اۆتونوميالى رايون 35 - رەتكى وقىتۋشىلار مەرەكەسىن قۇتتىقتاۋ جانە وقۋ - اعارتۋ جۇيەسىندەگى وزات كوللەكتيۆتەر مەن وزات جەكەلەردى ماداقتاۋ - سيلاۋ جينالىسىن وتكىزدى

اۆتونوميالى رايون 35 - رەتكى وقىتۋشىلار مەرەكەسىن قۇتتىقتاۋ جانە وقۋ - اعارتۋ جۇيەسىندەگى وزات كوللەكتيۆتەر مەن وزات جەكەلەردى ماداقتاۋ - سيلاۋ جينالىسىن وتكىزدى

چىن چۋانگو، شوكىرات زاكىر ماداقتالىپ - سيلانعانداردىڭ ۋاكىلدەرىمەن كەزدەستى، لي پىڭشين كەزدەسۋگە جانە جينالىسقا قاتىناستى

9 - ايدىڭ 10 - كۇنى، اۆتونوميالى رايوننىڭ 35 - رەتكى وقىتۋشىلار مەرەكەسىن قۇتتىقتاۋ جانە وقۋ - اعارتۋ جۇيەسىندەگى وزات كوللەكتيۆتەر مەن وزات جەكەلەردى ماداقتاۋ - سيلاۋ جينالىسى ۇرىمجىدە وتكىزىلدى. سۋرەتتە: اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ماداقتالىپ - سيلانعانداردىڭ ۋاكىلدەرىمەن كەزدەسىپ، بۇكىل رايونىمىزداعى قالىڭ وقىتۋشىلار مەن وقۋ - اعارتۋ قىزمەتكەرلەرىنە مەرەكەلىك سالەم جولدادى. □ سۋرەتتى ءتىلشىمىز سۇي جىجيان تۇسىرگەن

  تىلشىلەرىمىز ياۋ تۇڭ، لي ياڭ، ۋاڭ شيڭرۇي 9 - ايدىڭ 10 - كۇنى ۇرىمجىدەن حابارلايدى. 9 - ايدىڭ 10 - كۇنى تۇستەن كەيىن، اۆتونوميالى رايوننىڭ 35 - رەتكى وقىتۋشىلار مەرەكەسىن قۇتتىقتاۋ جانە وقۋ - اعارتۋ جۇيەسىندەگى وزات كوللەكتيۆتەر مەن وزات جەكەلەردى ماداقتاۋ - سيلاۋ جينالىسى ۇرىمجىدە وتكىزىلدى. اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ماداقتالىپ - سيلانعانداردىڭ ۋاكىلدەرىمەن كەزدەسىپ، ماداقتالىپ - سيلانعان وزات كوللەكتيۆتەر مەن وزات جەكەلەردى قىزۋ قۇتتىقتادى، بۇكىل رايونىمىزداعى قالىڭ وقىتۋشىلار مەن وقۋ - اعارتۋ قىزمەتكەرلەرىنە مەرەكەلىك سالەم جولدادى.

  اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين كەزدەسۋگە قاتىناستى، ماداقتاۋ - سيلاۋ جينالىسىنا قاتىناستى ءارى ءسوز سويلەدى.

  چىن چۋانگو كەزدەسۋدە بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتى وقۋ - اعارتۋ ىستەرىنە ايرىقشا ءمان بەرىپ، قالىڭ وقىتۋشىلارمەن تىلەكتەس بولدى. وقىتۋشىلار مەرەكەسى بايلانىسىمەن باس شۋجي شي جينپيڭ بۇكىل ەلىمىزدىڭ وقۋ - اعارتۋ جۇيەسىندەگى ماداقتالىپ - سيلانعانداردىڭ ۋاكىلدەرىمەن شىن ىقىلاسپەن كەزدەسىپ، پارتيا ورتالىق كوميتەتىنىڭ قالىڭ وقىتۋشىلارعا كوڭىل ءبولىپ، قامقورلىق جاسايتىندىعىن جانە وقۋ - اعارتۋ قىزمەتىنە ايرىقشا ءمان بەرەتىندىگىن تولىق ايگىلەدى. بۇكىل رايونىمىزداعى قالىڭ وقىتۋشىلار مەن وقۋ - اعارتۋ قىزمەتكەرلەرىنىڭ باس شۋجي شي جينپيڭنىڭ تاپسىرماسىن ەستە بەرىك ساقتاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، اۋەلگى ماقساتتى، بورىشتى قاشاندا ەستە بەرىك ساقتاپ، باس شۋجي شي جينپيڭنىڭ قالىڭ وقىتۋشىلاردان كۇتكەن شىنايى ءۇمىتىن دەن قويا امالياتتا ايگىلەپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ىشكەرىلەي دايەكتىلەندىرىپ، تياناقتاندىرىپ، پارتيانىڭ وقۋ - اعارتۋ باعىتىن بۇلجىماستان دايەكتىلەندىرىپ، سوتسياليستىك مەكتەپ باسقارۋ بەتالىسىنا تاباندى بولىپ، پارتيا ءۇشىن ادام تاربيەلەپ، وتان ءۇشىن دارىندى جەتىلدىرۋ بورىشىن ادالدىقپەن اتقارىپ، ءمورال ارقىلى ءبىلىم بەرىپ، ونەگە كورسەتىپ ادام تاربيەلەپ، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلگەن سوتسياليزمنىڭ قۇرىلىسشىلارى مەن ءىزباسارلارىن اناعۇرلىم كوپ تاربيەلەۋىن ءۇمىت ەتەمىن. ءار دارەجەلى پارتكوم مەن ۇكىمەت پارتيانىڭ وقۋ - اعارتۋ قىزمەتىنە جان - جاقتى باسشىلىعىن كۇشەيتىپ، وقۋ - اعارتۋ رەفورماسىندا جاڭالىق اشۋدى ۇزدىكسىز تەرەڭدەتىپ، ءار ۇلت وقىتۋشىلارى مەن وقۋ - اعارتۋ قىزمەتكەرلەرىنە شىن پەيىلىمەن قامقورلىق جاساپ، حالىق رازى بولاتىن وقۋ - اعارتۋ جۇرگىزىپ، جاڭا جۇڭگو قۇرىلعاندىعىنىڭ 70 جىلدىعىن ۇزدىك ناتيجەلەرمەن قارسى الۋ كەرەك.

  لي پىڭشين سوزىندە بىلاي دەپ اتاپ كورسەتتى: سوڭعى جىلدارى شينجياڭنىڭ وقۋ - اعارتۋ ىستەرىنىڭ دامۋىندا كورنەكتى ناتيجەلەرگە قول جەتتى، بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىنىڭ ارقاسى، شينجياڭعا كومەكتەسكەن ولكە، قالالاردىڭ جانە مەملەكەت مينيسترلىكتەرىنىڭ، كوميتەتتەرىنىڭ قالتقىسىز كومەگىنىڭ ارقاسى، بۇكىل رايونىمىزدىڭ جوعارىدان تومەنگە دەيىن باتىلدىقپەن جاۋاپكەرشىلىك ارقالاپ، كۇش بىرىكتىرىپ ەكپىندەي العا ىلگەرىلەپ، قاجىماي قۇلشىنۋىنىڭ ارقاسى، بۇعان قالىڭ وقىتۋشىلار مەن وقۋ - اعارتۋ قىزمەتكەرلەرىنىڭ جۇرەك قانى مەن ماڭداي تەرى سىڭگەن. قالىڭ وقىتۋشىلاردىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، قاشاندا مۇرات - سەنىمدى بەكەمدەپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى ماڭداي الدى ساياسي مىندەت ەتىپ، پارتيا مەن حالىقتىڭ وقۋ - اعارتۋ ىستەرىنە ادال بولۋىن؛ اۋەلگى ماقساتتى، بورىشتى قاشاندا ەستە بەرىك ساقتاپ، دۇرىس مەكتەپ باسقارۋ بەتالىسىن مىقتاپ يگەرىپ، تولىمدى دارىندىلاردى تاربيەلەۋ داۋىرلىك اۋىر مىندەتىن ىرىقتىلىقپەن ارقالاۋىن؛ نازاردى قاشاندا باس نىساناعا قىزمەت وتەۋگە شوعىرلاندىرىپ، باتىلدىقپەن وتاننىڭ تۇتاستىعىن قورعاۋىن، ۇلتتار ىنتىماعىن قورعاۋىن، ۇلتتىق بولشەكتەۋشىلىككە قارسى تۇرۋىن، وقۋ - اعارتۋ، وقىتۋ شەبىن باتىلدىقپەن ويداعىداي قورعاۋىن؛ قاشاندا قۇلشىنا ۇيرەنۋگە تاباندى بولۋىن، سانالىلىقپەن ۇيرەنۋگە، ىرىقتىلىقپەن ۇيرەنۋگە، ماڭگى ۇيرەنۋگە تاباندى بولىپ، كاسىپتىك ءبىلىم نەگىزىن ۇزدىكسىز بەكەمدەۋىن؛ رۋحاني مەكەندى قاشاندا تاپجىلماي قورعاپ، وقىتۋعا ءمان بەرۋمەن قاتار، ادام تاربيەلەۋگە دە اناعۇرلىم ءمان بەرىپ، تىلمەن ۇيرەتۋگە ءمان بەرۋمەن قاتار، ونەگەسىمەن باۋلۋعا دا اناعۇرلىم ءمان بەرىپ، ۇستازدىق ءمورالدىڭ، ۇستازدىق سالتتىڭ ونەگەسى بولۋعا قۇلشىنىپ، ءبىلىم جاعىندا ادامدارعا ۇستاز، ارەكەتتە باسقالارعا ونەگە بولۋىن، قىزمەتىن بۇلجىتباي ورىنداپ، قۇلشىنا ۇمتىلىپ، ىسكەرلىك كورسەتىپ، حالىق رازى بولاتىن وقۋ - اعارتۋدى ويداعىداي جۇرگىزۋ ءۇشىن جاڭا دا اناعۇرلىم زور ۇلەس قوسۋىن ءۇمىت ەتەمىن.

  جينالىستا اۆتونوميالى رايوننىڭ وقۋ - اعارتۋ جۇيەسىندەگى 24 وزات كوللەكتيۆ پەن 115 اۆتونوميالى رايوندىق تاڭداۋلى وقىتۋشى، 38 اۆتونوميالى رايوندىق تاڭداۋلى وقۋ - اعارتۋ قىزمەتكەرى ماداقتالىپ - سيلاندى.

  وزات كوللەكتيۆتەردىڭ ۋاكىلى، پوسكام اۋداندىق 5 - ورتا مەكتەپتىڭ باستىعى گاۋ شان، تاڭداۋلى وقىتۋشىلاردىڭ ۋاكىلى، ىلە تەحنيكتەردى باۋلۋ شۋەيۋانىنىڭ وقىتۋشىسى سۇڭ جىڭۋي، تاڭداۋلى وقۋ - اعارتۋ قىزمەتكەرلەرىنىڭ ۋاكىلى، شينجياڭ اۋىل شارۋاشىلىق داشۋەسى حايۋاناتتار عىلىمى شۋەيۋانىنىڭ تاربيەشىسى اكبار رەجەپ جينالىستا ءسوز سويلەدى.

  اۆتونوميالى رايوننىڭ باسشىلارىنان مانەن زەينەل، رىن حۋا، كۇڭ شيڭلۇڭ، يىلھام سابىر قاتارلىلار جوعارىداعى قيمىلدارعا قاتىناستى.

جاۋاپتى رەداكتور: ريزا حاميت