اۋىل - قىستاقتاردىڭ قونىس ورتاسىن رەتتەۋ - وڭاۋدىڭ 3 جىلدىق ارەكەت مىندەتىن ۋاعىندا ورىنداۋعا شىنايى كەپىلدىك ەتەيىك

اۆتونوميالى رايوننىڭ اۋىل - قىستاقتاردىڭ قونىس ورتاسىن رەتتەۋ - وڭاۋ جۇمىس باسى ىلگەرىلەتۋ ءماجىلىسى اشىلدى

اۋىل - قىستاقتاردىڭ قونىس ورتاسىن رەتتەۋ - وڭاۋدىڭ 3 جىلدىق ارەكەت مىندەتىن ۋاعىندا ورىنداۋعا شىنايى كەپىلدىك ەتەيىك

  ءتىلشىمىز ليۋ ي 9 - ايدىڭ 13 - كۇنى سانجىدان حابارلايدى. 9 - ايدىڭ 12 - كۇنى اۆتونوميالى رايوننىڭ اۋىل - قىستاقتاردىڭ قونىس ورتاسىن رەتتەۋ - وڭاۋ جۇمىس باسى ىلگەرىلەتۋ ءماجىلىسى سانجى قالاسىندا اشىلدى. ءماجىلىس باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى بايىمداۋىن ىشكەرىلەي دايەكتىلەندىرىپ، «اۆتونوميالى رايوننىڭ اۋىل - قىستاقتاردىڭ قونىس ورتاسىن رەتتەۋ - وڭاۋدىڭ 3 جىلدىق ارەكەتىن اتقارۋ جوباسىن» اتقارۋدى ارقاۋ ەتىپ، جەر - جەردىڭ تاجىريبەلەرى، ادىستەرى جونىندە اۋىس - كۇيىس جاساپ، قىزمەت ناتيجەلەرىن قورىتىندىلاپ، ورىن تەپكەن ماسەلەلەرگە تالداۋ جاساپ، كەلەر ساتىداعى اۋىل - قىستاقتاردىڭ قونىس ورتاسىن رەتتەۋ - وڭاۋ جونىندە قايتالاي ورنالاستىرۋ جاساپ، قايتالاي اتتانىسقا كەلتىرىپ، 3 جىلدىق ارەكەت مىندەتىن ۋاعىندا ورىنداۋعا شىنايى كەپىلدىك ەتتى.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ اۋىل - قىستاقتاردىڭ قونىس ورتاسىن رەتتەۋ - وڭاۋ قىزمەتىنە باسشىلىق ەتۋ گرۋپپاسىنىڭ باستىعى لي پىڭشين ماجىلىسكە قاتىناستى ءارى ءسوز سويلەدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ءماجىلىستى باسقاردى.

  ءماجىلىس مىنالاردى باسا دارىپتەدى: اۋىل - قىستاقتاردىڭ قونىس ورتاسىن رەتتەۋ - وڭاۋدىڭ 3 جىلدىق ارەكەت مىندەتىندە بەلگىلەنگەن نىسانا - مىندەتتەر جاپپاي دوڭگەلەك داۋلەتتى قوعام ورناتۋدا، ءسوز جوق، ورىنداۋعا ءتيىستى قاتاڭ مىندەت. ءسوزسىز، ساياسي دەڭگەيدى جوعارىلاتىپ، ۋاقىت كۇتىپ تۇرمايدى دەيتىن كوكەي تەستىلىك سەزىمى مەن مەنەن باسقا كىم بار دەيتىن جاۋاپكەرشىلىك سەزىممەن شىنايى يگەرىپ، ناقتى ىستەپ، بارىن سالا قاجىرلىلىقپەن ىستەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ اۋىل - قىستاقتاردىڭ قونىس ورتاسىن رەتتەۋ - وڭاۋدى ىلگەرىلەتۋ جونىندەگى تالابىن شىن مانىندە ناقتاپ تياناقتاندىرۋ كەرەك.

  ءماجىلىس مىنالاردى اتاپ كورسەتتى: اۆتونوميالى رايوندىق پارتكومنىڭ ناقتى ورنالاستىرۋلارىنا ساي، ”1000 قىستاق ۇلگى كورسەتۋ، 10 مىڭ قىستاقتى رەتتەۋ - وڭاۋ“دى ىشكەرىلەي ىلگەرىلەتىپ، اۋىرتپالىقتى قاباتتاماي، اۋلا ىشىندەگى، اۋلا سىرتىنداعى ”التىءىس“تى جانە قىستاقتى تازارتۋ ارەكەتىندەگى ”ءۇشتى تازارتۋ، ءبىردى جاڭالاۋ“دى ءۇرتىس مىقتى يگەرىپ، قىستاق بەت - بەينەسىنىڭ رەتتى دە تازا بولۋىن ورىنداۋ كەرەك. قوقىر - قوقسىقتاردى شوعىرلى جيناۋدى، تاسۋدى، ءبىر جاقتى ەتۋدى بەلسەنە ىلگەرىلەتىپ، ۇزاق ۋاقىتتىق ءونىمدى باسقارۋ، قورعاۋ مەحانيزمىن قالىپتاستىرىپ، ”ۇلگى كورسەتەتىن قىستاقتار“دىڭ تۇلعالىق بەت - بەينەسىن جاپپاي جاقسارتۋ قاجەت. قىستاقتى جاسىلداندىرۋ جانە ەگىس اتىزدارىنىڭ توڭىرەگىنە اعاش وتىرعىزىپ تورلاندىرۋ قۇرىلىسىن مىقتى يگەرىپ، بوران اپاتىنا ءونىمدى توتەپ بەرىپ، ەگىن شارۋاشىلىعى ءوندىرىسىن ورنىقتىرىپ، اۋىل - قىستاقتاردىڭ قونىس ورتاسىن ءۇرتىس جاقسارتۋ كەرەك. جوبانى الدىمەن اتقارۋعا تاباندى بولىپ، وڭىرلىك ەرەكشەلىكتى كورنەكتىلەندىرىپ، ءبىر قالىپتان شىقپاۋدان ساقتانىپ، اۋىل تىنىسىن ساقتاپ، اۋىل كورىنىسىنىڭ ساپاسىن جوعارىلاتۋ ءتيىس. قۇرۋ مەن باسقارۋعا تەڭ ءمان بەرۋگە تاباندى بولىپ، جەرگىلىكتى جاعدايعا قاراي جۇمىس ىستەپ، شىندىقتى ءىس جۇزىنەن ىزدەپ، قىستاق دارەجەلى ۇيىمداردىڭ جانە قىستاق تۇرعىندارىنىڭ تۇلعالىق رولىن تولىق ساۋلەلەندىرىپ، سالىنىپ بىتكەن جونگە سالۋ ينجەنەريا قۇرىلعىلارىنىڭ ويداعىداي جۇمىس جۇرگىزۋىنە، باياندى بولۋىنا شىنايى كەپىلدىك ەتۋ كەرەك.

  ءماجىلىس مىنالاردى باسا دارىپتەدى: بارلىعىندا شىندىقتى شىعار ءتۇيىن ەتۋگە تاباندى بولىپ، شارۋالاردىڭ تىلەگىنە تولىق قۇرمەت ەتىپ، ءبىر شىبىقپەن ايداماي، شارۋالاردىڭ توزىمدىلىك قۋاتىنان اسىرماي، اۋىل - قىستاق دارەتحاناسىن جاڭالاۋ قىزمەتىن جوعارى ساپامەن ىلگەرىلەتۋ كەرەك. سۋدان پايدالانۋ ىڭعايلى بولسا سۋمەن شايىلاتىن دارەتحانا سالۋعا، قۋاڭ ءوڭىر بولسا شۇقاناقتى دارەتحانا سالۋعا تاباندى بولىپ، جەرگىلىكتى جاعدايعا قاراي جۇمىس ىستەپ، قاراپايىم دا قولايلى، وزىندىك قۇنى لايىقتى، تەحنيكاسى كەمەلدى، بۇقارا قۋانا قابىلدايتىن دارەتحانا جاڭالاۋ ۇلگىسىن تاڭداۋ قاجەت. قازىرگى ساتىدا ”10 مىڭ قىستاقتى رەتتەۋ - وڭاۋ“ بويىنشا دارەتحانا جاڭالاۋ مىندەتىندە ”بار“ ماسەلەنى شەشۋ، شۇقاناقتى دارەتحانانى نەگىز ەتىپ جالپىلاستىرىپ، ”سىڭۋدەن ساقتانۋدى، ساسىق يىسىنەن ساقتانۋدى، شىبىننان ساقتانۋدى، قالتقى بولۋدى، شىراق بولۋ“دى ورىنداپ، ولشەمدى بەتالدى جوعارىلاتپاۋ ءتيىس. شارۋا قاۋىمىنىڭ بەلسەندىلىگىن، ىرىقتىلىعىن تولىق جۇمىلدىرىپ، ءوز دارەتحاناسىن ءوزى سالۋ، قورعاۋدى، باسقارۋدى ىرىقتى تۇردە ويداعىداي ىستەۋ كەرەك.

  ءماجىلىس مىنالاردى تالاپ ەتتى: باسشىلىق جاۋاپكەرشىلىكتى ناقتىلاندىرىپ، تۇلعالىق رولدى ساۋلەلەندىرىپ، نازاردى كورنەكتى ماسەلەلەرگە جانە ولقىلىقتارعا، ءالسىز جاقتارعا شوعىرلاندىرىپ، پارتيانىڭ ساياسي باسىمدىعىن، ۇيىمدىق باسىمدىعىن جانە بۇقارالىق قىزمەت باسىمدىعىن ساۋلەلەندىرىپ، رەتتەۋ - وڭاۋ مىندەتىن ۋاعىندا، ساپاعا كەپىلدىك ەتە وتىرىپ ورىنداۋ كەرەك.

جاۋاپتى رەداكتور: ريزا حاميت