شي جينپيڭ جۇڭگو قىزىل كرەست قوعامىنىڭ 11 - رەتكى مەملەكەتتىك مۇشەلەر قۇرىلتايىنىڭ ۋاكىلدەرىمەن كەزدەستى

  شي جينپيڭ جۇڭگو قىزىل كرەست قوعامىنىڭ 11 - رەتكى مەملەكەتتىك مۇشەلەر قۇرىلتايىنىڭ ۋاكىلدەرىمەن كەزدەستى

  لي كىچياڭ، ۋاڭ حۋنيڭ، ۋاڭ چيشان كەزدەسۋگە قاتىناستى

  شينحۋا اگەنتتىگىنىڭ 9 - ايدىڭ 2 - كۇنى بەيجيڭنەن بەرگەن حابارى (تىلشىلەر زوۋ ۋي، ۋاڭ پىڭ). جۇڭگو قىزىل كرەست قوعامىنىڭ 11 - رەتكى مەملەكەتتىك مۇشەلەر قۇرىلتايى 9 - ايدىڭ 2 - كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حالىق سارايىندا بارلىق ۋاكىلدەرمەن ىقىلاسپەن كەزدەسىپ، ولاردان شىنايى حال سۇرايتىندىعىن جانە ولاردى قۇتتىقتايتىندىعىن ءبىلدىردى، ولاردى ادامگەرشىلىك، مەيىرىمدىلىك، ۇلەس قوسۋ رۋحىن اسقاقتاتىپ، رەفورما جاساپ، جاڭالىق اشىپ، قايراتتانا ءىس تىندىرىپ، قىزىل كىرەست ىستەرىنىڭ دامۋىنا جاڭا ءارى اناعۇرلىم زور ۇلەس قوسۋعا جىگەرلەندىردى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ كەزدەسۋگە قاتىناستى، مەملەكەتتىڭ ورىنباسار ءتوراعاسى ۋاڭ چيشان كەزدەسۋگە قاتىناستى ءارى قۇرىلتايدىڭ اشىلۋ سالتىنا قاتىناستى.

  تۇستەن بۇرىن ساعات 10دا، شي جينپيڭ قاتارلىلار حالىق سارايىنىڭ سولتۇستىك زالىنا كەلگەندە، بۇكىل زالدان قىزۋ قول شاپالاق ءۇنى كوتەرىلدى. شي جينپيڭ قاتارلىلار ۋاكىلدەرمەن ىقىلاسپەن قول الىسىپ، ءالسىن - ءالى اڭگىمەلەستى ءارى ولارمەن بىرگە ەستەلىك سۋرەتكە ءتۇستى.

  سۇن چۇنلان كەزدەسۋگە قاتىناستى ءارى اشىلۋ سالتىندا پارتيا ورتالىق كوميتەتى، مەملەكەتتىك كەڭەس اتىنان ءسوز سويلەدى. ول بىلاي دەدى: جۇڭگو قىزىل كرەست قوعامىنىڭ 10 - رەتكى مەملەكەتتىك مۇشەلەر قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، قىزىل كىرەست ىستەرىندە كورنەكتى تابىستارعا قول جەتتى. جاڭا باستامادا قىزىل كرەست قىزمەتىندە شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي دايەكتىلەندىرىپ، پارتيانىڭ باسشىلىعىنا تاباندى بولىپ، دۇرىس بەتالىستان مىزعىماي، ادامگەرشىلىك كۇشىن ۇيىستىرىپ، ءومىر مەن سالاماتتىقتى قورعاپ، رەفورما جاساۋدى، جاڭالىق اشۋدى تەرەڭدەتىپ، زاڭ بويىنشا مىندەت وتەپ، جاۋاپكەرشىلىكتى ادا ەتىپ، حالىقارالىق كومەك ورىستەتىپ، حالىقتىق ديپلوماتيانى كەڭەيتىپ، وتان ءۇشىن ۇلەس قوسۋعا، حالىقتى باقىتقا كەنەلتۋگە قۇلشىنۋ كەرەك.

  قۇرىلتايدىڭ اشىلۋ سالتىن جۇڭگو قىزىل كرەست قوعامىنىڭ باستىعى چىن جۋ باسقاردى، قىزىل كرەست حالىقارالىق كوميتەتىنىڭ ءتوراعاسى پەتەر ماۋرەر بەينە جازبادا ءسوز سويلەدى، قىزىل كرەست قوعامى مەن قىزىل جاڭا اي قوعامى حالىقارالىق بىرلەستىگىنىڭ ءتوراعاسى فرانسيسكو روكا ءسوز سويلەدى، جۇڭحۋا مەملەكەتتىك باس جۇمىسشى ۇيىمى شۋجيچۋىنىڭ ءبىرىنشى شۋجيى لي يۇيفۋ بۇقارالىق ۇيىمدار اتىنان قۇتتىقتاۋ ءسوزىن سويلەدى. ماجىلىستە 47 - كەزەكتى نايتينگەيل ىزناگىنىڭ جۇڭگولىق يەگەرلەرىنە سيلىق تابىستالدى ءارى بۇكىل ەلدىڭ قىزىل كرەست جۇيەسىندەگى 32 وزات كوللەكتيۆ پەن 10 وزات قىزمەتكەر ماداقتالىپ سيلاندى.

  ديڭ شۋەشياڭ، ياڭ جيەچى، حۋاڭ كۇنميڭ، شياۋ جيە كەزدەسۋگە قاتىناستى، چىن شي، ۋاڭ يۇڭ، ۋاڭ ي كەزدەسۋگە قاتىناستى ءارى اشىلۋ سالتىنا قاتىناستى.

جاۋاپتى رەداكتور: نۇربولات قابىل