ءبىر جەكەگە، 3 ورىنعا داڭق اتاعىن بەردى

ورتالىق اسكەري ىستەر كوميتەتىنىڭ ءتوراعاسى شي جينپيڭ بۇيرىققا قول قويدى

ءبىر جەكەگە، 3 ورىنعا داڭق اتاعىن بەردى

  شينحۋا اگەنتتىگىنىڭ 7 - ايدىڭ 31 - كۇنى بەيجيڭنەن بەرگەن حابارى. ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىردا بۇيرىققا قول قويىپ، ءبىر جەكەگە، 3 ورىنعا داڭق اتاعىن بەردى.

  قۇرلىق ارمياسى بەلگىلى مينا تازالاۋ، جارىلعىش زاتتاردى الاستاۋ ۇلكەن اترەتىنىڭ جاۋىنگەرى دۋ فۋگوعا ”مينا الاستاۋداعى قاھارمان جاۋىنگەر“ داڭق اتاعى بەرىلدى. دۋ فۋگو، ەر، 1991 - جىلى 11 - ايدا تۋعان، 2010 - جىلى 12 - ايدا قوسىنعا كىرگەن. 2015 - جىلى 6 - ايدا شەكاراداعى مينا تازالاۋ ارەكەتىنە قاتىناسقان، 2018 - جىلى 10 - ايدا مينا الاستاپ جۇرگەندە جاۋىنگەر سەرىگىن قورعاۋ جولىندا ەرلىكپەن جارالانىپ، ەكى كوزى سوقىر بولىپ، قوس قولىنان ايرىلدى. قوسىنعا كىرگەننەن بەرى، بۇل جولداس بورىشتى ەستە بەرىك ساقتاپ، ارميانى قۇدىرەتتەندىرۋدى مۇرات ەتىپ، شەكاراداعى مينا تازالاۋ مىندەتىنە قاتىناسۋعا ىرىقتىلىقپەن سۇرانىپ، مينالى اۋماققا ىلگەرىندى - كەيىندى 1000 رەتتەن استام كىرىپ - شىعىپ، جيىنى 2400دەن استام جارىلعىش زاتتى الاستاپ، 20دان استام رەت ءتۇرلى حاۋىپ - قاتەردى ءبىر جاقتى ەتتى؛ قارۋعا قۇلشىنا جاتىلىپ، قابىلەتىن كۇشەيتىپ، ماماندىق شەبەرلىكتى جاتىق يگەرىپ، ءبىر قىدىرۋ ءونىمدى جۇمىس ادىستەرى جونىندە ىزدەنىس جاساپ جانە ونى قالىپتاستىرىپ، بارلاۋ، جارۋ تەزدىگى مەن دالدىگىن جوعارىلاتتى؛ ەرلىكپەن اتويلاپ الدا ءجۇرىپ، مينالى اۋماقتى شايقاس مايدانى ەتىپ، قاتەرلى ساتتە جان قيارلىقپەن ”مەن ىستەيىن“ دەپ ايعايلاپ العا شىعىپ، قاتەردى وزىنە قالدىرىپ، حاۋىپسىزدىكتى جاۋىنگەر سەرىكتەرىنە ۇسىندى؛ قايىسپاس جىگەردى ساقتاپ، ءوزى اۋىر جارالانسا دا اسقاق رۋحپەن العا ىلگەرىلەپ، قايسار دا ۇمىتكەر بولىپ، ۇيرەنۋدەن، جاتتىعۋدان جازبادى، ونىڭ قاھارمان ىزگى ىستەرى مەن قاستەرلى مىنەز - قۇلقى بۇكىل ارميادا جانە تۇتاس قوعامدا كۇشتى اڭىس قوزعادى. بۇل جولداس قۇرلىق ارمياسى جاعىنان ىلگەرىندى - كەيىندى ”تورتكە يە“ جاڭا ءداۋىر توڭكەرىستىك اسكەرلەرىنىڭ ۇلگىسى بولىپ ماداقتالىپ - سيلانىپ، ”2018 - جىلعى جۇڭگونى اسەرلەندىرگەن تۇلعا“، ”ءوزىن الەۋەتتەندىرۋدىڭ مەملەكەتتىك ۇلگىسى“ بولىپ باعالاندى، ورتالىق كوميتەت ۇگىت ءبولىمى وعان ”ءداۋىردىڭ ۇلگىسى“ اتاعىن بەردى، ءبىر رەت 1 - دارەجەلى داڭقتى ەڭبەك جازىلدى.

  اۋە ارمياسى اۋە اسكەرى بەلگىلى لۇيى ۇشۋ 1 - ۇلكەن اترەتىنە ”ارميانى قۇدىرەتتەندىرۋدەگى اۆانگارد ۇشۋ ۇلكەن اترەتى“ داڭق اتاعى بەرىلدى. اۋە ارمياسى اۋە اسكەرى بەلگىلى لۇيى ۇشۋ 1 - ۇلكەن اترەتى اۋە ارمياسىنداعى العاشقى توپتا قۇرىلعان، تۇڭعىش شايقاسقا قاتىناسقان، تۇڭعىش جەڭىستى ناتيجەگە قول جەتكىزگەن ەرجۇرەك ۇشۋ ۇلكەن اترەتى. جۋىرداعى جىلداردان بەرى، بۇل ۇلكەن اترەت بار كۇشپەن اسكەر جاتتىقتىرىپ، شايقاسقا دايىندالدى، ىزدەنىس جاساپ ورىستەتكەن جاتتىعۋ ۇيىمداستىرۋ ءادىس - امالى اۋە ارمياسىنا جالپىلاستىرىلدى؛ ناقتى شايقاستى، ناقتى جاتتىعۋدى كورنەكتىلەندىرىپ، قازىرگى ۇشقىشتارى كوپ ءتۇرلى ەرەكشە شارت - جاعدايلارداعى ۇشۋ جاتتىعۋىن جانە قارۋمەن نىسانا اتۋدى ءدال مەڭگەرۋ جاتتىعۋىن ورىندادى؛ جۇرەكتىلىكپەن سەس كورسەتىپ سايىس جۇرگىزىپ، زور مىندەتتەردى تالاي رەت جەڭىسپەن ورىندادى. ءۇرتىس 22 جىل بويى اۋە مەن جەردىڭ حاۋىپسىزدىگىن جۇزەگە اسىرىپ، ءۇرتىس 22 جىل بويى نەگىزگى ساتى قۇرىلىسىنداعى وزات ورىن بولىپ باعالانىپ، ءبىر رەت 1 - دارەجەلى، 3 رەت 2 - دارەجەلى، 4 رەت 3 - دارەجەلى داڭقتى ەڭبەك جازىلدى، 2014 - جىلى اۋە ارمياسى جاعىنان ”اۆانگارد ۇشۋ ۇلكەن اترەتى“ داڭق اتاعى بەرىلدى، ورتالىق اسكەري ىستەر كوميتەتى جاعىنان ىلگەرىندى - كەيىندى ”بۇكىل ارميانىڭ اسكەري ىستەر جاتتىعۋىنداعى وزات ورىن“، ”بۇكىل ارميانىڭ ارميانى قۇدىرەتتەندىرۋ نىساناسىن امالياتتا ايگىلەۋدەگى ۇلگىلى ورىن“ بولىپ ماداقتالىپ - سيلاندى.

  63798 اسكەري ءبولىمنىڭ جەر بەتى جابدىقتار پۋنكتىنە ”عارىش ىستەرىندە وتاننىڭ ءۇمىتىن اقتاعان ۇلگىلى جەر بەتى پۋنكتى“ داڭق اتاعى بەرىلدى.

  63837 اسكەري ءبولىمنىڭ بەلگىلى كەڭسەسىنە ”سوعىس ءۇشىن عىلمي زەرتتەۋ جۇرگىزگەن اۆانگارد“ داڭق اتاعى بەرىلدى.

  ورتالىق اسكەري ىستەر كوميتەتى مىنالاردى ۇندەدى: بۇكىل ارمياداعى اسكەري بولىمدەر مەن قالىڭ كوماندير - جاۋىنگەرلەر شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، شي جينپيڭنىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن ىشكەرىلەي دايەكتىلەندىرىپ، ارميانى ساياسي جاقتان قۇرۋعا، ارميانى رەفورما ارقىلى قۇدىرەتتەندىرۋگە، ارميانى عىلىم - تەحنيكا ارقىلى گۇلدەندىرۋگە، ارميانى زاڭمەن جونگە سالۋعا تاباندى بولىپ، كۇشتى ۇيىستىرىپ سوعىسقا دايىندالىپ، شايقاس جۇرگىزىپ، قۇلشىنا ءورىس اشا جاڭالىق اشىپ، قىزمەتتەردى تياناقتاندىرۋدى مىقتاپ يگەرىپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن جۇزەگە اسىرۋ، حالىق ارمياسىن دۇنيە جۇزىندەگى بىرەگەي ارميا ەتىپ جاپپاي قۇرىپ شىعۋ ءۇشىن كۇرەسەيىك!

جاۋاپتى رەداكتور: ريزا حاميت