اۆتونوميالى رايوندىق ساياسي كەڭەس 12 - كەزەكتى كوميتەتى تۇراقتى كوميتەتىنىڭ 7 - رەتكى ءماجىلىسى اشىلدى

اۆتونوميالى رايوندىق ساياسي كەڭەس 12 - كەزەكتى كوميتەتى تۇراقتى كوميتەتىنىڭ 7 - رەتكى ءماجىلىسى اشىلدى

  ءتىلشىمىز لي ياڭ 9 - ايدىڭ 10 - كۇنى ۇرىمجىدەن حابارلايدى. 9 - ايدىڭ 10 - كۇنى تۇستەن بۇرىن، اۆتونوميالى رايوندىق ساياسي كەڭەس 12 - كەزەكتى كوميتەتى تۇراقتى كوميتەتىنىڭ 7 - رەتكى ءماجىلىسى ۇرىمجىدە اشىلىپ، ”نازاردى باس نىساناعا شوعىرلاندىرىپ، حالىق باسقارۋىنداعى كاسىپورىنداردىڭ رولىن ساۋلەلەندىرىپ، اۋىر كەدەي اۋدان - قالالاردىڭ دالمە - ءدال كەدەيلىكتەن ارىلتۋىنا دەم بەرۋ“ توڭىرەگىندە ارناۋلى تاقىرىپتا ۇكىمەت ءىسىن كەڭەستى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ماجىلىسكە قاتىناستى.

  ماجىلىستە لاي جيڭگاڭ قاتارلى 12 جولداس جينالىستا جارىس سوزگە شىقتى. تۇراقتى مۇشە لاي جيڭگاڭ اۆتونوميالى رايوندىق ساياسي كەڭەستىڭ ەكونوميكا كوميتەتى اتىنان شارۋاشىلىق ورتاسىن ساپالىلاندىرىپ، كاسىپ سالاسىنىڭ دامۋ جوباسىن ويداعىداي يگەرىپ، اۋىل شارۋاشىلىعى ونىمدەرىن وڭدەۋدىڭ جاڭا كاسىپ كۇيىن جەتىلدىرىپ جانە قولداپ، حالىق باسقارۋىنداعى كاسىپورىنداردىڭ كەدەيلىكتەن ارىلتۋدان قامال الۋدا رول اتقارۋىن بەلسەنە جەبەۋدى العا قويدى؛ تۇراقتى مۇشە شيە شۋان يدەيالىق تانىمدى ءوسىرىپ، قىزمەت ءتۇيىنىن ايقىنداپ، جەرگىلىكتى كاسىپورىنداردى جانە اۋىل - قىستاقتاعى شەبەرلەردى بەلسەنە سۇيەمەلدەپ، بۇكىل قوعام ”مىڭ كاسىپورىننىڭ مىڭ قىستاققا كومەكتەسۋى“ قىزمەتىنە بىرگە كوڭىل ءبولۋىنىڭ، ونى قولداۋىنىڭ، وعان ات سالىسۋىنىڭ تاماشا رايىن قالىپتاستىرۋدى ۇسىندى؛ تۇراقتى مۇشە بۇحالچام يمىنالي ءتيىمدى ساياساتتى كەمەلدەندىرىپ، قامتاماسىزداندىرۋ شاراسىن بەلگىلەپ، ساۋداگەر شاقىرۋ، قارجى ەنگىزۋ سەرپىنىن كۇشەيتىپ، ەلەكتروندىق ونىمدەردى قۇراستىرۋ كاسىبىنىڭ دامۋىن جەبەپ، كەدەيلىكتەن دالمە - ءدال ارىلتۋعا دەم بەرۋدى ۇسىندى؛ تۇراقتى مۇشە بۇاجار ابىلا ەرىك - جىگەر جاعىنان سۇيەمەلدەۋدى، اقىل - پاراسات جاعىنان سۇيەمەلدەۋدى كۇشەيتىپ، ورنىقتى جۇمىستاندىرۋدى، باياندى جۇمىستاندىرۋدى، ۇزاق ۋاقىت جۇمىستاندىرۋدى باعدار ەتىپ، وڭتۇستىك شينجياڭنىڭ اۋىل - قىستاقتارىنداعى ارتىق ەڭبەككۇشتەردى باسقا كاسىپ سالاسىنا ويىستىرۋ سەرپىنىن كۇشەيتۋدى ۇسىندى؛ مۇشە جۋ گاڭ جاڭاشا اۋىل شارۋاشىلىعى تيجارات تۇلعالارىن بەلسەنە جەتىلدىرىپ، باستاماشى كاسىپورىنداردى سۇيەمەلدەپ، باقشا رايونىن قۇرۋ سەرپىنىن كۇشەيتىپ، وڭتۇستىك شينجياڭنىڭ اۋىل شارۋاشىلىعى قوسىمشا ونىمدەرىن وڭدەۋ كاسىبىنىڭ دامۋىن جەبەۋدى العا قويدى؛ مۇشە ابىليكىم قۇسايىن اكىمشىلىك پەن ساۋدانىڭ جاڭاشا ”جاقىن باۋىرمال“، ”كىرشىكسىز“ قاتىناسىن قۇرىپ، ”تومەنگە بەرۋ، باسقارۋ، قىزمەت وتەۋ“ رەفورماسىن ۇزدىكسىز ىلگەرىلەتىپ، مەملەكەتتىڭ فينانستىڭ حالىق باسقارۋىنداعى كاسىپورىنداردىڭ دامۋىن قولداۋى جونىندەگى ءتۇرلى ساياسات - شارالارىن ويداعىداي تياناقتاندىرىپ، حالىق باسقارۋىنداعى كاسىپورىنداردىڭ دامۋىنا دەم بەرۋدى ۇسىندى؛ تۇراقتى مۇشە جين شان زاڭمەن قامتاماسىزداندىرۋ مەحانيزمىن اقاۋسىزداندىرىپ، ءادىليانى ادىلدىكپەن جۇرگىزۋدى، وركەنيەتتى تۇردە زاڭ اتقارۋدى كۇشەيتىپ، الەۋمەتتىك زاڭدىق قىزمەت وتەۋ جۇيەسىن كەمەلدەندىرىپ جانە وعان جاڭالىق ەنگىزىپ، حالىق باسقارۋىنداعى كاسىپورىنداردىڭ دامۋىنا تاماشا زاڭمەن جونگە سالۋ ورتاسىن ازىرلەۋدى ۇسىندى؛ تۇراقتى مۇشە جياڭ پيڭان جۇڭگو گومينداڭ توڭكەرىستىك كوميتەتى شينجياڭ رايوندىق كوميتەتى اتىنان ساۋداگەر شاقىرۋ، قارجى ەنگىزۋ ساياساتىمەن قولداۋدى كۇشەيتىپ، شارۋاشىلىق ورتاسىن ساپالىلاندىرىپ، شينجياڭعا باعىتتامالى كومەكتەسۋ تۇعىرىنىڭ باسىمدىعىن ساۋلەلەندىرىپ، حالىق باسقارۋىنداعى شارۋاشىلىقتى دامىتۋدى، زورايتۋدى ورتاعا قويدى؛ تۇراقتى مۇشە پۋ شۋەمەي حالىق باسقارۋىنداعى كاسىپورىنداردى كەدەيلىكتەن ارىلتۋدان قامال الۋعا قاتىناسۋ جىگەرى مەن ىنتاسىن كۇشەيتۋگە جەتەكتەپ، كاسىپ سالاسى بويىنشا كەدەيلەردى سۇيەمەلدەۋدىڭ ءونىمدى ۇلگىسىن قاراستىرىپ، كەدەيلىكتەن ارىلتۋدان قامال الۋ شايقاسىن ويداعىداي جۇرگىزىپ، جەڭىسىنە قول جەتكىزۋگە ەسە قوسۋدى ۇسىندى؛ گاۋ جيانجۇن ساياسي كەڭەس قاشقار ايماقتىق قىزمەت كوميتەتى اتىنان، بانكە مەن كاسىپورىننىڭ توعىسۋىن اناعۇرلىم كۇشەيتىپ، دامۋ ورتاسىن ساپالىلاندىرىپ، حالىق باسقارۋىنداعى كاسىپورىنداردىڭ كەدەيلەردى سۇيەمەلدەۋگە قاتىناسۋ تۇعىرى مەن مەحانيزمىن قۇرۋدى ۇسىندى؛ تۇراقتى مۇشە جارقىنبەك قۇداييگەن تەحنيكادا جاڭالىق اشۋدى كۇش سالا ىلگەرىلەتىپ، حالىق باسقارۋىنداعى شارۋاشىلىقتى قولدايتىن قىزمەت مەحانيزمىن ورناتىپ، اۋدانداردا حالىق باسقارۋىنداعى شارۋاشىلىقتى دامىتۋدى، زورايتۋدى ورتاعا قويدى؛ لۋ ۋيلۇڭ تۇمشۇق قالالىق ساياسي كەڭەس اتىنان، ءتۇرلى ساياساتتى ويداعىداي، جەتكىلىكتى، جاندى تۇردە پايدالانىپ، باسقا كاسىپ سالاسىنا ويىستىرىپ جۇمىستاندىرۋ ارناسىن كەڭەيتىپ، جۇمىستانۋدى باسقارۋدى، قىزمەت وتەۋدى كۇشەيتىپ، ارتىق ەڭبەككۇشتەردىڭ باسقا كاسىپ سالاسىنا ويىسىپ جۇمىستانۋىن جەبەۋدى ۇسىندى.

  اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماجىلىسكە قاتىناستى، سوزدەردى تىڭدادى.

  اۆتونوميالى رايوندىق ساياسي كەڭەستىڭ ورىنباسار ءتوراعاسى، قوسىمشا باس حاتشى جاڭ بو كادرلار ىسىنە قاتىستى ىستەر جانە قاتىستى تۇزىمدەردى كۇشىنەن قالدىرۋ جونىندە تۇسىنىك جاسادى، ورىنباسار ءتوراعا ياڭ يۇڭ ءماجىلىستى باسقاردى، ورىنباسار ءتوراعالار كۇڭ شيڭلۇڭ، يىلھام سابىر، ابدۇرەقىپ ءتومۇرنياز ماجىلىسكە قاتىناستى.

جاۋاپتى رەداكتور: ريزا حاميت