قالتالارى قامپايىپ، رۋحى اسقاقتادى

شينجياڭ لوپنۇر اۋدانى داشي قىستاعى:

قالتالارى قامپايىپ، رۋحى اسقاقتادى

تاپسىرمانى ەستە بەرىك ساقتاپ، ارمانعا قۇلشىنايىق − باس شۋجيدىڭ حاتىن تاپسىرىپ العاننان كەيىن

  شينجياڭدى گۇلدەندىرۋدىڭ، شينجياڭدى ورنىقتىرۋدىڭ ءتۇيىنى نەگىزگى ساتىدا. قىستاق پارتيا ياچەيكاسىنان جاۋىنگەر قورعان رولىن تولىق ساۋلەلەندىرىپ، اۋىلداستاردى ماگنيتتەي تىعىز ۇيىستىرىپ، پارتياعا ىلەسۋ بەكىمى مەن سەنىمىن بەكەمدەپ، پارتيانىڭ ابزال ساياساتىن وتباسىلارعا دەيىن تياناقتاندىرىپ، ءوندىرىستى ءتىپتى جاقسى جۇرگىزىپ، ۇلتتار ىنتىماعىن ءتىپتى جاقسى كۇشەيتىپ، اۋىلداستاردىڭ تۇرمىسىن كۇننەن - كۇنگە جاقسارتۋىن ءۇمىت ەتەمىن.

− شي جينپيڭ

حالىق گازەتىنىڭ تىلشىلەرى ياڭ ميڭفاڭ، حاۋ يىڭسان، ارداق

  ”ءجۇرىڭىز، قىستاق تۇرعىندار كوميتەتىنە بارىپ كەڭەسەيىك!“. لوپنۇر اۋداندىق پارتكوم ۇيىمداستىرۋ ءبولىمىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا داشي قىستاعىندا تۇراتىن قىزمەت اترەتىنىڭ باستىعى، ءبىرىنشى شۋجي لي يانفىڭ ءۇستى - باسىنداعى شاڭدى قاعىپ، ءتۇرىپ العان بالاعىن ءتۇسىرىپ، موتوتسيكلمەن كەرى قايتتى. تىلشىلەر داشي قىستاعىنا تىلشىلىك ىستەي بارعاندا، ول 100گە جۋىق قىستاق تۇرعىندارىمەن بىرگە قىستاق جولىنىڭ ەكى جاعالاۋىنداعى 10 كيلومەتردەي جەردەگى ىقتاسىن ورمان بەلدەۋىن تولىقتاپ ەگىپ جاتىر ەكەن.

  داشي قىستاعى تيانشان تاۋىنىڭ وڭتۇستىك باۋرايىنا، تاكلاماكان ءشولىنىڭ شىعىس سولتۇستىك جيەگىنە، شينجياڭ ۇيعۇر اۆتونوميالى رايونى بايىنعولين موڭعۇل اۆتونوميالى وبلىسى لوپنۇر اۋدان قالاشىعىنىڭ شەتىنە ورنالاسقان. وتكەندە بۇل جەر ”ءبىر جىلدىڭ 4 ماۋسىمىندا اقتاڭداق بولىپ جاتاتىن، ەگىلگەن داننەن ءونىم الىنبايتىن جەر ەدى“. ساۋۇر ماڭلىك 1980 - جىلى قىستاق پارتيا ياچەيكاسىنىڭ شۋجيى مىندەتىن وتەگەننەن كەيىن، ءار ۇلت بۇقاراسىن باستاپ، سور ىعىستىرۋ توعانىن قازىپ، ىقتاسىن ورمان وتىرعىزىپ، كوللەكتيۆ شارۋاشىلىقتى دامىتىپ، بايۋ جولىنا بىرگە تۇسكەن.

  2009 - جىلى 6 - ايدا، سول كەزدە جۇڭگو كوممۋنيستىك پارتياسى ورتالىق كوميتەت ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى، مەملەكەتتىڭ ورىنباسار ءتوراعاسى مىندەتىن اتقارعان شي جينپيڭ داشي قىستاعىنا بارىپ، نەگىزگى ساتىنىڭ پارتيا قۇرىلىسى قىزمەتىن تەكسەردى. 2014 - جىلى 4 - ايدا، باس شۋجي شي جينپيڭ شينجياڭدا قىزمەت تەكسەرگەندە داشي قىستاعىنىڭ قىستاق ءتالىمىن اۋىزعا الدى − ”قالتا قامپايۋى، رۋح اسقاق بولۋى كەرەك“. حابار جەتىسىمەن، قىستاق تۇرعىندارى تەبىرەنگەن كوڭىل كۇيمەن باس شۋجيگە حات جازىپ، 5 جىلداعى قىستاق وزگەرىسىنەن مالىمەت بەردى. 2014 - جىلى 9 - ايدا، باس شۋجي شي جينپيڭ ساۋۇر ماڭلىككە جانە بۇكىل قىستاق تۇرعىندارىنا جاۋاپ حات جازىپ، شينجياڭدى گۇلدەندىرۋدىڭ، شينجياڭدى ورنىقتىرۋدىڭ ءتۇيىنىنىڭ نەگىزگى ساتىدا ەكەندىگىن باسا دارىپتەدى.

  جەمىس - جيدەكتىڭ حوش ءيىسى اڭقىعان مەزگىلدە داشي قىستاعىنان ومىرشەڭدىك قاۋلايدى. ”ۇلتتار ىنتىماعىنىڭ جانىن تاباندىلىقپەن قورعاپ، ۇلتتاردىڭ تەرەڭ سۇيىسپەنشىلىگىنىڭ توراڭعى ورمانىن جاقسى باپتايمىز“، - دەدى ساۋۇر ماڭلىك تىلشىگە، - ” ءار ۇلت بۇقاراسى قۇمدى شولدەگى توراڭعىداي تامىرلاس، نيەتتەس“.

■”ءبىر ناندى ءبولىپ جەيىك“

  1975 - جىلى 20 جاسقا كەلە قويماعان دۋ مىڭحى ناعاشى اعاسىمەن بىرگە شاندۇڭنان شينجياڭعا كەلىپ، داشي قىستاعىندا 40 نەشە جىل تۇرمىس كەشىرىپ، رەفورما جاساعاننان، ەسىك اشقاننان بەرگى قىستاقتاعى جەر مەن كوكتەي وزگەرىستەردى ءوز كوزىمەن كوردى. ”ساۋۇر ماڭلىك قىستاق پارتيا ياچەيكاسىنىڭ شۋجيى بولعاننان كەيىن، كوپشىلىكتى باستاپ توعان جوندەدى، لاي - باتپاقتى تازالادى، سوردى تىزگىندەدى، ىقتاسىن ورمانىن ەكتى، ورمان تورىمەن 20 نەشە مىڭ مۋ ەگىس اتىزىن قورعاپ، قۇنارسىز جەردى قۇنارلى جەرگە اينالدىردى“.

  وتكەندەگى ەداۋىر ۇزاق مەزگىلدە، ۇيعۇر قىستاق تۇرعىندارىنىڭ كوبى مال باعۋدى، جەمىس اعاشتارىن ەگۋدى كاسىپ ەتتى دە، حانزۋ قىستاق تۇرعىندارى كوكونىس، ماقتا ەگۋدى نەگىز ەتتى. ”ءبىر ناندى ءبولىپ جەيىك“، ساۋۇر ماڭلىك قىستاق تۇرعىندارىن ءداستۇرلى ادەت - عۇرىپتى تالقانداپ، ءوزارا ۇيرەنىپ، ونەگە الۋعا ۇندەدى.

  مۇنىڭ بال ءدامىن ەڭ الدىمەن داشي قىستاعى 4 - گرۋپپاسىنداعى ۇيعۇر قىستاق تۇرعىنى ايسا وشۇر وتباسى تاتتى. ”وتباسىمىزدىڭ 25 مۋ جەرىنە تۇگەلدەي ماقتا ەكتىك، حانزۋ اعايىندار ارام ءشوپ وتاۋىما، تىڭايتقىش بەرۋىمە، سۋارۋىما جەتەكشىلىك ەتتى، 1990 - جىلى تازا كىرىسىمىز 20 نەشە مىڭ يۋان بولدى“. بەتپە - بەت ايتۋ، قولما - قول ۇيرەتۋ ارقىلى بۇكىل قىستاقتاعى ماقتا ەگىلگەن جەردىڭ اۋدانى تەز ارادا 19 مىڭ مۋعا جەتتى.

  قارجى قوسىپ ۇن زاۆودىن، اۋىل شارۋاشىلىق بازارىن، كوكونىس جىلىجايىن قۇردى... كوپ ءتۇرلى كاسىپتى قاتار جۇرگىزىپ، داشي قىستاعىنىڭ بىلتىرعى جان باسىندىق ورتاشا تازا كىرىسى 32 مىڭ يۋاننان استى، قىستاق كوللەكتيۆ شارۋاشىلىعى دا جوقتان بار بولدى، السىزدەن كۇشەيدى، ”وڭتۇستىك شينجياڭداعى ءبىرىنشى قىستاق“ اتاعى تەز تارادى.

  ساۋۇر ماڭلىك وتباسىنىڭ اۋلاسىنا كىرسەڭىز، ءجۇزىم سورەسىندە بۇتاقتار مەن ساباقتار سامسىپ، بىرنەشە 10 ءتۇپ جۇپار تال جاپ - جاسىل بولىپ جايقالىپ تۇر.

  ”10 جىلدىڭ الدىنداعى جازدا، شي جينپيڭ جولداس وسى ءجۇزىم سورەسىنىڭ استىنداعى ساكىدە مالداس قۇرىپ، بىزبەن ىقىلاستى اڭگىمەلەسكەن بولاتىن“. ساۋۇر ماڭلىك بىلاي دەدى: 2014 - جىلى باس شۋجيدىڭ جاۋاپ حاتىن تاپسىرىپ العان كۇنى، ”اۋىلداستار ءجۇزىم سورەسىنىڭ استىنا توپ - توبىمەن جينالىپ، حاتتى قايتا - قايتا وقىدى“.

  اسفالت جول 8 كيلومەتردەن 78 كيلومەترگە ۇزاردى، 360 وتباسىنداعى بۇقارا جاڭا ۇيگە كوشىپ كىردى، 400 نەشە وتباسىنداعى بۇقارا تابيعي گاز ىستەتتى، 300دەن استام وتباسىنداعى بۇقارا جەڭىل اۆتوكولىككە ءمىندى... وسى جىلدارداعى جاڭا وزگەرىستەردى اۋىزعا العاندا، ساۋۇر ماڭلىك تەبىرەنە بىلاي دەدى: ”ءار ۇلت بۇقاراسى بىرگە كۇرەس جۇرگىزبەسە، بۇگىنگى داشي قىستاعى بولماس ەدى“.

■”اناردىڭ دانىندەي تىعىز ۇيىسايىق“

  ايسا وشۇر وتباسىنىڭ قوناق بولمەسىندە ءۇي ىشىمەن تۇسكەن ءبىر ەرەكشە سۋرەت بار. كەمپىر - شال ەكەۋىنىڭ جانىندا ءبىر جۇپ حانزۋ ەرلى - زايىپتى تۇر.

  ”بۇل مەنىڭ حانزۋ ۇلىم گو زۇڭجۇن“. كاريا جايدارلانا كۇلە تىلشىگە: ”كوكتەم كەلگەندە قىستاقتاعىلاردىڭ ءبارى المۇرت اعاشىنىڭ ءتۇبىن قىرلاپ، توپىراق ءۇيىپ قاربالاستىققا تۇسەدى، ءبىز اسىقپايمىز، بۇل جۇمىستى ول ىستەيدى“، - دەدى.

  1998 - جىلى گو زۇڭجۇن حىناننان داشي قىستاعىنا كەلىپ كۇندىك ىستەدى. ايسا وشۇر جان اشىر جاقىنى جوق وسى جىگىتتى ۇيىنە ەرتىپ كەلىپ، وعان تاماق، جاتىن ورىن بەرىپ، ءوز ۇلىنداي قارادى. 1999 - جىلى ايسا وشۇردىڭ ۇلى اۆتوكولىك شىرعالاڭىنان قايتىس بولعاننان كەيىن، گو زۇڭجۇن ايسا مەن ايەلىن ”اكە - شەشە“ دەپ شاقىراتىن بولدى.

  ”10 جىلدىڭ الدىندا شي جينپيڭ جولداس بىزگە ۇلتتار ىنتىماعىن كۇشەيتۋ − شينجياڭنىڭ باياندى تىنىشتىعىن جۇزەگە اسىرۋدىڭ ءتۇبىرلى شاراسى ەكەندىگىن قاداعالاپ تاپسىرعان بولاتىن“، - دەدى ساۋۇر ماڭلىك تىلشىگە. 2010 - جىلدان باستاپ، داشي قىستاعى بۇكىل شينجياڭ بويىنشا ۇلتتار ىنتىماعىنىڭ جۇپ قۇراپ، تۋىستاسۋ قيمىلىن ەڭ الدىمەن ورىستەتتى، قازىر بۇكىل قىستاقتاعى 150 نەشە وتباسىنداعى حانزۋ بۇقارا 400 نەشە وتباسىنداعى ۇيعۇر بۇقارامەن 318 جۇپ ”تۋىس“ قۇرادى. ايسا وشۇر كاريانىڭ وتباسى مەن گو زۇڭجۇن رەسمي جۇپ قۇرادى، ”وسى حانزۋ ۇلىم، جاقسى!“

  6 - گرۋپپاداعى 62 جاسقا شىققان قىستاق تۇرعىنى لين گوفا كوكونىس ەگۋ شەبەرى. ونىڭ ۇيعۇر ”تۋىسى“ 5 - گرۋپپانىڭ قىستاق تۇرعىنى سىدىق ايۇپ بەساسپاپ ادام، قوي باعۋ، ەلەكترمەن دانەكەرلەۋ، اعاششىلىق سياقتىلاردىڭ بارىنەن حابارى بار، بىلتىر كوكونىس ەگۋدى ويعا الدى، لين گوفا ونىڭ جىلىجاي سالۋىنا ءوزى ارالاسىپ كومەكتەستى. بىلتىر قىستا سىدىق ايۇپ قىستاق تۇرعىندارىنىڭ گۇلدەرىن باپتاپ، 22 مىڭ يۋان تازا كىرىس كىرگىزدى.

  التىن، كۇمىس ناعىز بايلىق ەمەس، ىنتىماق، جاراسىمدىلىق − باقىت. 2017 - جىلى 1 - ايدا لي يانفىڭ قىستاقتا تۇرۋعا كەلگەننەن كەيىن، كومەكتەسۋشى كادرلاردى باستاپ ”ءتورت ءتۇرلى قارت“تارمەن، سالىستىرمالى كەدەي وتباسىلارىمەن 112 جۇپ تۋىس قۇرادى.

  لي يانفىڭنىڭ جۇپ قۇراعان ”تۋىسى“ داشي قىستاعى 2 - گرۋپپاسىنداعى ارحيۆ تۇرعىزىلىپ، كارتچكالاندىرىلعان كەدەي وتباسى قۇربان گايىت وتباسى، كەمپىر - شال ەكەۋى نەگىزىنەن ەڭ تومەنگى تۇرمىستى قامتاماسىز ەتۋ قاراجاتىنا سۇيەنىپ كۇن كورەدى. ”لي شۋجي ۇيىمىزگە ءبىر اپتادا 2 رەت كەلەدى، ول توبەدەگى سۋ وتپەيتىن تاقتايدى، اۋلاداعى سەمەنت جەردى جاتقىزىپ بەردى“، - دەدى كاريا ءتىلشىنىڭ قولىنان ۇستاپ اۋلانى ارالاپ ءجۇرىپ.

  ”داشي قىستاعىنداعىلار اناردىڭ دانىندەي تىعىز ۇيىسۋىمىز كەرەك؛ جىرتىق قاپتاعى كارتوپ سياقتى شاشىلمايمىز“، - دەدى قۇربان گايىت ءسوز اراسىندا تەبىرەنە.

■”پارتياعا ىلەسسەك، بۇقارانى تاماشا تۇرمىسقا جەتكىزە الامىز“

  2014 - جىلى باس شۋجي شي جينپيڭنىڭ جاۋاپ حاتىن تاپسىرىپ العان سول جىلى، داشي قىستاعىنىڭ جان باسىندىق تازا كىرىسى 25 مىڭ يۋانعا جەتكەن ەدى.

  ”باس شۋجي’اۋىلداستاردىڭ تۇرمىسىن كۇننەن - كۇنگە جاقسارتا ءتۇسۋدى‘ تالاپ ەتتى. كورىكتى اۋىل - قىستاق قۇرىلىسىمەن بىرلەستىرىپ، ءبىز ءبىر جاعىنان، اۋلا شارۋاشىلىعىن يگەرىپ، ءبىر جاعىنان، اۋىل - قىستاق ساياحاتىن يگەرىپ، اۋقاتتانۋ جولىن كەڭەيتىپ، اۋىل - قىستاقتى گۇلدەندىرۋدى ىلگەرىلەتتىك“، - دەدى ساۋۇر ماڭلىك.

  قوي قورا مەن قوناق بولمەنىڭ اراسىن ءبىر داۋال عانا ءبولىپ تۇر، بۇرىن كوپشىلىك تۇگەلدەي ۇيعۇر قىستاق تۇرعىنى ءومار مامەتنيازدىڭ ۇيىنە قوناققا بارۋدى قالامايتىن. قىستاقتىڭ بارعان سايىن تازا دا رەتتى بولىپ، ساياحاتشىلاردىڭ بارعان سايىن مولايعانىن كورگەن ءومار مامەتنياز اۋلاسىن وزگەرتىپ سالۋعا بەكيدى.

  لي يانفىڭ قىستاقتا تۇراتىن قىزمەت اترەتى مۇشەلەرىن باستاپ كارياعا اقىل قوسىپ، جوبا جاساپ بەرەدى ءارى بازار باقىلاۋ - باسقارۋ مەكەمەسى، ساياحات مەكەمەسى سياقتى قاتىستى تاراۋلارداعى تەحنيكتەردى ۇيگە كەلىپ جەتەكشىلىك ەتۋگە سايكەستىردى − قوي قورانى ارتقى اۋلاداعى بولەك جوبالانعان باعىمشىلىق رايونىنا كوشىرىپ، ارتقى اۋلاداعى ءبىر مۋدان ارتىق بوس جەردى كوكونىس باقشاسىنا وزگەرتتى، 6 بولمەنى رەتكە كەلتىرىپ، حالىقتىق تۇسەلحانا جانە اس - سۋ ارناۋلى بولمەسى ەتىپ، ەسىك الدىنا قاراعاش، تال - تەرەك وتىرعىزدى، قاقپادان شىقساڭىز 6 مۋ شاپتول باعى...

  بىلتىر 6 - ايدا، ءومار وتباسى اشقان ”شاپتول باعى“ شارۋالار شاتتىعى ساياجايى ساۋداسىن ءساتتى باستادى. ”ەسەپتەپ كورسەم، كۇنىنە 3 − 5 ۇستەل تولى قوناق كۇتىپ الادى ەكەنبىز، جالپى كىرىسىمىز 1500 يۋان اينالاسىندا بولادى“. ءومار مامەتنياز اقشا تاپقاندا قۋانىپ كەتتى، ەسىگىنىڭ الدىنا توپ - توبىمەن كەلگەن ساياحاتشىنى كورگەندە ءتىپتى دە قۋاندى.

  بۇگىنگى كۇندە، داشي قىستاعى 3A دارەجەلى كورىنىس اۋماعى. داشي كورمەحاناسىن باستاماشى ەتكەن ءبىر سالت - سانا كوشەسى، ءبىر نان شارۋاشىلىعى كوشەسى، ءبىر كەشكى بازار، 36 سالت - سانا ساياباعى، 9 حالىقتىق تۇسەلحانا، 2000 مۋلىق المۇرت باعى داشي قىستاعىنىڭ اۋىل - قىستاق ساياحاتى جەلىسىن بايلانىستىرىپ تۇر.

  بىلتىر 2 - ايدا، ”پارتياعا العىس ايتۋ، پارتيانىڭ سوزىنە قۇلاق اسۋ، پارتياعا ىلەسۋ“ سالتاناتتى تۇردە داشي قىستاعىنىڭ قىستاق ەرەجەسىنە ەنگىزىلدى؛ ءار دۇيسەنبى كۇنى تاڭەرتەڭ قىستاق تۇرعىندار كوميتەتى عيماراتىنىڭ الدىنداعى الاڭعا جينالىپ مەملەكەت تۋىن شىعارۋ سالتىن وتكىزۋ داشي قىستاعىنداعىلاردىڭ سانالى ارەكەتىنە اينالدى.

  2014 - جىلدان باستاپ، داشي قىستاعى ”ەڭ ارداقتى داشيلىق“تى باعالاۋ قيمىلىن ورىستەتىپ، العاباسار تيپتەردى ۇيرەنۋ ۇلگىسى ەتتى. 6 - گرۋپپاداعى قىستاق تۇرعىنى ليۋ سۇڭلين 20 جىلدى ءبىر كۇندەي وتكىزىپ، 50 كيلومەتر شالعايداعى قۇبا دالادا قوي باعاتىن ابىلاعا كۇرىش، ماي جەتكىزىپ بەردى؛ 2 - گرۋپپاداعى قىستاق تۇرعىنى تۇرسۇن سىمايىل وتباسىنداعىلار 21 جىل بويى مي سالدانۋى اۋرۋىنا شالدىققان اسىراندى قىزىن ايالاپ، وعان شيپا ىزدەپ بارماعان جەرى، باسپاعان تاۋى قالمادى...

  ”مەن قىستاقتا شۋجي بولىپ تۇرعانىمدا، پارتياعا ىلەسسەك، بۇقارانى تاماشا تۇرمىسقا جەتكىزە الامىز دەگەن قيسىندى ءتۇسىندىم“، - دەدى ساۋۇر ماڭلىك باتىل تۇردە.

(2019 - جىلى 8 - ايدىڭ 5 - كۇنگى «حالىق گازەتىنەن»)

اۋىلداستاردى ماگنيتتەي ۇيىستىرايىق

لي بين

  ”باس شۋجيدىڭ داشي قىستاعىنا تاعى دا ءبىر كەلىپ ارالاپ كورۋىن ءۇمىت ەتەمىز“، بۇل داشي قىستاعىنداعى تۇرعىنداردىڭ كوكەي تەستى تىلەگى. باس شۋجي شي جينپيڭنىڭ جاۋاپ حاتىن تاپسىرىپ العاننان كەيىنگى وسى بىرنەشە جىلدا، جان باسىندىق تازا كىرىس 2014 - جىلعى 25 مىڭ يۋاننان 2018 - جىلعا جەتكەندە 32 مىڭ يۋاننان استى، 360 وتباسىنداعى بۇقارا جاڭا ۇيگە كوشىپ كىردى، 300دەن استام وتباسىنداعى بۇقارا جەڭىل اۆتوكولىككە ءمىندى... داشي قىستاعىنىڭ دامۋ جەتىستىكتەرى قىستاق تالىمىندە ايتىلعانداي ”قالتا قامپايۋ، رۋح اسقاق بولۋ“دى ءتىپتى ايشىقتاي ءتۇستى. مۇنىڭ استارىندا داشي قىستاعى پارتيا ۇيىمىنىڭ باس شۋجيدىڭ تاپسىرماسىن ەستەرىنە بەرىك ساقتاپ، ”اۋىلداستاردى ماگنيتتەي تىعىز ۇيىستىرۋ“ دەگەن تالاپتىڭ شابىتتاندىرۋىنا ساي، ءار ۇلت بۇقاراسىن ءبىر نيەتپەن كۇرەس جاساۋعا باستاۋى جاتىر.

  پارتيانىڭ نەگىزگى ساتى ۇيىمدارى − پارتيانىڭ بارلىق قىزمەتى مەن جاۋىنگەرلىك كۇشىنىڭ نەگىزى، بۇقارانى ۇيىستىرۋداعى، بۇقاراعا قىزمەت وتەۋدەگى جاۋاپكەرشىلىگى ەلەۋلى. ۇلتتىق وڭىرلەرگە نازار سالساق، نەگىزگى ساتى پارتيا ۇيىمدارى ءتىپتى دە بۇقارانى باستاپ ءىس ءبىتىرۋدىڭ، شارۋاشىلىق قۇرۋدىڭ ماڭىزدى ءتۇيىنى، ۇلتتار ىنتىماعىن كۇشەيتۋدىڭ كوپىرلىك دانەكەرى. نيڭشيادا گۋيۋان قالاسى حىرۇن قىستاعىنداعى پارتيا مۇشەلەرى دامۋدى جەبەۋگە باستاماشى بولىپ، حۇيزۋ، حانزۋ قىستاق تۇرعىندارىنىڭ سۇيىسپەنشىلىگىن تەرەڭدەتتى، بۇل كوشپەندىلەر قىستاعى بارعان سايىن ”تاتۋ - ءتاتتى“ بولا ءتۇستى؛ شيزاڭدا رىحىزى قالاسى چيەۋا اۋىلى پارتيا قۇرىلىسىنىڭ جەتەكتەۋىندە، كوپ ۇلتتى قىستاق تۇرعىندارى بىرگە ىستەپ، بىرگە شاتتانىپ، ءوزارا كومەكتەسىپ، ءوزارا قارايلاسىپ، بەرەكەلى دە تاتۋ - ءتاتتى بولدى... نەگىزگى ساتى پارتيا ۇيىمدارى قۋاتتى، پارمەندى بولسا، پارتيانىڭ ابزال ساياساتتارى ءار وتباسىندا، ءار شاڭىراقتا تياناقتانادى، بايۋعا باستايتىن جول، دامۋعا باستايتىن باعىت، ىنتىماققا باستايتىن كۇش بولادى دەپ ايتۋعا ابدەن بولادى.

  داشي قىستاعى كادرلارىنىڭ اۋزىنان ”ماڭگى پارتيانىڭ سوزىنە قۇلاق اسىپ، پارتياعا ىلەسەمىز!“ دەگەن ءسوز تۇسپەيدى. بۇقاراعا قىزمەت وتەۋ سىندى وسى ۇلكەن ءىستى جاقسى ىستەپ، نەگىزگى ساتى پارتيا ۇيىمدارىن ”ماگنيتتەي“ قۇرىپ شىقساق، اۋىلداستاردى ىنتىماقتاستىرساق، ۇيىستىرساق، ءبىز باس شۋجي شي جينپيڭنىڭ ”ءوندىرىستى ءتىپتى جاقسى جۇرگىزىپ، ۇلتتار ىنتىماعىن ءتىپتى جاقسى كۇشەيتىپ، اۋىلداستاردىڭ تۇرمىسىن كۇننەن - كۇنگە جاقسارتۋ كەرەك“ دەگەن شابىتتاندىرۋىن جۇزەگە اسىرا الامىز.

(2019 - جىلى 8 - ايدىڭ 5 - كۇنگى «حالىق گازەتىنەن»)

جاۋاپتى رەداكتور: ريزا حاميت