رىن ياۋنان: بۇلىكتى تىنىشتاندىرىپ، باندىلاردى تازالاۋ شايقاسىندا قۇربان بولعان بارلاۋشى

  شينحۋا اگەنتتىگىنىڭ 7 - ايدىڭ 22 - كۇنى چىڭدۋدان بەرگەن حابارى (تىلشىلەر حۋ شۇي، لي ليكى). سىچۋان ولكەسى پانجىحۋا قالاسى يانبيان اۋدانى حانزۋ، يزۋ، مياۋزۋ، حۇيزۋ، ليسۋ، ناشي سياقتى 31 ۇلت بىرگە تۇرمىس كەشىرگەن باتىس وڭتۇستىك تاۋلى وڭىردەگى شاعىن اۋدان، جالپى جان سانى 210 مىڭعا جەتپەيدى. «يانبيان اۋدانى شەجىرەسى»ن اشساق، 1956 - جىلى قۇل يەلەرىنىڭ بۇلىگىن تىنىشتاندىرۋ ءۇشىن قازا بولعان قۇربان رىن ياۋناننىڭ ەسىمى كوزگە وتتاي باسىلادى. ول ىستىق قانىمەن جانە قىمباتتى ومىرىمەن مەملەكەتتىڭ حاۋىپسىزدىگىن قورعاۋ، حالىقتىڭ اماندىعىن قورعاۋداي ادال سەرتىن امالياتتا ايگىلەدى.

  «يانبيان اۋداندىق قوعام حاۋىپسىزدىگى مەكەمەسى شەجىرەسى»ندە مىنالار ەستەلىككە الىنعان: رىن ياۋنان، ەر، حانزۋ، سىچۋان ولكەسى نانچۇڭ قالاسىنىڭ ادامى، 1922 - جىلى 2 - ايدا تۋعان، 1949 - جىلى 12 - ايدا قىزمەتكە قاتىناسقان، كوزى تىرىسىندە يانبيان اۋداندىق قوعام حاۋىپسىزدىگى مەكەمەسى ساياسي اماندىقتى قورعاۋ ءبولىمىنىڭ بارلاۋشىسى بولعان.

  يانبيان اۋداندىق ارحيۆ سارايىنىڭ ورىنباسار باستىعى جوۋ كىيۇن بىلاي دەپ تانىستىردى: 1956 - جىلى 1 - ايدا يانبيان اۋدانى دەموكراتيالىق رەفورما ورىستەتۋدى جاريالايدى، ۇستەمدىك ورنىن وتكىزىپ بەرۋدى قالاماعان قۇل يەلەرى قارۋلى بۇلىك قوزعايدى. يانبيان حالقى پارتيانىڭ پارمەندى باسشىلىعىندا، اسكەري ءبولىمنىڭ، قوعام حاۋىپسىزدىگى ورتا اترەتىنىڭ، دەموكراتيالىق رەفورما قىزمەت اترەتىنىڭ، حالىق جاساقتارىنىڭ ەرلىكپەن شايقاس جۇرگىزۋىندە، 3 جىل ۋاقىت جۇمساپ بۇلىكتى تۇبەگەيلى تىنىشتاندىرىپ، دەموكراتيالىق رەفورمانىڭ جەڭىسىنە قول جەتكىزەدى. وسى بارىستا ماقتان ەتەرلىك قاھارمان تۇلعالار كوپتەپ جارىققا شىقتى، قۇربان رىن ياۋنان انە سولاردىڭ ءبىرى.

  «يانبيان اۋداندىق قوعام حاۋىپسىزدىگى مەكەمەسى شەجىرەسى»ندە بىلاي دەپ ەستەلىككە الىنعان: 1956 - جىلى 4 - ايدا يەما اۋىلىنداعى قۇل يەسى جاڭ ا - نيۋ، يانكوۋ اۋىلىنداعى قۇل يەسى ليۋ شۋ مەن ۇلى بۇلىك تۋدىرىپ، 300دەن ارتىق باندىنى جيناپ، ۋىنچۋان اۋىلدىق ۇكىمەتكە شابۋىل جاسايدى. رىن ياۋنان بۇيرىق بويىنشا باندىلاردىڭ جاعدايىن بارلاۋعا اتتانىپ، دوگىلياڭزىدا توسقاۋىلداپ سوققى بەرۋ مىندەتىن وتەپ جاتقان حالىق جاساقتارىمەن بىرگە باندىلاردىڭ شابۋىلىنا توسقاۋىلداپ سوققى بەرەدى، ولار قايسارلىقپەن جاۋدى 2 ساعاتتان ارتىق ۋاقىت توسادى. وسى كەزدە توسقاۋىلداپ سوققى بەرۋگە قاتىناسقان ءبىر حالىق جاساعى (باندىلارعا ساتىلعان) رىن ياۋنان بايقاماعان كەزدە ونىڭ تۋ سىرتىنان وق اتادى، رىن ياۋنان تاباندا قۇربان بولادى. سول جىلى جۇڭگو كوممۋنيستىك پارتياسى يانبيان اۋداندىق حالىق كوميتەتى رىن ياۋناندى قۇربان دەپ بەكىتەدى.

  ”قۇربان رىن ياۋناننىڭ قازا بولۋى كوممۋنيستەردىڭ حالىق بۇقاراسىنىڭ باقىتى ءۇشىن باسىن ءباي تىگىپ، ىستىق قانىن توگۋگە پەيىل ەرجۇرەك توڭكەرىستىك رۋحىن تولىق ايگىلەدى، ولار قۇرباندىق بەرمەسە، يانبيان اۋدانىنىڭ دەموكراتيالىق رەفورماسى جەڭىسكە جەتپەيدى، ءبىزدىڭ قازىرگى باقىتتى، بەيبىت تۇرمىسىمىز دا بولمايتىن ەدى“، - دەدى جوۋ كىيۇن.

  ”رىن ياۋنان جولداستىڭ ىزگى ىستەرى مەن وسكەلەڭ رۋحى ماڭگى ءبىزدىڭ قوعام حاۋىپسىزدىگى حالىق ساقشىلارىمىزدىڭ ۇزدىكسىز العا باسۋىنىڭ قوزعاۋشى كۇشى جانە قىمباتتى رۋحاني بايلىعى بولماق، ءبىز ونىڭ ورىندالماعان ارمانىنا مۇراگەرلىك ەتىپ، قوعام حاۋىپسىزدىگىنىڭ كۇش - قۋاتىن اسقاقتاتىپ، قىزمەت مىندەتىن ادالدىقپەن وتەپ، مەملەكەتتىڭ حاۋىپسىزدىگىن جانە قوعام ورنىقتىلىعىن قورعاۋ جاۋاپكەرشىلىگىن شىن مانىندە ويداعىداي وتەپ، قوعام حاۋىپسىزدىگى ىستەرىنە بەلسەنە ات سالىسىپ، پارتيا مەن حالىقتىڭ ادال قورعاۋشىلارىنان بولامىز“، - دەدى يانبيان اۋداندىق قوعام حاۋىپسىزدىگى مەكەمەسى ساياسي قىزمەت ءبولىمىنىڭ قىزمەتكەرى لياۋ جىيان.

  قازىرگى يانبياننىڭ قالا مەن اۋىل كەلبەتى شىت جاڭا تۇسكە ەندى، حالىق بۇقاراسى شات - شادىمان، الاڭسىز تۇرمىس كەشۋدە. ۋىنچۋان اۋىلىنداعى نەگىزگى ساتى كادرى جاڭ لەي: ”بۇل ارا قۇربان رىن ياۋناننىڭ ەرلىكپەن ەشتەڭەدەن جاسقانباي، باسىن ءباي تىككەن جەرى، ءبىز، ءسوزسىز، قۇرباننىڭ ىزىمەن ۇدەرە العا تارتىپ، قۇلشىنا قىزمەت ىستەپ، قيىندىقتاردان قامال الىپ، يانبياندى ءتىپتى دە كوركەيتە تۇسەمىز“، - دەدى.

جاۋاپتى رەداكتور: نۇربولات قابىل
  • 1
  • 2
  • 3
  • 4