زەيىن - زەردە مەن كۇش - قۋاتتى ۇيىستىرىپ، رەفورما ارقىلى ارميانى قۇدىرەتتەندىرۋ ستراتەگياسىن اتقارىپ، جاڭا داۋىردەگى ارميانى قۇدىرەتتەندىرۋ ىستەرىن ۇزدىكسىز العا ىلگەرىلەتۋ كەرەك

شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 16 - رەتكى توپتىق ۇيرەنۋىندە بىلاي دەپ باسا دارىپتەدى

زەيىن - زەردە مەن كۇش - قۋاتتى ۇيىستىرىپ، رەفورما ارقىلى ارميانى قۇدىرەتتەندىرۋ ستراتەگياسىن اتقارىپ، جاڭا داۋىردەگى ارميانى قۇدىرەتتەندىرۋ ىستەرىن ۇزدىكسىز العا ىلگەرىلەتۋ كەرەك

  ■ اسكەري ىستەر ساياساتى، ءتۇزىمى − پارتيامىزدىڭ ەل باسقارۋداعى ماڭىزدى كەپىلدىگى، اسكەري ىستەر ساياساتى، ءتۇزىمى رەفورماسى ارميامىز جونىنەن ءبىر رەتكى تۇزىمدىك سيپاتتى قايتا قۇرۋ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن جۇزەگە اسىرۋعا، حالىق ارمياسىن دۇنيە جۇزىندەگى بىرەگەي ارميا ەتىپ جاپپاي قۇرىپ شىعۋعا قاتىستى، ”قوس ءجۇز جىلدىق“ كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قاتىستى. بورىشتى، جاۋاپكەرشىلىك ارقالاۋدى كۇشەيتىپ، جۇيەلىك شوعىرلانۋدى كۇشەيتىپ، جاڭالىق اشۋدى، قامال الۋدى كۇشەيتىپ، ارميا مەن جەرگىلىكتى ورىننىڭ كۇشىن بىرىكتىرۋدى كۇشەيتىپ، يدەيا مەن ارەكەتتى ونان ارى بىرلىككە كەلتىرىپ، زەيىن - زەردە مەن كۇش - قۋاتتى ۇيىستىرىپ، رەفورما ارقىلى ارميانى قۇدىرەتتەندىرۋ ستراتەگياسىن اتقارىپ، جاڭا داۋىردەگى ارميانى قۇدىرەتتەندىرۋ ىستەرىن ۇزدىكسىز العا ىلگەرىلەتۋ كەرەك

  شينحۋا اگەنتتىگىنىڭ 7 - ايدىڭ 31 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 7 - ايدىڭ 30 - كۇنى تۇستەن كەيىن، اسكەري ىستەر ساياساتى، ءتۇزىمى رەفورماسىن ىلگەرىلەتۋ جونىندە 16 - رەتكى توپتىق ۇيرەنۋ وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: اسكەري ىستەر ساياساتى، ءتۇزىمى − پارتيامىزدىڭ ەل باسقارۋداعى ماڭىزدى كەپىلدىگى، اسكەري ىستەر ساياساتى، ءتۇزىمى رەفورماسى ارميامىز جونىنەن ءبىر رەتكى تۇزىمدىك سيپاتتى قايتا قۇرۋ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن جۇزەگە اسىرۋعا، حالىق ارمياسىن دۇنيە جۇزىندەگى بىرەگەي ارميا ەتىپ جاپپاي قۇرىپ شىعۋعا قاتىستى، ”قوس ءجۇز جىلدىق“ كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا قاتىستى. بورىشتى، جاۋاپكەرشىلىك ارقالاۋدى كۇشەيتىپ، جۇيەلىك شوعىرلانۋدى كۇشەيتىپ، جاڭالىق اشۋدى، قامال الۋدى كۇشەيتىپ، ارميا مەن جەرگىلىكتى ورىننىڭ كۇشىن بىرىكتىرۋدى كۇشەيتىپ، يدەيا مەن ارەكەتتى ونان ارى بىرلىككە كەلتىرىپ، زەيىن - زەردە مەن كۇش - قۋاتتى ۇيىستىرىپ، رەفورما ارقىلى ارميانى قۇدىرەتتەندىرۋ ستراتەگياسىن اتقارىپ، جاڭا داۋىردەگى ارميانى قۇدىرەتتەندىرۋ ىستەرىن ۇزدىكسىز العا ىلگەرىلەتۋ كەرەك.

  ورتالىق كوميتەت ساياسي بيۋروسىنىڭ بۇل رەتكى توپتىق ۇيرەنۋى 1 - تامىز ارميا قۇرىلۋ مەرەكەسى قارساڭىندا وتكىزىلدى، شي جينپيڭ پارتيا ورتالىق كوميتەتى جانە ورتالىق اسكەري ىستەر كوميتەتى اتىنان بۇكىل ازاتتىق ارمياداعى كوماندير - جاۋىنگەرلەردى، قارۋلى ساقشى بولىمىندەگى كوماندير - جاۋىنگەرلەردى، حالىق جاساقتارىن جانە زاپاستاعىلاردى مەرەكە بايلانىسىمەن قۇتتىقتادى!

  اسكەري ىستەر عىلىم اكادەمياسىنىڭ اعا زەرتتەۋشىسى تان يادۇڭ جولداس اسكەري ىستەر ساياساتى، ءتۇزىمى رەفورماسى جونىندە تۇسىنىك جاسادى ءارى پىكىر جانە ۇسىنىس ايتتى.

  شي جينپيڭ ۇيرەنۋدى باسقارعاندا ءسوز سويلەدى. ول بىلاي دەپ باسا دارىپتەدى: پارتيا 18 - قۇرىلتايىنان بەرى، پارتيا ورتالىق كوميتەتى جۇڭگو ارمانىن، ارميانى قۇدىرەتتەندىرۋ ارمانىن جۇزەگە اسىرۋدى كوزدەپ، مەملەكەت قورعانىسى مەن ارميا رەفورماسىن تەرەڭدەتۋدى رەفورمانى جاپپاي تەرەڭدەتۋدىڭ جالپى جۇيەسىنە ەنگىزىپ، ارميانىڭ باسشىلىق، قولباسشىلىق ءتۇزىلىسى رەفورماسىن الدىمەن ورىستەتىپ، ارميانىڭ كولەم قۇرىلىمىن جانە كۇشىن قۇراۋ رەفورماسىن ساتىلار بويىنشا ىلگەرىلەتىپ، مەملەكەت قورعانىسى مەن ارميا قۇرىلىسىن تەجەيتىن تۇزىلىستىك كەدەرگىلەردى، قۇرىلىمدىق قايشىلىقتاردى ۇتىمدى شەشىپ، ارميامىزدىڭ ۇيىمدىق قۇرىلىمىنىڭ تاريحي سيپاتتى وزگەرىسىن، كۇش جۇيەسىنىڭ توڭكەرىستىك سيپاتتى جاڭعىرتىلۋىن جۇزەگە اسىردى. اسكەري ىستەر ساياساتى، ءتۇزىمى رەفورماسىنىڭ ءتۇيىنى جاڭا داۋىرگە، جاڭا بورىشقا، جاڭا تۇزىلىسكە ۇيلەسپەيتىن ساياساتتىق ماسەلەلەردى شەشۋدە، وسى ءبىر قادامدى، ءسوزسىز، جاقسى باسۋ، شىنايى باسۋ، جاقسى باستاپ، تابىستى تامامداۋ كەرەك.

  شي جينپيڭ بىلاي دەپ اتاپ كورسەتتى: ورتالىق اسكەري ىستەر كوميتەتىنىڭ ساياسات، ءتۇزىم رەفورماسى قىزمەتى ءماجىلىسى اشىلعاننان بەرى، ارمياداعى ءار دارەجەلى ورىندار ەگجەي - تەگجەيلى ۇيىمداستىرىپ، كۇش سالا ىلگەرىلەتتى، ورتالىق پەن مەملەكەت ورگاندارى بەلسەنە سايكەسىپ، كۇش سالا قولدادى، اسكەري ىستەر ساياساتى، ءتۇزىمى رەفورماسى تىڭعىلىقتى، ۇتىمدى ىلگەرىلەتىلدى. نازاردى رەفورما نىساناسىنا شوعىرلاندىرىپ، ورايدى مىقتى يگەرىپ، سەنىمدى بەكەمدەپ، تاباندىلىقتى ساقتاپ، قيىنشىلىققا قارسى اتتانۋ كەرەك. يدەيانى بىرلىككە كەلتىرۋ قىزمەتىن مىقتاپ يگەرىپ، ۇگىت - تاربيەنى باعىتتامالى ويداعىداي ىستەپ، قوعامدىق پىكىر جەتەكشىلىگىن كۇشەيتىپ، كوپشىلىكتى باتىل، سانالى تۇردە رەفورمانى قورعاۋعا، رەفورمانى قولداۋعا، رەفورماعا ات سالىسۋعا جەتەكتەپ، رەفورمانىڭ وڭ ەنەرگياسىن مۇمكىندىكتىڭ بارىنشا ۇيىستىرۋ كەرەك.

  شي جينپيڭ بىلاي دەپ باسا دارىپتەدى: اسكەري ىستەر ساياساتى، ءتۇزىمى رەفورماسىنىڭ ەرەكشە كۇردەلى سيپاتىن يگەرىپ، جۇيەلىك شوعىرلانۋدى ءبىر نەگىزگى ۇستانىم جانە پرينسيپ رەتىندە مىقتاپ ورناتۋ كەرەك. جوعارى دەڭگەيدە جوبالاۋ مەن ساتىلار بويىنشا ۇشتاستىرۋدىڭ قاتىناسىن ويداعىداي ءبىر جاقتى ەتۋ كەرەك، ءتۇرلى رەفورمالاردى تۇگەلدەي اسكەري ىستەر ساياساتى، ءتۇزىمى رەفورماسى جۇلگەسىندە اناعۇرلىم ىلگەرىلەتىپ، جوعارى مەن تومەندى، وڭ مەن سولدى، ءار تاراپتى ويداعىداي بايلانىستىرىپ، رەفورمانىڭ تۇتاس تۇلعالىق بىرلەسىپ ارەكەتتەنىپ، ”حيميالىق رەاكسيا“ تۋدىرۋىنا شىنايى كەپىلدىك ەتۋ كەرەك. باستى جاق پەن باستى ەمەس جاقتىڭ قاتىناسىن يگەرىپ، سالماقسىز بەن سالماقتىنى، شۇعىل مەن شۇعىل ەمەستى ايىرىپ، سوعىسقا دايىندالۋ، سوعىس جۇرگىزۋ جالپى جاعدايىنا قاتىستى، جۇيە اينالىمى بۋىنىنا ساياتىن، كوماندير - جاۋىنگەرلەردىڭ تابىس سەزىمىن ارتتىرۋعا پايدالى رەفورمالاردى كورنەكتى ورىنعا قويىپ، تياناقتاندىرۋدى الدىمەن ويداعىداي يگەرۋ كەرەك. مەملەكەت قورعانىسى مەن ارميا رەفورماسىن تەرەڭدەتۋدىڭ جالپى جاعدايىن يگەرىپ، تۇزىلىستىك بوگەتتەردى، قۇرىلىمدىق قايشىلىقتاردى، ساياساتتىق ماسەلەلەردى شەشۋدى بىرلىككە كەلتىرىپ، رەفورمانىڭ 3 ءىرى شايقاسىنىڭ ءوزارا ۇشتاسۋىنا، ءوزارا جەبەۋىنە، ءوزارا ۇيلەسۋىنە شىنايى كەپىلدىك ەتۋ كەرەك.

  شي جينپيڭ بىلاي دەپ اتاپ كورسەتتى: بۇل رەتكى اسكەري ىستەر ساياساتى، ءتۇزىمى رەفورماسىنىڭ تەبىنى زور، جاڭالىق اشۋ سيپاتى كۇشتى، يدەيانى ازات ەتىپ، ءداۋىر اۋقىمىنا ۇيلەسپەيتىن بارلىق يدەيالىق جانە ارەكەتتىك كەدەرگىلەردى باتىل الاستاپ، جاڭا شارا قاراستىرۋعا، جاڭا امال شىعارۋعا، جاڭا جولمەن جۇرۋگە شەبەر بولۋ كەرەك. زەرتتەۋ - دالەلدەۋدى تەرەڭدەتىپ، كەلەلى ماسەلەلەردى زەرتتەۋدى كۇشەيتىپ، جاعدايدى تەكسەرىپ ايقىنداپ، تۇيىنشەكتى ءدال تاۋىپ، قارسى شارالاردى شىنايى تۇراقتاندىرىپ، رەفورمانىڭ تۇيىنگە جەتۋىنە، جوعارى ساپالى بولۋىنا شىنايى كەپىلدىك ەتۋ كەرەك. امالياتتان الۋعا، امالياتقا قايتارۋعا تاباندى بولىپ، امالياتتا دالەلدەنگەن اتقارىلۋى ۇتىمدى جاڭا تاجىريبەلەردى، جاڭا جاسامپازدىقتى دەر كەزىندە قورىتىندىلاپ، سۇرىپتاپ، ساياساتتىق ءتۇزىم دەڭگەيىندە قاتايتا ءتۇسۋ كەرەك. رەفورمانى باعالاۋ قىزمەتىن ويداعىداي ىستەپ، رەفورما شاراسىن باعالاۋدى، رەفورما حاۋىپ - قاتەرىن باعالاۋدى، رەفورما ونىمدىلىگىن باعالاۋدى كۇشەيتىپ، ءتۇرلى ساياسات - تۇزىمدەردىڭ ءىس جۇزىندىككە ۇيلەسۋىنە، باياندى بولۋىنا شىنايى كەپىلدىك ەتۋ كەرەك.

  شي جينپيڭ بىلاي دەپ باسا دارىپتەدى: اسكەري ىستەر ساياساتى، ءتۇزىمى رەفورماسى ارميا مەن جەرگىلىكتى ورىن ەكى جاقتىڭ ورتاق مىندەتى، جالپى جاعداي كوزقاراسىن نىعايتىپ، ۇيىمدىق باسشىلىقتى كۇشەيتىپ، جاۋاپكەرشىلىكتى قاتايتىپ، ناقتىلاندىرىپ، ءبىر جۇيە قالىپتاستىرۋ، جۇدىرىقتاي جۇمىلۋ كەرەك. ورتالىق مەن مەملەكەت ورگاندارى اسكەري ىستەر ساياساتى، ءتۇزىمى رەفورماسىن ىلگەرىلەتۋدى تيەسەلى قىزمەت جاۋاپكەرشىلىگى ەتىپ، ارقالاۋعا ءتيىستى جاۋاپكەرشىلىگىن ارقالاۋ، ىستەۋگە ءتيىستى ىستەرىن تىڭعىلىقتى ىستەۋ كەرەك. ارميا ورتالىق جانە مەملەكەت ورگاندارىمەن ىرىقتىلىقپەن بايلانىس جاساۋدى، سايكەسۋدى جاقسارتىپ، قىزمەتتىڭ اياق الىسىن دەر كەزىندە حابارلاپ، مىندەت قاجەتىن دالمە - ءدال ورتاعا قويىپ، اسكەري ىستەر ساياساتى، ءتۇزىمى رەفورماسىن تىزە قوسا ناقتى تياناقتاندىرۋ كەرەك.

جاۋاپتى رەداكتور: ريزا حاميت