رايونىمىز اۋىل شارۋاشىلىعى مەن ساياحاتتىڭ توعىسىپ دامۋىن ىلگەرىلەتتى

ەرەكشە اۋىل شارۋاشىلىق ونىمدەرى ساياحات تاۋارىنا اينالدى

رايونىمىز اۋىل شارۋاشىلىعى مەن ساياحاتتىڭ توعىسىپ دامۋىن ىلگەرىلەتتى

  ءتىلشىمىز شيە حۇيبيان 9 - ايدىڭ 14 - كۇنى ۇرىمجىدەن حابارلايدى. ”قازىر، اقسۋ ايماعى شىلان، جاڭعاق، الما، المۇرت سياقتى 13 جەلىلەس 200دەن استام سورتتاعى جەمىس ساياحات تاۋارىن جەتىلدىرىپ، بۇكىل ەلدە 2000نان استام ەرەكشە جەمىس ونىمدەرىن ساتۋ توراپ ءتۇيىنىن قۇردى“، - دەدى جۋىردا اۆتونوميالى رايوندىق ەرەكشە اۋىل شارۋاشىلىق ونىمدەرىن، ساياحات تاۋارلارىن اشۋدى جۇمىس باسىندا ىلگەرىلەتۋ ماجىلىسىندە اقسۋ ايماقتىق پارتكومنىڭ مۇشەسى، اكىمشىلىك مەكەمەسىنىڭ ورىنباسار ءۋاليى چاڭ يۇيشۋان ماجىلىسكە قاتىناسقان ۋاكىلدەرگە وسى جاقسى حاباردى جەتكىزىپ.

  اقسۋ عانا ەمەس، كۇنەس اۋداندىق پارتكومنىڭ ورىنباسار شۋجيى، اۋدان اكىمى باعجان قالىمبەك تە جاقسى حابار جەتكىزدى: بيىل الدىڭعى جارتى جىلدا، كۇنەس اۋدانىنىڭ ”ينتەرنەت + ساياحات + اۋىل شارۋاشىلىق ونىمدەرى“ ينتەرنەت تۇعىرى قامال الۋ سيپاتتى ىلگەرىلەۋشىلىككە قول جەتكىزىپ، نارات جەلىلىك ساۋدا بازارى مەن ەكى O2O (جەلىدە جانە جەلىدەن تىس) باستان كەشىرۋ سارايىنىڭ ساتۋ كىرىسى 7 ميلليون يۋاننان استى.

  اۋىل شارۋاشىلىق ءوڭىرى كورىنىس وڭىرىنە اينالدى، اتىز باقشاعا اينالدى، اۋىل شارۋاشىلىق ونىمدەرى تاۋارعا اينالدى، شارۋالاردىڭ ۇيلەرى تۇسەلحاناعا اينالدى... جۋىرداعى جىلداردان بەرى، ساياحات كاسىبىنىڭ تەز دامۋى ەرەكشە اۋىل شارۋاشىلىق ونىمدەرى مەن ساياحاتتىق تاۋارلاردىڭ بىردەي كۇسەتتەنۋىن جەبەدى. رايونىمىزدىڭ جەر - جەرى وسى ورايدى مىقتى ۇستاپ، نازاردى اۋىل شارۋاشىلىق ونىمدەرىن مانەرلەپ كادەگە جاراتۋدىڭ شەشۋشى بۋىنىنا شوعىرلاندىرىپ، ەرەكشە اۋىل شارۋاشىلىق ونىمدەرىن، ساياحاتتىق تاۋارلارىن اشۋ تەبىنىن ۇزدىكسىز ارتتىردى. قازىرگە دەيىن، تۇتاس رايوندا ”3 ءونىم، ءبىر ولشەم“ دەڭگەيىنە جەتكەن 1927 اۋىل شارۋاشىلىق ءونىمى بار، مەملەكەتتىك ايگىلى، ەرەكشە، ساپالى جاڭا اۋىل شارۋاشىلىق ونىمدەرى تىزىمدىگىنە 30 ءونىم ەندى، اۋىل شارۋاشىلىق ونىمدەرىن مانەرلەۋ كاسىپورنى 13 مىڭنان اسادى، مۇنىڭ ىشىندە اۆتونوميالى رايوننىڭ اۋىل شارۋاشىلىعىن كاسىپ سالالاندىرۋداعى ءتۇيىندى باستاماشى 500 كاسىپورىن بار، %85تەن استام كاسىپورىن ەرەكشە اۋىل شارۋاشىلىعى ونىمدەرى، ساياحاتتىق تاۋارلارىن اشتى، ءوندىردى، 2013 - جىلدان 2016 - جىلعا دەيىن باعالانىپ شىققان ”شينجياڭ تارتۋى بۇيىمدارى“ندا %90تەن استامى ەرەكشە اۋىل شارۋاشىلىق ونىمدەرى بولدى.

  قازىر رايونىمىزدا استىق، ماقتا، ەرەكشە جەمىس كاسىبى، مال شارۋاشىلىعى جانە وڭىرلىك ەرەكشە اۋىل شارۋاشىلىعى سىندى 5 ۇلكەن جەتەكشى كاسىپ قالىپتاستى. مۇنىڭ ىشىندە ماقتانىڭ ءونىم مولشەرى بۇكىل ەلدەگى جالپى ءونىم مولشەرىنىڭ %83.3ىن ۇستايدى، مانەرلەنگەن قىزاناق، ماقسارى، قۇلماق، القاتتىڭ ءونىم مولشەرى بۇكىل ەلدەگى جالپى ءونىم مولشەرىنىڭ جەكە - جەكە %90ىن، %80ىن، %70ىن، %50ىن ۇستايدى، ءجۇزىم، شىلان ەگىس اۋدانى مەن ءونىم مولشەرى بۇكىل ەلدە ءبىرىنشى ورىندا، جاڭعاقتىڭ ءونىم مولشەرى بۇكىل ەلدە ەكىنشى ورىندا، ءجۇزىم شارابىنىڭ ءونىم مولشەرى بۇكىل ەلدىڭ التىدان ءبىرىن ۇستايدى، ەرەكشە مال - قۇس تۇرلەرى مول، قوي، سيىر ەتى سياقتى مال شارۋاشىلىق ونىمدەرىنىڭ ساپاسى جاقسى.

  اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى پارتيا باسشىلىق گرۋپپاسىنىڭ ورىنباسار شۋجيى، مەڭگەرمە باستىعى قارقىن قابدىكەرىم مىنالاردى ءبىلدىردى: مۇنان كەيىن، جەر - جەردى ەرەكشە اۋىل شارۋاشىلىعى ونىمدەرىن، ساياحاتتىق تاۋارلارىن اشۋ تەبىنىن ارتتىرۋعا ىشكەرىلەي جەتەكتەپ، اۋىل شارۋاشىلىعى مەن ساياحاتتىڭ توعىسا دامۋىن جەدەل ىلگەرىلەتىپ، ەكولوگيالىق بايلىق ابزالدىلىعىنان، اۋىل شارۋاشىلىق ونىمدەرى ابزالدىلىعىنان، تاريحي مادەنيەت ابزالدىلىعىنان جانە ۇلتتىق سالت - سانا، عۇرىپ - ادەت ابزالدىلىعىنان جەتكىلىكتى، ويداعىداي پايدالانىپ، ”جاقسى ەگۋ“، ”جاقسى مانەرلەۋ“، ”جاقسى ساتۋ“ سىندى 3 ءىستى تىڭعىلىقتى ىستەپ، كاسىپ تىزبەگىن ونان ارى ۇزارتىپ، ءونىمنىڭ مازمۇنىن بايىتىپ، كولەم، ساپا، ماركا جانە ساتۋ سياقتى جاقتاردا جاپپاي جوعارىلاۋدى جۇزەگە اسىرۋعا قۇلشىنامىز.

جاۋاپتى رەداكتور: ريزا حاميت
  • 1
  • 2
  • 3
  • 4