پارتيا ىشىندەگى زاڭ ەرەجە، ءتۇزىم قۇرىلىسىنىڭ دۇرىس بەتالىسىن مىقتاپ يگەرەيىك

  □ حالىق گازەتىنىڭ شولۋشىسى

  تاياۋدا جۇڭگو كوممۋنيستىك پارتياسى ورتالىق كوميتەتى جاڭادان وزگەرىس ەنگىزىلگەن «جۇڭگو كوممۋنيستىك پارتياسىنىڭ پارتيا ىشىندەگى زاڭ ەرەجەلەردى جاساۋ ەرەجەسى»ن، «جۇڭگو كوممۋنيستىك پارتياسىنىڭ پارتيا ىشىندەگى زاڭ ەرەجەلەردى جانە ولشەمدى حۇجاتتاردى ەستەلىككە الۋ، تەكسەرۋ بەلگىلەمەسى»ن، سونداي - اق جاڭادان جاسالعان «جۇڭگو كوممۋنيستىك پارتياسىنىڭ پارتيا ىشىندەگى زاڭ ەرەجەلەردى اتقارۋ جاۋاپكەرشىلىك ءتۇزىمى بەلگىلەمەسى (سىناق رەتىندە اتقارىلادى)»ن باسىپ تاراتتى، بۇل شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن دايەكتىلەندىرىپ، جاڭا داۋىردەگى پارتيا ىشىندەگى زاڭ ەرەجە، ءتۇزىم قۇرىلىسىن كۇشەيتۋدەگى ماڭىزدى شارا. جەر - جەر، تاراۋلار «ەرەجە» سياقتى پارتيا ىشىندەگى 3 زاڭ ەرەجەنى دايەكتىلەندىرۋدى، اتقارۋدى مىقتى يگەرىپ، ساياسي دەڭگەيدى ونان ارى جوعارىلاتىپ، ساياسي بەتالىستى مىقتاپ يگەرىپ، پارتيا ىشىندەگى زاڭ ەرەجە، ءتۇزىم قۇرىلىسىن ىلگەرىلەتۋدىڭ ساياسي جاۋاپكەرشىلىگىن شىن مانىندە ارقالاۋ كەرەك.

  ”ەكىنى قورعاۋ“ ءتۇبىرلى ساياسي پرينسيبىنە تاباندى بولۋ كەرەك. ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى نىعايتۋدى زاڭ ەرەجەمەن، تۇزىممەن قامتاماسىزەتۋدى پارتيا ىشىندەگى زاڭ ەرەجە، ءتۇزىم قۇرىلىسىنداعى ماڭداي الدى ساياسي مىندەت ەتىپ، پارتيا ىشىندەگى زاڭ ەرەجەنى جاساۋ، ەستەلىككە الۋ، تەكسەرۋ، اتقارۋ سياقتى ءتۇرلى قىزمەتتەردە ”ەكىنى قورعاۋ“ تالابىن تياناقتاندىرىپ، پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، بۇكىل پارتيانىڭ ىنتىماعىنا، بىرلىگىنە، ءىس - ارەكەتتەگى ءبىر اۋىزدىلىعىنا كەپىلدىك ەتۋ ءۇشىن، پارمەندى ءتۇزىم تىرەگىن ازىرلەۋ كەرەك.

  پارتيا مەن مەملەكەت قىزمەتىنىڭ كەلەلى جاعدايىنا قىزمەت ەتۋگە تاباندى بولۋ كەرەك. پارتيا ىستەرىنىڭ دامۋ قاجەتىن شىعار ءتۇيىن ەتە وتىرىپ، پارتيا ىشىندەگى زاڭ ەرەجە، ءتۇزىم قۇرىلىسىن جوبالاپ جانە ىلگەرىلەتىپ، ءىس جۇزىندىك تاجىريبەلەردى مۇقيات قورىتىندىلاپ، ءبىرشاما تولىسقان، جاپپاي قولدانىلاتىن تاجىريبەلەردى دەر كەزىندە ءتۇزىم، بەلگىلەمە ەتىپ سۇرىپتاپ، سايكەستى تۇزىمدىك ورنالاستىرۋعا اينالدىرۋ كەرەك. پارتيانى جاپپاي قاتاڭ جونگە سالۋدى ىشكەرىلەي ىلگەرىلەتۋ ورنالاستىرۋىن، تالابىن مىقتاپ ارقاۋ ەتىپ، پارتيانى باسقارۋدا، پارتيانى جونگە سالۋدا ورىن تەپكەن ءىشىنارا تەرەڭ قاتپارداعى قايشىلىقتار مەن ماسەلەلەردى شەشۋدى كوزدە ۇستاپ، پارتيا ىشىندەگى زاڭ ەرەجە، ءتۇزىم ولقىلىقتارىن تولىقتىرىپ، ءتۇزىم قاپاسىن ۇزدىكسىز بەرىك توقىپ، ءار دارەجەلى پارتيا ۇيىمدارىنىڭ پارتيانى باسقارۋ، پارتيانى جونگە سالۋ نەگىزگى تۇلعالىق جاۋاپكەرشىلىكتى تياناقتاندىرۋىن ىلگەرىلەتىپ، ءار دارەجەلى پارتيا ۇيىمدارىنىڭ قىزمەتىن، قيمىلىن جانە جالپى پارتيا مۇشەلەرىنىڭ ءىس - ارەكەتىن جان - جاقتى ارناعا ءتۇسىرۋ كەرەك.

  پارتيا ىشىندەگى زاڭ ەرەجە، ءتۇزىم قۇرىلىسى قىزمەتتەرىن جۇيەلى ىلگەرىلەتۋگە تاباندى بولۋ كەرەك. ءتۇزىمنىڭ ”قامداۋ جاعىنداعى قۇرىلىمدىق رەفورماسىن“ جاقسى ىستەپ، ءار سالاداعى، ءار ساتىداعى، ءار تۇردەگى پارتيا ىشىندەگى زاڭ ەرەجەنى، ءتۇزىمدى بەلگىلەۋدى، وزگەرتۋدى، كۇشىنەن قالدىرۋدى، ءتۇسىندىرۋدى ءبىر تۇتاس جوبالاپ ىلگەرىلەتىپ، جاساۋ ساپاسىن جوعارىلاتۋ سىندى وسى تەتىكتى مىقتى يگەرىپ، پارتيا قۇرىلعاندىعىنىڭ 100 جىلدىعى كەزىندە ءبىرشاما كەمەلدى پارتيا ىشىندەگى زاڭ ەرەجە، ءتۇزىم جۇيەسىنىڭ قالىپتاسۋىنا شىنايى كەپىلدىك ەتۋ كەرەك. پارتيا ىشىندەگى زاڭ ەرەجەنىڭ بەدەلىن مىقتاپ ورناتىپ، شەگە قاعۋ رۋحىمەن ءتۇزىمدى اتقارۋدى مىقتى يگەرىپ، قالىڭ پارتيا مۇشەلەرىن، كادرلاردى سانالى تۇردە ەرەجەنى قۇرمەتتەۋگە، ەرەجەنى ۇيرەنۋگە، ەرەجەگە بويسۇنۋعا، ەرەجەدەن پايدالانۋعا جەبەۋ كەرەك. جاۋاپكەرشىلىكتى باقىلاۋدى كۇشەيتىپ، پارتيا ىشىندەگى زاڭ ەرەجەگە، تۇزىمگە قايشى كەلگەن جانە ونى بۇلدىرگەن ءتۇرلى ارەكەتتەردى قاتاڭ تەكسەرىپ ءبىر جايلى ەتۋ كەرەك.

  مەملەكەتتى زاڭمەن جونگە سالۋ مەن پارتيانى ەرەجە بويىنشا جونگە سالۋدىڭ ورگانيكالى بىرلىگىنە تاباندى بولۋ كەرەك. زاڭ بويىنشا بيلىك جۇرگىزۋ كوزقاراسىن كۇشەيتىپ، زاڭ بويىنشا بيلىك جۇرگىزۋ قابىلەتىن نىعايتىپ، پارتيانىڭ نەگىزگى زاڭ، زاڭ بويىنشا ەل باسقارۋ، پارتيا ىشىندەگى زاڭ ەرەجە بويىنشا پارتيانى باسقارۋ، پارتيانى جونگە سالۋ قابىلەتىن، ورەسىن جاپپاي جوعارىلاتۋ كەرەك. ءار دارەجەلى پارتيا ۇيىمدارى مەن پارتيا مۇشەلەرى، كادرلار پارتيا ۋستاۆىنا، پارتيا ەرەجەسىنە قاتاڭ بويسۇنۋى ءارى نەگىزگى زاڭعا، زاڭدارعا ونەگەلىلىكپەن بويسۇنۋى، زاڭمەن جونگە سالۋ وي جەلىسى جانە زاڭمەن جونگە سالۋ ءتاسىلى ارقىلى سان سالالى ىستەر مەن قىزمەتتەردى ىلگەرىلەتۋ كەرەك. پارتيانى ەرەجە بويىنشا جونگە سالۋدىڭ مەملەكەتتى زاڭمەن جونگە سالۋداعى جەتەكشىلىك رولىن، قامتاماسىز ەتۋ رولىن ءتىپتى دە جاقسى ساۋلەلەندىرىپ، پارتيا ەرەجەسىنىڭ، پارتيا ءتارتىبىنىڭ مەملەكەت زاڭىنان قاتاڭ بولۋىنا تاباندى بولىپ، پارتيا ىشىندەگى زاڭ ەرەجە مەن مەملەكەت زاڭدارىنىڭ ءبىرىن - ءبىرى كەمەلدەندىرۋ، ءبىرىن - ءبىرى جەبەۋ، بىرىنە - ءبىرى ساي كەلۋىن قۇلشىنا ورىنداۋ كەرەك.

  (شينحۋا اگەنتتىگىنىڭ 9 - ايدىڭ 15 - كۇنى بەيجيڭنەن بەرگەن حابارى)

جاۋاپتى رەداكتور: نۇربولات قابىل