وزگەرىستى اڭگىمەلەپ، ىنتىماقتى تىلگە تيەك ەتىپ، پارتياعا العىس ايتامىن

وزگەرىستى اڭگىمەلەپ، ىنتىماقتى تىلگە تيەك ەتىپ، پارتياعا العىس ايتامىن

ونەركاسىپ - ساۋدا بانكەسى قاشقار بولىمشە بانكەسى پارتكومىنىڭ ورىنباسار شۋجيى، بانكەنىڭ ورىنباسار باستىعى ابدىراحمان يولۋاس

  مەن قاشقاردا تۋىپ - ءوستىم، اۋىلىما تەرەڭ سۇيىسپەنشىلىگىم بار. ءوزىمنىڭ ەسەيىپ - ەرجەتۋ بارىسىمدى ەسكە العانىمدا، مەن ءوزىمنىڭ ەسەيىپ - ەرجەتۋ بارىسىمدا باستان - اياق پارتيانىڭ قامقورلىعى مەن ايالاۋىنا بولەنگەندىگىمدى، پارتيانىڭ تاربيەسى مەن ماپەلەۋىنە بولەنگەندىگىمدى تەرەڭ سەزىندىم. جاڭا جۇڭگو قۇرىلعان 70 جىلدان بەرى، پارتيانىڭ باسشىلىعىندا شينجياڭ وراسان زور دامۋ جەتىستىكتەرىنە قول جەتكىزدى، مەن دە شينجياڭدا جارىققا شىققان تاڭعاجايىپ وزگەرىسكە كۋا بولدىم. اماليات جۇڭگو كوممۋنيستىك پارتياسىنىڭ دۇرىس باسشىلىعى بولماسا، شينجياڭنىڭ بۇگىنگى گۇلدەنىپ - كوركەيۋى مەن دامۋىنىڭ بولۋى مۇمكىن ەمەس ەكەنىن، شينجياڭداعى ءار ۇلت حالقىنىڭ باقىتتى، تىنىش تۇرمىسىنىڭ بولۋىنىڭ مۇمكىن ەمەس ەكەنىن تولىق دالەلدەدى.

  جاڭا جۇڭگو قۇرىلعان 70 جىلدان بەرى، پارتيا ورتالىق كوميتەتى باستان - اياق شينجياڭداعى ءار ۇلت حالقىنىڭ قامىن ويلاپ، باستان - اياق شينجياڭ حالقىنا شىنايى قامقورلىق جاسادى. بۇرىنعى ءيىنىمىز كيىمگە، اۋزىمىز اسقا جارىماۋدان قازىرگى كيەر كيىم، ىشەر استان تارىقپاۋعا دەيىن، توپىراق كەسەكتەن قالانعان ۇيدەن، باتپاق جولدان قازىرگى بەيقۇت ۇيگە جانە قىستاقتارعا تارتىلعان اسفالت جولدارعا دەيىن، اۋرۋ كورسەتە الماۋدان قازىرگى جالپى حالىقتىڭ دەنساۋلىعىن تەكسەرتۋ، سەلبەسىپ ەمدەلۋ سياقتىلارعا دەيىن، شينجياڭداعى ءار ۇلت بۇقاراسى پارتيانىڭ حالىققا ءتيىمدى كوپتەگەن ساياساتىنان يگىلىكتەندى. ءار ۇلت بۇقاراسى ەسەك ارباعا، ۆەلوسيپەدكە قوش ايتىپ، ەلەكترسيكل، موتوتسيكل، اۋەلى، جەڭىل اۆتوكولىك ساتىپ الدى، حابارلاسۋعا قولايلى قول تەلەفون ىستەتەتىن بولدى، سىرت جەرلەرگە شىققاندا اۆتوكولىككە، پويەزعا جانە ۇشاققا وتىرۋدى تاڭدايتىن بولدى، استىق ەككەندە، باعىمشىلىقپەن اينالىسقاندا مەملەكەتتىڭ قوسىمشا قاراجاتىنان يگىلىكتەندى. وسىنداي تاماشا، باي، بەيبىت، تىنىش باقىتتى تۇرمىستان ءبىز، راسىندا، يگىلىكتەنىپ وتىرمىز.

  ”سۋ ىشكەندە قۇدىق قازۋشىنى ۇمىتپا، ساپار شەككەندە جول سالۋشىنى ۇمىتپا“ دەگەن ءتامسىل بار. بىزگە بۇرىن - سوڭدى بولىپ كورمەگەن ناقتى تيىمدىلىك اكەلگەن جۇڭگو كوممۋنيستىك پارتياسىنا العىس ايتۋىمىز ءتيىس. ءبىز قالاي العىس ايتۋىمىز كەرەك؟ ءبىز ”ۇلى جۇڭگو كوممۋنيستىك پارتياسىنا العىس ايتامىز“ دەپ جار سالىپ عانا قالماستان، تاعى مەملەكەتتىڭ زاڭىنا بويسۇناتىن جاقسى ازامات بولىپ، وتباسىمىزعا، قوعامعا وتەۋگە ءتيىستى جاۋاپكەرشىلىك ارقالاپ، ءوز پەرزەنتتەرىمىزدى جاقسى تاربيەلەپ، ءار ۇلت بۇقاراسىن پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە باستاپ، شينجياڭنىڭ ۇلتتار ىنتىماعى مەن قوعام ورنىقتىلىعىن ويداعىداي قورعاۋىمىز كەرەك.

  پارتيالى كادر رەتىندە، مەن دۇرىس دۇنيە كوزقاراسىن، ءومىر كوزقاراسىن، قۇن كوزقاراسىن ورناتىپ، ءوزىمنىڭ ءسوز - ارەكەتىم ارقىلى ءار ۇلت بۇقاراسىن تاربيەلەپ جانە ولارعا اسەر ەتىپ، كوكىرەك كەرنەگەن قىزمەت ىنتاممەن جانە اسقاق رۋحاني بەت - بەينەممەن قوعامعا وڭ ەنەرگيا تاراتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ جۇزەگە اسۋىنا ۇلەس قوسامىن.

جاۋاپتى رەداكتور: ريزا حاميت