«شي جينپيڭنىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ جونىندەگى بايىمداۋلارىنان ۇزىندىلەر» باسپادان شىعىپ تاراتىلدى

«شي جينپيڭنىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ جونىندەگى بايىمداۋلارىنان ۇزىندىلەر» باسپادان شىعىپ تاراتىلدى

  شينحۋا اگەنتتىگىنىڭ 8 - ايدىڭ 29 - كۇنى بەيجيڭنەن بەرگەن حابارى. 2 - توپتاعى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ورىستەتۋگە سايكەسۋ ءۇشىن، جۇڭگو كوممۋنيستىك پارتياسى ورتالىق كوميتەتى پارتيا تاريحى جانە حۇجاتتار زەرتتەۋ ورنى، ورتالىقتىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى باسشىلىق گرۋپپاسى كەڭسەسى بىرلەسىپ قۇراستىرعان «شي جينپيڭنىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ جونىندەگى بايىمداۋلارىنان ۇزىندىلەر» (تومەندە قىسقارتىلىپ «ۇزىندىلەر» دەلىنەدى) اتتى كىتاپ ورتالىق حۇجاتتار باسپاسىنان، پارتيا قۇرىلىسى وقۋلىعى باسپاسىنان باسپادان شىعىپ، سول كۇننەن تارتىپ بۇكىل ەل كولەمىندە تاراتىلدى.

  «ۇزىندىلەر»دىڭ مازمۇنى باس شۋجي شي جينپيڭنىڭ 2012 - جىلى 11 - ايدىڭ 15 - كۇنىنەن 2019 - جىلى 7 - ايدىڭ 16 - كۇنىنە دەيىنگى مەزگىلدەگى سوزدەرى، باياندامالارى، ماقالالارى، نۇسقاۋلارى، بەكىتۋلەرى سياقتى 130دان استام ماڭىزدى حۇجاتتاردان الىنعان، 10 ارناۋلى تاقىرىپقا بولىنگەن، جالپى 362 بولەك بايىمداۋدى قامتيدى. مۇنىڭ ىشىندە ءىشىنارا بايىمداۋلار تۇڭعىش رەت اشىق جاريالانىپ وتىر. ورتالىقتىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى باسشىلىق گرۋپپاسى كەڭسەسى مىنالاردى باسا دارىپتەدى: «ۇزىندىلەر» ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ورىستەتۋدەگى نەگىزگى ماتەريال، باس شۋجي شي جينپيڭنىڭ قاتىستى بايىمداۋلارىن ۇيرەنۋدەگى ماڭىزدى وقۋلىق. «ۇزىندىلەر»دى تاقىرىپتىق تاربيە ۇيرەنۋ جوسپارىنا ەنگىزىپ، پارتيا مۇشەلەرىن مۇقيات ۇيرەنۋگە ۇيىمداستىرىپ، اۋەلگى ماقساتتان اينىماۋدى، بورىشتى ارقالاۋدى، پارىقتاردى تابۋدى، تياناقتاندىرۋدى يگەرۋدى شىنايى ورىنداپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانانى اناعۇرلىم ويداعىداي قارۋلاندىرۋ، امالياتقا جەتەكشىلىك ەتۋ، قىزمەتتەردى ىلگەرىلەتۋ كەرەك.

جاۋاپتى رەداكتور: ريزا حاميت