بەس جۇلدىزدى قىزىل تۋ بىرلەسكەن مەملەكەتتەر ۇيىمىندا جەلبىرەدى

  1971 - جىلى 10 - ايدىڭ 25 - كۇنى 26 - كەزەكتى بىرلەسكەن مەملەكەتتەر ۇيىمى جينالىسى جۇڭحۋا حالىق رەسپۋبليكاسىنىڭ بىرلەسكەن مەملەكەتتەر ۇيىمىنداعى زاڭدى ورنىن قالپىنا كەلتىرۋ جونىندەگى 2758 - ءنومىرلى قاۋلىنى ماقۇلدادى.

  جۇڭحۋا حالىق رەسپۋبليكاسى قۇرىلعان سول كۇننەن باستاپ بۇكىل جۇڭگو حالقىنا ۋاكىلدىك ەتەتىن بىردەن - ءبىر زاڭدى ۇكىمەت بولدى، جۇڭگونىڭ بىرلەسكەن مەملەكەتتەر ۇيىمىنداعى ورنىنان يگىلىكتەنۋى ابدەن ورىندى. الايدا، باستىسى، امەريكانىڭ كەدەرگى بولۋىمەن، جۇڭحۋا حالىق رەسپۋبليكاسىنىڭ بىرلەسكەن مەملەكەتتەر ۇيىمىنداعى ورنىن تايۋانداعى گومينداڭ بيلەۋشىلەرى يەلەپ كەلگەن بولاتىن.

  جۇڭگونىڭ بىرلەسكەن مەملەكەتتەر ۇيىمىنداعى ورنى ماسەلەسى توڭىرەگىندە جۇڭگو ۇكىمەتى مەن جۇڭگو حالقى ۇزاق ۋاقىت كۇرەس ورىستەتتى ءارى دۇنيە جۇزىندەگى بارعان سايىن كوپ مەملەكەتتەردىڭ قولداۋىنا يە بولدى.

  1971 - جىلى 9 - ايدا، 26 - كەزەكتى بىرلەسكەن مەملەكەتتەر ۇيىمى جينالىسى اشىلدى. جينالىستان بۇرىن، امەريكا جاپونيا سياقتى ەلدەرمەن بىرگە جۇڭگونىڭ ۋاكىلدىك ۇقىعى ماسەلەسى جونىندەگى ەكى ءتۇرلى ۇسىنىس جوبانى ورتاعا قويدى. ءبىرىنشى، ”ماڭىزدى ماسەلە“ ۇسىنىس جوباسى (”كەرى ماڭىزدى ماسەلە“ ۇسىنىس جوباسى دەپ تە اتالادى) ياعني ”جۇڭحۋا مينگو“نى بىرلەسكەن مەملەكەتتەر ۇيىمىنداعى ”ۋاكىلدىك ۇقىعى“نان ماقرۇم ەتەتىن ءارقانداي ۇسىنىس تۇگەلدەي ماڭىزدى ماسەلە؛ ەكىنشى، ”قوس ۋاكىلدىك ۇقىق“ ياعني جۇڭحۋا حالىق رەسپۋبليكاسىنىڭ ۋاكىل رەتىندە بىرلەسكەن مەملەكەتتەر ۇيىمىنا كىرۋىن قابىلداۋ، الايدا ”جۇڭحۋا مينگو“نىڭ ۋاكىلدىك ۇقىعىن ماقرۇم ەتپەۋ. امەريكا مەن جاپونيانىڭ ”ەكى جۇڭگو“ جاساۋ ارەكەتى جۇڭگو ۇكىمەتىنىڭ كۇشتى قارسىلىعىنا ۇشىرادى.

  10 - ايدىڭ 18 - كۇنىنەن باستاپ، بىرلەسكەن مەملەكەتتەر ۇيىمى جينالىسى جۇڭحۋا حالىق رەسپۋبليكاسىنىڭ بىرلەسكەن مەملەكەتتەر ۇيىمىنداعى ۋاكىلدىك ۇقىعىن قالپىنا كەلتىرۋ ماسەلەسى جونىندە ءبىر اپتا قيان - كەسكى ايتىستى. 10 - ايدىڭ 25 - كۇنى جينالىس جۇڭگونىڭ ۋاكىلدىك ۇقىق ماسەلەسىن داۋىسقا سالدى، ەڭ الدىمەن اتالمىش ”كەرى ماڭىزدى ماسەلە“ تۋراسىنداعى ۇسىنىس جوبانى تەرىستەدى. وسىدان كەيىن، جينالىس البانيا، الجيريا سياقتى ەلدەر تالاپ ەتكەن جۇڭحۋا حالىق رەسپۋبليكاسىنىڭ بىرلەسكەن مەملەكەتتەر ۇيىمىنداعى بارلىق زاڭدى ۇقىعىن قالپىنا كەلتىرۋ جانە جياڭ جيەشى توبىنىڭ ۋاكىلدەرىن بىرلەسكەن مەملەكەتتەر ۇيىمىنان جانە وعان قاراستى بارلىق قۇرىلىمداردان قۋىپ شىعۋ جونىندەگى بىرلەسكەن ۇسىنىس جوبانى داۋىسقا سالدى، بۇل ۇسىنىس جوبا باسىم كوپ داۋىسپەن ماقۇلداندى.

  11 - ايدىڭ 1 - كۇنى جۇڭحۋا حالىق رەسپۋبليكاسىنىڭ بەس جۇلدىزدى قىزىل تۋى ءبىرىنشى رەت بىرلەسكەن مەملەكەتتەر ۇيىمىندا جەلبىرەدى.

     (شينحۋا اگەنتتىگىنىڭ 10 - ايدىڭ 1 - كۇنى بەيجيڭنەن بەرگەن حابارى)

جاۋاپتى رەداكتور: نۇربولات قابىل
  • 1
  • 2
  • 3
  • 4