باتىلدىقپەن اۋىر مىندەت ارقالادى

  باتىلدىقپەن اۋىر مىندەت ارقالادى

  − حىنان ولكەسىنىڭ 9 - توپتا شينجياڭعا كومەككە كەلگەن كادرى، قۇمىل قالالىق ءتارتىپ تەكسەرۋ كوميتەتىنىڭ ورىنباسار شۋجيى، باقىلاۋ - تەكسەرۋ كوميتەتىنىڭ ورىنباسار مەڭگەرۋشىسى لي جۇن تۋرالى

  □ گازەتىمىزدىڭ قۇمىل تىلشىلەر پۋنكتىنەن جاۋ يۇيۋي

  3 جىلدىڭ الدىندا، 45 جاستاعى لي جۇن شينجياڭعا بولعان سۇيىسپەنشىلىگى جانە كوممۋنيستىك پارتيا مۇشەسىنىڭ اق نيەتىمەن قۇمىل توپىراعىنا قادام تاستاپ، ءوزىنىڭ شينجياڭعا كومەكتەسۋ قىزمەتىن باستادى. دامىل تاپپاعان مىڭداعان كۇندى باستان وتكەرىپ، ”اۆتونوميالى رايوندىق تاڭداۋلى كوممۋنيستىك پارتيا مۇشەسى“ داڭقتى اتاعىن العان لي جۇننىڭ كوڭىلى ”ۇيىمنىڭ ماعان وسىنداي ءبىر رەتكى شىنىعۋ ورايىن بەرگەنىنە العىس ايتامىن“ دەيتىن ريزاشىلىق سەزىمگە تولدى.

  ”مەن كوممۋنيستىك پارتيا مۇشەسىمىن، پارتيا مەن مەملەكەت مەنىڭ قاي جەرگە بارۋىمدى قاجەت ەتسە، سول جەرگە بارامىن، نەنى ىستە دەسە، سونى بار نيەتىممەن جاقسى ىستەيمىن“. 8 - ايدىڭ 2 - كۇنى حىنان ولكەسىنىڭ 9 - توپتا شينجياڭعا كومەككە كەلگەن كادرى، قۇمىل قالالىق ءتارتىپ تەكسەرۋ كوميتەتىنىڭ ورىنباسار شۋجيى، باقىلاۋ - تەكسەرۋ كوميتەتىنىڭ ورىنباسار مەڭگەرۋشىسى لي جۇن قاراپايىم تىلمەن اۋەلگى ماقساتىن ايتتى.

  ■ ەرەكشەلىگىمدى ساۋلەلەندىرىپ، ءىرى دەلولاردى انىقتايمىن

  قۇمىلعا كەلگەننەن كەيىن، لي جۇن قۇمىل قالالىق ءتارتىپ تەكسەرۋ كوميتەتىنە ورنالاستىرىلىپ، قاراپ تەكسەرۋ، تەكسەرۋ جۇرگىزۋ جانە دەلولاردى باقىلاۋ - باسقارۋ قىزمەتىنە جاۋاپتى بولدى. شينجياڭعا كەلۋدەن بۇرىن، لي جۇن ۇزاق ۋاقىت بويى ءتارتىپ تەكسەرۋ، باقىلاۋ - تەكسەرۋ تاراۋىنىڭ ءتارتىپ اتقارۋ، قاراپ تەكسەرۋ ءبىرىنشى شەبىندە كۇرەس جۇرگىزىپ، تالاي رەت 2 - دارەجەلى، 3 - دارەجەلى ەڭبەك جازىلعان بولاتىن، تالاي جىلدىق قىزمەت تاجىريبەسى كادەگە جاراپ، تەز ارادا جاپالى دا اۋىر دەلو مىندەتىنە كىرىسىپ كەتتى.

  2017 - جىلى 7 - ايدا قۇمىل قالالىق ءتارتىپ تەكسەرۋ كوميتەتى قۇمىل قالالىق ورمان شارۋاشىلىعى مەكەمەسى پارتيا باسشىلىق گرۋپپاسىنىڭ بۇرىنعى ورىنباسار شۋجيى، مەكەمە باستىعى ليۋ Xتىڭ تارتىپكە، زاڭعا اۋىر قايشىلىق جاساعان دەلوسىن دەلو تۇرعىزىپ، تەكسەرىپ قارايدى. دەلونى قاراپ تەكسەرۋ بارىسىندا، ليۋ X تەكسەرۋگە قارسى ”ورتتەن ساقتانۋ داۋالىن“ تۇرعىزۋعا دەن قويىپ، كورنەۋدە بويسۇنعانسىپ، كومەسكىدە قايشىلىق جاساپ، كەرەناۋلىقپەن قارسىلىق كورسەتىپ، دەلونى انىقتاۋدىڭ كەدەرگىسى ارتا تۇسەدى. ارناۋلى جاۋاپتى باسشى سالاۋاتىمەن لي جۇن ءبىر جاعىنان، كوپشىلىكتىڭ قىسىمىن جەڭىلدەتىپ، جىگەرلەندىرسە، ەندى ءبىر جاعىنان، كوپشىلىكپەن بىرگە دەلوعا كىرىسۋ ءتۇيىنىن، قامال الۋ تەتىگىن جانە نەگىزگى شابۋىل بەتالىسىن زەرتتەپ تۇراقتاندىرادى. 3 ايلىق قامال الىپ ساراپتاۋ مەن يلاندىرىپ اڭگىمەلەسۋ ارقىلى ليۋ Xتىڭ تارتىپكە، زاڭعا قايشى ىستەرىنىڭ شىن سىرى تۇبەگەيلى انىقتالىپ، قوعامدا كۇشتى اڭىس قوزعايدى. وسى سەبەپتى، قۇمىل قالالىق پارتكوم لي جۇنگە ءبىر رەت جەكە 3 - دارەجەلى ەڭبەك جازادى.

  ■قارلى بوراندى ەلەڭ قۇرلى كورمەي، شىن پەيىلىمەن ىستەدى

  قۇمىلدىڭ اۋا رايى وزگەشە، ”ءبىر كۇندە ءتورت ماۋسىم، 10 شاقىرىم ارالىقتا ۇقساماعان اۋا رايىن كورەسىڭ“. 2018 - جىلى جاز ماۋسىمىندا لي جۇن جوعارىدان كەلگەن تەكسەرۋ گرۋپپاسىمەن بىرگە اۋىلعا تۇسەدى، جولعا شىعاردا اسپان شايداي اشىق بولسادا، تيانشاننان اسا بەرگەندە قالىڭ قار قاپالاقتاپ كەتەدى. تاۋ جولى كەدىر - بۇدىر، تايعاناق بولعاندىقتان، وقىستان كولىك اپاتى تۋىلىپ، لي جۇننىڭ سول جاق الاقانى مەرتىگىپ، سول جاق اياعى جاسىرىن سىنادى دا، ساراپتاۋدان كەيىن 9 - دارەجەلى مۇگەدەك دەپ تۇراقتاندىرىلادى. الاقانىنداعى بولات تاقتايشا مەن قىزىل اسىعىنداعى تىرتىق ونىڭ شينجياڭدا قىزمەت ىستەگەندىگىنىڭ ماڭگىلىك ەستەلىگى بولىپ قالا بەرەدى.

  2018 - جىلى 10 - ايدىڭ باسىندا قۇمىل قالالىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى تارتىپكە، زاڭعا قايشى كەلەلى، ارناۋلى دەلونى تەكسەرە باستاعاندا، لي جۇن حىناندا اۋرۋىن ەمدەتىپ جاتقان بولاتىن، ۇيىمنىڭ شاقىرۋىن ەستي سالىسىمەن، ول تاباندا قىزمەت ورنىنا قايتا ورالادى. 90 كۇن ىشىندە لي جۇن ارناۋلى دەلو گرۋپپاسى مۇشەلەرىن باستاپ تۇتاس شينجياڭداعى 140تان استام قوعامدىق قۇرىلىم مەن كاسىپورىن، ءىسورىنداردى ارالاپ، دەلو ماتەريالدار تۇپتەمەسىنەن 174 تۇپتەمە، جيىنى 23 مىڭ 400 نەشە بەتتىك سىپات ماتەريالدارىن دايىنداپ، دەلوعا قاتىستى 9 ادام تۇگەلدەي ءادىليا ورگاندارىنىڭ زاڭ بويىنشا قاراپ تەكسەرىپ، شاعىم ايتۋىنا تاپسىرىلادى.

  ءىرى دەلو، ماڭىزدى دەلولاردا كەۋدە كەرىپ الدا جۇرسە، كىشى دەلو، كىشكەنە ىستەردە دە ۇقىپسىزدىق ىستەمەدى. بيىل 3 - ايدا قۇمىل قالالىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ءبىر دەلونى ءبىتىرۋ بارىسىندا، وڭتۇستىك شينجياڭنىڭ ءمالىم جەرىنە بارىپ سىپات الۋى كەرەك بولادى. سىپات الۋدىڭ قيىندىعىنىڭ زور ەكەنىن ويلاستىرىپ، لي جۇن بەلسەندى تۇردە ءوتىنىش ەتىپ، اترەت باستاپ اتتانىپ كەتەدى. ويلاماعان جەردەن نىسانالى جەرگە تاباندارى تيىسىمەن وڭتۇستىك شينجياڭنىڭ قۇمدى بوراندى اۋا رايىنا تاپ بولادى. ۋاقىت ادامدى كۇتپەيدى، لي جۇن مەن قىزمەتتەستەرى قۇمدى بوراندى بەتكە الىپ قىستاقتاردى ارالاپ ءجۇرىپ، سىپات الۋ جۇمىستارىن تابىسپەن تىندىرىپ قايتادى.

  ■ ايتىپ ءتۇسىندىرىپ، ارەكەتىمەن كورسەتىپ، جەتىلۋگە جاردەمشى بولدى

  قۇمىل قالالىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتىنىڭ قۇمىل قالالىق پارتكوم كەڭسەسىندە تۇراتىن ءتارتىپ تەكسەرۋ، باقىلاۋ - تەكسەرۋ گرۋپپاسىنىڭ گرۋپپا باستىعى جاڭ لي قىزمەتتەستەرىنىڭ نازارىنداعى ”سويلەسۋ شەبەرى“، ونىڭ جەتىلۋى لي جۇننىڭ ايتىپ ءتۇسىندىرىپ، ارەكەتىمەن كورسەتۋىنىڭ سەپتىگىنەن بولعان.

  ”لي شۋجيمەن بىرگە قىزمەتتە بولىپ، سويلەسۋ ونەرىن ۇيرەنىپ الدىم“، - دەيدى جاڭ لي. قۇمىل قالالىق ورمان شارۋاشىلىعى مەكەمەسى پارتيا باسشىلىق گرۋپپاسىنىڭ بۇرىنعى ورىنباسار شۋجيى، مەكەمە باستىعى ليۋ Xتىڭ تارتىپكە، زاڭعا اۋىر قايشىلىق جاساعان دەلوسىن بىتىرگەن كەزدە، تاجىربيەسىنىڭ جەتەرسىزدىگىنەن جاڭ لي مەن قىزمەتتەستەرى قاراپ تەكسەرۋ وبيەكتىسىمەن تاڭ اتقاننان كەش باتقانشا سويلەسسەدە جارامدى ينفورماتسيا الا الماي، بارلىعى قاتتى شايلىعادى. ”مۇنداي جاعدايدى كورگەندە، لي شۋجي قولما قول بىزگە سويلەسۋ جوباسىن جاساۋدى ۇيرەتتى، ادامداردى گرۋپپاعا قالاي ءبولۋ، سويلەسۋدە نەنى ايتۋ كەرەك، قالاي سويلەسۋ كەرەك، قانداي ونىمدىلىككە جەتۋ كەرەك، قارسى جاق قانداي اسەردە بولادى، ءبىز جاق قالاي توتەپ بەرۋىمىز كەرەك ... ، بۇل بىزگە كوپ وي سالدى، سودان دا كوپ شەبەرلىك ۇيرەندىك“، - دەيدى جاڭ لي تەرەڭ اسەرمەن.

  ويى ءورىستى، لوگيكاسى قيسىندى، قاتاڭ دا مۇقيات، قارىم - قاتىناسقا شەبەر، جاۋاپكەرشىلىك ارقالاۋعا باتىل دەگەن سوزدەر قىزمەتتەستەرىنىڭ لي جۇنگە باعاسى، سونداي - اق كوپشىلىكتىڭ ودان ۇيرەنگەن ءتارتىپ تەكسەرۋ قىزمەتىن ويداعىداي ىستەۋدە دايىنداۋعا ءتيىستى ساپا بولىپ تابىلادى.

  بالىق بەرۋ بالىق اۋلاۋدى ۇيرەتكەنگە جەتپەيدى. 3 جىل ۋاقىت كوزدى اشىپ - جۇمعانشا وتە شىقتى، قۇمىلدا قىزمەت ىستەگەن كەزىندە، لي جۇن تالاي جىلدىق قىزمەت تاجىريبەسى مەن قىزمەت ءادىسىن وسى ارادا قالدىرىپ، ءبىر توپ قارىمدى قىزمەتكەرلەردى تاربيەلەپ، قۇمىل ءتارتىپ تەكسەرۋ شەبىنىڭ جاڭالىق اشىپ دامۋى ءۇشىن كۇش - قۋات توپتادى.

جاۋاپتى رەداكتور: نۇربولات قابىل
  • 1
  • 2
  • 3
  • 4