تيان - انمىن الاڭىندا سالتاناتتى بىرىككەن ويىن - ساۋىق قيمىلى وتكىزىلدى

    جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتادى

    تيان - انمىن الاڭىندا سالتاناتتى بىرىككەن ويىن - ساۋىق قيمىلى وتكىزىلدى

    شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان ءار سالاداعى بۇقارامەن بىرگە مەملەكەت مەرەكەسى كەشىن قۋانىشپەن وتكىزدى

  10 - ايدىڭ 1 - كۇنى كەشتە جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ بىرىككەن ويىن - ساۋىق قيمىلى بەيجيڭ تيان - انمىن الاڭىندا سالتاناتپەن وتكىزىلدى. □ سۋرەتتى شينحۋا اگەنتتىگى تاراتقان (شىن جياپىڭ تۇسىرگەن)

  شينحۋا اگەنتتىگىنىڭ 10 - ايدىڭ 1 - كۇنى بەيجيڭنەن بەرگەن حابارى. زامانا بەينە جىر ىسپەتتى، جۇڭحۋا ۇلاندارى اسقاق سەزىمىن جىرلاپ تاۋىسا المايدى؛ بۇگىنگى ەستەن كەتپەس كەشتە ۇلى وتاننىڭ بولاشاعىنىڭ كوركەم بولۋىن تىلەدى. 10 - ايدىڭ 1 - كۇنى كەشتە جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ بىرىككەن ويىن - ساۋىق قيمىلى بەيجيڭ تيان - انمىن الاڭىندا سالتاناتپەن وتكىزىلدى. پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان تيان - انمىن مىنبەسىنە شىعىپ، ءار ۇلت، ءار سالا جۇرتشىلىعىمەن بىرگە مەملەكەت مەرەكەسى كەشىن قۋانىشپەن وتكىزدى.

  كۇزگى بەيجيڭدە ءتۇرلى - ءتۇستى شامدار جايناپ، گۇلدەي قۇلپىرىپ، بارلىق جەردەن مەرەكەنىڭ قۋانىشتى لەبى ەستى. تيان - انمىن الاڭىنان جينشۇي كوپىرىنىڭ وڭتۇستىك شەتىنە دەيىن، كولەمدى ”قىزىل لەنتا“ نەگىزگى تاقىرىپتىق كورىنىسى، ەرەكشە ساعىمدى 7 ”جارقىلداق اعاشى“، LED الىپ ەكرانى، قولدارىنا ”ساعىم ەكران“ ۇستاعان 3000نان استام ساۋىق كەشكە قاتىناسقان بۇقارا، سونداي - اق ءار ۇلت، ءار سالاداعى بۇقارا بىرىككەن ساۋىق قيمىلىنىڭ وزەكتى اۋماعىن اسەم تۇسكە بولەدى. بۇقارانىڭ 10 بىرىككەن ويىن - ساۋىق اۋماعى چاڭان داڭعىلىنىڭ بويىنا جايعاسقان، 10 مىڭداعان بۇقارا ءان سالىپ، ءبي بيلەپ، رەسپۋبليكاعا ماداق ايتىپ، جاڭا ءداۋىردى جىرلادى.

  ساعات 19دان 57 مينۋت وتكەندە، شي جينپيڭ قاتارلى باسشى جولداستار تيان - انمىن مىنبەسىندەگى ءتوراعالار مىنبەسىنە كەلىپ، الاڭداعى بۇقاراعا قول بۇلعاپ قۇرمەت ءبىلدىردى. بۇكىل الاڭداعىلار قىزۋ مەرەيمەن الاقايلادى.

  ساعات ءدال 20دا، ديانباۋ عيماراتىنان مامىرلاعان «شىعىس قىزاردى» مۋزيكاسى اۋەلەدى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، بەيجيڭ قالالىق پارتكومنىڭ شۋجيى ساي چي بىرىككەن ويىن - ساۋىق قيمىلىنىڭ باستالعاندىعىن جاريالادى. شىعىستا جيانگومىننان، باتىستا فۋشيڭمىننان باستاپ، 70 جارقىلداق دىڭگەك رەتىمەن كەڭىستىككە كوتەرىلىپ، تيان - انمىن الاڭىنا قاراي شوعىرلاندى. الاڭ اسپانىندا ”70“ بەينەسىندەگى جارقىلداق بۇكىل ەلدەگى ءار ۇلت حالقىنىڭ جاڭا جۇڭگونىڭ 70 جىلدىق مەرەيتويىنا دەگەن ىستىق ىقىلاستى قۇرمەتتى ماداعىن بەينەلەدى.

  بىرىككەن ويىن - ساۋىق قيمىلى نەگىزگى تاقىرىپتىق كونسەرت، وزەكتى بىرىككەن ويىن - ساۋىق كونسەرتى، بۇقارالىق بىرىككەن ويىن - ساۋىعى جانە جارقىلداق ويىنى سىندى 4 تاراۋدان قۇرالعان.

  بىرىككەن ويىن - ساۋىق قيمىلىنىڭ بەتاشارى ”قىزىل تۋدى جىرلايمىز“بەن اشىلدى. ايبىندى قۇرمەت زەڭبىرەك ءۇنى مەن ەرشىمدى سيمفونيا اۋەنى ىشىندە، 3000نان استام ارتيست ءبىر جەرگە جينالىپ، الىپ بەس جۇلدىزدى قىزىل تۋدىڭ ورنەگىن قۇرادى. كوك اسپان، اقشا بۇلت استىندا، قارلى تاۋ باسىندا ازاتتىق ارميا جاۋىنگەرى مەملەكەت تۋىن قورعاۋدا؛ كوكپەڭبەك تەڭىزدە، ارال - مارجاندا جاس ءوسپىرىم مەملەكەت تۋىنا سالەم بەرىپ تۇر؛ جۇلدىزدار سامسىعان اسپاندا ”شىنجوۋ“ عارىش كەمەسىندە مەملەكەت تۋىنىڭ ورنەگى ايشىقتالدى... «وتاندى جىرلايمىز» ءان اۋەنىمەن ۇزىندىعى 90 مەتر، كەڭدىگى 60 مەتر الىپ مەملەكەت تۋى الاڭ اسپانىنا باياۋ كوتەرىلدى. بەس جۇلدىزدى قىزىل تۋ، سەن مەنىڭ ماقتانىشىمسىڭ؛ بەس جۇلدىزدى قىزىل تۋ، مەن سەنىمەن ماقتانامىن. 3000نان استام ارتيست قولدارىنداعى جارقىلداقپەن ”وتان جاساسىن“ دەگەن جازۋدى قۇراعان كەزدە، ءار ۇلت بۇقاراسى تيان - انمىن الاڭىنىڭ ورتاسىنا قاراي اعىلدى، بۇكىل الاڭ دۋمانعا شومىپ، ”وتان جاساسىن“ دەپ الاقايلادى.

  ”ءبىز جولدامىز“ اتتى 1 - تاراۋدا، جاڭا جۇڭگونىڭ 70 جىلداعى كۇرەس جىرى شىرقالىپ، ەڭسە كوتەرگەن جۇڭگو حالقىنىڭ رۋحاني بەينەسى ايگىلەندى. بارابان ءۇنى كوتەرىلىپ، ءبي بيلەنىپ، قىزىل گۇلدى لەنتالاردان ۇلكەن جۇڭگو تۇيىنشەگى جاسالىپ، جۇرت پارتيانى، وتاندى ءسۇيۋ جۇرەك ءۇنىن ەڭ دۋماندى تاسىلمەن بەينەلەدى. موڭعۇلدىڭ «ماداق جىرى»، زاڭزۋدىڭ «تاۋ ءانىن پارتياعا ارنايمىنى»، «بەيجيڭنىڭ جينشان تاۋىندا»سى، ۇيعۇردىڭ «جاستىق ءبيى»، چاۋشياننىڭ «قىزىل كۇن شەكارا ءوڭىردى نۇرلاندىردى»سى، جۋاڭزۋدىڭ «تەك تاۋ ءانىن جان اشىرىما ارنايمىنى»، حۇيزۋدىڭ «حۋا - ىر جانە جاس ءوسپىرىمى»... ءار ۇلت بۇقاراسى ءان شىرقاپ، ءبي بيلەپ، بىرگە شاتتانىپ، قۋانىشقا شومدى. «جاستار دوستىعى ۆاليسى»نىڭ ىرعاعىمەن الاڭنىڭ كەشكى اسپانى شامداردىڭ كۇمىس ساۋلەسىنە بولەنىپ، كوزدىڭ جاۋىن الدى. قارلى تاۋلاردان قۇبا تۇزدەرگە، كەڭ - بايتاق دالادان كوگىلدىر تەڭىزگە دەيىن، حالىق رەسپۋبليكاسىنىڭ قۇرىلىسشى قوسىندارى وتان ەڭ قاجەت ەتكەن جەرلەرگە اتتاندى.

  ”ءۇمىت دالاسى“ندا اتتى 2 - تاراۋدا، رەفورما جاساۋ مەن ەسىك اشۋدىڭ جۇڭحۋانىڭ ۇلان - بايتاق دالاسىنا كوكتەم جاڭبىرىنداي ءنار بەرگەندىگى سيمۆول ەتىلدى. الدىڭعى عاسىردىڭ 50 - جىلدارىنداعى «مەنىڭ وتانىم»، 60 - جىلدارىنداعى «گۇلدەر كۇنگە ىنتىعادى»، 70 - جىلدارىنداعى «جۇڭگو، جۇڭگو، جايناعان قىزىل كۇن ماڭگى باتپايدى» دان... جاڭا عاسىرداعى «شۇعىلا شاشقان جولدا»عا دەيىن، جاڭا جۇڭگو قۇرىلعاننان كەيىنگى ءار مەزگىلدەگى كلاسسيكالىق اندەرگە ىلەسە، بىرىككەن ويىن - ساۋىق قيمىلىنا قاتىناسقان بۇقارا ءان شىرقاپ، ءبي بيلەپ، حالىقتىق مادەنيەت پەن سالت - سانالىق كوركەمونەردى ەمىن - ەركىن كورسەتتى. «بەيجيڭنەن شەكارا قىستاققا قۋانىشتى حابار جەتتى»نىڭ ىرعاعىمەن اسپانعا جارقىلداق كوتەرىلىپ، تارامدالعان ساۋلەسى كوزدىڭ جاۋىن الدى. ءۇمىت دالاسىندا ءبىز قوس قولىمىزبەن كوركەم مەكەن قۇردىق. ەسكەك جەلمەن قالقىعان بۇلت كوكتەم جاڭبىرىنا اينالىپ، قۇنارلى دالاعا سەبىلىپ، ءۇمىت مايساسىنىڭ توپىراقتان كوكتەپ شىعىپ، بۇرشىك جارىپ، جاپىراق جايىپ، ءزاۋلىم اعاشقا اينالىپ، مول جەمىس بەرگەندىگىنە سيمۆول ەتىلەدى. ”جارقىلداق اعاش“تان سابيلىك جۇرەك پەن سابيلىك ىنتاعا تولعان ”باقىت مەكەنى“نىڭ قوزعالىستاعى ورنەگى ايشىقتالدى.

  ”جاڭا داۋىرگە باستاۋ“ اتتى 3 - تاراۋدا، جاڭا داۋىردەگى جۇڭگو حالقىنىڭ الاۋلاعان ارمانى ايگىلەنىپ، ءار ۇلت حالقىنىڭ جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا ارمانعا قۇلاش سەرمەگەن رۋحاني كەلبەتى كورسەتىلدى. الۋان ءتۇستى زىرىلداۋىق، شىر اينالعان جارىق دوڭگەلەك، جالىندى ءبي، ارىندى زىمىراۋ، جاڭا دۇنيەدەگى، سونى ورىستەگى، جاڭا داۋىردەگى باقىتتى شاقتاردى بەينەلەگەن كورىنىستە بىرىككەن ويىن - ساۋىققا قاتىناسقان جۇرتشىلىق بىرگە ءان شىرقاپ، بىرگە بيگە باستى. مۋزيكالى جارقىلداق «جاڭا ءداۋىر ۆاليسى»ندە ايبىندى كورىنىستەر جاڭا ءداۋىردىڭ ارىنى مەن داڭقىن كورسەتتى. جايقالا اشىلعان گۇل قاۋاشاعىنان جۇڭگو ارمانىنا دەگەن تاماشا تىلەك ايگىلەنەدى، گۇل جاپىراقشاسىنان جاڭا ءداۋىردىڭ تىنىس تىرشىلىگى تاسقىندادى، سان الۋان گۇل جاپىراقشاسى لىپىل قاعىپ اق كەپتەرلەرگە اينالدى.

  كەپتەرلەردىڭ ۇشقان جولىنان جەر شارى پىشىندەس سەنترلەس شەڭبەرلەر جارىققا شىعىپ، بويلىق، ەندىك سىزىقتار ايقاسىپ، ”ءبىر بەلدەۋ، ءبىر جول“دىڭ بەلگىسىنىڭ ءپىشىنىن قالىپتاستىردى.

  سەنترلەس شەڭبەر ۇلكەن ءبىر جايدارى جۇزگە وزگەردى، ىلە - شالا 3000نان استام جايدارى جۇزگە اينالىپ، ”جاڭا ءداۋىر“ دەگەن الىپ ورنەكتى قۇرادى. ارتيستەر قولدارىنداعى جارقىلداقتى تۇتاتىپ، ”جاڭا ءداۋىر“ دەگەن جازۋدى نۇرلى دا كورىكتى ەتىپ بەدەرلەدى. ”جارقىلداق اعاش“تان مولشىلىق پەن گۇلدەنۋدىڭ، يگىلىك پەن جاقسىلىقتىڭ سيمۆولى بولعان ”مۋداننىڭ شەشەك اتۋى“ اتتى قوزعالىستاعى ورنەك كورىندى. بىرىككەن ويىن - ساۋىققا قاتىناسقان جۇرتشىلىق وسى تاماشا كورىنىستەرگە قوسىلىپ، جان دۇنيەسىنەن شىققان ءان اۋەندەرى ارقىلى «اۋەلگى ماقساتتى ۇمىتپاۋ»دىڭ جۇرەك سيمفونياسىن قۇرادى. ءار ۇلت باۋىرلاستار، ءار سالا جۇرتشىلىعى كۋايشان فورماسىمەن «مەن جانە مەنىڭ وتانىم» ءان اۋەنى ىشىندە وتانعا ماحابباتتارىن، اناعۇرلىم تاماشا بولاشاققا تالپىنىستارىن بەينەلەدى. «بىرگە شاتتانىپ، بىرگە تىلەك تىلەيىك» ءانىنىڭ سۇيەمەلدەۋىمەن جۇرت اندەتە بيگە باسىپ، جاڭا جۇڭگونىڭ تۋعان كۇنىن بىرگە قۇتتىقتادى.

  ”بەس جۇلدىزدى قىزىل تۋ جەلبىرەپ، شارىقتاعان جەڭىستى اسقاق ءان ... “

  بۇگىن كەشتە ءان مەن كۇيلەر تۇگەلدەي وتاندى جىرلاۋدى شوعىرلى بەينەلەدى؛ بۇگىن كەشتە، اسقار تاۋلار مەن اساۋ وزەندەر حالىق جاساسىن دەگەن ءبىر ءۇندى جاڭعىرتتى.

  شي جينپيڭ قاتارلى باسشى جولداستار الاڭداعى جۇرتشىلىقپەن بىرگە ”وتاندى جىرلايمىز“ ءانىن اسقاقتاتا شىرقادى. ”جارقىلداق اعاش“تان ”كوركەيە ءتۇسۋ“ دەگەن ماندەگى تاۋىستىڭ ورنەگى كورىندى، تيان - انمىن الاڭى كەڭىستىگىندە سانسىز گۇلدەر اشىلدى. وسى ساتتە، بىرىككەن ويىن - ساۋىق قيمىلىنىڭ دۋمانى شارىقتاۋ شەگىنە شىقتى.

  ساعات 21دەن 30 مينۋت وتكەن مولشەردە، بىرىككەن ويىن - ساۋىق قيمىلى تابىسپەن اياقتادى. الاڭداعى ايرىقشا تەبىرەنگەن جۇرت قۋانىشى مەن تەبىرەنىسىن باسا الماي، قايتقىلارى كەلمەي كوپ ايالدادى ...

  بىرىككەن ويىن - ساۋىق قيمىلىنا قاتىناسقانداردان تاعى مىنالار بار: ديڭ شۋەشياڭ، ۋاڭ چىن، ليۋ حى، شۇي چيلياڭ، سۇن چۇنلان، لي شي، لي چياڭ، لي حۇڭجۇڭ، ياڭ جيەچى، ياڭ شياۋدۋ، جاڭ يوۋشيا، چىن شي، چىن چۋانگو، چىن مين - ىر، حۋ چۇنحۋا، گو شىڭكۇن، حۋاڭ كۇنميڭ، لي رۇيحۋان، جيا چيڭلين، جاڭ دىجياڭ، يۇي جىڭشىڭ، سۇڭ پيڭ، زىڭ چيڭحۇڭ، ۋ گۋانجىڭ، لي چاڭچۇن، حى گوچياڭ، ليۋ يۇنشان، جاڭ گاۋلي، يوۋ چۋان، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، چىن جۋ، ۋاڭ دۇڭميڭ، بايماچىلين، ديڭ جۇڭلي، حاۋ ميڭجين، ساي دافىڭ، ۋ ۋيحۋا، ۋي فىڭحى، ۋاڭ يۇڭ، ۋاڭ ي، شياۋ جيە، جاۋ كىجى، جوۋ چياڭ، جاڭ جۇن، جاڭ چيڭلي، ليۋ چيباۋ، ۋان گاڭ، حى حوۋحۋا، لۋ جانگۇڭ، ۋاڭ جىڭۋي، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، ياڭ چۋانتاڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋي، شاۋ حۇڭ، گاۋ يۇنلۇڭ جانە جياڭ چۇنيۇن، ۋاڭ لىچۋان، ۋاڭ جاۋگو، حۇي لياڭيۇي، ليۋ چي، ۋاڭ گاڭ، ليۋ ياندۇڭ، لي يۋانچاۋ، ما كاي، لي جيانگو، فان چاڭلۇڭ، مىڭ جيانجۋ، گو جينلۇڭ، ۋاڭ حانبين، حى يۇڭ، دۋ چيڭلين، جاۋ حۇڭجۋ، پىڭ پەييۇن، جياڭ جىڭحۋا، گۋ شيۋليان، ويۇنچيميك، حۋا جيانمين، چىن جىلي، سىمايىل تىلەۋالدى، ۋاڭ شىڭجۇن، چىن چاڭجى، جاڭ پيڭ، شياڭباپيڭسو، جاڭ باۋۋىن، لياڭ گۋاڭليە، چاڭ ۋانچۋان، جيا چۇنۋاڭ، ۋاڭ جۇڭيۇي، لي مىڭ، باي ليچىن، ابلەت ابدىرەشيت، لي جاۋجو، حۋاڭ مىڭفۋ، جاڭ مەييىڭ، جاڭ رۇڭميڭ، لي جينحۋا، جىڭ ۋانتۇڭ، ۋاڭ جىجىن، حان چيدى، لو فۋحى، لي حايفىڭ، چىن يۋان، ۋاڭ جيارۇي، چي شۇيچۇن، ما پەيحۋا، ليۋ شياۋفىڭ، سونداي - اق لي زوچىڭ، مياۋ حۋا، جاڭ شىڭميڭ جانە فۋ چۋانيوۋ، يۇي يۇڭبو، چىن بيڭدى، لي جي - ناي، چياۋ چيڭچىن، جيڭ جىيۋان، جاۋ كىشى، ۋ شىڭلي، ما شياۋتيان، اۋمىن ەرەكشە اكىمشىلىك رايونىنىڭ اكىمى سۇي شى - ان، اكىمدىككە تاعايىندالاتىن كانديداتى حى يچىڭ.

  بەيجيڭدەگى ورتالىقتىڭ پارتيا، ۇكىمەت، ارميا، بۇقارالىق ورىندارىنىڭ ءارقايسى تاراۋلارىنىڭ جاۋاپتىلارى، ساقا جولداستاردىڭ ۋاكىلدەرى، بەيجيڭدەگى ورتالىق كوميتەت مۇشەلەرى، ورتالىق كوميتەت كانديدات مۇشەلەرى، پارتيا 19 - قۇرىلتايىنىڭ ۋاكىلدەرى، ورتالىق ءتارتىپ تەكسەرۋ كوميتەتىنىڭ مۇشەلەرى، مەملەكەتتىك باقىلاۋ - تەكسەرۋ كوميتەتىنىڭ مۇشەلەرى، مەملەكەتتىك حالىق قۇرىلتايىنىڭ ۋاكىلدەرى، مەملەكەتتىك ساياسي كەڭەستىڭ مۇشەلەرى، شياڭگاڭ ەرەكشە اكىمشىلىك رايونىنىڭ، اۋمىن ەرەكشە اكىمشىلىك رايونىنىڭ مەملەكەتتىك حالىق قۇرىلتاي ۋاكىلدەرى جانە مەملەكەتتىك ساياسي كەڭەس مۇشەلەرى، شياڭگاڭدىق، اۋمىندىق، تايۋاندىق باۋىرلاستاردىڭ، شەتەلدەگى چياۋمين باۋىرلاستاردىڭ ۋاكىلدەرى، ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ بەيجيڭدەگى مۇشەلەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جانە پارتيادا، توپتا جوق قايراتكەرلەردىڭ ۋاكىلدەرى، بەيجيڭ قالاسىنداعى قاتىستى جاۋاپتى جولداستار، مەملەكەت وردەنىنىڭ جانە مەملەكەت داڭق اتاعىنىڭ، ”1 - تامىز وردەنى“نىڭ يەگەرلەرى، مەملەكەتتىك وزاتتار مەن ۇلگىلەردىڭ ۋاكىلدەرى، بانچان ەردەني چۋەجيجيەبۋⅪ، بۇكىل مەملەكەتتىك ءدىني ۇيىمداردىڭ نەگىزگى جاۋاپتىلارى، مەملەكەتتىك ۇلتتار ىنتىماعى، العاباسارلىعى جونىندەگى ماداقتاۋ - سيلاۋ جينالىسىنا قاتىناسقان ۋاكىلدەر، مەملەكەتتىك از ۇلتتار ەكسكۋرسيا ۇيىرمەسىنىڭ مۇشەلەرى، بەيجيڭدەگى جۇڭگو عىلىم اكادەمياسىنىڭ اكادەميكتەرى جانە جۇڭگو ينجەنەريا اكادەمياسىنىڭ اكادەميكتەرى، شەتەلدە وقىپ وتانعا ورالعان تاڭداۋلى دارىندىلاردىڭ ۋاكىلدەرى، قايتىس بولعان ءبىر ءبولىم قارت كادرلاردىڭ جۇبايلارى، مەملەكەت بويىنشا ءتۇيىندى تۇردە قامقورلىق جاسالاتىن وبيەكتىلەر، استاناداعى ءار سالا ۋاكىلدەرى، جاي بۇقارا ۋاكىلدەرى، ت.ب بىرىككەن ويىن - ساۋىق قيمىلىنا قاتىناستى.

  بەيجيڭدەگى ماڭىزدى شەتەلدىك قوناقتار، ءار ەلدىڭ جۇڭگودا تۇراتىن ەلشىلەرى، شەتەلدىك ماماندار دا ۇسىنىسپەن بىرىككەن ويىن - ساۋىق قيمىلىنا قاتىناستى.

جاۋاپتى رەداكتور: نۇربولات قابىل