قىزىلسۋ وبلىسى شەكارانى گۇلدەندىرىپ، حالىقتى اۋقاتتاندىرۋ بويىنشا 5 جىلدا 320 نىسان اتقاردى

  گازەتىمىزدىڭ جالپىلىق اقپارات قۇرالدارى تىلشىلەرى حى ليڭ، رىن حۋا 8 - ايدىڭ 22 - كۇنى اتۇشتان حابارلايدى. قىزىلسۋ قىرعىز اۆتونوميالى وبلىستىق ۇلت، ءدىن ىستەرى مەكەمەسىنەن ۇعىسۋعا قاراعاندا، 5 جىلدان بەرى قىزىلسۋ وبلىسى شەكارانى گۇلدەندىرىپ، حالىقتى اۋقاتتاندىرۋ بويىنشا 320 نىسان اتقارىپ، ءار ۇلت بۇقاراسىنىڭ جاپپاي دوڭگەلەك داۋلەتتىلىككە جەتۋىن ءونىمدى تۇردە دەمەگەن.

  8 - ايدىڭ 7 - كۇنى ءتىلشى ۇلۇقشات اۋدانى بايقۇرۇت اۋىلى قىزىلاعىن قىستاعى تورعات وتكەلى ايقاسپالى كوپىرىنىڭ جانىندا وسى اۋداننىڭ ساياحات ارقىلى كەدەيلەردى سۇيەمەلدەۋ شارۋالار شاتتىعى ساياجايى نىساننىڭ سالىنىپ جاتقاندىعىن كوردى. بۇل نىسانعا جيىنى 48 ميلليون يۋان قارجى قوسىلعان، باستىسى، قىرعىز ۇلتىنىڭ ەرەكشەلىككە يە 2 شارۋالار شاتتىعى ساياجايى سالىنادى، 5 كيىز ءۇي تىگىلەدى، بۇعان سايكەس بالىق كولشىگى، اعاش شارباق جول، باعىمشىلىق شاعىن اۋماعى سياقتى قۇرىلعىلار سالىنادى. نىسان سالىنىپ بولعاننان كەيىن، 20 كەدەي وتباسىنىڭ جۇمىستانىپ، كىرىسىن ارتتىرۋىن جۇزەگە اسىرۋعا جەتەكتەيدى.

  سوڭعى جىلدارى قىزىلسۋ وبلىسى حالىق تۇرمىسىن قامتاماسىزداندىرۋ مەن جاقسارتۋدى قىزمەتتىڭ ەڭ ماڭىزدى بۋىنى ەتىپ، بۇكىل وبلىس بويىنشا جۇمىلىپ شەكارانى گۇلدەندىرىپ، حالىقتى اۋقاتتاندىرۋ ينجەنەرياسىن ىلگەرىلەتتى.

  بەيقۇت ءۇي سالدى، اۋىز سۋ ينجەنەرياسىن جۇرگىزدى، كەدەيلەردى سۇيەمەلدەيتىن شارۋالار شاتتىعى ساياجايىن قۇردى... قىزىلسۋ وبلىستىق ۇلت، ءدىن ىستەرى مەكەمەسى بەرگەن ساندى مالىمەت 2015 - جىلدان 2019 - جىلعا دەيىن قىزىلسۋ وبلىسى جيىنى 296 ميلليون يۋان قارجى قوسىپ، شەكارانى گۇلدەندىرىپ، حالىقتى اۋقاتتاندىرۋ بويىنشا 320 نىسان اتقارعانىن ايگىلەدى. تەك بيىلدىڭ وزىندە قىزىلسۋ وبلىسى شەكارانى گۇلدەندىرىپ، حالىقتى اۋقاتتاندىرۋ بويىنشا 27 نىساندى اتقارىپ، جالپى قوسقان قارجىسى 105 ميلليون 880 مىڭ يۋانعا جەتكەن.

  سونىمەن قاتار، قىزىلسۋ وبلىسى ءىس جۇزىندىك جاعدايدى تياناق ەتىپ، شەكاراداعى كەدەيلەردى سۇيەمەلدەۋ قىزمەتى وي جەلىسىن ۇزدىكسىز تەرەڭدەتتى. شەكارا قورعاۋشىلارعا كومەك قاراجات بەرۋ ساياساتىن جان - جاقتى تياناقتاندىرىپ، شەكارانى قورعاۋشىلاردىڭ وتباسىنداعىلاردىڭ ەڭ تومەنگى تۇرمىسىن قامتاماسىزداندىرۋ ساياساتىن تياناقتاندىرىپ، شەكارانى قورعاۋشىلاردىڭ وقىستان جارالانۋ قامسىزداندىرۋى ساياساتىن تياناقتاندىرىپ، شەكارانى قورعاۋشىلاردىڭ ۋايىمدايتىن ىستەرىن شىنايى شەشتى.

  شەكارانى گۇلدەندىرىپ، حالىقتى اۋقاتتاندىرۋ ينجەنەريالارىنىڭ، شەكارانى گۇلدەندىرىپ، حالىقتى اۋقاتتاندىرۋ ساياساتتارىنىڭ تياناقتاندىرىلۋى قىزىلسۋ وبلىسىنداعى ءار ۇلت بۇقاراسىنىڭ ءوندىرىسىن، تۇرمىسىن جاقسارتۋمەن قاتار، ءار ۇلت بۇقاراسىنىڭ كىرىسىن ارتتىرىپ، اۋقاتتانۋىن جەبەدى.

  قىزىلسۋ وبلىستىق ساناق مەكەمەسىنىڭ ساندى مالىمەتىنە قاراعاندا، 2018 - جىلى قىزىلسۋ وبلىسىنداعى قالا - قالاشىق تۇرعىندارىنىڭ جان باسىندىق قولداعى تابىسى 28 مىڭ 452 يۋانعا جەتىپ، 2014 - جىلدان 2018 - جىلعا دەيىن جىلىنا ورتا ەسەپپەن %9.9 ارتقان. 2018 - جىلى ەگىنشى - مالشىلاردىڭ جان باسىندىق تازا كىرىسى 8162 يۋانعا جەتىپ، 2014 - جىلدان 2018 - جىلعا دەيىن جىلىنا ورتا ەسەپپەن %14.3 ارتقان.

  كەلەسى قادامدا قىزىلسۋ وبلىسى اناعۇرلىم كوپ قارجىنى شەكارانى گۇلدەندىرىپ، حالىقتى اۋقاتتاندىرۋ نىساندارىنا جۇمساپ، شەكاراداعى ءار ۇلت بۇقاراسىنىڭ ءوندىرىس، تۇرمىس شارت - جاعدايىن ۇزدىكسىز جاقسارتىپ، بۇكىل وبلىستاعى ءار ۇلت بۇقاراسىنىڭ جاپپاي دوڭگەلەك داۋلەتتىلىككە بىرگە جەتۋىن دەمەيدى.

جاۋاپتى رەداكتور: نۇربولات قابىل
  • 1
  • 2
  • 3
  • 4