شينجياڭنىڭ تاربيەلەۋ - باۋلۋ قىزمەتى − لاڭكەستىككە قارسى تۇرۋدىڭ جانە ۇشقارىلىقتى الاستاۋدىڭ ءونىمدى شاراسى

شينجياڭنىڭ تاربيەلەۋ - باۋلۋ قىزمەتى − لاڭكەستىككە قارسى تۇرۋدىڭ جانە ۇشقارىلىقتى الاستاۋدىڭ ءونىمدى شاراسى

□ شينحۋا اگەنتتىگىنىڭ شولۋشىسى

  مەملەكەتتىك كەڭەستىڭ اقپارات كەڭسەسى 8 - ايدىڭ 16 - كۇنى «شينجياڭنىڭ كاسىپتىك شەبەرلىككە تاربيەلەۋ - باۋلۋ قىزمەتى» اق تىستى كىتابىن جاريالادى. اق تىستى كىتاپ كوپتەگەن فاكتتەرمەن جانە ساندى مالىمەتتەرمەن شينجياڭنىڭ زاڭ بويىنشا كاسىپتىك شەبەرلىككە تاربيەلەۋ - باۋلۋ ورتالىعىن قۇرۋىنىڭ، تاربيەلەۋ - باۋلۋ قىزمەتىن ورىستەتۋىنىڭ ناقتى شارالارىن، كورنەكتى ناتيجەسىن جانە پايدالى تاجىريبەسىن جان - جاقتى تانىستىرىپ، جۇڭگونىڭ لاڭكەستىككە قارسى تۇرۋدا، ۇشقارىلىقتى الاستاۋدا جاساعان زور قۇلشىنىسى مەن ماڭىزدى ۇلەسىن ايگىلەپ، كەيبىر باتىس كۇشتەرىنىڭ قارالاۋىنا، پالە جابۋىنا پارمەندى تويتارىس بەردى.

  شينجياڭ − جۇڭگونىڭ لاڭكەستىككە قارسى تۇرۋ، ۇشقارىلىقتى الاستاۋ كۇرەسىنىڭ نەگىزگى شايقاس مايدانى. ءبىراز ۋاقىتتان بەرى، شينجياڭ لاڭكەستىك، ۇشقارىلىق الاپاتىنان اۋىر زارداپ شەگىپ، حالىقتىڭ ءومىرىنىڭ حاۋىپسىزدىگى اۋىر قاتەرگە ۇشىرادى. قاتاڭ احۋال جانە كۇردەلى جاعداي الدىندا، زاڭ بويىنشا تاربيەلەۋ - باۋلۋ ورتالىعىن قۇرىپ، تاربيەلەنۋشىلەرگە جۇيەلى تاربيەلەۋ - باۋلۋ جۇرگىزۋ زورلىقتى كۇش، لاڭكەستىك دەلولارىنىڭ (وقيعا) كوپ، ءجيى تۋىلۋىن تەجەۋدىڭ، ءدىني ۇشقارىلىقتىڭ ءوربيتىن، ءورشيتىن توپىراعىن كۇرەپ تاستاۋدىڭ كوكەي تەستى قاجەتى، سونداي - اق تاربيەلەنۋشىلەردىڭ مادەنيەت، ءبىلىم دەڭگەيىن ءونىمدى جوعارىلاتۋدىڭ، ەڭبەك شەبەرلىگىن يگەرۋىنىڭ، جۇمىسقا ورنالاسۋى مەن تابىسىن مولايتۋىن جەبەۋدىڭ كوكەي تەستى قاجەتى، ونان دا ماڭىزدىسى، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدىڭ كوكەي تەستى قاجەتى بولىپ تابىلادى.

  تاربيەلەۋ - باۋلۋ قىزمەتىن ورىستەتۋ جۇڭگو ۇكىمەتىنىڭ زاڭمەن جونگە سالۋ رۋحىن جانە جاۋاپكەرشىلىك ارقالايتىن پوزيتسياسىن ايگىلەدى. تاربيەلەۋ - باۋلۋ ورتالىعى «جۇڭحۋا حالىق رەسپۋبليكاسىنىڭ لاڭكەستىككە قارسى تۇرۋ زاڭى»، «شينجياڭ ۇيعۇر اۆتونوميالى رايونىنىڭ ۇشقارىلىقتى الاستاۋ ەرەجەسى» سياقتى زاڭ - ەرەجەلەر بويىنشا قۇرىلدى، سونىمەن بىرگە، ول حالىقارالىق قوعامنىڭ قاتىستى شارتتارىندا، دارىپتەمەلەرىندە بەلگىلەنگەن نەگىزگى پرينسيپتەرگە دە ۇيلەسەدى. تاربيەلەۋ - باۋلۋ قىزمەتىن ورىستەتۋ بارىسىندا، جەكە باس ەركىندىگىنەن ادامدىق ار - نامىسىنا دەيىن، ءدىني سەنىم ەركىندىگىنەن رۋحاني مادەني تۇرمىس قاجەتىنە دەيىن، تاربيەلەۋ - باۋلۋ ورتالىعى نەگىزگى زاڭ مەن زاڭدارداعى بەلگىلەمەلەردى قاتاڭ دايەكتىلەندىرىپ، تياناقتاندىرىپ، تاربيەلەنۋشىلەردىڭ نەگىزگى ۇقىقتارىنا قول سۇعىلماۋىن قامتاماسىز ەتتى. فاكتتەر مىنانى پارمەندى كورسەتىپ بەردى: تاربيەلەۋ - باۋلۋ قىزمەتى استە جەكە باس ەركىندىكتى شەكتەۋ، ماقرۇم ەتۋ شاراسى ەمەس، قايتا زاڭ بويىنشا قولدانعان تاربيەلەنۋشىلەردىڭ لاڭكەستىكتىڭ، ءدىني ۇشقارىلىقتىڭ بۇعاۋىنان قۇتىلۋىنا كومەكتەسۋ ماڭىزدى شاراسى، ادامنىڭ يدەيا ازاتتىعىن، ساپاسىنىڭ ءوسۋىن جانە اناعۇرلىم جاقسى دامۋىن جۇزەگە اسىرۋ شاراسى.

  تاربيەلەۋ - باۋلۋ قىزمەتىن ورىستەتۋگە تۇبىرىنەن وڭاۋ مەن ۇستىنەن وڭاۋدى قاتار يگەرەتىن جۇڭگو پاراساتى قامتىلعان، ونىڭ تاماشا ونىمدىلىگىن ەلدىڭ ءبارى كورىپ - ءبىلىپ وتىر. تاربيەلەۋ - باۋلۋ ورتالىعى مەكتەپ سيپاتىن الادى، ونىڭ ماقساتى − لاڭكەستىكتى، ءدىني ۇشقارىلىقتى ءتۇپ قاينارىنان جويۋ. شينجياڭنىڭ لاڭكەستىككە قارسى تۇرۋ، ۇشقارىلىقتى الاستاۋ ءىس جۇزىندىك قاجەتىنە مەڭزەس، تاربيەلەۋ - باۋلۋ ورتالىعىندا مەملەكەتتە ءبىر تۇتاس قولدانىلاتىن ءتىل - جازۋدى، زاڭدىق ءبىلىمدى، كاسىپتىك شەبەرلىكتى ۇيرەنۋدى، سونداي - اق ۇشقارىلىقتى الاستاۋدى نەگىزگى مازمۇن ەتكەن وقىتۋ ساباقتارى ورنالاستىرىلدى. ءبىر قىدىرۋ ناقتى باعىتتامالى باۋلۋ ارقىلى تاربيەلەنۋشىلەردىڭ جالپىلىق ساپاسى جوعارىلادى، زاڭمەن جونگە سالۋ تانىمى جوعارىلادى، ءدىني ۇشقارىلىق ءونىمدى جويىلدى. تاربيەلەۋ - باۋلۋ قىزمەتىنىڭ بەلسەندى ىقپالىندا، شينجياڭنىڭ قوعامدىق سالتى ايقىن جاقسارىپ، قوعامدىق كەلەلى جاعداي ۇزدىكسىز ورنىعىپ، شينجياڭدا ءۇرتىس 3 جىل زورلىقتى كۇش، لاڭكەستىك دەلوسى (وقيعاسى) تۋىلمادى، قوعامنىڭ اماندىق جاعدايى ايقىن جاقسارعان، ۇلتتار تەپە - تەڭ، ىنتىماقتى، دىندەر تاتۋ، بەرەكەلى، حالىق تۇرمىسى تىنىش، الاڭسىز بولعان تاماشا جاعداي جارىققا شىقتى. اماليات مىنانى دالەلدەدى: شينجياڭنىڭ تاربيەلەۋ - باۋلۋ قىزمەتىن ورىستەتۋى لاڭكەستىك، ۇشقارىلىق سىندى زاڭعا قايشى نەمەسە قىلمىستىق ارەكەتى بار ادامداردى ەڭ جوعارى شەكتە قۇتقارىپ، لاڭكەستىك، ءدىني ۇشقارىلىق ءوربيتىن ورتا مەن شارت - جاعدايدى ەڭ جوعارى شەكتە جويىپ، ازاماتتاردىڭ نەگىزگى ۇقىقتارىنىڭ لاڭكەستىكتىڭ، ءدىني ۇشقارىلىقتىڭ زالالىنا ۇشىراماۋىنا ەڭ جوعارى شەكتە قامتاماسىز ەتىپ، تاماشا ناتيجەگە قول جەتكىزىپ، ءار ۇلت حالقىنىڭ شىن جۇرەكتەن قولداۋىنا جانە قۋاتتاۋىنا يە بولدى.

  لاڭكەستىك، ۇشقارىلىق − ادامزات قوعامىنىڭ ورتاق جاۋى، لاڭكەستىككە قارسى تۇرۋ، ۇشقارىلىقتى الاستاۋ − حالىقارالىق قوعامنىڭ ورتاق جاۋاپكەرشىلىگى. شينجياڭنىڭ تاربيەلەۋ - باۋلۋ قىزمەتىن ورىستەتۋى دۇنيە جۇزىندەگى كەيبىر مەملەكەتتەر مەن وڭىرلەر قولدانعان ادىسپەن ۇشتاستى ءارى حالىقارالىق قوعامنىڭ لاڭكەستىككە قارسى تۇرۋ، ۇشقارىلىقتى الاستاۋى ءۇشىن پايدالى تاجىريبە قاراستىردى. كەيبىرەۋلەر ءتۇرلى تاسىلمەن شينجياڭ تاربيەلەۋ - باۋلۋ ورتالىعىنىڭ اتىنا داق تۇسىرگەنمەن، فاكت ءدىلمارلىقتى جەڭەدى، ادىلەت قاشاندا جۇرت جۇرەگىنەن ورىن الادى.”تاربيەلەۋ - باۋلۋ ورتالىعى تاربيەلەنۋشىلەردى ادامگەرشىلىك تۇرعىدا باسقاردى جانە ولارعا قىزمەت وتەدى“، ”تاربيەلەۋ - باۋلۋ جاستاردى لاڭكەستىكتىڭ قاندى شەڭگەلىنەن اۋلاق ەتتى“... كوپتەگەن شەتەلدىك قايراتكەرلەر سول جەردىڭ وزىندە ەكسكۋرسيالاۋ، ارالاۋ ارقىلى فاكتتى، شىندىقتى تانىپ، شينجياڭنىڭ تاربيەلەۋ - باۋلۋ قىزمەتىن ورىستەتۋىن تۇسىنەتىندىكتەرىن، تۇراقتاندىراتىندىقتارىن جانە قولدايتىندىقتارىن ءبىلدىردى.

  لاڭكەستىككە قارسى تۇرۋ، ۇشقارىلىقتى الاستاۋ كۇرەسى توقتامايدى. لاڭكەستىكتىڭ، ۇشقارىلىقتىڭ ادامزاتقا اۋىر زالال جەتكىزۋى الدىندا، لاڭكەستىككە قارسى تۇرۋ، ۇشقارىلىقتى الاستاۋ سىندى دۇنيە جۇزىلىك قيىن ماسەلە الدىندا، تاربيەلەۋ - باۋلۋ قىزمەتىن ۇزدىكسىز كەمەلدەندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن قۇلشىنا قورعاۋ قاجەت. شينجياڭنىڭ اناعۇرلىم نۇرلى بولاشاقتى قارسى الارى ءسوزسىز.

(شينحۋا اگەنتتىگىنىڭ 8 - ايدىڭ 16 - كۇنى بەيجيڭنەن بەرگەن حابارى)

جاۋاپتى رەداكتور: ريزا حاميت