شي جينپيڭ بۇكىل ەلدىڭ وقۋ - اعارتۋ جۇيەسىندەگى وزات كوللەكتيۆتەر مەن وزات جەكەلەردىڭ ۋاكىلدەرىمەن كەزدەستى

شي جينپيڭ بۇكىل ەلدىڭ وقۋ - اعارتۋ جۇيەسىندەگى وزات كوللەكتيۆتەر مەن وزات جەكەلەردىڭ ۋاكىلدەرىمەن كەزدەستى

بۇكىل ەلدەگى قالىڭ وقىتۋشىلارعا جانە وقۋ - اعارتۋ قىزمەتكەرلەرىنە مەرەكەلىك سالەم جولدادى

لي كىچياڭ، ۋاڭ حۋنيڭ كەزدەسۋگە قاتىناستى

9 - ايدىڭ 10 - كۇنى، پارتيا مەن مەملەكەت باسشىلارىنان شي جينپيڭ، لي كىچياڭ، ۋاڭ حۋنيڭ قاتارلىلار بەيجيڭ حالىق سارايىندا 2019 - جىلدىق وقىتۋشىلار مەرەكەسىن قۇتتىقتاۋ جانە بۇكىل ەلدىڭ وقۋ - اعارتۋ جۇيەسىندەگى وزات كوللەكتيۆتەر مەن وزات جەكەلەردى ماداقتاۋ - سيلاۋ جينالىسىندا ماداقتالىپ - سيلانعانداردىڭ ۋاكىلدەرىمەن كەزدەستى. □ سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن

  شينحۋا اگەنتتىگىنىڭ 9 - ايدىڭ 10 - كۇنى بەيجيڭنەن بەرگەن حابارى (تىلشىلەر ياڭ ۋيحان، حۋ حاۋ). 35 - رەتكى وقىتۋشىلار مەرەكەسى كەلۋ بايلانىسىمەن، 2019 - جىلدىق وقىتۋشىلار مەرەكەسىن قۇتتىقتاۋ جانە بۇكىل ەلدىڭ وقۋ - اعارتۋ جۇيەسىندەگى وزات كوللەكتيۆتەر مەن وزات جەكەلەردى ماداقتاۋ - سيلاۋ جينالىسى 9 - ايدىڭ 10 - كۇنى بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حالىق سارايىندا ماداقتالىپ - سيلانعانداردىڭ ۋاكىلدەرىمەن شىن ىقىلاسپەن كەزدەسىپ، ماداقتالىپ - سيلانعان وزات كوللەكتيۆتەر مەن وزات جەكەلەردى قىزۋ قۇتتىقتادى، بۇكىل ەلدەگى قالىڭ وقىتۋشىلار مەن وقۋ - اعارتۋ قىزمەتكەرلەرىنە مەرەكەلىك سالەم جولدادى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ كەزدەسۋگە قاتىناستى.

  تۇستەن بۇرىن ساعات 11دە شي جينپيڭ قاتارلىلار حالىق سارايىنىڭ سولتۇستىك زالىنا كەلگەندە، بۇكىل زالدان قىزۋ شاپالاق ءۇنى كوتەرىلدى. شي جينپيڭ قاتارلىلار ۋاكىلدەردىڭ اراسىنا كەلىپ، كوپشىلىكپەن ىقىلاستى تۇردە قول الىسىپ، ءالسىن - ءالى اڭگىمەلەستى ءارى كوپشىلىكپەن بىرگە ەستەلىك سۋرەتكە ءتۇستى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى سۇن چۇنلان كەزدەسۋگە قاتىناستى ءارى ماداقتاۋ - سيلاۋ جينالىسىندا ءسوز سويلەدى. ول بىلاي دەدى: جاڭا جۇڭگو قۇرىلعان 70 جىلدان بەرى، ەلىمىزدىڭ وقۋ - اعارتۋىندا وراسان زور وزگەرىستەر تۋىلدى، قالىڭ وقىتۋشىلار جۇرتقا ونەگە بولىپ، زەيىن سالا ادام تاربيەلەپ، مەملەكەتتىڭ دامۋىنا، العا باسۋىنا ماڭىزدى ۇلەستەر قوستى. قالىڭ وقىتۋشىلاردىڭ باس شۋجي شي جينپيڭنىڭ تاپسىرماسىن ەستە بەرىك ساقتاپ، احىلاق، اقىل - وي، دەنە، ەستەتيكا، ەڭبەك جاقتارىندا جان - جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن تاربيەلەۋدى ارقاۋ ەتىپ، پارتيا ءۇشىن ادام تاربيەلەپ، وتان ءۇشىن دارىندى جەتىلدىرىپ، ءمورال ارقىلى ءبىلىم بەرىپ، ونەگە كورسەتىپ ادام تاربيەلەپ، قاجىرلىلىقپەن ۇڭىلە زەرتتەپ، وقىتۋ مەن ۇيرەنۋدى سايكەستىرىپ، قۇرمەت ەتىپ، كەڭ پەيىل بولىپ، قاتاڭ بولۋ مەن قامقورلىق جاساۋدى بىرلەستىرىپ، پارتيا مەن حالىق رازى بولاتىن ”تورتكە يە“ جاقسى وقىتۋشى بولۋلارىن ءۇمىت ەتەمىن. جەر - جەر، قاتىستى تاراۋلار وقىتۋشىلاردىڭ مامىلەسىن ونان ارى جاقسارتىپ، وقىتۋشىلىق كاسىپتىڭ باۋراۋ قۋاتىن كۇشەيتىپ، وقىتۋشىلارعا قۇرمەت ەتەتىن، وقۋ - اعارتۋعا ءمان بەرەتىن تاماشا راي قالىپتاستىرۋ كەرەك.

  جينالىستا 718 ”مەملەكەتتىك ۇلگىلى وقىتۋشى“، 79 ”بۇكىل ەلدىڭ وقۋ - اعارتۋ جۇيەسىندەگى وزات قىزمەتكەر“، 597 ”بۇكىل ەلدىڭ وقۋ - اعارتۋ جۇيەسىندەگى وزات كوللەكتيۆ“ جانە 1432 ”مەملەكەتتىك تاڭداۋلى وقىتۋشى“، 158 ”مەملەكەتتىك تاڭداۋلى وقۋ - اعارتۋ قىزمەتكەرى“ ماداقتالىپ - سيلاندى، 1355 ”مەملەكەت دارەجەلى ءبىلىم بەرۋ جەتىستىگى سيلىعى“ بەرىلدى. وسىنىڭ الدىندا، وقۋ - اعارتۋ مينيسترلىگى قاتارلى ورىندار تاعى 10 ”مەملەكەتتىك ءبىلىم بەرىپ ادام تاربيەلەۋ ۇلگىسى“ن سايلادى.

  مەملەكەتتىك ۇلگىلى وقىتۋشىلاردىڭ ۋاكىلى، حىبەي ولكەسى شينجي قالاسى چيڭحى - ۋان مەكتەبىنىڭ وقىتۋشىسى جاڭ مىڭۋي، مەملەكەتتىك ءبىلىم بەرىپ ادام تاربيەلەۋ ۇلگىلەرىنىڭ ۋاكىلى، گۋاڭشي بەيحاي قالاسى ۋيجوۋداۋ بالا باقشاسىنىڭ وقىتۋشىسى فان حۇيلي، بۇكىل ەلدىڭ وقۋ - اعارتۋ جۇيەسىندەگى وزات كوللەكتيۆتەردىڭ ۋاكىلى، سۋجوۋ قۇرىلىس - قاتىناس جوعارى كاسىپتىك تەحنيكالىق مەكتەبىنىڭ باستىعى حاۋ يۇنلياڭ، مەملەكەت دارەجەلى ءبىلىم بەرۋ جەتىستىگى سيلىعى يەگەرلەرىنىڭ ۋاكىلى، سىچۋان داشۋەسىنىڭ پروفەسسورى شيە حىپيڭ جينالىستا جەكە - جەكە ءسوز سويلەدى.

  ديڭ شۋەشياڭ، چىن شي، يوۋ چۋان، ساي دافىڭ، شيا باۋلۇڭ كەزدەسۋگە قاتىناستى.

جاۋاپتى رەداكتور: ريزا حاميت