ون مىڭ شاقىرىمدىق چاڭجياڭداعى تۇڭعىش توسپا

  چاڭجياڭ تاسقىنىن بويسۇندىرۋ جۇڭحۋا ۇلتىنىڭ مىڭداعان جىلداردان بەرگى ارمانى. جاڭا جۇڭگو قۇرىلعاننان كەيىن، 1953 - جىلى ماۋ زىدۇڭ چاڭجياڭدى تىزگىندەۋ مالىمەتىن تىڭداعان كەزدە كورەگەندىكپەن بىلاي دەپ اتاپ كورسەتتى: الدىمەن ءۇش قىساڭ قۇرىلىسىن سالىپ، وسى نەگىزگى اۋىزدى بوگەپ، ”ءبىر قيمىلمەن تۇتاس جەڭىسكە جەتۋ قاجەت“.

  گىجوۋبا ينجەنەرياسىنىڭ زەرتتەلۋى وتكەن عاسىردىڭ 50 - جىلدارىنىڭ سوڭىندا باستالعان. 1970 - جىلى 12 - ايدىڭ ورتا شەنىندە جوۋ ىنلاي جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ءماجىلىسىن باسقارىپ اشقاندا، گىجوۋبا سۋ يگىلىگى تورابى ينجەنەرياسىنا قاتىستى ماسەلەلەردى تالقىلايدى. وسىدان كەيىن، ماۋ زىدۇڭ بەكىتۋ جاساپ، وسى توسپانى سالۋدى ماقۇلدايدى. 12 - ايدىڭ 30 - كۇنى 80 مىڭ اسكەر، بۇقارا گىجوۋبا سۋ يگىلىگى تورابى ينجەنەرياسىن باستاۋ سالتىن وتكىزىپ، جۇڭحۋا ۇلتى ”بۇلت جاڭبىرى ۋشاننىڭ جۇگەندەلىپ، اينا كول تولماق شىڭدار قىساڭىنا“ دەيتىن الىپ جوباعا قاراي تۇڭعىش قادام تاستادى.

  سول كەزدەگى جاعدايعا ساي، گىجوۋبا ينجەنەرياسى قۇرىلىسىندا، ءبىر جاعىنان، بارلاۋ - ولشەۋ، ءبىر جاعىنان، جوبالاۋ، ءبىر جاعىنان، قۇرىلىس جۇرگىزۋ ءتاسىلى قولدانىلدى. ءتۇرلى سەبەپتەرگە بايلانىستى، 1972 - جىلدىڭ سوڭىندا، ينجەنەريانى توقتاتۋ ۇيعارىلادى. گىجوۋبا ينجەنەرياسىنىڭ جوباسىن وزگەرتۋ قىزمەتى نەگىزىنەن اياقتالعان سوڭ، 1974 - جىلدىڭ سوڭىندا، تۇلعالىق ينجەنەريا قايتادان جۇمىس باستايدى. 1988 - جىلدىڭ سوڭىندا، تۇتاس ينجەنەريا قۇرىلىسى اياقتايدى.

  گىجوۋبا ينجەنەرياسى ون مىڭ شاقىرىمدىق چاڭجياڭدا سالىنعان تۇڭعىش الىپ توسپا، ءۇش قىساڭ ينجەنەرياسىنىڭ قۇرامداس بولىگى. گىجوۋبا سۋ يگىلىگى تورابى ينجەنەرياسى كەمە توسپاسىنان، ەلەكتر ستانسياسى زاۆود ۇيىنەن، سۋ اعىتۋ توسپاسىنان، تۇنبا ىعىستىرۋ توسپاسىنان جانە سۋ توسۋ قۇرىلىسىنان قۇرالعان. 1 - ، 2 - ءنومىرلى ەكى كەمە توسپاسىنان 12 مىڭ توننادان 16 مىڭ تونناعا دەيىنگى اۋىرلىقتاعى كەمەلەر وتە الادى. 3 - ءنومىرلى كەمە توسپاسىنان 3000 توننادان تومەنگى جولاۋشى، جۇك كەمەسى وتە الادى. ەلەكتر ستانسياسى گەنەراتور اگراگانتتارىنىڭ جالپى سيىمدىلىعى 2 ميلليون 715 مىڭ كيلوۆات. سۋ توسپاسىنىڭ جالپى ۇزىندىعى 2595 مەتر، توسپانىڭ ەڭ بيىك جەرى 47 مەتر، سۋ قويماسىنىڭ سيىمىدىلىعى شامامەن ءبىر ميلليارد 580 ميلليون تەكشەمەتر.

  گىجوۋبا سۋ يگىلىگى تورابى ينجەنەرياسى ەلىمىزدىڭ سۋ ەلەكتر قۇرىلىسى تاريحىنداعى بەلەس. ول بەلگىلى دەڭگەيدەن العاندا چاڭجياڭ تاسقىنىن باسەڭدەتتى، ەلەكتر شىعارۋ، قىساڭ سۋ جولىن جاقسارتۋ قاتارلى رولعا يە، زور ەكونوميكالىق جانە قوعامدىق ونىمدىلىكتى ساۋلەلەندىردى. سونىمەن بىرگە، ول ەلىمىزدىڭ سۋ ەلەكتر قۇرىلىسىنىڭ عىلىم - تەحنيكالىق ورەسىن جوعارىلاتىپ، ءبىر توپ جوعارى ساپالى سۋ ەلەكتر قۇرىلىسى قوسىنىن باۋلىپ جانە شىڭداپ، ءۇش قىساڭ سۋ يگىلىگى تورابى ينجەنەرياسى قۇرىلىسى ءۇشىن قىمباتتى تاجىريبە توپتادى.

  (شينحۋا اگەنتتىگىنىڭ 10 - ايدىڭ 3 - كۇنى بەيجيڭنەن بەرگەن حابارى)

جاۋاپتى رەداكتور: نۇربولات قابىل
  • 1
  • 2
  • 3
  • 4