قاشقار ايماعى باقىلاۋ − باسقارۋدى كۇشەيتىپ، كەدەيلەردى سۇيەمەلدەۋ قارجىسىنىڭ ناقتاپ تياناقتاندىرىلۋىنا شىنايى كەپىلدىك ەتتى

تۇيىق اينالىمدى باسقارۋ، تالداۋ جاساۋ تۇعىرىن قۇردى

قاشقار ايماعى باقىلاۋ − باسقارۋدى كۇشەيتىپ، كەدەيلەردى سۇيەمەلدەۋ قارجىسىنىڭ ناقتاپ تياناقتاندىرىلۋىنا شىنايى كەپىلدىك ەتتى

دامۋ جەتىستىكتەرىنە شولۋ

  تىلشىلەرىمىز حان چينيان، شۇي جيان، باي جىيۇي، ميھىرگۇل ناسىر 8 - ايدىڭ 26 - كۇنى قاشقاردان حابارلايدى. سۇيەمەلدەۋ قارجىسىن ۇلەستىرمەگەن، تۇسىرمەگەن ۋاقىتى ءبىر كۇن اسسا، ەسكەرتۋ بەرىلەدى؛ قارجى نىسانمەن بايلانىستىرىلماسا، ەسكەرتۋ بەرىلەدى؛ قارجى تىكەلەي مەردىگەرلىككە قابىلدانعان كاسىپورىنعا تولەنبەي، باسقاعا پايدالانۋ حاۋپى بولسا، ەسكەرتۋ بەرىلەدى.

  مەيلى قاشقار قالاسىندا، الدە شەت - شالعايداعى اۋىل - قىستاقتاردا بولسىن، ايتەۋ كەدەيلەردى سۇيەمەلدەۋ قارجىسى بوساتىلماسا، ىستەتىلمەسە، قاشقار ايماقتىق قازىنا مەكەمەسىنىڭ كەدەيلەردى سۇيەمەلدەۋ قارجىسىن تۇيىق اينالىمدا باسقارۋ، تالداۋ جاساۋ تۇعىرى ەسكەرتۋ جولداپ، ءار دارەجەلى، ءار ءتۇرلى قازىنالىق كەدەيلەردى سۇيەمەلدەۋ قارجىسىنىڭ ۇلەستىرىلۋ، ءتۇسىرىلۋ، تولەنۋ جانە نىساننىڭ اتقارىلۋىنىڭ ءبىر - بىرلەگەن بۋىندارىنا تۇتاس بارىستىق باقىلاۋ - باسقارۋدى اتقارىپ، كەدەيلەردى سۇيەمەلدەۋ قارجىسىنىڭ دالمە - ءدال ىستەتىلىپ، ناقتاپ سالىنىپ، دالمە - ءدال تياناقتاندىرىلۋىنا شىنايى كەپىلدىك ەتتى.

  8 - ايدىڭ 15 - كۇنىنە دەيىن، قاشقار ايماعىنىڭ بيىل جالپى تياناقتاندىرىلعان ءار ءتۇرلى كەدەيلەردى سۇيەمەلدەۋ قارجىسى 15 ميلليارد 620 ميلليون 300 مىڭ يۋان بولىپ، مۇنىڭ ىشىندە ءبىر تۇتاس جوسپارلانىپ، كەدەيلىكتەن ارىلتۋدان قامال الۋعا جۇمسالاتىن قارجى 13 ميلليارد 229 ميلليون 300 مىڭ يۋان بولعان. اتقارىلۋعا ەستەلىككە جولدانىپ، تياناقتاندىرىلعان كەدەيلىكتەن ارىلتۋدان قامال الۋ نىسانى 622 بولىپ، 608ى قۇرىلىس باستاپ، قۇرىلىس باستاۋ سالىستىرماسى %97.75 بولعان. قوسىلعان قارجى 12 ميلليارد 881 ميلليون 881 مىڭ 600 يۋان (721 ميلليون 590 مىڭ 700 يۋان شينجياڭعا كومەكتەسۋ قارجىسىن قامتيدى)، شىعىسى 9 ميلليارد 617 ميلليون 54 مىڭ 200 يۋان (641 ميلليون 600 مىڭ يۋان شينجياڭعا كومەكتەسۋ قارجىسىن قامتيدى)، قارجىنىڭ شىعىس سالىستىرماسى %74.66 بولعان.

  قاشقار ايماعىنىڭ كەدەيلەردى سۇيەمەلدەۋ نىسانى قۇرىلىسى، قارجىنىڭ بوساتىلىپ تولەنۋ اياق الىسىنىڭ بۇرىنعى جىلدارداعىدان كورنەكتى جاقسارۋى قاشقار ايماقتىق قازىنا مەكەمەسىنىڭ كەدەيلەردى سۇيەمەلدەۋ قارجىسىن تۇيىق اينالىمدى باسقارۋ، تالداۋ جاساۋ تۇعىرىنىڭ قولدانىسقا بەرىلۋىنىڭ ارقاسى.

  قاشقار ايماعىنىڭ كەدەيلىكتەن ارىلتۋدان قامال الۋ مىندەتى جاپالى. بيىل قاشقار ايماقتىق قازىنا مەكەمەسى اۋدان دارەجەلى كەدەيلىكتەن ارىلتۋدان قامال الۋ جوباسى مەن نىسان قويماسىنا نەگىزدەلىپ، مەجە ەسەپ كورسەتكىش جۇيەسى مەن مەملەكەت قازىناسىنىڭ شوعىرلى تولەۋ جۇيەسىن ءتۇيىلىستىرىپ، ينفورماتسيالىق جۇيە بايلىعىن بىرىكتىرىپ، قاشقار ايماقتىق قازىنا مەكەمەسىنىڭ كەدەيلەردى سۇيەمەلدەۋ قارجىسىن تۇيىق اينالىمدى باسقارۋ، تالداۋ جاساۋ تۇعىرىن دايىندادى. وسى تۇعىر ارقىلى مەجە ەسەپتىڭ اتقارىلۋىن الدىڭعى، ورتاڭعى، سوڭعى باسقىش بويىنشا تۇتاس بارىستىق باقىلاپ - مەڭگەرىپ، ”قارجىنىڭ نىسانعا ىلەسۋىن، نىساننىڭ ساياساتقا ىلەسۋىن“ جۇزەگە اسىرۋعا بولادى.

  ”بۇرىن كەدەيلەردى سۇيەمەلدەۋ قارجىسىنىڭ قابىلدانۋ، جۇمسالۋ جاعدايى مەن قارجىنىڭ كەدەيلەردى سۇيەمەلدەۋدەگى قايسى نىسانعا جۇمسالعانىن اۋدان، قالالار جيناقتاعان سوڭ عانا يگەرۋشى ەدىك. قازىر ءاربىر اۋداننىڭ، قالانىڭ، ءاربىر قارجىنىڭ، ءاربىر كەدەيلەردى سۇيەمەلدەۋ نىسانىنىڭ قابىلدانۋ - جۇمسالۋ جاعدايىن كەز كەلگەن ۋاقىتتا سۇراستىرا الامىز“، - دەيدى قاشقار ايماقتىق قازىنا مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى ۋاڭ شاۋحۋا.

  اۋىلدىق قازىناداعى كەدەيلەردى سۇيەمەلدەۋ ارناۋلى كادرلارىنىڭ دا جۇگى جەڭىلدەدى. ”بۇرىن سول كۇنگى كەدەيلەردى سۇيەمەلدەۋ قارجىسى تولەنۋىنىڭ سالىستىرماسىنا ساناق جاساۋ ءۇشىن، ءسوزسىز، جۇمىستان تۇسكەننەن كەيىن عانا توپتاۋعا بولاتىن، قازىر بۇل جۇمىستى كەز كەلگەن ۋاقىتتا ىستەي الاتىن بولدىق“، - دەدى ياركەن اۋدانى شارباق اۋىلدىق قازىنا بولىمشەسىنىڭ باستىعى چىن چۇنحۇڭ.

  قازىنانىڭ كەدەيلەردى سۇيەمەلدەۋ قارجىسى جاعىنداعى بارلىق كادۋەلگى كەستەلەردى تۇگەلدەي جۇيەدەن پايدالانىپ، جەلىدەن دەر كەزىندە شىعارىپ الۋعا بولادى، بۇل نەگىزگى ساتى قازىناسىنداعى كەدەيلەردى سۇيەمەلدەۋ ارناۋلى كادرلارىنىڭ قايتا - قايتا كەستە تولتىرىپ، ساندى مالىمەتتەرگە تالداۋ جاساۋ سياقتى قايتالامالى جۇمىستارىن بارىنشا ازايتتى.

  ”ءبىز باسقا قازىنالىق قارجىنى تولىق ولشەممەن تۇيىق اينالىمدى باسقارۋ، تالداۋ جاساۋ تۇعىرىنا ەنگىزىپ، قازىنالىق قارجىنى باقىلاۋ - مەڭگەرۋدىڭ تولىق قامتىلۋىن ىلگەرىلەتىپ، اۋدان، قالا قازىنالىق قارجىسىن ينفورماتسيالاندىرىپ باسقارۋ ورەسىن جوعارىلاتىپ، ايماق، اۋدان قازىنا باسقارۋىنىڭ ساپاسىن كوتەرىپ، ونىمدىلىگىن جوعارىلاتۋىن جاپپاي جۇزەگە اسىرىپ، قازىنا قارجىسىن جۇيەلى، حاۋىپسىز، جوعارى ءونىمدى جۇمساۋدى جوسپارلاپ وتىرمىز“، - دەدى ۋاڭ شاۋحۋا.

جاۋاپتى رەداكتور: ريزا حاميت