ورتالىق اسكەري ىستەر كوميتەتى داڭق اتاعىن بەرۋ سالتىن وتكىزدى

ورتالىق اسكەري ىستەر كوميتەتى داڭق اتاعىن بەرۋ سالتىن وتكىزدى

شي جينپيڭ داڭق اتاعىنا يە بولعان جەكەلەرگە مەدال جانە كۋالىك ۇسىندى داڭق اتاعىنا يە بولعان ورىندارعا سيلىق جالاۋىن ۇسىندى

7 - ايدىڭ 31 - كۇنى ورتالىق اسكەري ىستەر كوميتەتىنىڭ داڭق اتاعىن بەرۋ سالتى بەيجيڭدە سالتاناتپەن وتكىزىلدى. ورتالىق اسكەري ىستەر كوميتەتىنىڭ ءتوراعاسى شي جينپيڭ داڭق اتاعىن العان ءبىر جەكەگە مەدال جانە كۋالىك بەردى، داڭق اتاعىن العان 3 ورىنعا سيلىق جالاۋىن تاراتتى. شي جينپيڭ داڭق اتاعىن العان جەكەمەن جانە ورىنداردىڭ ۋاكىلدەرىمەن بىرگە توپتىق سۋرەتكە ءتۇستى. □ سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

  شينحۋا اگەنتتىگىنىڭ 7 - ايدىڭ 31 - كۇنى بەيجيڭنەن بەرگەن حابارى (ءتىلشى لي شۋانلياڭ). ورتالىق اسكەري ىستەر كوميتەتىنىڭ داڭق اتاعىن بەرۋ سالتى 7 - ايدىڭ 31 - كۇنى بەيجيڭدە سالتاناتپەن وتكىزىلدى. ورتالىق اسكەري ىستەر كوميتەتىنىڭ ءتوراعاسى شي جينپيڭ داڭق اتاعىنا يە بولعان ءبىر جەكەگە مەدال جانە كۋالىك ۇسىندى، داڭق اتاعىنا يە بولعان 3 ورىنعا سيلىق جالاۋىن ۇسىندى.

  1 - تامىز عيماراتىنىڭ سالت وتكىزۋ ناق مايدانىندا، كوماندير - جاۋىنگەردىڭ ۋاكىلدەرى قاتارعا رەتتى تۇردى، ايبىندى دا دۋماندى بەينە مەن مۇندالايدى.

  تۇستەن بۇرىن ساعات 11 شاماسىندا، 18 قۇرمەت قاراۋىلى نىق قاداممەن الاڭعا كىرىپ، ەكى شەتتە مىلتىقتارىن سەرت ۇستاپ تاپجىلماي تۇردى، اتاق بەرۋ سالتى باستالعاندا، تۇتاس الاڭداعىلار مەملەكەت ءانىن اسقاقتاتا شىرقادى. ورتالىق اسكەري ىستەر كوميتەتىنىڭ ورىنباسار ءتوراعاسى شۇي چيلياڭ شي جينپيڭ قول قويعان ورتالىق اسكەري ىستەر كوميتەتىنىڭ داڭق اتاعىن بەرۋ بۇيرىعىن وقىدى، ورتالىق اسكەري ىستەر كوميتەتىنىڭ ورىنباسار ءتوراعاسى جاڭ يوۋشيا سالتتى باسقاردى.

  ”مينا الاستاۋداعى قاھارمان جاۋىنگەر“ داڭق اتاعىنىڭ يەگەرى، قۇرلىق ارمياسى بەلگىلى مينا تازالاۋ، جارىلعىش زاتتاردى الاستاۋ ۇلكەن اترەتىنىڭ جاۋىنگەرى دۋ فۋگو ايەلىنىڭ سەرىك بولۋىمەن مىنبەنىڭ الدىنا بارعاندا، شي جينپيڭ وعان قاھارمان ۇلگى مەدالىن تاعىپ، كۋالىك ۇسىندى، ونىمەن بىرگە سۋرەتكە ءتۇسىپ ەستەلىك قالدىردى.

  ونان سوڭ، شي جينپيڭ ”ارميانى قۇدىرەتتەندىرۋدەگى اۆانگارد ۇشۋ ۇلكەن اترەتى“ داڭق اتاعىنا يە بولعان اۋە ارمياسى اۋە اسكەرى بەلگىلى لۇيى ۇشۋ 1 - ۇلكەن اترەتىنە، ”عارىش ىستەرىندە وتاننىڭ ءۇمىتىن اقتاعان ۇلگىلى جەر بەتى پۋنكتى“ داڭق اتاعىنا يە بولعان 63798 اسكەري ءبولىمنىڭ جەر بەتى جابدىقتار پۋنكتىنە، ”سوعىس ءۇشىن عىلمي زەرتتەۋ جۇرگىزگەن اۆانگارد“ داڭق اتاعىنا يە بولعان 63837 اسكەري ءبولىمنىڭ بەلگىلى كەڭسەسىنە جەكە - جەكە سيلىق جالاۋىن ۇسىندى.

  اتاق بەرۋ سالتى اسقاق اسكەري ءان ءۇنى ىشىندە اياقتادى. شي جينپيڭ داڭق اتاعىنا يە بولعان جەكەمەن جانە ورىنداردىڭ ۋاكىلدەرىمەن توپتىق سۋرەتكە ءتۇستى.

  ورتالىق اسكەري ىستەر كوميتەتىنىڭ مۇشەلەرى ۋي فىڭحى، لي زوچىڭ، مياۋ حۋا، جاڭ شىڭمين، سونداي - اق اسكەري ىستەر كوميتەتى ورگانى تاراۋلارىنىڭ باسشىلارى، بەيجيڭدە تۇراتىن ۇلكەن ورىنداردىڭ ورىنباسار سوعىس رايونى مىندەتى دارەجەلىدەن جوعارى باسشىلارى، ءارقايسى ارميا جانە اسكەر تۇرلەرىنىڭ، اسكەري ىستەر عىلىم اكادەمياسىنىڭ، قارۋلى ساقشى اسكەري ءبولىمى كوماندير - جاۋىنگەرلەرىنىڭ جانە اكىمشىلىك قىزمەتكەرلەردىڭ ۋاكىلدەرى قاتارلىلار سالتقا قاتىناستى.

جاۋاپتى رەداكتور: ريزا حاميت