرەك.

  ”جۇڭگونىڭ كەشەگىسى ادامزاتتىڭ تاريح پاراعىنا جازىلدى، جۇڭگونىڭ بۇگىنى ميلليارد حالىقتىڭ قولىمەن جاراتىلۋدا، جۇڭگونىڭ ەرتەڭى، ءسوز جوق، اناعۇرلىم كوركەم بولادى.“ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىندا، باس شۋجي شي جينپيڭ اسقاق تاريحي نازارمەن، تەرەڭ تاريحي كوز ايامەن جۇڭگونىڭ كەشەگىسىنە قايىرىلا قارادى، جۇڭگونىڭ بۇگىنىن يگەردى، جۇڭگونىڭ ەرتەڭىنە كوز جىبەردى. قاعىلعان بارابان ساپارعا قۋزاۋدا، بۇل جورىققا جۇمىلدىرۋ بۇيرىعى؛ ەكپىندەي ەسىپ، جەلكەن كوتەرىلدى، بۇل العا ىلگەرىلەۋدىڭ جينالۋ بۇيرىعى. كەسەتىمدى ءسوز، ۇلى مۇرات، اسقاق جىگەر، باس شۋجي شي جينپيڭنىڭ ماڭىزدى ءسوزى ءجۇز ميلليونداعان جۇڭحۋا ۇلاندارىن گۇلدەنۋ ساپارىندا ۇزدىكسىز ەرلىكپەن العا ۇمتىلۋعا جىگەرلەندىردى.

  70 جىلدا جاپالىلىقپەن شارۋاشىلىق قۇردىق، 70 جىلدا قيىندىقتاردى جەڭىپ، قاجىرلىلىقپەن ىلگەرىلەدىك، 70 جىلدا مىعىم دايىندىقپەن ىستەردى ءساتتى تىندىردىق. بىرىنشىدەن كەدەي، ەكىنشىدەن اق بولۋداي ءبىر جاپىراق اق قاعازدا، جۇڭگو كوممۋنيستىك پارتياسى ءجۇز ميلليونداعان حالىقتى باستاپ، ەڭ جاڭا، ەڭ كورىكتى كورىنىستى سالدى. بۇگىن، ءبىر ميلليارد 400 ميلليونعا جۋىق جۇڭگو حالقىنىڭ جىگەر - قايراتى تاسقىنداپ، كوكىرەگى اسقاق سەزىمگە تولدى، 9 ميلليون 600 مىڭ شارشى كيلومەتردەن استام وتاننىڭ بايتاق دالاسىندا تىرشىلىك تىنىسى قاۋلاپ، كوكتەم لەبى ەستى، 5000 نەشە جىلعى جۇڭحۋا وركەنيەتى نۇر - شۇعىلاسىمەن كوز تارتۋدا، تارتىمدىلىعى ماڭگىلىككە ۇلاسۋدا، جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك ءتۇزىمى مىزعىماستاي بەرىك، ومىرشەڭدىككە تولى، جۇڭگو حالقى مەن جۇڭحۋا ۇلتىنىڭ كەلەشەگى ۇلى، بولاشاعى نۇرلى. تاريح جۇڭگو كوممۋنيستىك پارتياسىنىڭ جانە جۇڭگو حالقىنىڭ كونە دۇنيەنى قيراتۋعا عانا ەمەس، جاڭا دۇنيەنى قۇرۋعا دا شەبەر ەكەندىگىن الدەقاشان دالەلدەدى.

  بولاشاقتى بەتكە العاندا، جۇڭگو حالقىنىڭ، ءسوز جوق، قارىمى قاپتال جەتەدى! جۇڭگو، ءسوز جوق، ىستەي الادى!

  جاڭا جۇڭگونىڭ تاريحىنا قايىرىلا قاراعاندا، ءبىزدىڭ سەزىمىمىز تاسقىندايدى؛ جاڭا ءداۋىر ساپارىنا اتتانعاندا، ءبىزدىڭ كوكىرەگىمىز سەنىمگە تولادى. بۇگىنگى دۇنيە ءجۇزى ءجۇز جىلدا بولماعان ۇلى وزگەرىستەردى باستان كەشىرۋدە، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ شەشۋشى كەزەڭدە تۇر. 2020 - جىلى جاپپاي دوڭگەلەك داۋلەتتى قوعام ورناتۋ، 2035 - جىلى سوتسياليستىك وسىزامانداندىرۋدى نەگىزىنەن جۇزەگە اسىرۋ، وسى عاسىردىڭ ورتا شەنىندە باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل قۇرۋ، جۇڭگونىڭ كەلەشەكتەگى 30 نەشە جىلعى ۇلى جوسپارى بەينە ايبىندى دا كوركەم اسەم سۋرەتتەي ءبىزدىڭ سىزىپ شىعۋىمىزدى كۇتۋدە. بۇگىن، ءبىز ءارقانداي تاريحي كەزەڭمەن سالىستىرعاندا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا اناعۇرلىم جاقىنداي تۇستىك، وسى نىسانانى جۇزەگە اسىرۋعا سەنىمىمىز كامىل، قاجىر - قابىلەتىمىز دە جەتەدى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانى، ءسوز جوق، جۇزەگە اسادى، ءسوز جوق، جۇزەگە اسىرا الامىز.

  تاۋلار اسقار شىڭىمەن ايباتتى، تەڭىز وركەشتەگەن تولقىنىمەن ايبىندى. دۇنيە ءجۇزى تاريحىنا كوز جىبەرسەك، ءارقانداي ءبىر مەملەكەتتىڭ، ءبىر ۇلتتىڭ دامۋى تۇگەلدەي ءساتتى بولا بەرمەگەن. ”اي - كۇنگە ءامىر شاشا الامىز جاڭارتۋعا كوك ءجۇزىن“ دەيتىن اسقاق سەزىممەن، جۇڭگو ەڭسە كوتەردى؛ ”جان قيارلىقپەن جاڭا جول تاباتىن“ ارىنمەن، جۇڭگو بايىدى؛ ”تاسقا تاڭبا، تەمىرگە ءىز قالدىراتىنداي“ كۇرەس بارىسىندا، ءبىز بايۋدان قۇدىرەتتەنۋگە دەيىنگى ۇلى شارىقتاۋدى قارسى الدىق. اعىس اناعۇرلىم اساۋ تارتقان، اناعۇرلىم قايقاڭعا كەلگەن مەزگىل ءبىزدىڭ ماڭگى بويكۇيەزدىككە سالىنبايتىن رۋحاني بەينەمەن جانە ەرلىكپەن العا ىلگەرىلەيتىن كۇرەس كۇيىمەن، كوپتەگەن جاڭا تاريحي ەرەكشەلىكتەرگە يە ۇلى كۇرەستەردى ۇزدىكسىز جۇرگىزىپ، جاڭا ۇزاق جورىقتاعى قارلى تاۋ، سازدى دالالاردى بويسۇندىرىپ، جاڭا ساپارداعى اساۋ تولقىن، قاتەرلى قايراڭنان اسىپ ءوتۋىمىزدى ءتىپتى قاجەت ەتەدى.

  تىڭنان سايلانىپ تاعى جولعا شىقتى، ال بۇگىن ارشىندى قاداممەن باسىنان قايتا اتتايمىز. جۇڭگوشا سوتسياليزم جاڭا داۋىرگە ءوتتى، جۇڭحۋا ۇلتى تاريحتاعى ەڭ جاقسى دامۋ كەزەڭىن قارسى الدى. 9 ميلليون 600 مىڭ شارشى كيلومەتردەن استام كەڭ - بايتاق دالادا تۇرىپ، جۇڭحۋا ۇلتىنىڭ ۇزاق كۇرەسى بارىسىندا قوردالانعان مادەنيەت ءنارىن قابىلداعان، ءبىر ميلليارد 400 ميلليونعا جۋىق جۇڭگو حالقىنىڭ مىعىم كۇش - قۋاتىنا يە ءبىزدىڭ ءوز جولىمىزبەن جۇرۋىمىزدە شەكسىز كەڭ ساحنا بار، شەكسىز باي مازمۇندى بەرىك تاريحي نەگىز بار، شەكسىز قۋاتتى العا باسۋ تاباندىلىق بار. كەرەمەت ىستەۋدەن كەلەدى، سوتسياليزم دە ىستەۋدەن كەلەدى.

  جاڭا ءداۋىر كۇرەسكەرلەردىڭ ءداۋىرى، ءاربىر ادام تۇگەلدەي جاڭا ءداۋىردىڭ كۋاگەرى، جاراتۋشىسى، قۇرىلىسشىسى. جوبانى سوڭىنا دەيىن تىندىرامىز، ىستەردى بىرىنەن سوڭ ءبىرىن ىستەيمىز، ءبىز جاڭا دا اناعۇرلىم ۇلى كەرەمەتتەردى، ءسوز جوق، جاراتاتىن بولامىز.

  اۋەلگى ماقسات ۇلى ءىستى سومدايدى، بورىش كەلەشەككە باستايدى. جۇڭگو كوممۋنيستىك پارتياسى مەن جۇڭگو حالقى اۋەلگى ماقساتتى ۇمىتپاي، بورىشتى ەستە بەرىك ساقتاپ، بۇرىنعىعا مۇراگەر، كەيىنگىگە بۇيداگەر بولىپ، الدىڭعىلاردىڭ ءىزىن باسىپ، بولاشاققا جول اشىپ، ”قوس 100 جىلدىق“ كۇرەس نىساناسىن بەتكە الىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا باتىلدىقپەن كۇرەسىپ، ەرلىكپەن العا باسا بەرەدى، جۇڭگو حالقى مەن جۇڭحۋا ۇلتىنىڭ ۇلى ارمانىن ارقالاعان كەمە بوگەتتەردى بۇزىپ تولقىن جارىپ، نۇر - شۇعىلالى جاعاعا جەڭىسپەن تارتا بەرەدى!

  (شينحۋا اگەنتتىگىنىڭ 10 - ايدىڭ 5 - كۇنى بەيجيڭنەن بەرگەن حابارى)

جاۋاپتى رەداكتور: نۇربولات قابىل