شينجياڭ قارجى ۇسىنىلىمىن مولايتىپ، كەدەي وڭىرلەردىڭ كەدەيلىكتەن ارىلۋدان قامال الۋىنا قولداۋ كورسەتتى

شينجياڭ قارجى ۇسىنىلىمىن مولايتىپ، كەدەي وڭىرلەردىڭ كەدەيلىكتەن ارىلۋدان قامال الۋىنا قولداۋ كورسەتتى

  شينحۋا اگەنتتىگىنىڭ 9 - ايدىڭ 21 - كۇنى ۇرىمجىدەن بەرگەن حابارى (ءتىلشى گاۋ حان). ءتىلشىنىڭ اۆتونوميالى رايوندىق قازىنا مەڭگەرمەسىنەن ۇعىسۋىنا قاراعاندا، بيىل 1 - ايدان 8 - ايعا دەيىن، شينجياڭ مەملەكەت بەلگىلەگەن 32 كەدەي اۋدانعا اۋىل شارۋاشىلىعىنا ساياتىن 23 ميلليارد 626 ميلليون يۋان بىرىككەن قارجى ءبولىپ، كەدەي وڭىرلەردىڭ كەدەيلىكتەن ارىلۋدان قامال الۋىن قولداۋعا پايدالاندى.

  بيىل تۇسىرىلگەن اۋىل شارۋاشىلىعىنا ساياتىن قارجى نىسانىن تەكسەرىپ بەكىتۋ، پايدالانۋ ۇقىق شەگى بۇكىلدەي كەدەي اۋداندارعا بەرىلىپ، ءارقايسى اۋداندار ءبىر تۇتاس جوسپارلاپ پايدالاندى، مۇندا 22 اۋىر كەدەي اۋدانعا تۇسىرىلگەن قارجى 22 ميلليارد 3 ميلليون يۋانعا جەتىپ، جالپى بىرىكتىرىلگەن قارجىنىڭ %93.13ىن يەلەپ، قارجىنىڭ بەتالىس ءتۇيىنى وڭتۇستىك شينجياڭنىڭ 4 ايماق، وبلىسىنداعى شوعىرلى تۇتاسقان ەرەكشە كەدەي وڭىرلەرگە قاراي بەيىمدەلدى.

  اۆتونوميالى رايوندىق قازىنا مەڭگەرمەسىنىڭ قاتىستى جاۋاپتىسى بىلاي دەپ تانىستىردى: وسى توپتاعى قارجىلار كەدەي اۋدانداردىڭ اۋىل شارۋاشىلىق ءوندىرىسىن دامىتۋ جانە اۋىل - قىستاق نەگىزدىك قۇرىلعى قۇرىلىسى سىندى ەكى سالاعا پايدالانىلادى ءارى كەدەيلەردىڭ كىرىسىن ۇزدىكسىز ارتتىرۋعا سەپتىگى تيەتىن كاسىپ سالاسىن دامىتۋ نىساندارىنا الدىمەن پايدالانىلادى، سونداي - اق كەدەي ەمەس قىستاقتارداعى كەدەي جان سانىنىڭ نەمەسە اۋىل - قىستاق قونىس ورتاسىن رەتتەۋ - وڭاۋ نىسانىنداعى قوقسىق، لاس سۋ، دارەتحانالاردى وزگەرتىپ سالۋ سياقتى الەۋمەتتىك قۇرىلعى ينجەنەريالارىنا دا پايدالانۋعا بولادى، الايدا داۋالداردى اقتاۋ، جارىقتاندىرۋ سياقتى وبراز ينجەنەرياسىنا پايدالانۋعا قاتاڭ تيىم سالىنادى.

  قارجىنىڭ پايدالانىلۋىنىڭ حاۋىپسىز، ءونىمدى بولۋىنا شىنايى كەپىلدىك ەتۋ ءۇشىن، شينجياڭ ءتۇزىم جوبالاۋ جانە اتقارۋ دەڭگەيىنەن باستاپ ىسكە كىرىسىپ، قارجى بىرىكتىرۋدىڭ تۇتاس بارىسىنا دەيىنگى باقىلاۋ - باسقارۋدى كۇشەيتىپ، باسقارۋ بۋىنىندا، ساياسات مازمۇنىندا ساڭلاۋ قالدىرماي، كەمدىك قالدىرماي، قارجىنىڭ تۇتاس بارىسىن، جالپى ۋاقىتىن، بارلىق جاۋاپكەرشىلىك تۇلعاسىن باقىلاۋ - باسقارۋدىڭ تۇيىق اينالىسىن قالپىتاستىردى.

جاۋاپتى رەداكتور: ريزا حاميت