جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى ”جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ“ ەستەلىك ىزناگىن تاراتادى

جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى ”جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ“ ەستەلىك ىزناگىن تاراتادى

  شينحۋا اگەنتتىگىنىڭ 8 - ايدىڭ 29 - كۇنى بەيجيڭنەن بەرگەن حابارى. جۋىقتا، جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى ”جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ“ ەستەلىك ىزناگىن تاراتادى. ”جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ“ ەستەلىك ىزناگىن تاراتۋ − جاڭا جۇڭگو قۇرىلعاندىعىنىڭ 70 جىلدىعى جەلىلەس قۇتتىقتاۋ قيمىلدارىنىڭ ماڭىزدى قۇرامداس بولىگى، وتانشىلدىق تاربيەنى كۇشەيتۋدە، سوتسياليستىك وزەكتى قۇن كوزقاراسىن جەتىلدىرۋدە جانە ونى امالياتتا ايگىلەۋدە، جۇڭگوشا سوتسياليزم ۇلى ىستەرىنىڭ ۇيىستىرۋ قۋاتى مەن باۋراۋ قۋاتىن كۇشەيتۋدە توتەنشە كەلەلى ماڭىز الادى.

  پارتيا مەن مەملەكەتكە ەلەۋلى ەڭبەك كورسەتىپ، داڭق اپەرگەندەردى ماداقتاپ - سيلاۋ قىزمەتى كوميتەتى كەڭسەسى جاۋاپتىسىنىڭ تانىستىرۋىنا قاراعاندا، ”جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ“ ەستەلىك ىزناگى تومەندەگى وبيەكتىلەردىڭ ىشىندەگى شارتقا ۇيلەسەتىندەرگە تاراتىلادى ەكەن:

  − جۇڭحۋا حالىق رەسپۋبليكاسى قۇرىلۋدان بۇرىن توڭكەرىستىك قىزمەتكە قاتىناسقان، كوزى ءتىرى ساقا جاۋىنگەرلەر، ساقا جولداستار؛

  − جۇڭحۋا حالىق رەسپۋبليكاسى قۇرىلعاننان كەيىن مەملەكەت دارەجەلى ماراپات پەن سيلىققا جانە ودان جوعارى داڭققا يە بولعان كوزى ءتىرى ادامدار؛

  − جۇڭحۋا حالىق رەسپۋبليكاسى قۇرىلعاننان كەيىن سوعىسقا قاتىناسىپ 1 - دارەجەلىدەن جوعارى ەڭبەك كورسەتىپ سيلانعان كوزى ءتىرى اسكەريلەر (قوسىننان شەگىنگەن اسكەريلەر قامتىلادى)؛

  − جۇڭحۋا حالىق رەسپۋبليكاسىنىڭ قۇرىلۋىنا كورنەكتى ۇلەس قوسقان حالىقارالىق دوستار.

  2019 - جىلى 1 - ايدىڭ 1 - كۇنىنەن كەيىن قايتىس بولعاندار وسى رەتكى تاراتۋ كولەمىندە.

  ەستەلىك ىزناككە مىس قالىپپەن التىن جالاتىلعان ماتەريال پايدالانىلعان، ديامەترى 50 ميلليمەتر، باستى فاكتورلارى − بەس جۇلدىز، ”70“ فورمالى جەلەك، بەرەكە اسەم تۇيىنشەگى، جاقسىلىقتىڭ نىشانى بولعان ىرىستى بۇلت جانە ساۋلە، نەگىزگى رەڭى قىزىل ءتۇس جانە التىن سارى ءتۇس. وزەگىندەگى بەس جۇلدىز مەملەكەتتىڭ داڭقىنا ۋاكىلدىك ەتەدى، ”70“ فورمالى جەلەك جۇڭحۋا حالىق رەسپۋبليكاسىنىڭ 70 جىلدىق كۇرەس بارىسىنىڭ سيمۆولى. بەرەكە اسەم تۇيىنشەگى بەس جۇلدىز بەن ”70“ فورمالى جەلەكتىڭ اينالاسىن قورشاپ، بۇكىل ەلدەگى ءار ۇلت حالقىنىڭ ۇلى ىنتىماعىن بەينەلەپ، ادامزاتتىڭ تاعدىرلاس ورتاق تۇلعاسىن قۇرۋ تىلەگىن تۇلعالاعان. ەستەلىك ىزناكتىڭ سىرتقى جيەگى جاقسىلىقتىڭ نىشانى بولعان ىرىستى بۇلتتان، ساۋلەدەن قۇرالىپ، حالىقتىڭ تاماشا تۇرمىسقا تالپىنىسىن سيمۆولداۋمەن بىرگە، جۇڭحۋا حالىق رەسپۋبليكاسىنىڭ تۋعان كۇنىن سالتاناتپەن قۇتتىقتاۋدى، مەملەكەتتىڭ باي، قۇدىرەتتى بولۋى، ۇلتتىڭ گۇلدەنۋى، حالىقتىڭ باقىتتى بولۋى جولىنداعى شۇعىلالى جەتىستىكتەرىن القاۋدى، سونداي - اق 70 جىلدىق شۇعىلالى كۇرەس ناتيجەلەرى نەگىزىندە اۋەلگى ماقساتتى ۇمتپاي، ۇدەرە العا تارتۋداي باتىل بەكىمدى بەينەلەگەن.

جاۋاپتى رەداكتور: ريزا حاميت