ساياحات حالىقتىق تۇسەلحانا ەرەكشەلىگىن كورنەكتىلەندىرىپ، ساياحات دارەتحاناسى ءتيىمدى، قورشاعان ورتاعا پايدالى بولۋ كەرەك

  اۆتونوميالى رايوننىڭ ساياحات حالىقتىق تۇسەلحانا، ساياحات دارەتحانا قۇرىلىسى قىزمەتىن سايكەستىرۋ ماجىلىسىندە مىنالار العا قويىلدى

  ساياحات حالىقتىق تۇسەلحانا ەرەكشەلىگىن كورنەكتىلەندىرىپ، ساياحات دارەتحاناسى ءتيىمدى، قورشاعان ورتاعا پايدالى بولۋ كەرەك

  ءتىلشىمىز ليۋ ي 9 - ايدىڭ 5 - كۇنى ۇرىمجىدەن حابارلايدى. 9 - ايدىڭ 5 - كۇنى اۆتونوميالى رايون ساياحات حالىقتىق تۇسەلحانا، ساياحات دارەتحانا قۇرىلىسى جانە ارناۋلى تەكسەرۋ قىزمەتىن سايكەستىرۋ ءماجىلىسىن اشىپ، رايونىمىزدىڭ ساياحات حالىقتىق تۇسەلحانا، دارەتحانا قۇرىلىسىنىڭ ىلگەرىلەۋ جاعدايىن جانە ارناۋلى تەكسەرۋ گرۋپپاسى قىزمەتىنىڭ ورىستەتىلۋ جاعدايىن قورىتىندىلاپ، كەلەسى كەزەڭدەگى قىزمەتكە ورنالاستىرۋلار جاسادى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.

  8 - ايدان بەرى تۇتاس رايونداعى جەر - جەر، تاراۋلار حالىقتىق تۇسەلحانا، دارەتحانا قۇرىلىسىن ىشكەرىلەي ىلگەرىلەتىپ، ساننىڭ ارتۋى مەن ساپانىڭ جوعارىلاۋىن جۇزەگە اسىرىپ، ساياحاتشىلاردىڭ رازى بولۋ دەڭگەيى كورنەكتى كۇشەيدى.

  ءماجىلىس مىنالاردى باسا دارىپتەدى: ماسەلەنى باعدار ەتۋگە تاباندى بولىپ، ساياحات حالىقتىق تۇسەلحانا، دارەتحانا قۇرىلىسىنا جانە تەكسەرۋ بارىسىندا بايقالعان كورنەكتى ماسەلەگە تەكسەرۋ جۇرگىزىپ، تالداۋ جاساۋ كەرەك. جەر - جەر، تاراۋلار ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىمەن بىرلەستىرىپ، ساياسي دەڭگەيدى شىنايى جوعارىلاتىپ، قۇرىلىستىڭ اياق الىسىن جەدەلدەتىپ، تەكسەرۋ، جەتەكشىلىك ەتۋ تەبىنىن ارتتىرۋ كەرەك.

  ءماجىلىس مىنالاردى تالاپ ەتتى: يدەيالىق تانىمدى تاعى دا شوعىرلاندىرىپ، قىزمەت شاراسىن تاعى دا كۇشەيتىپ، جۇمىس جۇرگىزۋدى، باسقارۋدى تاعى دا جۇيەلىلەندىرىپ، تەكسەرۋ، جەتەكشىلىك ەتۋدى تاعى دا تەرەڭدەتۋ كەرەك. ساياحات حالىقتىق تۇسەلحانا قۇرىلىسى جاعىندا، ەرەكشەلىكتى كورنەكتىلەندىرىپ، قىزمەت وتەۋ دەڭگەيىن جوعارىلاتىپ، كەلەڭسىز باسەكەنىڭ الدىن الۋ كەرەك؛ ساياحات دارەتحانا قۇرىلىسى جاعىندا، ءتيىمدى، قورشاعان ورتاعا پايدالى بولۋ، جەرگىلىكتى ورىنعا پايدالى بولۋ، بازارعا ۇيلەسۋ پرينسيپىنە تاباندى بولىپ، ساياحات دارەتحانا قۇرىلىسى مەن باسقارۋدى جۇيەلىلەنۋگە جەتەكتەۋ كەرەك.

  ءماجىلىس تاعى قىسقى ساياحات قىزمەتىن الدىن الا جوسپارلاۋعا ورنالاستىرۋ جاساپ، حاۋىپسىزدىك باسقارۋ دەڭگەيىن جوعارىلاتۋدى، ساياحات قىزمەتىندەگى ولقىلىقتاردى جەدەل تولىقتاۋدى، رايونىمىز ساياحات كاسىبىنىڭ ۇزدىكسىز تەز قارقىنمەن اقاۋسىز دامۋىن ىلگەرىلەتۋدى تالاپ ەتتى.

جاۋاپتى رەداكتور: نۇربولات قابىل
  • 1
  • 2
  • 3
  • 4