قوعامدىق قامتاماسىزداندىرۋ كارتچكاسىن تولىقتاعاندا، جاڭالاعاندا اۋىلدان اتتاپ شىقپايتىن بولدى

  قوعامدىق قامتاماسىزداندىرۋ كارتچكاسىن تولىقتاعاندا، جاڭالاعاندا اۋىلدان اتتاپ شىقپايتىن بولدى

  اۆتونوميالى رايوننىڭ ادام كۇشى بايلىعى جانە قوعامدىق قامتاماسىزداندىرۋ جۇيەسى نەگىزگى تاقىرىپتىق تاربيەنى تىڭعىلىقتى ورىستەتىپ، بۇقارانىڭ قيىنشىلىعىن شەشتى

  ءتىلشىمىز لي چۇنشيا، پراكتيكانت فان يۋە - ي 8 - ايدىڭ 12 - كۇنى ۇرىمجىدەن حابارلايدى. قاراقاش اۋدانى قاراساي قالاشىعى سەيسانبازار قىستاعىنىڭ تۇرعىنى ءرازيام عوجابلان قوعامدىق قامتاماسىزداندىرۋ كارتچكاسىن جوعالتىپ الادى. سونىمەن ول 8 - ايدىڭ 7 - كۇنى قالاشىقتاعى اۆتونوميالى رايوندىق اۋىل - قىستاق امانات - قارىز كووپەراتيۆىنىڭ تور تۇيىنىندە جارتى ساعاتتا - اق قوعامدىق قامتاماسىزداندىرۋ كارتچكاسىن تولىقتاۋ، جاڭالاۋ جۇمىسىن بىتىرەدى. ”بۇرىن 40 كيلومەتر شالعايداعى اۋدان قالاشىعىنا بارىپ بىتىرەتىنبىز، ال، قازىر قالاشىققا بازارشىلاي بارعان كەزدە بىتىرە الاتىن بولدىق، توتەنشە قولايلى بولدى“، - دەدى ءرازيام قۋانا.

  اۆتونوميالى رايوننىڭ ادام كۇشى بايلىعى جانە قوعامدىق قامتاماسىزداندىرۋ جۇيەسى نەگىزگى تاقىرىپتىق تاربيەنى ورىستەتۋ بارىسىندا، حالىقتى وزەك ەتۋگە تاباندى بولۋدى نەگىزگى تاقىرىپتىق تاربيەنىڭ تۇتاس بارىسىنا ءسىڭىرىپ، ماسەلەلەردى دەن قويا قاداعالاپ، بۇقارا كوڭىل ءبولىپ وتىرعان قولامتالى، قيىن ماسەلەلەردى كۇش سالا شەشىپ، نەگىزگى تاقىرىپتىق تاربيەنىڭ ناقتاپ تياناقتانۋىنا، ناقتى ونىمدىلىككە قول جەتكىزۋىنە شىنايى كەپىلدىك ەتتى. نەگىزگى ساتىداعى بۇقارانىڭ قوعامدىق قامتاماسىزداندىرۋ كارتچكاسىن تولىقتاۋدا، جاڭالاۋدا از سابىلۋىنا مۇمكىندىك جاساۋ مۇنىڭ ىشىندەگى ماڭىزدى ءبىر شارا ەسەپتەلەدى.

  اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى ينفورماتسيا ورتالىعى پارتيا ياچەيكاسىنىڭ شۋجيى ۋاڭ گوچيڭ بىلاي دەدى: ءبىز تەكسەرۋ - زەرتتەۋ جۇرگىزە ءجۇرىپ رەتتەپ - تۇزەتىپ، بۇقاراعا شىنايى ناقتى ىستەر ىستەدىك. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى نەگىزگى تاقىرىپتىق تاربيە بارىسىندا نەگىزگى ساتىنى ىشكەرىلەي ارالاپ، كەڭىنەن تەكسەرۋ - زەرتتەۋ جۇرگىزىپ، نەگىزگى ساتىداعى قامتاماسىزداندىرۋعا قاتىناسقان بۇقارانىڭ قوعامدىق قامتاماسىزداندىرۋ كارتچكاسىن تولىقتاۋى، جاڭالاۋى قيىن بولۋ ماسەلەسىنەن كوز جازباي، دەرەۋ زەرتتەۋ جۇرگىزىپ، شەشۋ شاراسىن الىپ شىعىپ، قوعامدىق قامتاماسىزداندىرۋ كارتچكاسىن تولىقتاۋ، جاڭالاۋ جۇمىسىن ءبىتىرۋدى اۋدان قالاشىعىنان اۋىل - قالاشىقتارعا دەيىن كەڭەيتتى ءارى ناقتى اتقارۋ جوباسىن، قىزمەت ءتارتىبىن جاساپ، نەگىزگى ساتىنىڭ اتقارۋىنا قولايلىلىق جاسادى.

  ۇعىسۋعا قاراعاندا، اۆتونوميالى رايون نەگىزگى ساتىداعى قامتاماسىزداندىرۋعا قاتىناسقان بۇقارانى قىزمەت وتەۋ وبيەكتىسى، شەت - شالعايداعى اۋىل - قالاشىقتاردى ءتۇيىن ەتىپ، شايار اۋدانىندا، شينحى اۋدانىندا، حوتان اۋدانىندا، قاراقاش اۋدانىندا تۇيىندەردە سىناق ەتۋ نەگىزىندە، 8 - ايدىڭ 1 - كۇنىنەن باستاپ بۇكىل شينجياڭدا قوعامدىق قامتاماسىزداندىرۋ كارتچكاسىن تولىقتاۋ، جاڭالاۋ قىزمەتىن اۋىلدا وتەدى. ساناق بويىنشا، 7 - ايدان بەرى سىناق ءتۇيىنى ەتىلگەن 4 اۋدان اۋىل - قىستاقتارداعى قامتاماسىزداندىرۋعا قاتىناسقان بۇقارا ءۇشىن قوعامدىق قامتاماسىزداندىرۋ كارتچكاسىنان 7000نان استامىن اۋىلدان شىقپاي تولىقتاعان، جاڭالاعان. بۇكىل شينجياڭدا اتقارىلعاننان كەيىن، نەگىزگى ساتىداعى قامتاماسىزداندىرۋعا قاتىناسقان بۇقارادان مەجەمەن جىلىنا 300 مىڭعا تارتا ادام يگىلىكتەنەدى ەكەن.

  قاراقاش اۋداندىق قوعامدىق قامسىزداندىرۋدى باسقارۋ مەكەمەسىنىڭ باستىعى ۋاڭ جيانجۇڭ بىلاي دەپ تانىستىردى: وسى اۋدان قوعامدىق قامتاماسىزداندىرۋ كارتچكاسىن تولىقتاۋدا، جاڭالاۋدا اۋىلدان شىقپاي قىزمەت وتەۋىنىڭ تۇتاس قامتىمىن جۇزەگە اسىرىپ، قامتاماسىزداندىرۋعا قاتىناسقان بۇقارا وزدەرى تۇرعان اۋىل - قالاشىقتارداعى توراپ تۇيىندەرىنە بارىپ ”ءبىر پۋنكتتىك“ ۇلگىدە بىتىرە الادى، بۇرىن نەگىزگى ساتىداعى بۇقارانىڭ قوعامدىق قامتاماسىزداندىرۋ كارتچكاسىن تولىقتاۋدا، جاڭالاۋدا كوپ سابىلاتىن ماسەلەسى ءونىمدى شەشىم تاپتى.

  نەگىزگى تاقىرىپتىق تاربيەنى ورىستەتۋ بارىسىندا، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى بار امالىن تاۋىپ بۇقارانىڭ قيىنشىلىعىن شەشىپ، نەگىزگى ساتىنىڭ اۋىرتپالىعىن شىنايى جەڭىلدەتتى. سونىمەن بىرگە، پىشاقتىڭ ءدۇزىن ىشكە قاراتۋعا، ”تۇزەتۋ“دى ماڭداي الدى ورىنعا قويۋعا تاباندى بولىپ، فورماشىلدىقتان، تورەشىلدىكتەن تيىلۋدى ماڭىزدى مازمۇنعا ەنگىزىپ، ماسەلەلەردى ءبىر - بىرلەپ جايىپ، وڭاپ - رەتتەپ نەگىزگى ساتىنىڭ اۋىرتپالىعىن جەڭىلدەتۋدى ماسەلەلەردى قاداعالاۋدىڭ، رەتتەۋ - تۇزەتۋدى تياناقتاندىرۋدىڭ ءتۇيىنى ەتىپ، ساتىلار بويىنشا حۇجات تاراتۋدى، ساتىلار بويىنشا ءماجىلىس اشۋدى قاتاڭ تەجەپ، بۇكىل رايونىمىزدىڭ ادام كۇشى بايلىعى جانە قوعامدىق قامتاماسىزداندىرۋ جۇيەسىنىڭ حۇجات جانە ءماجىلىس سانىن بارىنشا ىقشامدادى ءارى 2019 - جىلى ءتۇيىندى ىقشامداۋ كولەمىنە ەنگىزىلگەن حۇجاتتار سانىن بىلتىرعى جىلداعىدان %42 ازايتۋ، ءماجىلىستى بىلتىرعىدان %55 ازايتۋ سىندى ناقتى نىسانانى العا قويدى.

  اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ساناعى بويىنشا، 7 - ايعا دەيىن اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى شىعارىپ، تاراتقان حۇجات سانى بىلتىرعى سول تۇستاعىدان %40، اشقان ءماجىلىس سانى بىلتىرعى سول تۇستاعىدان %70 ازايعان. ”ءبىز نەگىزگى تاقىرىپتىق تاربيەنىڭ ونىمدىلىگىن پارتيالىلىق جاقتان تاربيەلەنۋ، قىزمەت ستيلىن جاقسارتۋ، قىزمەت قابىلەتىن جوعارىلاتۋ جاعىندا شىن مانىندە ايگىلەپ، نەگىزگى ساتىنىڭ اۋىرتپالىعىن جەڭىلدەتۋ قىزمەتىنىڭ تياناقتانۋىنا، ناقتى ونىمدىلىك كورسەتۋىنە كەپىلدىك ەتتىك“، - دەدى اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى كەڭسەسىنىڭ مەڭگەرۋشىسى چي يۇڭفۋ.

جاۋاپتى رەداكتور: نۇربولات قابىل
  • 1
  • 2
  • 3
  • 4