تيانشان الابىنا توڭىرەكتىڭ ءتورت بۇرىشىنان ساياحاتشىلار كەلدى

  كورىنىس وڭىرلەرى، كورىنىس تۇيىندەرى ءار الۋان قيمىلدارمەن مەملەكەت مەرەكەسىن قۇتتىقتادى

  تيانشان الابىنا توڭىرەكتىڭ ءتورت بۇرىشىنان ساياحاتشىلار كەلدى

  ءتىلشىمىز رىن جياڭ 10 - ايدىڭ 3 - كۇنى ۇرىمجىدەن حابارلايدى. كۇزگى جاڭبىر، سۋىق جەل توڭىرەكتىڭ ءتورت بۇرىشىنان كەلگەن ساياحاتشىلارعا بوگەت بولا العان جوق. مەملەكەت مەرەكەسى دەمالىسىنىڭ الدىڭعى 3 كۇنىندە شينجياڭداعى ءارقايسى ۇلكەن كورىنىس وڭىرلەرىندە، كورىنىس تۇيىندەرىندە ساياحاتشىلاردىڭ اياعى ۇزىلمەي، مەرەكەلىك ساياحات بازارى دۋمانعا بولەندى.

  جاڭا جۇڭگونىڭ 70 جىلدىق مەرەيتويىنا ماداق ايتۋ، وتان اناعا باقىت تىلەۋ مەملەكەت مەرەكەسى دەمالىسى كەزىندەگى ساياحاتشىلاردىڭ ورتاق ارمان - تىلەگىنە اينالدى، شينجياڭداعى ءارقايسى ۇلكەن كورىنىس وڭىرلەرى، كورىنىس تۇيىندەرى جاپپاي سان الۋان قيمىل ورىستەتىپ، مەملەكەت مەرەكەسىن قۇتتىقتادى.

  10 - ايدىڭ 1 - كۇنى تۇستەن بۇرىن تيانشان بوعدا كولى كورىنىس وڭىرىندەگى ساياحاتشىلاردى جيناۋ - تاراتۋ ورتالىعى قايشالىسقان جۇرتقا تولدى، بەلەت ساتۋ زالىنداعى LED ەلەكتروندىق ۇلكەن ەكراننان جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىنىڭ ناقتى جاعدايى كورسەتىلدى، ساياحاتشىلار ايالداپ ەكرانعا نازار سالدى، ەستەلىك سۋرەتكە ءتۇستى. بوعدا كولى بويىندا «مەن جانە مەنىڭ وتانىم» سياقتى اندەردىڭ ىرعاعىمەن ساياحاتشىلار كوڭىل تيەگىن اعىتىپ، ءان ايتىپ، بۇرالا بيگە باسىپ، ۇلى وتانعا بىرگە باقىت تىلەدى. سول كۇنى تيانشان بوعدا كولى كورىنىس رايونى 10 مىڭنان استام ساياحاتشى قابىلدادى.

  200دەن استام جەلبىرەگەن بەس جۇلدىزدى قىزىل تۋ مەملەكەت مەرەكەسىنىڭ دەمالىسى كەزىندە باعراش كولىنىڭ داحىكوۋ كورىنىس وڭىرىندەگى اسەم كورىنىس جەلىسىنە اينالدى. 10 - ايدىڭ 1 - كۇنى وسى كورىنىس وڭىرىندەگى كورنەكتى جەرگە 10 شارشى مەترگە تاياۋ LED ۇلكەن ەكرانى ورناتىلىپ، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ جينالىسىنىڭ جالپى بارىسى تولىق قويىلىپ، ساياحاتشىلاردىڭ كورۋىنە قولايلىلىق تۋدىردى. كورىنىس وڭىرىندەگى سۋ ۇستىندەگى كەمەجايعا ۇلكەن تۋعان كۇن بالكۇلشەسى قويىلىپتى، بۇل كورىنىس ءوڭىرىنىڭ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاپ ارنايى جاساعان بالكۇلشەسى، بۇكىل ەلدىڭ جەر - جەرىنەن كەلگەن ساياحاتشىلار «مەن جانە مەنىڭ وتانىم»دى بىرگە اسقاقتاتا شىرقاپ، الىپ تۋعان كۇن بالكۇلشەسىنەن بىرگە ءدام تاتتى، اسا دۋماندى رايعا بولەندى.

  10 - ايدىڭ 2 - كۇنى باعراش كولى داحىكوۋ كورىنىس وڭىرىنە كەلگەن ساياحاتشىلار سانى 10 مىڭ ادام - رەتتەن استى. كەيبىر ساياحاتشىلار موتورلى قايىقپەن كول بەتىندە ءجۇزدى، كەيبىرەۋى كول بويىنداعى سەيىل - سەرۋەن اۋماعىندا سەيىلدەپ دەمالدى، كەيبىرەۋى جاعاجايدا جاعاجاي ۆولەيبولىن ويناۋ، كۇنگە قىزدىرىنۋ، قۇم ويما جاساۋ سياقتى كوڭىل اشۋ قيمىلدارىن وتكىزدى، بارىنشا ەمىن - ەركىن بوي جازدى. شينجياڭ باعراش كولى ساياحات شەكتى سەرىكتەستىگىنىڭ باس ديرەكتورى جاڭ چيكاي مەملەكەت مەرەكەسى كەزىندە كورىنىس ءوڭىرىنىڭ قىزىل اندەر ايتۋ، اسكەري پاراتتى ەسكە ءتۇسىرۋ، بەيزاتتىق مادەني مۇرا ءان - بي كونسەرتى سياقتى ءتۇرلى قيمىلداردى وتكىزىپ، ساياحاتشىلارعا ساياحات تارتۋىن ۇسىناتىندىعىن تانىستىردى.

  اقسۋ دولان تايپاسى كورىنىس وڭىرىندە شينجياڭنىڭ ءىشى - سىرتىنان كەلگەن 3000نان استام ساياحاتشى بەتتەرىنە مەملەكەت تۋى جاپسىرماسىن جاپسىرىپ، مەملەكەت تۋى جالاۋشالارىن بۇلعاپ، 10 - ايدىڭ 1 - كۇنى وتكىزىلگەن سان الۋان قۇتتىقتاۋ قيمىلدارىنا قاتىناستى، كوپتەگەن ادام مەملەكەت تۋىمەن بىرگە سۋرەتكە ءتۇستى ءارى باقىت تىلەۋ قابىرعاسىنا وزدەرىنىڭ وتانعا دەگەن ىزگى تىلەگىن قالدىردى. مەملەكەت مەرەكەسى كەزىندە وسى كورىنىس ءوڭىرى تاعى اتەش تالاستىرۋ، قوشقار ءسۇزىستىرۋ سياقتى ۇلتتىق سالت - سانا قيمىلدارىن وتكىزەدى، ساياحاتشىلار دولاندىقتاردىڭ ءان - ءبي كونسەرتىن اقىسىز كورىپ، دولاننىڭ ۇلتتىق سالت - ساناسى، ۇيلەنۋ تويى سياقتىلارعا قاتىناسىپ ءلاززات الدى.

  تۇرپان قالاسى 10 - ايدىڭ 1 - كۇنى ساياحاتتىڭ جوعارى ورلەۋىن قارسى الدى. كارىز، جالىنتاۋ، يارعول بايىرعى قالاسى سياقتى كورىنىس وڭىرلەرى ساياحاتشىلارعا تولدى. جالىنتاۋ كورىنىس ءوڭىرى وتكىزگەن ”وتانعا باقىت تىلەۋ“ اتتى لەبىز قالدىرۋ قابىرعاسى قيمىلىنا سول كۇنى 5000نان استام ادام قاتىناستى.

  شينجياڭنىڭ كۇزگى كوركەم كورىنىستەرى كوپتەگەن ساياحاتشىنى باۋرادى. ”10 - ايدىڭ 1 - كۇنى تاڭەرتەڭ ساعات 8دەن اسا 500دەن استام ساياحاتشى كورىنىس وڭىرىنە كەلدى“. 10 - ايدىڭ 3 - كۇنى حوتان قالاسى دامو حۋياڭ ەكولوگيالىق كورىنىس ءوڭىرىنىڭ جاۋاپتىسى جوۋ يۇڭ مەملەكەت مەرەكەسىنىڭ 1 - كۇنىندە وسى كورىنىس ءوڭىرىنىڭ 8000 ساياحاتشىنى قابىلداعاندىعىن ايتتى.

جاۋاپتى رەداكتور: نۇربولات قابىل
  • 1
  • 2
  • 3
  • 4