ۇلتتار ىنتىماعىنىڭ تاماشا ۇلگىسىن ورناتايىق

 اقسۋ ايماقتىق سىرتقى ىستەر كەڭسەسىنىڭ مەڭگەرۋشىسى عۇنچام جۇما

  مەن باي اۋدانى ونباش اۋىلى كونەتۇر قىستاعىندا تۋىلدىم، اتام قىستاقتاعى تاڭداۋلى كوممۋنيستىك پارتيا مۇشەسى، تالاي جىل قىستاق كادرى بولعان، اكە - شەشەم ساۋاتى بار ديقان. اتام كونە قوعامنىڭ تالاي جاپا - ماشاقاتىن باستان كەشىرگەن، جۇڭگو كوممۋنيستىك پارتياسىنا العىس ايتىپ، ۇنەمى جاڭا - كونە قوعامدى سالىستىرىپ، ءبىزدى پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە تاربيەلەدى. اتامنىڭ ءىنىسى 20 جىلعا جۋىق قىستاق پارتيا ياچەيكاسىنىڭ شۋجيى بولعان، مىندەت وتەپ تۇرعان كەزىندە از ۇلت پەن حانزۋ ارالاس وقيتىن مەكتەپ بار بولاتىن. مەنىڭ ەسىمدە قالۋىنشا، اينالامىز ءار ۇلت وقىتۋشى - وقۋشىلارى ءوزارا كومەكتەسەتىن، ىنتىماق، دوستىق سۇيىسپەنشىلىككە تولعان، كونەتۇر قىستاعىنداعى ءار ۇلت قىستاق تۇرعىندارى تاتۋ - ءتاتتى وتەتىن، ءبىر - بىرىنە دەم بەرىپ، تاماشا تۇرمىسىن بىرگە جاراتقان اسەرلى كورىنىسكە تولى بولاتىن.

  كەزىندە بولعان ءبىر ءىس ماعان جانە ءبىزدىڭ اۋلەتىمىزگە تەرەڭ ىقپال جاسادى. اكە - شەشەمنىڭ ايتۋىنشا، قىستىڭ قاقاعان ايازدى كۇندەرىنىڭ بىرىندە، ۋ فاميليالى ءبىر وتباسى بالا - شاعاسىمەن قالادان قىستاققا كوشىپ كەلگەن، ءبىراق سول كەزدە قىستاقتان ولار وتىراتىن ءۇي شىقپاي، مەنىڭ اتام مەن اجەم ىرىقتىلىقپەن ولارعا بىرنەشە اۋىز ءۇيىن بوساتىپ بەرىپ، ءبىزدىڭ وتباسىمىز بەن ۋ وتباسى وسىلايشا كورشى بولعان. سول جىلى قىستا اتام اۋدان قالاشىعىنا بازارشىلاپ بارا جاتقان جولىندا كۇتپەگەن جەردەن اۆتوكولىك شىرعالاڭىنا ۇشىراپ، اۋىلداستار شيپاحاناعا شۇعىل قۇتقارۋعا اپارادى. سول كەزدە اتاما كوك باۋىرى ءبولىنىپ كەتكەن دەگەن دياگنوز قويىلىپ، وتە حاۋىپتى جاعدايدا قالعاندىقتان، كوپ مولشەردە قان قۇيۋ قاجەت بولادى. قاتىناس جانە حابارلاسۋ شارت - جاعدايى شەكتى بولعاندىقتان، قان تيبى سايكەس كەلەتىن ۇيدەگىلەرمەن دەر كەزىندە حابارلاسۋ مۇمكىن بولماي، اتامنىڭ ومىرىنە حاۋىپ تونەدى. سول ارادا تۇرعان اۋىلداستاردىڭ قان تيبى دە سايكەس كەلمەيدى، بازارعا بىرگە بارعان سۇڭ لايشين دەگەن ازاماتتىڭ عانا قان تيبى سايكەس كەلەدى، ول ءبىزدىڭ كورشىمىزدىڭ ءىنىسى ەكەن. سۇڭ لايشين ءلام دەمەستەن، بىلەگىن ءتۇرىپ اتاما قان بەرەدى. وسى حانزۋ ازاماتتىڭ ىستىق قانى اتامنىڭ قان تامىرىنا اعىپ كىرگەننەن كەيىن، ەسىنەن تانىپ جاتقان ول كوزىن اشادى! ساۋىققاننان كەيىن، اتام 30 جىلعا جۋىق ساۋ - سالامات ءومىر ءسۇردى، ءبىزدىڭ وتباسىمىز بەن ۋ وتباسى دا جاقسى كورشى بولدىق. ءبىزدىڭ وتباسىمىزداعىلار كۇنى بۇگىنگە دەيىن سۇڭ لايشيننىڭ اجالعا اراشاشى بولعان مەيىرىن ەستەرىنەن شىعارمادى.

  ۇلكەندەردىڭ ىقپالىندا، وقۋ جانە قىزمەت بارىسىندا كوپتەگەن ءار ۇلت دوستارىممەن تانىستىم، ولاردىڭ اراسىندا ەڭ جاقسى كورەتىن 2 حانزۋ دوسىم بولدى، بىرەۋىنىڭ اتى تيان يىنپيڭ، ەندى بىرەۋىنىڭ اتى تيان حايحۋا، قازىر ولار جەكە - جەكە گانسۋدىڭ نيڭشيان اۋدانىندا جانە سىچۋاننىڭ چىڭدۋىندا قىزمەت ىستەيدى، مەنىڭ ورتا مەكتەپ كەزىمدەگى دوستارىم. ءبىز ۇشەۋىمىز ءۇش جەردە تۇرعانىمىزبەن، ءبىراق ۋاقىتتىڭ سىنىنان وتكەن دوستىعىمىز كۇننەن - كۇنگە تەرەڭدەدى. ۇشەۋىمىزدىڭ وتباسىمىزداعىلار ءوزارا تانىسادى، ۇنەمى بارىس - كەلىس جاساسىپ تۇرادى، ءبىزدىڭ جۇبايلارىمىز بەن بالالارىمىز ۇشەۋىمىزدىڭ دوستىعىمىزعا سۇيىنەدى.

  مەنىڭ 2 قىزىم دا ءار ۇلت دوستارىمەن دوستاسۋدى وتە جاقسى كورەدى. ۇلكەن قىزىمنىڭ ەڭ جاقىن دوسى ۋدامۋ دەگەن موڭعۇل بويجەتكەن؛ كىشى قىزىمنىڭ ەڭ جاقىن دوسى لەي زىيىڭ دەگەن حانزۋ بويجەتكەن. بالالارىمنىڭ وزگە ۇلت بالالارىمەن شىنايى دوستىعىن كورىپ، مەن ”ءۇشتىڭ ءبىر - بىرىنەن ايرىلا الماۋ“ى يدەياسى جونىندە ءتىپتى دە تەرەڭ تانىمعا يە بولدىم.

  شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شىنايى قامقورلىعىندا، شينجياڭعا كومەكتەسكەن ولكە - قالالاردىڭ كۇش سالا كومەك كورسەتۋىندە، شينجياڭداعى ءار ۇلت حالقى قۇلشىنا كۇرەس جۇرگىزۋ ارقىلى بالدان ءتاتتى تاماشا تۇرمىس كەشىرىپ، ءبىز ۇلتتار ىنتىماعى دوستىعىنىڭ ىستىق مەيىرىنە تولى ۇلى شاڭىراقتا باقىتتى تۇرمىس كەشىرۋدەمىز. پارتيانىڭ نۇر - شۇعىلاسىنا بولەنىپ ەرجەتكەن پارتيالى كادر رەتىندە، مەن ۇلتتار ىنتىماعىنىڭ تاماشا ءداستۇرىن ىرىقتىلىقپەن جالعاستىرىپ، پەرزەنتتەرىمە، اينالامداعى بۇقاراعا ۇلتتار ىنتىماعىنىڭ تاماشا ۇلگىسىن ورناتىپ، ۇلتتار ىنتىماعىنىڭ حيكاياسىن ويداعىداي بايانداپ، شينجياڭنىڭ قوعام ورنىقتىلىعى مەن باياندى تىنىشتىعى باس نىساناسىن جۇزەگە اسىرۋ جولىندا ءوز ۇلەسىمدى قوسامىن.

جاۋاپتى رەداكتور: نۇربولات قابىل