پارتيانىڭ ابزال ساياساتى ءبىزدىڭ العا باسۋىمىزعا جول نۇسقادى

  □كەلپىن اۋداندىق شۇعىل جاعدايعا توتەپ بەرۋدى باسقارۋ مەكەمەسىنىڭ قىزمەتكەرى ايشام مامەت

  ”پارتياعا العىس ايتۋ، پارتيانىڭ سوزىنە قۇلاق اسۋ، پارتياعا ىلەسۋ“ قاراپايىم عانا ۇران ەمەس، قايتا مەنىڭ ءىشىنارا ىستەردى باستان كەشىرگەننەن كەيىن شىن كوڭىلىمنەن شىققان شىنايى سەزىمىم.

  مەن قاراپايىم شارۋا وتباسىندا تۋىلعانمىن، پارتيانىڭ قامقورلىعىندا، شينجياڭ رايونى ىشىندەگى ورتالاۋ كلاسىنا، ىشكى وڭىردەگى شينجياڭ تولىق ورتا كلاسىنا ءساتتى تۇردە ەمتيحان تاپسىرىپ قابىلدانىپ، ساپالى وقۋ - اعارتۋدان يگىلىكتەندىم. مەن وڭتۇستىك شينجياڭدا تۋىلعانمىن، سولتۇستىك شينجياڭعا كەلىپ شينجياڭ رايونى ىشىندەگى ورتالاۋ كلاسىندا وقۋدان بۇرىن، ۇيعۇر ۇلتىنان باسقا، تەك حانزۋ ۇلتىمەن جانە حۇيزۋ ۇلتىمەن عانا ارالاسقانمىن. شينجياڭ رايونى ىشىندەگى ورتالاۋ كلاسىندا وقىعاننان كەيىن، ءتىپتى دە كوپ ۇلت اعا - باۋىر، اپەكە - سىڭلىلەرمەن تانىستىم، ءار ۇلت پەرزەنتتەرى ءبىر وتباسىنىڭ بالالارىنداي بولىپ، بىرگە ۇيرەنىپ، بىرگە تۇرمىس كەشىرىپ، ءوزارا قارايلاستىق، ءبىز ساباقتاسپىز، دوسپىز، ءتىپتى، تۋىسپىز. مەن بۇنى شينجياڭ رايونى ىشىندەگى ورتالاۋ كلاسىنان، ىشكى وڭىردەگى شينجياڭ تولىق ورتا كلاسىنان وقىپ شىققان بالالاردىڭ ءبىر - بىرىنە سەرىك بولۋىن اناعۇرلىم قادىرلەي بىلۋىندەگى، العىس ايتۋدى اناعۇرلىم تۇسىنۋىندەگى سەبەپتەردىڭ ءبىرى دەپ ويلايمىن. بىزدە ۇلت ايىرماشىلىعى جوق، تەك جاقسى وقىپ، ۇزدىك ناتيجەمەن پارتيانىڭ قامقورلىعىنىڭ جانە ءبىز ءۇشىن ءۇنسىز ەڭبەك كورسەتكەن ۇستازدارىمىزدىڭ قارىمجىسىن قايتارۋدى عانا ويلادىق. ءبىز بارلىعىمىز بىرگە ۇيرەنگەن، بىرگە ەسەيىپ - ەرجەتكەن سول ءبىر جىلداردى ماڭگى ۇمىتپايمىز.

  ىشكى وڭىردە داشۋە وقىپ جاتقان كەزدە مەن كلاستاعى بىردەن - ءبىر ۇيعۇر وقۋشى بولاتىنمىن، ساباقتان تۇسە سالىسىمىزبەن ساباقتاستارىم مەنى قاۋمالاپ الىپ بىرەسە انانى، بىرەسە مىنانى سۇرايتىن. مەن تەگىندە كوپ سويلەمەيتىن، بۇيىعى ادام بولاتىنمىن، الايدا ساباقتاستارىمنىڭ ىستىق ىقىلاسى مەنى تەرەڭ اسەرلەندىردى. بىرتە - بىرتە مەكتەپكە العاش كەلگەن كەزدەگى جات ورتاعا ۇيىرلەسە الماعان كوڭىل كۇيدەن ارىلدىم، تۋعان جەر مەن تۋىستاردان الىستاپ، جات ەل، جات جەردە جالعىزسىراۋ سەزىمى دە جوعالدى. ءبىزدىڭ كلاستاعى ساباقتاستار وتانىمىزدىڭ جەر - جەرىنەن كەلگەن، مىنەزدەرى ءبىر - بىرىنە ۇقسامايدى، وڭتۇستىك جاقتان كەلگەن ساباقتاستار ءبىرشاما ءبيازى، وزدەرىنە سەنىمدى كەلەدى دە، سولتۇستىك جاقتان كەلگەن ساباقتاستار اشىق - جارقىن، اڭقىلداق بولادى، ءدال وسى سەبەپتى دە مەنىڭ ۇيرەنۋىم جانە تۇرمىسىم باي مازمۇندى جانە قاستەرلى بولدى. مەن ساباقتاستارىمنان كوپتەگەن نارسەلەردى ۇيرەندىم، ولاردىڭ 4 جىلدىق تاماشا داشۋە تۇرمسىن ماعان سەرىك بولىپ وتكىزگەندىگىنە العىس ايتامىن.

  داشۋە ءبىتىرىپ قوعام تابالدىرىعىن اتتاپ، قىزمەت ىستەگەنىمە 2 جىل بولايىن دەدى. مەن ۇنەمى بىلاي دەپ ويلايمىن، ەگەر پارتيانىڭ ابزال ساياساتى ماعان جوعارى دارەجەلى ءبىلىم الۋ ورايىن بەرمەگەن بولسا، مەن قانداي كۇيدە بولاتىن ەدىم؟ وسىنشاما جاقسى سىرتقا شىعىپ ۇيرەنۋ ورايى بولعاندىعىنا قاتتى قۋانامىن، ءبىر جاعىنان ۇيرەنىپ، ءبىر جاعىنان وتاننىڭ جەر - جەرىنىڭ دامۋىن، وزگەرىسىن سەزىنىپ، كوز ايام ءتىپتى دە اشىلىپ، ءوزىم ۇناتقان ىستەردى ىستەيتىن ءتىپتى دە كۇشتى قابىلەتكە يە بولدىم. مەنىڭ ىقپالىمدا، ءسىڭلىم قازىر جياڭسۋدىڭ ۋشيىندا داشۋە وقيدى، ول دا ىشكى وڭىردەگى شينجياڭ تولىق ورتا كلاسىنان وقۋ تاۋىسقان سوڭ، ىشكى وڭىردە جالعاستى داشۋە وقىدى. ءبىر قاراپايىم شارۋا وتباسى جونىنەن العاندا، بالالاردىڭ داشۋە وقۋ قاراجاتىن كوتەرۋ ءۇشىن ەكونوميكالىق جاقتان تۇسەتىن قىسىم از ەمەس، الايدا پارتيانىڭ ابزال ساياساتى اكە - شەشەمىزدى ۋايىمنان ارىلتتى، ءسىڭلىم ەكەۋىمىزدىڭ ءساتتى تۇردە داشۋە وقىپ، ءبىلىم تولىقتاۋىمىزعا مۇمكىندىك جاراتتى.

  قازىر مەن ۇكىمەت قىزمەتكەرىمىن، مەكەمەدەگى ءوز قىزمەتىمنەن تىس، مەن ۇنەمى بۇقارالىق قىزمەت ىستەيمىن. اتا مەكەنگە قايتىپ قىزمەت ىستەگەن سوڭ، مەن اتا مەكەنىمنىڭ دامۋىنىڭ، وزگەرىسىنىڭ ايرىقشا زور ەكەندىگىن سەزىندىم، وقۋ - اعارتۋ ارقىلى حالىققا تيىمدىلىك جاساۋ، اۋىل - قىستاق سەلبەسىپ ەمدەلۋ، كەدەيلىكتەن ارىلتۋدان قامال الۋ سياقتى پارتيانىڭ ءبىر قىدىرۋ حالىققا تيىمدىلىك جاساۋ ساياساتتارى ءار ۇلت بۇقاراسىن يگىلىككە كەنەلدىرىپ، تابىس سەزىمىنە، باقىت سەزىمىنە بولەدى. ءار جولى بۇقارانىڭ وتباسىنا بارعان كەزدە ولارعا ءوز كەشىرمەلەرىمدى اڭگىمەلەپ، ەسكى، مەشەۋ تانىمنان ارىلىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرىپ، عىلمي بىلىمدەردى قۇلشىنا ۇيرەنىپ، كوز الداعى باقىتتى تۇرمىستى قاستەرلەپ، قاتە يدەيا مەن ارەكەتكە سانالىلىقپەن توتەپ بەرىپ، پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، ءبىر نيەتپەن ىنتىماقتاسىپ، كورىكتى مەكەنىمىزدى گۇلدەندىرۋگە شابىتتاندىرامىن.

جاۋاپتى رەداكتور: نۇربولات قابىل