جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ قوناعاسىندا سويلەنگەن ءسوز

  جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ قوناعاسىندا سويلەنگەن ءسوز

    (2019 - جىلى 9 - ايدىڭ 30 - كۇنى)

  شي جينپيڭ

  حانىمدار، مىرزالار،

  جولداستار، دوستار:

  كۇزدىڭ سالقىن سامالى ەسكەن وسى تاماشا مەزگىلدە، ءبىز جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قارسى الىپ وتىرمىز. وسى ۋاقىتتا، وسى ساتتە، بۇكىل ەلدەگى ءار ۇلت حالقىنىڭ، ەل ءىشى - سىرتىنداعى جۇڭحۋا ۇلاندارىنىڭ بارلىعى ءبىزدىڭ ۇلى حالىق رەسپۋبليكامىزدىڭ 70 جىلدىق مەرەيتويىن قۇتتىقتادى، وتانىمىزدىڭ تاريحي داستان ىسپەتتى العا باسۋىن القادى.

  70 جىلدان بەرى، جۇڭگو كوممۋنيستىك پارتياسىنىڭ پارمەندى باسشىلىعىندا، جۇڭگو حالقى باتىل ىزدەنىس جاساپ، ۇزدىكسىز امالياتتا ايگىلەپ، جۇڭگوشا سوتسياليزم جولىن ءساتتى اشىپ، جۇڭگوشا سوتسياليزمنىڭ جاڭا داۋىرگە ءوتۋىن ىلگەرىلەتتى، جۇڭگو ارشىندى قاداممەن داۋىرگە ىلەستى، جۇڭگو حالقىنىڭ جىگەر قايراتى تاسقىنداپ، ءداۋىردىڭ الدىڭعى لەگىندە ءجۇردى!

  70 جىلدان بەرى، جۇڭگو حالقى كوركەيۋ جولىندا قۇلشىنىپ، قاجىرلىلىقپەن شارۋاشىلىق قۇرىپ، ”تاڭدانار ەد دۇنيەنىڭ عاجابىنا“ سىندى دامۋ جەتىستىگىن جاراتتى، نەشە مىڭ جىلدان بەرى جۇڭحۋا ۇلتىن مازالاپ كەلگەن مۇلدە كەدەيلىك ماسەلەسىنە جۋىق ارادا تاريحي سيپاتتى نۇكتە قويىلىپ، ادامزاتتىڭ دامۋ تاريحىنداعى ۇلى كەرەمەتتى جاراتپاق!

  70 جىلدان بەرى، جۇڭگو حالقى دەربەس، ءوز - وزىنە قوجايىن بولۋ سىندى بەيبىت ديپلوماتيالىق ساياساتتى بۇلجىتپاي اتقارىپ، بەيبىت دامۋ جولىنان جازباي، بەيبىت قاتار تۇرۋدىڭ 5 پرينسيبى نەگىزىندە ءارقايسى ەلمەن دوستىق سەلبەستىكتى دامىتۋدان جازباي، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ ءۇشىن، ادامزاتتىڭ بەيبىتشىلىك جانە دامۋ سىندى وسكەلەڭ ءىستى ىلگەرىلەتۋ ءۇشىن كەلەلى ۇلەس قوستى!

  70 جىل ادامزات تاريحىنىڭ سالقار كوشىندە قاس قاعىم ساتتەي بولعانىمەن، الايدا جۇڭگو حالقى جانە جۇڭحۋا ۇلتى جونىنەن العاندا، بۇل وراسان وزگەرىستى باستان كەشكەن، دۇنيەگە وزگەرىس اكەلگەن 70 جىل. جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى، ۇلى گۇلدەنۋدى جۇزەگە اسىرۋدىڭ نۇرلى بولاشاعىن قارسى الدى. بۇل ءۇشىن، ءاربىر جۇڭحۋا ۇلانى شەكسىز ماقتانىش ەتەدى!

  بۇل ارادا، مەن پارتيا ورتالىق كوميتەتى، مەملەكەتتىك كەڭەس اتىنان، بۇكىل ەلدەگى ءار ۇلت حالقىنا، بارلىق كوممۋنيستىك پارتيا مۇشەلەرىنە، جۇڭگو حالىق ازاتتىق ارمياسىنىڭ كوماندير - جاۋىنگەرلەرىنە جانە قارۋلى ساقشى قوسىنىنىڭ وفيتسەر - اسكەرلەرىنە، ءارقايسى دەموكراتيالىق پارتيا - توپتارعا جانە پارتيادا، توپتا جوق قايراتكەرلەرگە وسكەلەڭ قۇرمەت بىلدىرەمىن! شياڭگاڭ ەرەكشە اكىمشىلىك رايونىنداعى باۋىرلاستارعا، اۋمىن ەرەكشە اكىمشىلىك رايونىنداعى باۋىرلاستارعا، تايۋاندىق باۋىرلاستارعا جانە شەتەلدەگى قالىڭ چياۋمين باۋىرلاستارعا ىقىلاستى سالەم جولدايمىن! جاڭا جۇڭگونىڭ قۇرىلىس ىستەرىنە قولداۋ كورسەتكەن جانە كومەكتەسكەن دوس مەملەكەتتەرگە، سونداي - اق حالىقاراداعى دوستارعا شىن جۇرەكتەن العىس ايتامىن!

  جولداستار، دوستار!

  ىنتىماق − تەمىر، ىنتىماق − بولات، ىنتىماق − كۇش. ىنتىماق جۇڭگو حالقى مەن جۇڭحۋا ۇلتىنىڭ العا باسۋ جولىنداعى بارلىق قاتەرلەر مەن سىن - سايىستاردى جەڭىپ شىعۋىنىڭ، جەڭىستەن جاڭا جەڭىسكە ۇزدىكسىز جەتۋىنىڭ ماڭىزدى كەپىلى.

  جاڭا جورىقتا، ءبىز ىنتىماق تۋىن بيىك ۇستاپ، پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، بۇكىل ەلدەگى ءار ۇلت حالقىنىڭ ۇلى ىنتىماعىن بەكەمدەپ، ەل ءىشى - سىرتىنداعى جۇڭحۋا ۇلاندارىنىڭ ۇلى ىنتىماعىن كۇشەيتىپ، ءارقايسى پارتيا - توپتاردىڭ، ءارقايسى ۇيىمداردىڭ، ءار ۇلتتىڭ، ءارقايسى جىكتەردىڭ، سونداي - اق ءار جاقتىڭ ۇلى ىنتىماعىن نىعايتىپ، پارتيانىڭ حالىق بۇقاراسىمەن ەتەنە بايلانىسىن ساقتاپ، وتانشىلدىق رۋحتى بارىنشا اسقاقتاتىپ، العان بەتىنەن قايتپاي العا تارتاتىن كۇش ۇيىستىرىپ، جۇڭحۋا ۇلتىنىڭ ۇلى گۇلدەنۋ كەمەسىنىڭ تولقىن جارا العا ۇمتىلۋىن، جەلكەن جايا ۇزاققا تارتۋىن ىلگەرىلەتۋىمىز كەرەك.

  جولداستار، دوستار!

  ءبىز ”ءبىر ەل، ەكى ءتۇزىم“، ”شياڭگاڭدى شياڭگاڭدىقتار باسقارۋ“، ”اۋمىندى اۋمىندىقتار باسقارۋ“، وسكەلەڭ اۆتونوميا باعىتىن ۇزدىكسىز جاپپاي دۇرىس دايەكتىلەندىرۋىمىز، قاتاڭ تۇردە نەگىزگى زاڭ جانە ءتۇبىرلى زاڭ بويىنشا ءىس ىستەۋىمىز كەرەك. ءبىز مىناعان سەنەمىز، وتاننىڭ بار كۇشپەن قولداپ - قۋاتتاۋى بولعاندىقتان دا، وتاندى قىزۋ سۇيەتىن، شياڭگاڭدى قىزۋ سۇيەتىن، اۋمىندى قىزۋ سۇيەتىن قالىڭ باۋىرلاستاردىڭ ورتاق قۇلشىنىسى بولعاندىقتان دا، شياڭگاڭ، اۋمىن، ءسوز جوق، وتاننىڭ ىشكى وڭىرلەرىمەن بىرگە دامىپ، بىرگە العا باسادى، ەرتەڭى، ءسوز جوق، ءتىپتى دە تاماشا بولادى!

  ءبىز ءبىر جۇڭگو پرينسيبىنە جانە ”92 - جىلعى ورتاق تانىم“عا تاباندى بولىپ، ەكى جاعالاۋ قارىم - قاتىناسىنىڭ بەيبىت دامۋىن ىلگەرىلەتىپ، ەكى جاعالاۋدىڭ ەكونوميكا، مادەنيەت اۋىس - كۇيىسىن، سەلبەستىگىن تەرەڭدەتىپ، ەكى جاعالاۋداعى باۋىرلاستارعا باقىت جاراتۋىمىز كەرەك. وتاننىڭ بۇكىلدەي بىرلىككە كەلۋىن جۇزەگە اسىرۋ − زامانا اۋقىمى، ۇلى ادىلەت تياناعى، حالىق قالاۋى، ونى ەشقانداي ادام، ەشقانداي كۇش بوگەي المايدى!

  ءبىز بەيبىتشىلىك، دامۋ، سەلبەسۋ، تەڭ يگىلىككە كەنەلۋ تۋىن بيىك ۇستاپ، بەيبىت دامۋ جولىمەن بۇلجىماي ءجۇرىپ، سىرتقا ەسىك اشۋدان جازباي، دۇنيە جۇزىندەگى ءار ەل حالقىمەن بىرگە ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، بەيبىتشىلىك پەن دامۋ شۇعىلاسىنىڭ بۇكىل دۇنيە ءجۇزىن نۇرلاندىرۋىنا مۇمكىندىك جاساۋىمىز كەرەك.

  جولداستار، دوستار!

  جۇڭگو حالقى − ۇلى حالىق، جۇڭحۋا ۇلتى − ۇلى ۇلت، جۇڭحۋا وركەنيەتى − ۇلى وركەنيەت. تاريح بولاشاقتى نۇرلاندىرادى، ساپار جولى ءالى اياقتاعان جوق. ءبىز مىناعان كامىل سەنەمىز، 5000 جىلدان استام وركەنيەت تاريحى بار، جاڭا جۇڭگونىڭ 70 جىلدىق ۇلى جەتىستىگىن جاراتقان جۇڭگو حالقى مەن جۇڭحۋا ۇلتى ”قوس 100 جىلدىق“ كۇرەس نىساناسىن جۇزەگە اسىرۋدىڭ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ تىڭ جورىعىندا، ءسوز جوق، اناعۇرلىم جاڭا، اناعۇرلىم كوركەم ءداۋىر پاراعىن جازىپ شىعا الادى.

  قازىر، مەن مىنانى ۇسىنىس ەتەمىن:

  جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى ءۇشىن،

  جۇڭگونىڭ گۇلدەنىپ - كوركەيۋى، بايىپ - قۇدىرەتتەنۋى جانە بۇكىل ەلدەگى ءار ۇلت حالقىنىڭ باقىتى، ەسەن - اماندىعى ءۇشىن،

  جۇڭگو حالقىنىڭ دۇنيە جۇزىندەگى ءار ەل حالقىمەن دوستىعى جانە سەلبەستىگى ءۇشىن،

  وسىندا وتىرعان ءاربىر قوناقتىڭ، ءاربىر جولداستىڭ، ءاربىر دوستىڭ سالاماتتىعى ءۇشىن،

  توست كوتەرەيىك!

  (شينحۋا اگەنتتىگىنىڭ 9 - ايدىڭ 30 - كۇنى بەيجيڭنەن بەرگەن حابارى)

جاۋاپتى رەداكتور: نۇربولات قابىل