پارتيانىڭ مەيىرىن ەستە بەرىك ساقتاپ، قىزمەتتى ويداعىداي ىستەيمىن

  پارتيانىڭ مەيىرىن ەستە بەرىك ساقتاپ، قىزمەتتى ويداعىداي ىستەيمىن

  □ موري قازاق اۆتونوميالى اۋداندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ شۋجيى، ورىنباسار مەڭگەرۋشى ۋ يانلين

  جاڭا جۇڭگو قۇرىلعان 70 جىلداعى دامۋ جەتىستىكتەرىنە كوز جىبەرگەندە، ءبىر جۇڭگولىق رەتىندە مەن شەكسىز داڭق سەزىنىپ، ماقتانىش ەتەمىن.

  مەن وتكەن عاسىردىڭ 60 - جىلدارىندا دۇنيەگە كەلدىم، بالا كەزىمدە زاتتىق بۇيىمدار تاپشى، قارىن تويعىزۋ ۇلكەن ماسەلە بولاتىن. قارىن تويعىزۋ ماسەلەسىن شەشۋ ءۇشىن ۇيدەگىلەر مەنى تالاي رەت ناعاشى اعامنىڭ ۇيىنە جىبەرىپ، اشارشىلىقتان امان الىپ قالعان. مەن وقۋعا تۇسكەندە مەكتەپتە سىنىپ جەتىسپەگەندىكتەن، سول كەزدەگى ءوندىرىس ۇلكەن اترەتى سيىر قورانىڭ كوڭىن تازالاپ، ەكى جاق باسىنا توپىراق ءۇيىپ، ۇستىنە 5 − 6 مەتر ۇزىندىقتاعى تاقتايدى قويىپ ۇستەل ەتتى؛ وقۋشىلار بالشىق ءۇيىندىسىن ورىندىق ەتتى؛ وقىتۋشىلار دا تاپشى، مۇعالىمدارىمىز تۇگەلدەي ۋاقىتشا مۇعالىم بولاتىن. وتكەن عاسىردىڭ 80 - جىلدارىندا رەفورما جاساپ، ەسىك اشۋدىڭ كوكتەم سامالىنا بولەنىپ، مەن ءبىر كاسىپتىك مەكتەپكە قابىلدانىپ، شىت جاڭا وقۋ - وقىتۋ عيماراتىندا تاماشا جوعارى وقۋ - اعارتۋدان ءنار الدىم. وقۋ تاۋىسقاننان كەيىن، پارتيا ۇيىمىنىڭ تاربيەلەپ، باۋلۋىندا مەن ادەتتەگى كادردان اۋدان دارەجەلى باسشى كادر بولىپ جەتىلدىم.

  70 جىلدان بەرى، ءبىزدىڭ تۇرمىس دەڭگەيىمىز مەملەكەتتىڭ دامۋىمەن بىرگە جوعارىلاپ، تۇرعىن ءۇي كەرپىش ۇيدەن كەڭ دە جارىق قابات ۇيگە اينالدى؛ قاتىناس قۇرالدارى بۇرىنعى ۆەلوسيپەدتەن، ەسەك اربادان دامىپ، قىستاقتارعا اۆتوبۋز قاتىنادى، كەيبىر ادامدار ۇيىنە جەڭىل اۆتوكولىك تە ساتىپ الدى؛ باتپاق جول كەڭ ءارى تەگىس اسفاليت جولعا اينالدى؛ حابارلاسۋ ينتەرنەت داۋىرىنە قادام تاستاپ، ساۋساعىن ءبىر قوزعالتسا - اق بولعانى شەت - شالعايداعى اداممەن ەكراندا سويلەسە الاتىن بولدى؛ وقۋ - اعارتۋ، دەنساۋلىق ساقتاۋ قۇرىلىسى سياقتىلاردا زور وزگەرىستەر جارىققا شىقتى. ءبىز بەيبىت زاماندا دۇنيەگە كەلىپ، قىزىل تۋدىڭ استىندا ەرجەتىپ، مەملەكەت دامۋى جەتىستىگىنەن تىنباي يگىلىكتەنىپ كەلەمىز. كوممۋنيستىك پارتيا بولماسا، جاڭا جۇڭگو بولماق ەمەس؛ رەفورما جاساۋ، ەسىك اشۋ بولماسا، ءبىزدىڭ بۇگىنگىدەي مولشىلىق تۇرمىسىمىز بولماق ەمەس. پارتيانىڭ مەيىرىن كوكەيىمدە بەرىك ساقتايمىن، پارتياعا العىس ايتۋ، پارتيانىڭ سوزىنە قۇلاق اسۋ، پارتياعا ىلەسۋ − ماڭگىلىك سەنىمىم، پارتيا ءۇشىن ادال قىزمەت ىستەۋ − بورىشىم، بۇكىل ىنتا - پەيىلىممەن حالىق ءۇشىن قىزمەت ىستەۋ − پارتيانىڭ ماعان تاپسىرعان مىندەتى. ءار داۋىردەگى ادامداردىڭ وزدەرىنە ءتيىستى جاۋاپكەرشىلىگى جانە بورىشى بولادى، جاڭا داۋىردە ءتۇرلى جاڭا سىن - سايىس، جاڭا بورىش الدىندا، مەن اۋەلگى ماقساتتى ۇمىتپاي، بورىشتى ەستە بەرىك ساقتاپ، پارتيانىڭ جاقسى كادرى، حالىقتىڭ جاقسى كومپىس قىزمەتكەرى بولامىن.

  مەن ونان ارى”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، پارتيانىڭ ساياسي تارتىبىنە جانە ساياسي قاعيداسىنا قاتاڭ بويسۇنىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن باتىل دايەكتىلەندىرىپ، اۆتونوميالى رايوندىق پارتكومنىڭ ءتۇرلى ورنالاستىرۋىن قاز - قالپىندا تياناقتاندىرىپ، شەگە قاعۋ رۋحىمەن ءتۇرلى قىزمەتتى ويداعىداي ىستەپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا تيەسىلى ۇلەس قوسامىن.

جاۋاپتى رەداكتور: نۇربولات قابىل
  • 1
  • 2
  • 3
  • 4