كۇرەس زاڭدىلىعىن يگەرىپ، كۇرەس ادىسىنە ءمان بەرەيىك

  كۇرەس زاڭدىلىعىن يگەرىپ، كۇرەس ادىسىنە ءمان بەرەيىك

  − باس شۋجي شي جينپيڭنىڭ ورتا جاس، جاس كادرلار كۋرسىنىڭ وقۋ باستاۋ سالتىندا سويلەگەن ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ جونىندە

  □ حالىق گازەتىنىڭ شولۋشىسى

  ساياسيدا شىڭدالۋمەن بىرگە، جوعارى قابىلەتكە دە يە بولۋ كەرەك. كوپتەگەن جاڭا تاريحي ەرەكشەلىككە يە ۇلى كۇرەستى جۇرگىزۋدە كۇرەس رۋحىن ساۋلەلەندىرۋمەن بىرگە، كۇرەس قابىلەتىن دە كۇشەيتۋ كەرەك.

  ”كۇرەستىڭ ءوزى ءبىر ونەر، كۇرەس جۇرگىزۋگە شەبەر بولۋ كەرەك“. 2019 - جىلعى كۇزگى وقۋ ماۋسىمىنداعى ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسىنىڭ وقۋ باستاۋ سالتىندا باس شۋجي شي جينپيڭ تاريح پەن رەالدىقتى ءوزارا تۇتاستىرعان، حالىقارا مەن ەل ءىشىن بايلانىستىرعان، نازاريا مەن ءىس جۇزىندىكتى ۇشتاستىرعان كەڭ كوز ايامەن قالىڭ كادرلاردىڭ، اسىرەسە، جاس كادرلاردىڭ كۇرەس زاڭدىلىعىن يگەرىپ، كۇرەس ادىسىنە ءمان بەرۋىن باسا دارىپتەپ، ءبىزدىڭ كۇرەس قابىلەتىمىزدى شىن مانىندە جوعارىلاتۋىمىزعا تەرەڭ تانىم نازارياسىن جانە عىلمي ادىستەمە ازىرلەدى.

  بۇگىنگى تاڭدا، پارتيامىز تۇراقتاندىرعان نىسانا مىندەتتەردى ورىنداۋ ءۇشىن، تەك باتىلدىق قانا بولسا جەتكىلىكسىز، كوزسىزدىكپەن الاڭعاسارلىق ىستەۋدىڭ جەڭىسكە جەتكىزۋى مۇمكىن ەمەس. زاڭدىلىقتى يگەرۋگە شەبەر بولۋ − پارتيامىزدىڭ قىزمەتتەردى ىلگەرىلەتۋگە باسشىلىق ەتۋىندەگى جەڭىسكە جەتۋ اسىلى ءارى ءبىزدىڭ كۇرەس قابىلەتىمىزدى جوعارىلاتۋىمىزداعى ماڭىزدى جول. مىنە بۇل بىزدەن ءتۇرلى ەلەۋلى كۇرەستەر بارىسىندا تاۋقىمەت تانىمىن كۇشەيتۋ مەن ستراتەگيالىق تاباندىلىقتى ساقتاۋدىڭ بىرلىگىنە، ستراتەگيالىق تۇجىرىم جاساۋ مەن تاكتيكالىق كەسىم جاساۋدىڭ بىرلىگىنە، كۇرەس جۇرگىزۋ بارىسى مەن كۇرەستىڭ ناقتى ءونىمىنىڭ بىرلىگىنە تاباندى بولۋىمىزدى تالاپ ەتەدى. ”شايقاستا شەبەر ادام ۇتىمدى جاعدايعا ۇمتىلادى“. كەلەلى جاعداي مەن اۋقىمدى دۇرىس يگەرۋ ەجەلدەن بەرى كۇرەستە جەڭىسكە جەتۋىمىزدەگى شەشۋشى شارت.

  باسشى كادرلار جونىنەن ايتقاندا، تاكتيكانى جوسپارلاۋدان بۇرىن اۋقىمدى جوسپارلاۋ، جالپى جاعدايعا، ءىشىنارا جاعدايعا كوز جىبەرۋ، سونىمەن بىرگە كەسىم جاساۋ مەن ارەكەت ءارى تەز، ءارى ءدال بولۋ، كۇرەس بارىسىن دالمە - ءدال يگەرىپ، امال - ايلا ىستەۋدىڭ ورايىن تۇجىرىمداپ، نىسانانى ءداپ باسىپ تاۋىپ، ءبىر جولدا نىساناعا تيگىزۋ كەرەك.

  كۇرەستىڭ قاعيداسى بولادى، كۇشتىمسىنىپ، نامىسقورلىققا سالىنىپ، قارا تالاسىپ، كۇش سالىستىرۋ ەمەس، قايتا تاكتيكاعا، ادىسكە ءمان بەرىپ، كۇرەس ونەرىنە نازار اۋدارۋ كەرەك. باستى قايشىلىقتى يگەرۋ، قايشىلىقتىڭ باستى جاعىن يگەرۋ كۇرەس جۇرگىزۋدىڭ ماڭىزدى ءادىسى. كۇرەس جۇرگىزۋدە قيسىندى، ءتيىمدى، ۇستامدى بولۋدان جازباي، كۇرەس ءتاسىلىن ۇيلەسىمدى تاڭداپ، كۇرەس ىڭعايىن يگەرىپ، پرينسيپتىك ماسەلەدە تيتتەي دە جول بەرمەۋ، تاكتيكالىق ماسەلەدە يكەمدى دە ۇتىمدى بولۋ كەرەك. جاعداي سۇرانىسىنا ساي، ۋاقىتتى، شەكتى، ءونىمدى يگەرىپ، كۇرەس تاكتيكاسىن دەر كەزىندە رەتتەۋ كەرەك.

  ىنتىماقتاسۋعا بولاتىن بارلىق كۇشتەرمەن ىنتىماقتاسىپ، بارلىق بەلسەندى فاكتورلاردى جۇمىلدىرىپ، كۇرەس بارىسىندا ىنتىماققا تالپىنىپ، كۇرەس بارىسىندا سەلبەسۋگە ۇمتىلىپ، كۇرەس بارىسىندا تەڭ يگىلىككە قول جەتكىزۋ كەرەك. بۇقارالىق لۋشياندا جۇرۋدەن جازباي، حالىق بۇقاراسىن كۇرەس بارىسىندا دۇرىس پەن بۇرىستى پارىقتاۋ، بەتالىستى ايقىنداۋ مۇمكىندىگىنە يە ەتىپ، پارتيانىڭ بيلىك جۇرگىزۋدەگى تاپتىق نەگىزى مەن بۇقارالىق نەگىزىن ۇزدىكسىز بەكەمدەۋ كەرەك.

  كۇرەس رۋحى، كۇرەس قابىلەتى تۋادا بولعان ەمەس، پارتيا ستاجىنا ىلەسە ارتپايدى، قىزمەت مىندەتىنىڭ جوعارىلاۋىنا ىلەسە تابيعي جوعارىلامايدى. باسشى كادرلار قاتاڭ يدەيالىق شىڭدالۋدان، ساياسي توسەلۋدەن، امالياتتىق شىنىعۋدان ءوتىپ، كۇردەلى دە قيان - كەسكى كۇرەس بارىسىندا بوران - شاشىندى باستان وتكەرىپ، ءومىردى تانىپ، تۇلعانى سومداپ، لاۋلاعان ورتكە كۇيمەيتىن ناعىز التىن بولىپ سومدالۋ كەرەك.

  پارتيانىڭ جاسامپاز نازارياسىن جەتە ۇيرەنىپ، جەتە ءتۇسىنىپ، شىنايى تياناقتاندىرىپ، ماركستىك تۇرعىنى، كوزقاراستى، ءادىستى يگەرىپ، كۇرەس جۇرگىزۋگە باتىل، كۇرەس جۇرگىزۋگە شەبەر بولۋ يدەيالىق نەگىزىن بەكەمدەۋ كەرەك، نازاريالىق جاقتان سەرگەك بولعاندا عانا، ساياسي جاقتان باتىل بولىپ، كۇرەس جۇرگىزگەندە سەنىمدى، قايراتتى بولۋعا بولادى. ەلەۋلى كۇرەستەر بارىسىندا شىڭدالۋدان جازباۋ، قيىنشىلىق نەعۇرلىم زور، قايشىلىق نەعۇرلىم كوپ جەر، جاعدايى نەعۇرلىم قيان - كەسكى، احۋالى نەعۇرلىم كۇردەلى كەز باتىلدىقتى شىنىقتىرىپ، جىگەردى جانىپ، قابىلەتتى كۇشەيتە تۇسەدى. ءتۇرلى كۇرەسكە ىرىقتىلىقپەن ات سالىسىپ، ”داۋىل مەن تولقىندى“ كوبىرەك باستان كەشىرىپ، قيىن ىستەردى كوبىرەك تىندىرىپ، قيىنشىلىق بارىسىندا شىڭدالعاندا عانا، كۇرەس جۇرگىزۋ رۋحىن ۇزدىكسىز جانۋعا، كۇرەس قابىلەتىن شىن مانىندە كۇشەيتۋگە بولادى.

  ۇلى ارماندى جۇزەگە اسىرۋ ءۇشىن، ءسوز جوق، ۇلى كۇرەستەر جۇرگىزۋ كەرەك. قازىر پارتيانى جاپپاي قاتاڭ جونگە سالۋ، ماركسيزمنىڭ يدەولوگيا سالاسىنداعى جەتەكشىلىك ورنىنا تاباندى بولۋ، رەفورمانى جاپپاي تەرەڭدەتۋ، قامداۋ جاعىنداعى قۇرىلىمدىق رەفورمانى ىلگەرىلەتۋ، جوعارى ساپالى دامۋدى ىلگەرىلەتۋ، فينانس سالاسىنداعى كومەسكى حاۋىپتەردى جويۋ، حالىق تۇرمىسىن قامتاماسىز ەتۋ جانە جاقسارتۋ، كەدەيلىكتەن ارىلتۋدان قامال الۋ شايقاسىن جەڭىستى جۇرگىزۋ، ەكولوگيالىق ورتانى جونگە سالۋ، ەلەۋلى تابيعي اپاتتارعا توتەپ بەرۋ، مەملەكەتتى زاڭ بويىنشا جاپپاي جونگە سالۋ، توپتىق وقيعالاردى ءبىر جايلى ەتۋ، قارا، سۇرقيا كۇشتەرگە سوققى بەرۋ، مەملەكەتتىڭ حاۋىپسىزدىگىن قورعاۋ... باسشى كادرلار جونىنەن ايتقاندا، كۇرەس الىستا ەمەس، كۇرەس توڭىرەگىمىزدە. جانىن ايايتىن ”سەرى“ بولماي، باتىل كۇرەس جۇرگىزەتىن، كۇرەس جۇرگىزۋگە شەبەر جاۋىنگەر بولۋىمىز، اۋەلگى ماقسات پەن بورىشتى ءوز قىزمەت ورنىمىزدا، ءار ءسوز - ارەكەتىمىزدە تياناقتاندىرساق، ”قوس 100 جىلدىق“ كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا ءتيىستى ۇلەسىمىزدى قوسا الامىز.

  (شينحۋا اگەنتتىگىنىڭ 9 - ايدىڭ 5 - كۇنى بەيجيڭنەن بەرگەن حابارى)

جاۋاپتى رەداكتور: نۇربولات قابىل