دۇنيە جولى − كوك تەڭىزدەر ەگىنجايعا وزگەرمەك

حالىق گازەتىندە ”جارناما“ اتتى اۆتورلى ماقالا جاريالاندى

دۇنيە جولى − كوك تەڭىزدەر ەگىنجايعا وزگەرمەك

  شينحۋا اگەنتتىگىنىڭ 9 - ايدىڭ 26 - كۇنى بەيجيڭنەن بەرگەن حابارى. 9 - ايدىڭ 27 - كۇنى باسپادان شىققان حالىق گازەتىندە ”جارناما“ اتتى اۆتورلى ماقالا − «دۇنيە جولى − كوك تەڭىزدەر ەگىنجايعا وزگەرمەك» جاريالاندى.

  ماقالادا بىلاي دەلىندى: باس شۋجي شي جينپيڭ بىلاي دەپ اتاپ كورسەتتى: قوعامدىق توڭكەرىستىڭ ەڭ سوڭىندا جەڭىسكە جەتۋىنە قاشاندا ۇزاق تاريحي بارىس قاجەت، جۇڭگوشا سوتسياليزمگە، ءسوز جوق، باستان - اياق دايەكتى تاباندى بولۋ جانە ونى دامىتۋ كەرەك. 70 جىل ۋاقىتتى باستان كەشىرىپ، 70 جىل كۇرەس جۇرگىزدىك، دۇنيە جولى تاريحتىڭ كەڭىستىگىندە بارعان سايىن جارقىراپ، دۇنيە ءىسىنىڭ سان وزگەرىسى بارىسىندا اناعۇرلىم بەكەمدەلە ءتۇستى.

  ماقالادا بىلاي دەپ اتاپ كورسەتىلدى: بۇگىنگى جۇڭگو سۇن جۇڭشان مىرزا اڭساعان ”باي، قۇدىرەتتى جۇڭگوعا، شات - شادىمان جۇڭگو“عا، لي داجاۋ تالپىنعان ”دۇنيە ءجۇزى وركەنيەتىن ىلگەرىلەتكەن، ادامزاتقا باقىت جاراتقان“ ”جاس داۋرەن جۇڭگو“عا، فاڭ جىمين ىنتىزار بولعان ”شاتتىق جىرى قاسىرەتتىڭ ورنىن باسقان، جايدارىلىق جىلاپ - سىقتاۋدىڭ ورنىن باسقان، بايلىق كەدەيلىكتىڭ ورنىن باسقان، سالاماتتىق اۋرۋ ازابىنىڭ ورنىن باسقان“ ”سۇيىكتى جۇڭگو“عا اينالدى. پارتيا 19 - قۇرىلتايىنىڭ مالىمدەمەسى كوكەيىمىزدە سايراپ تۇر: ”بۇگىن ءبىز ءارقانداي تاريحي كەزەڭمەن سالىستىرعاندا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ نىساناسىنا اناعۇرلىم جاقىنداي تۇستىك، وسى نىسانانى جۇزەگە اسىرۋعا سەنىمىمىز كامىل، قابىلەتىمىز دە جەتەدى“. مۇنداي وزىندىك سەنىم، تۇبىرىنەن العاندا، ءبىزدىڭ داڭعىل جولعا تۇسكەن سەنىمىمىز بەن جىگەرىمىزدەن كەلگەن − جۇڭگوشا سوتسياليزم جولى امالياتتىڭ سىنىنان وتكەن دۇنيە جولى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، ءسوزسىز، باسىپ وتەتىن جول.

  ماقالادا جۇڭگو جولىن قالىپتاستىرعان ەڭ ماڭىزدى بىرنەشە فاكتور اشىق كورسەتىلدى: جۇڭگو كوممۋنيستىك پارتياسىنىڭ باسشىلىعى، سوتسياليزمگە تاباندى بولۋ جانە ونى دامىتۋ، جۇڭحۋا وركەنيەتىنە مۇراگەرلىك ەتۋ جانە ونى اسقاقتاتۋ. ماقالادا بىلاي دەپ اتاپ كورسەتىلدى: ”جۇڭگو كوممۋنيستىك پارتياسى جۇڭحۋا ۇلتىنىڭ ۇزاق ۋاقىتتىق ۇلى ءىسىن ماقسات ەتەدى، ءجۇز جىل − تولىسقان مەزگىل“. وسى 100 جىلدىق ءىرى پارتيانىڭ ۇزاق ۋاقتتىق ۇلى ىسكە جۇرەكتىلىكپەن تالپىنۋىنداعى، جاستىق كوكتەمىنىڭ جىگەر - قايراتىن جالىنداتا الۋىنداعى سەبەپ − ول باستان - اياق كۇشتى ”ەمتيحان بەرۋ“ تانىمىن ۇستانعاندىعىندا، ”ەمتيحان تاپسىرۋشى“ ورنىندا تاباندى بولعاندىعىندا، پىشاقتىڭ ءدۇزىن ىشكە قاراتىپ باتىلدىقپەن جاۋاپكەرشىلىك ارقالاۋدان جازباعاندىعىندا، ءار رەت وپەراتسيا پىشاعىمەن سىرقات ۇياسىن سىلىپ تاستاپ وتىرعاندىعىندا، مازداعان جالىنداردا تىڭنان تۇلەۋدى جۇزەگە اسىرعاندىعىندا. قوعامدىق توڭكەرىستىڭ ماشاقاتتى بولۋى وزىنە - ءوزى توڭكەرىس جاساۋعا جەبەيدى، وزىنە - ءوزى توڭكەرىس جاساۋ قوعامدىق توڭكەرىسكە تۇبەگەيلى جەتەكشىلىك ەتەدى، قازىرگىسىن قاناعات تۇتاتىن ”ءبىر قالىپتان جازبايتىن پارتيا“ بولۋدى مىسە تۇتپاي، مازداعان وتتا شىڭدالاتىن، بورىشقا ۇندەيتىن ماڭگى ”توڭكەرىستىڭ پارتياسى“ بولادى؛ ءبىزدىڭ سوتسياليزم كىتاپتاردا جازىلعان ۇعىم ەمەس، قايتا نەشە ۇرپاق جۇڭگولىقتاردىڭ ومىرىمەن جانە ماڭداي - تەرىمەن سۋارىلعان جالىندى اماليات. ءبىزدىڭ سوتسياليزم كوشىرىپ اكەلىپ قوندىرىلعان ”فيلايفىڭ“ ەمەس، قايتا جۇڭگو ماسەلەسىن شەشەتىن، جۇڭحۋا ۇلتىنا باقىت جاراتاتىن سارا جول، تۋرا جول؛ جۇڭحۋا وركەنيەتى جۇڭگوشا سوتسياليزمدى تەڭدەسسىز مىعىم تىرەكپەن قامدادى، تەڭدەسسىز مول ءنار بەردى، جۇڭگوشا سوتسياليزم جۇڭحۋا وركەنيەتىنە ءداۋىردىڭ قانىن قۇيىپ، تاريحتىڭ جاڭا پاراعىن جازدى.

  ماقالادا بىلاي دەپ اتاپ كورسەتىلدى: تاۋ قانشا بيىك بولعانىمەن، ورمەلەسەڭ، اقىرى توبەسىنە شىعاسىڭ؛ جول قانشا الىس بولعانىمەن، جۇرە بەرسەڭ، ءسوز جوق، جەتەسىڭ. ءبىز داڭعىل جولمەن ءجۇرىپ كەلەمىز، ارتىمىزدا بۇرىنعىلاردىڭ ۇمىتكە تولى جانارى تۇر؛ ءبىز داڭعىل جولمەن ءجۇرىپ كەلەمىز، كوكىرەك تولى سەزىممەن كۇن شىققان جاقتى بەتكە الۋدامىز؛ ءبىز داڭعىل جولمەن ءجۇرىپ كەلەمىز، تابانىمىزدىڭ استىندا دۇنيەنىڭ جولى، دۇنيە ىستەرىنىڭ وزگەرىسىنەن نەگە ۇرەيلەنەمىز.

جاۋاپتى رەداكتور: ريزا حاميت