اۋەلگى ماقساتتى، بورىشتى ەستە بەرىك ساقتاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ىشكەرىلەي ۇيرەنىپ، دايەكتىلەندىرىپ، تەكسەرۋ - زەرتتەۋ جەتىستىكتەرىن شينجياڭنىڭ ورنىقتىلىعىن، دامۋىن ىلگەرىلەتۋدىڭ جاندى امالياتىنا اينالدىرايىق

اۆتونوميالى رايوندىق پارتكومنىڭ تۇراقتى كوميتەتى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنىڭ تەكسەرۋ - زەرتتەۋ جەتىستىكتەرى جونىندە اۋىس - كۇيىس جاسادى

اۋەلگى ماقساتتى، بورىشتى ەستە بەرىك ساقتاپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ىشكەرىلەي ۇيرەنىپ، دايەكتىلەندىرىپ، تەكسەرۋ - زەرتتەۋ جەتىستىكتەرىن شينجياڭنىڭ ورنىقتىلىعىن، دامۋىن ىلگەرىلەتۋدىڭ جاندى امالياتىنا اينالدىرايىق

چىن چۋانگو باسقاردى جانە ءسوز سويلەدى، جين دىشۇي جيىنعا جەتەكشىلىك ەتتى، شوكىرات زاكىر، شاۋكەت يمىن، نۇرلان ءابىلماجىن، سۇن جينلۇڭ، لي پىڭشين قاتىناستى

اۋەلگى ماقساتتى ۇمىتپاۋ بورىشتى ەستە بەرىك ساقتاۋ

  ءتىلشىمىز ياۋ تۇڭ 8 - ايدىڭ 6 - كۇنى ۇرىمجىدەن حابارلايدى. 8 - ايدىڭ 6 - كۇنى اۆتونوميالى رايوندىق پارتكومنىڭ تۇراقتى كوميتەت القاسى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنىڭ تەكسەرۋ - زەرتتەۋ جەتىستىكتەرى جونىندە اۋىس - كۇيىس جاساۋ ءماجىلىسىن اشتى.

  اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى جانە قورىتىندى ءسوز سويلەدى. ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنىڭ ورتالىق 6 - جەتەكشىلىك ەتۋ گرۋپپاسىنىڭ ورىنباسار باستىعى جين دىشۇي مەن جەتەكشىلىك ەتۋ گرۋپپاسىنىڭ مۇشەلەرى جيىنعا جەتەكشىلىك ەتتى. اۆتونوميالى رايون باسشىلارىنان شوكىرات زاكىر، شاۋكەت يمىن، نۇرلان ءابىلماجىن، سۇن جينلۇڭ، لي پىڭشين، شۇي حايرۇڭ، ەركىن تۇنياز، ۋاڭ جۇنجىڭ، تيان ۋىن، جي جىڭ، سارقىت اقان، ياڭ شين، جاڭ چۇنلين قاتىناستى.

  ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى ورىستەتىلگەننەن بەرى، اۆتونوميالى رايوندىق پارتكومنىڭ تۇراقتى مۇشە جولداستارى قاتاڭ تۇردە پارتيا ورتالىق كوميتەتىنىڭ ورنالاستىرۋلارى، تالاپتارى بويىنشا، نازاردى اۆتونوميالى رايون سارالاپ شىققان تەكسەرۋ - زەرتتەۋ تۇيىندەرىنە شوعىرلاندىرىپ، وزدەرى جاۋاپتى سالالارمەن بىرلەستىرىپ، نەگىزگى ساتى ءبىرىنشى شەبىنە ىشكەرىلەي بارىپ، تەكسەرۋ - زەرتتەۋ جۇرگىزە ءجۇرىپ ۇيرەنىپ، ۇيرەنە ءجۇرىپ قاداعالاپ، بۇقارامەن بەتپە - بەت كەڭ كولەمدە ارالاسىپ، ماسەلەلەردى جاقىننان قاداعالاپ، ءار جاقتىڭ پىكىرىن مۇقيات تىڭداپ، دۇرىس ءارى ەگجەي - تەگجەيلى پىكىرلەردى جيناقتاپ، قۇلشىنىس بەتالىسىن ايقىنداپ، كورنەكتى ماسەلەلەردى كۇش سالا شەشىپ، نەگىزگى تاقىرىپتىق تاربيەنىڭ تىڭعىلىقتى، ىشكەرىلەي ورىستەتىلۋىن ىلگەرىلەتتى.

  ماجىلىستە اۆتونوميالى رايوندىق پارتكومنىڭ تۇراقتى مۇشە جولداستارى ماسەلەنى باعدار ەتۋگە تاباندى بولىپ، وزدەرىنىڭ تەكسەرۋ - زەرتتەۋ نەگىزگى تاقىرىپتارىن ارقاۋ ەتىپ، اسەرلەرىن، تانىمدارىن، ماسەلەلەرىن، شارالارىن سويلەدى. كوپشىلىك مىنالاردى ءبىلدىردى: وسى رەتكى تەكسەرۋ - زەرتتەۋ جونىندە پىكىر الماستىرۋ ارقىلى شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ عىلمي اقيقاتتىعى جونىندەگى ۇعىنۋدى اناعۇرلىم تەرەڭدەتتىك، جاڭا داۋىردەگى پارتيانىڭ شينجياڭدى جونگە سالۋ جالپى جوباسى، اسىرەسە، قوعام ورنىقتىلىعى مەن باياندى تىنىشتىق باس نىساناسى جونىندەگى جان - جاقتى، جۇيەلى تۇسىنىكتى تەرەڭدەتتىك، ءار ۇلت بۇقاراسىنا دەگەن شىنايى سۇيىسپەنشىلىكتى كۇشەيتتىك، قوعام ورنىقتىلىعى مەن باياندى تىنىشتىقتى جۇزەگە اسىرۋدىڭ سەنىمىن، بەكىمىن نىعايتتىق.

  چىن چۋانگو قورىتىندى سوزىندە بىلاي دەپ اتاپ كورسەتتى: وسى رەتكى اۋىس - كۇيىس جاساۋ ءماجىلىسىن وراي ەتىپ، ءوزارا ۇيرەنىپ، ءوزارا ۇلگى الىپ، ءوزارا وي تۋدىرىپ، ۇلگىگە، ولشەمگە سانالى تۇردە تۋرالانىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ونان ارى ىشكەرىلەي ۇيرەنىپ، دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرۋىمىز، تياناقتاندىرۋىمىز؛ ماسەلەنى باعدار ەتۋدى كورنەكتىلەندىرىپ، شىنايى تۇردە ماسەلەلەردى ءدال، ناقتى، تىڭعىلىقتى تاۋىپ، تۇيتكىل - تۇيىنشەكتەردى انىقتاپ الۋىمىز، جەتە تالداۋ جاساۋىمىز؛ تەكسەرۋ - زەرتتەۋ بايانداماسىن كەمەلدەندىرىپ، شىندىقتى ءىس جۇزىنەن ىزدەۋ پوزيتسياسىمەن تەكسەرۋ - زەرتتەۋ بايانداماسىن وڭدەۋىمىز جانە جاقسىلاپ تولىقتاۋىمىز كەرەك. تەكسەرۋ - زەرتتەۋدى ماسەلەلەردى قاداعالاۋمەن، رەتتەۋ - تۇزەتۋدى ويداعىداي يگەرۋمەن بىرلەستىرۋگە تاباندى بولىپ، بايقالعان ماسەلەلەردەن تايساقتاماي، جاسىرىپ - جاپپاي، بويدى اۋلاققا سالماي، تەكسەرۋ - زەرتتەۋ جۇرگىزە ءجۇرىپ رەتتەپ - تۇزەتىپ، كادرلار مەن بۇقارانىڭ ناتيجەنى تەز ارادا كورە الۋىنا مۇمكىندىك جاساۋىمىز كەرەك.

  چىن چۋانگو بىلاي دەپ باسا دارىپتەدى: شىنايى تۇردە ”ءتورت تانىم“دى مىقتاپ ورناتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، تەكسەرۋ - زەرتتەۋ جەتىستىكتەرىن قىزمەتتەردى جەبەۋدىڭ ناقتى شاراسىنا، ماسەلەلەردى شەشۋدى ءىس جۇزىندىك ارەكەتىنە، شينجياڭنىڭ ورنىقتىلىعىن، دامۋىن ىلگەرىلەتۋدىڭ جاندى امالياتىنا شىن مانىندە اينالدىرۋ كەرەك. قوعام ورنىقتىلىعى قىزمەتىن تىڭعىلىقتى، ويداعىداي ىستەپ، كەشەندى شارا قولدانىپ، ۇستىنەن وڭاۋ مەن تۇبىرىنەن وڭاۋدى قاتار يگەرىپ، نازاردى باس نىساناعا شوعىرلاندىرىپ، ”كەشەندى شارا“نى ويداعىداي اتقارىپ، قوعامدىق كەلەلى جاعدايدىڭ باياندى جاراسىمدىلىعىن، ورنىقتىلىعىن ساقتاۋ كەرەك. جوعارى ساپالى دامۋ قىزمەتىن تىڭعىلىقتى، ويداعىداي ىستەپ، ورنىقتىلىق بارىسىندا ىلگەرىلەتۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن بەرىك ورناتىپ جانە دايەكتىلەندىرىپ، تياناقتاندىرىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتىپ، ءۇش ۇلكەن قامال الۋ شايقاسىن باتىل، ويداعىداي جۇرگىزىپ، ەكونوميكانىڭ ورنىقتى، اقاۋسىز دامۋىنا شىنايى كەپىلدىك ەتۋ كەرەك. ۇلتتار ىنتىماعى قىزمەتىن تىڭعىلىقتى، ويداعىداي ىستەپ، پارتيانىڭ ۇلت ساياساتىن ەش مىزعىماستان دايەكتىلەندىرىپ، ءار ۇلت بۇقاراسىن ”ءۇشتىڭ ءبىر - بىرىنەن ايرىلا الماۋى“ يدەياسىن بەرىك ورناتۋعا، ”بەستى شىنايى مويىنداۋ“دى كۇشەيتۋگە، جۇڭحۋا ۇلتى ورتاق تۇلعا تانىمىن مىقتاپ ورناتۋعا، اناردىڭ دانىندەي تىعىز ۇيىسۋعا جەتەكتەۋ كەرەك. ءدىن جاراسىمدىلىعىن جەبەۋ قىزمەتىن تىڭعىلىقتى، ويداعىداي ىستەپ، پارتيانىڭ ءدىن قىزمەتى جونىندەگى نەگىزگى باعىتىن جاپپاي دايەكتىلەندىرىپ، پارتيانىڭ ءدىني سەنىم ەركىندىگى ساياساتىن تياناقتاندىرىپ، دىنگە سەنەتىن بۇقارانىڭ قالىپتى ءدىني سۇرانىسى مەن قالىپتى ءدىني قيمىلدارىن زاڭ بويىنشا قامتاماسىز ەتىپ، ءدىندى سوتسياليستىك قوعامعا ۇيلەستىرۋدى ىلگەرىلەتۋ كەرەك. ۇگىت، مادەنيەت، وقۋ - اعارتۋ قىزمەتىن تىڭعىلىقتى، ويداعىداي ىستەپ، ءار ۇلت كادر - بۇقاراسىن شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرۋعا، ەڭبەككە قۇرمەت ەتۋگە، بىلىمگە قۇرمەت ەتۋگە، دارىندىلارعا قۇرمەت ەتۋگە، جاسامپازدىققا قۇرمەت ەتۋگە تاربيەلەۋ، جەتەكتەۋ كەرەك. حالىق تۇرمىسىن قامتاماسىز ەتۋ جانە جاقسارتۋ قىزمەتىن تىڭعىلىقتى، ويداعىداي ىستەپ، حالىققا تيىمدىلىك جاساۋ ينجەنەريالارىن ۇزدىكسىز ىلگەرىلەتىپ، بۇقارا ەڭ كوڭىل ءبولىپ وتىرعان، ەڭ تىكە، ەڭ رەال مۇددە ماسەلەلەرىن كۇش سالا ويداعىداي شەشىپ، حالىق تىلەگىن بارىنشا توعىستىرۋ، كۇشتەردى بارىنشا توعىستىرۋ كەرەك. بيڭتۋاننىڭ رەفورما، دامۋ، ورنىقتىلىق قىزمەتىن تىڭعىلىقتى، ويداعىداي ىستەپ، ”بيڭتۋان مەن جەرگىلىكتى ورىن ءبىر تۇتاس جۇيە“ يدەياسىن مىقتاپ ورناتىپ، بيڭتۋاننىڭ ورنىقتىرعىش، دومنا پەش، ۇلگى كورسەتۋ رايونى سىندى ەرەكشە رولىن اناعۇرلىم ويداعىداي ساۋلەلەندىرۋىنە شارت - جاعداي ازىرلەۋ كەرەك. پارتيا قۇرىلىسى قىزمەتىن تىڭعىلىقتى، ويداعىداي ىستەپ، جاڭا داۋىردەگى پارتيا قۇرىلىسىنىڭ باس تالابىن جاپپاي دايەكتىلەندىرىپ، ايقىن تۋ ۇستاي وتىرىپ پارتيانىڭ ساياسي قۇرىلىسىن كۇشەيتىپ، باسشىلىق القا مەن كادرلار قوسىنى قۇرىلىسىن شىنايى كۇشەيتىپ، نەگىزگى ساتىنىڭ نەگىزىن كۇش سالا بەكەمدەپ، فورماشىلدىقتى، تورەشىلدىكتى باتىل تيىپ، ستيلى پاك، سالتى دۇرىس ساياسي ەكولوگيا قالىپتاستىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋگە، تياناقتاندىرۋعا پارمەندى كەپىلدىك ازىرلەۋ كەرەك.

جاۋاپتى رەداكتور: ريزا حاميت