پارتيا قۇرىلىسىنىڭ جاڭا ۇلى ينجەنەرياسىن دايەكتى تۇردە ىلگەرىلەتەيىك

  «ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالادى

  پارتيا قۇرىلىسىنىڭ جاڭا ۇلى ينجەنەرياسىن دايەكتى تۇردە ىلگەرىلەتەيىك

  شينحۋا اگەنتتىگىنىڭ 10 - ايدىڭ 2 - كۇنى بەيجيڭنەن بەرگەن حابارى. 10 - ايدىڭ 1 - كۇنى باسپادان شىققان «ىزدەنۋ» جۋرنالىنىڭ 19 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «پارتيا قۇرىلىسىنىڭ جاڭا ۇلى ينجەنەرياسىن دايەكتى تۇردە ىلگەرىلەتەيىك» اتتى ماڭىزدى ماقالاسى جاريالاندى.

  ماقالادا بىلاي دەپ باسا دارىپتەلدى: پارتيانىڭ باسشىلىعىن كۇشەيتۋ − جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ ءتۇبىرلى كەپىلى. جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ سىندى وسى ۇلى قوعامدىق توڭكەرىستى ويداعىداي جۇرگىزۋ ءۇشىن، پارتيامىز، ءسوز جوق، باتىلدىقپەن وزىنە توڭكەرىس جاساپ، پارتيانى اناعۇرلىم پارمەندى، قۋاتتى ەتىپ قۇرىپ شىعۋ كەرەك.

  باتىلدىقپەن وزىنە توڭكەرىس جاساپ، پارتيانى قاتاڭ باسقارۋ، پارتيانى قاتاڭ جونگە سالۋ − پارتيامىزدىڭ ەڭ ايقىن قاسيەتى، پارتيانى جاپپاي قاتاڭ جونگە سالۋ ماڭگى جالعاسا بەرەدى. جۇڭگو كوممۋنيستىك پارتياسى بولماسا، سوتسياليستىك جۇڭگو قايدان بولادى؟ جۇڭگوشا سوتسياليزم قايدان بولادى؟ جۇڭحۋا ۇلتىنىڭ ۇلى گۇلدەنۋى قايدان بولادى؟ ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ءبىر تۇتاس مەڭگەرۋدە شەشۋشى رول اتقاراتىنى − جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسى.

  جاڭا داۋىردە پارتيامىز، ءسوز جوق، پارتيانىڭ وزىنە توڭكەرىس جاساۋ ارقىلى پارتيانىڭ حالىققا باسشىلىق ەتىپ ۇلى قوعامدىق توڭكەرىس جۇرگىزۋىن ىلگەرىلەتىپ، پارتيانى قاشاندا ءداۋىردىڭ الدىڭعى لەگىندە جۇرەتىن، حالىق شىن جۇرەكتەن قولدايتىن، باتىلدىقپەن وزىنە توڭكەرىس جاسايتىن، ءار ءتۇرلى داۋىلدى تولقىنداردىڭ سىنىنان وتە الاتىن، جالىن جىگەرى قاۋلاعان ماركسيزمدىك بيلىك باسىنداعى پارتيا ەتىپ قۇرىپ شىعۋ كەرەك. بۇل پارتيامىزدىڭ حالىققا باسشىلىق ەتىپ ۇلى قوعامدىق توڭكەرىس جۇرگىزۋىنىڭ وبيەكتيۆتىك تالابى ءارى پارتيامىزدىڭ ماركسيزمدىك ساياسي پارتيا ساناتىنداعى قۇرىلىسى مەن دامۋىنىڭ ىشكى قاجەتى.

  ماقالادا بىلاي دەپ اتاپ كورسەتىلدى: جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋدىڭ جاپالى مىندەتى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ تاريحي بورىشى پارتيامىزعا بۇرىن بولماعان جاڭا سىن، جاڭا تالاپ قويدى، پارتيانىڭ العاباسارلىعىنا ىقپال جاسايتىن، پارتيانىڭ كىرشىكسىزدىگىن السىرەتەتىن ءار ءتۇرلى فاكتورلاردىڭ قاتەرى مەن ءبۇلدىرۋ سيپاتى وتە كۇشتى. بۇل جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىندا، ءارى قاينارىن جەتىلدىرىپ نەگىزىن بەكەمدەۋدى، ءارى ءورىس اشا ىلگەرىلەۋدى، ءارى شەشۋشى تۇيىندەردى يگەرۋدى، ءارى تۇلعالىق جاعداي قالىپتاستىرۋدى، اسىرەسە، ءۇزىلدى - كەسىلدى وزىنە توڭكەرىس جاساۋ رۋحىن ساۋلەلەندىرۋدى بەلگىلەگەن.

  ماقالادا بىلاي دەپ اتاپ كورسەتىلدى: پارتيامىز قاشاندا ءداۋىر اۆانگاردىنا، ۇلتتىڭ تىرەگىنە اينالۋ، قاشاندا ماركسيزمدىك بيلىك باسىنداعى پارتيا بولۋ ءۇشىن، ءسوز جوق، باستان - اياق شىڭدالۋ كەرەك. قايتكەندە شىڭدالۋعا بولادى، باتىلدىقپەن وزىنە توڭكەرىس جاساپ، باتىلدىقپەن پىشاقتىڭ ءدۇزىن ىشكە قاراتىپ، باتىلدىقپەن جانعا باتىرا جارانى ەمدەپ، باتىلدىقپەن قولما - قول شەشىم جاساپ، ىشتەن ىرۋدەن ساقتانۋ كەرەك. مىنە بۇل پارتيامىزدىڭ نە ءۇشىن ۇزدىكسىز وزىنە توڭكەرىس جاساۋىنىڭ ءتۇبىرلى ءمانى.

  ماقالادا بىلاي دەپ اتاپ كورسەتىلدى: پارتيامىزدى ويداعىداي قۇرىپ شىعۋ ءۇشىن، ءسوز جوق، ”شەشۋشى ازشىلىق“تى يگەرۋ كەرەك. ورتالىق كوميتەتتىڭ مۇشەلەرى جانە ولكە، مينيسترلىك دارەجەلى نەگىزگى باسشى كادرلار، ءسوز جوق، ستيلدە بەرىك، ساياسيدا قاتاڭ، جاۋاپكەرشىلىكتە تاباندى، قابىلەتكە جەتىك، ستيلدە شىمىر بولىپ، ”ۇشتە قاتاڭ، ۇشتە شىنايى بولۋ“دى بارلىق قىزمەت پەن تۇرمىسقا ساباقتاستىرىپ، ءبىر ءتۇرلى داعدى ەتىپ قالىپتاستىرىپ، ءبىر ءتۇرلى دەڭگەيگە اينالدىرۋ كەرەك.

جاۋاپتى رەداكتور: نۇربولات قابىل