ساياسي جاۋاپكەرشىلىكتى بۇلجىتپاي ارقالاپ، كەدەيلىكتەن ورنىقتى ارىلتۋدىڭ ۇزاق ۋاقىتتىق مەحانيزمىن ورناتايىق

  شوكىرات زاكىر ىلە وبلىسىندا كەدەيلىكتەن ارىلتۋدان قامال الۋ قىزمەتىنە تەكسەرۋ - زەرتتەۋ جۇرگىزدى

  ساياسي جاۋاپكەرشىلىكتى بۇلجىتپاي ارقالاپ، كەدەيلىكتەن ورنىقتى ارىلتۋدىڭ ۇزاق ۋاقىتتىق مەحانيزمىن ورناتايىق

  ءتىلشىمىز جاۋ جىيۇن 9 - ايدىڭ 5 - كۇنى نىلقىدان حابارلايدى. 9 - ايدىڭ 4 - كۇنىنەن 5 - كۇنىنە دەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ىلە قازاق اۆتونوميالى وبلىسىنىڭ شاپشال سىبە اۆتونوميالى اۋدانىندا، نىلقى اۋدانىندا كەدەيلىكتەن ارىلتۋدان قامال الۋ قىزمەتىنە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، كەدەيلىكتەن ارىلتۋدان قامال الۋ قىزمەتىن تەرەڭدەتۋ بارىسىنداعى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنىڭ ونىمدىلىگىن تەكسەرىپ، ”ەكىدەن تارىقتىرماۋ، ءۇشتى قامتاماسىز ەتۋ“دى قاداعالاپ، كەدەيلىكتەن ارىلتۋدان قامال الۋدىڭ ءتۇرلى قىزمەتتەرىن تىڭعىلىقتى ويداعىداي ىستەپ، شەگە قاعۋ رۋحىمەن كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزۋ كەرەك.

  شاپشال سىبە اۆتونوميالى اۋدانى 2016 - جىلى 12 - ايدا شاپشال ەكولوگيالىق جاقتان كەدەيلەردى سۇيەمەلدەۋگە قارجى قوسۋ، دامىتۋ سەرىكتەستىگىن قۇرىپ، 300 مىڭ مۋ قاعىر جەردىڭ ەكولوگياسىن وڭادى ءارى ەكولوگيالىق جاقتان اشتى، جەرگىلىكتى ورىنداعى 330 كەدەي وتباسى قالامشا باپتاۋ قىزمەتىنە ات سالىسىپ، ءار ادام اي سايىن 3000 يۋان ەڭبەكاقى الدى. سەرىكتەستىكتىڭ ەكولوگيالىق جاقتان كەدەيلەردى سۇيەمەلدەۋ، ورمان ءوسىرۋ بازاسىندا، شوكىرات زاكىر قىزمەتكەرلەردى تاربيەلەۋ، كەدەي وتباسىنداعىلاردى جۇمىسقا قابىلداۋ جاعدايىن تانىستىرۋدى تىڭدادى. ول بىلاي دەپ اتاپ كورسەتتى: كەدەيلىكتەن ارىلتۋدىڭ ناتيجەلەرىن بەكەمدەۋدە كاسىپ سالاسىن دامىتۋعا ۇزدىكسىز كۇش سالىپ، ءتۇرلى ساياساتتاردى شىنايى تياناقتاندىرىپ، كەدەي وتباسىلارىنىڭ كىرىسىن جالعاستى ارتتىرۋ ارناسىن ۇزدىكسىز كەڭەيتۋ كەرەك.

  شاپشال سىبە اۆتونوميالى اۋدانىنىڭ كەدەيلەردى قونىس اۋدارتىپ سۇيەمەلدەۋ، ورنالاستىرۋ تۇيىنىندەگى ۇزىنبۇلاق اۋىل - قىستاق الەۋمەتتىك اۋماعىندا، نىلقى اۋدانى قاراسۋ اۋىلى ءتۇپشىن قىستاعىنداعى كەدەيلەردى قونىس اۋدارتىپ سۇيەمەلدەۋ، ورنالاستىرۋ شاعىن اۋماعىندا، شوكىرات زاكىر قونىس اۋدارتىپ ورنالاستىرىلعان وتباسىنداعىلارمەن ىقىلاستى اڭگىمەلەستى. ورنالاستىرۋ ءتۇيىنىنىڭ نەگىزدىك قۇرىلعىلار قۇرىلىسىن، كاسىپ سالاسىن دامىتۋ سياقتى جاعدايلارىن ەگجەي - تەگجەيلى ۇعىسقاننان كەيىن، ول بىلاي دەپ اتاپ كورسەتتى: نەگىزدىك قۇرىلعىلار قۇرىلىسىن ۇزدىكسىز كۇشەيتىپ، كاسىپ سالاسىنىڭ دامۋىن جەبەپ، قونىس اۋدارتىپ ورنالاستىرىلعان وتباسىلارىنىڭ ءوزىن دامىتۋ قابىلەتى مەن قان جاساۋ قابىلەتىن ۇزدىكسىز كۇشەيتىپ، كوشىپ بارۋىن، ورنىعىپ وتىرۋىن، بايۋىن شىنايى ورىنداۋ كەرەك.

  شينجياڭ تيانيۇن ورگانيكالىق اۋىل شارۋاشىلىق شەكتى سەرىكتەستىگى 2017 - جىلى نىلقى اۋدانىنىڭ چۋانيىڭ شارۋالار كاسىپتىك سەلبەستىك كووپەراتيۆىمەن بىرلەسىپ شينجياڭ يۇيشۇيچيڭ اۋىل شارۋاشىلىق شەكتى سەرىكتەستىگىن قۇرىپ، وسى اۋداننىڭ قاراسۋ اۋىلىنداعى 609 كەدەي وتباسىنىڭ جارناسىن قابىلدادى، قازىر جارنا قوسقان ءار وتباسىنا 6000 يۋاننان پايدا ءبولىپ بەردى. شوكىرات زاكىر بالىق مانەرلەۋ ءوندىرىس جەلىسىن كورىپ، كاسىپورىننىڭ دامۋ جانە كەدەي وتباسىلارىن جۇمىسقا قابىلداۋ جاعدايىن تانىستىرۋىن تىڭدادى. ول بىلاي دەدى: كاسىپ سالاسى ارقىلى كەدەيلەردى سۇيەمەلدەۋ سىندى وسى ءتۇيىندى مىقتى يگەرىپ، باستاماشى كاسىپورىنداردىڭ جەتەكتەۋ رولىن ساۋلەلەندىرىپ، ىقپال كورسەتۋ اسەرىن قالىپتاستىرىپ، ەگىنشى - مالشىلاردىڭ كەدەيلىكتەن ەرتەرەك ارىلىپ، كىرىسىن ارتتىرۋىن شىنايى جەبەۋ كەرەك.

  كاسىپورىندار ماڭايىنداعى كاسىپ سالاسى بايلىعىن ءبىر تۇتاس جوسپارلاپ، كاسىپورىننىڭ شارۋالار سەلبەستىك كووپەراتيۆىمەن، شارۋا وتباسىلار مەن كاسىپ سالاسىن بىرلەسىپ قۇرۋ، پايداسىنان ورتاق يگىلىكتەنۋ مەحانيزمىن بەلسەنە قاراستىرىپ، ءتىپتى دە كوپ شارۋانىڭ دامۋ بارىسىندا پايداعا كەنەلۋىنە مۇمكىندىك جاساۋ كەرەك.

  شوكىرات زاكىر بىلاي دەپ باسا دارىپتەدى: ساياسي دەڭگەيدى جوعارىلاتىپ، كوكەي تەستىلىك سەزىمدى كۇشەيتىپ، دامىلداۋ، بوساڭسۋ يدەياسىن باتىل جەڭىپ، كەدەيلىكتەن ارىلتۋدان قامال الۋداعى ساياسي جاۋاپكەرشىلىكتى بۇلجىتپاي ارقالاۋ كەرەك. كەدەيلىك قالپاعىن الىپ تاستاعان اۋداندار، كەدەي قىستاقتار كەدەيلىكتەن ارىلتۋ ناتيجەسىن بەكەمدەپ، جوعارىلاتىپ، كاسىپ سالاسى ارقىلى كەدەيلەردى سۇيەمەلدەۋدى كۇشەيتىپ، باسقا كاسىپ سالاسىنا ويىستىرىپ جۇمىستاندىرۋدى ويداعىداي يگەرىپ، كەدەيلىكتەن ورنىقتى ارىلۋدىڭ ۇزاق ۋاقىتتىق مەحانيزمىن زەرتتەپ، كەدەيلكتەن ارىلتۋ ساپاسىن جاپپاي جوعارىلاتۋ كەرەك. فورماشىلدىقتى، تورەشىلدىكتى باتىل جويىپ، ستيلدى شىنايى قاتايتىپ، شىنايىلاندىرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزۋ كەرەك.

جاۋاپتى رەداكتور: نۇربولات قابىل
  • 1
  • 2
  • 3
  • 4