پارتيا تاريحىن، جاڭا جۇڭگو تاريحىن مۇقيات ۇيرەنەيىك

ورتالىقتىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى باسشىلىق گرۋپپاسى «حابارلاندىرۋ» باسىپ تاراتتى

پارتيا تاريحىن، جاڭا جۇڭگو تاريحىن مۇقيات ۇيرەنەيىك

  شينحۋا اگەنتتىگىنىڭ 7 - ايدىڭ 31 - كۇنى بەيجيڭنەن بەرگەن حابارى. جۋىقتا، ورتالىقتىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى باسشىلىق گرۋپپاسى «”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىندە پارتيا تاريحىن، جاڭا جۇڭگو تاريحىن مۇقيات ۇيرەنۋ جونىندەگى حابارلاندىرۋ»دى باسىپ تاراتىپ، جەر - جەردەن، تاراۋلاردان، ورىنداردان پارتيا تاريحىن، جاڭا جۇڭگو تاريحىن ۇيرەنۋدى نەگىزگى تاقىرىپتىق تاربيەنىڭ ماڭىزدى مازمۇنى ەتىپ، اۋەلگى ماقساتتان اينىماي، بورىش ارقالاۋداي يدەيا جانە ارەكەت سانالىلىعىن ۇزدىكسىز كۇشەيتۋدى تالاپ ەتتى.

  حابارلاندىرۋدا مىنالار باسا دارىپتەلدى: پارتيا تاريحىن، جاڭا جۇڭگو تاريحىن ۇيرەنۋدى، ۇعىنۋدى پارتيانىڭ اۋەلگى ماقساتى مەن بورىشىن ەستە بەرىك ساقتاۋدىڭ ماڭىزدى جولى ەتىپ، پارتيا مۇشەلەرىن، كادرلاردى پارتيا تاريحىن، جاڭا جۇڭگو تاريحىن مۇقيات ۇيرەنىپ، پارتيا تاريحىنداعى، جاڭا جۇڭگو تاريحىنداعى كەلەلى ۋاقيعالاردى، ماڭىزدى ماجىلىستەردى، ماڭىزدى حۇجاتتاردى، ماڭىزدى تۇلعالاردى تۇسىنۋگە، پارتيامىزدىڭ حالىقتى باستاپ ماشاقاتتى كۇرەستەردى باستان كەشىرگەندىگىن تۇسىنۋگە، جۇڭگونىڭ تاياۋ زامانعى 170 نەشە جىلدىق كۇرەس تاريحىن، پارتيامىزدىڭ 98 جىلدىق كۇرەس تاريحىن، جاڭا جۇڭگونىڭ 70 جىلدىق دامۋ تاريحىن تۇسىنۋگە، پارتيامىزدىڭ داڭقتى ءداستۇرىن، قىمباتتى تاجىريبەلەرىن جانە ۇلى تابىستارىن تۇسىنۋگە، تەرەڭدەي ۇيرەنۋ مەن ۇزدىكسىز ۇعىنۋ بارىسىندا ءبىزدىڭ قايدان كەلگەنىمىزگە، قايدا باراتىندىعىمىزعا انىق كوز جەتكىزۋگە، ماشاقاتتىڭ نە ەكەندىگىنە، ونىڭ قالاي كەلگەندىگىنە انىق كوز جەتكىزۋگە، تاريحتى ءبىلىپ پارتيانى ءسۇيۋدى، تاريحتى ءبىلىپ وتاندى ءسۇيۋدى ورىنداۋعا، قاي - قاشان دا پارتيانىڭ قامىن جەيتىن نيەت، پارتياعا دەگەن جاۋاپكەرشىلىك، پارتيانى قۇدىرەتتەندىرەتىن جىگەر بولۋدى ورىنداۋعا ۇيىمداستىرۋ، جەتەكتەۋ كەرەك.

  حابارلاندىرۋدا مىنالار باسا دارىپتەلدى: پارتيا مۇشەلەرىن، كادرلاردى پارتيا تاريحىن، جاڭا جۇڭگو تاريحىن ۇيرەنۋدى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋمەن، «شي جينپيڭنىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ جونىندەگى ماڭىزدى بايىمداۋلارىنان تاڭدامالىلار»دى ۇيرەنۋمەن، باس شۋجي شي جينپيڭنىڭ ماڭىزدى سوزدەرى مەن ماقالالارىنداعى پارتيا تاريحىنا، جاڭا جۇڭگو تاريحىنا قاتىستى ماڭىزدى بايىمداۋلاردى ۇيرەنۋمەن بىرلەستىرىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“عا دەگەن تانىم مەن تۇسىنىكتى ۇزدىكسىز تەرەڭدەتۋ كەرەك. ۇيرەنۋ ارقىلى پارتيامىزدىڭ العاباسار ساياسي سيپاتىن، وسكەلەڭ ساياسي مۇراتىن، تاڭداۋلى ساياسي تالپىنىسىن، كىرشىكسىز ساياسي قاسيەتىن اناعۇرلىم تەرەڭ تانىپ، قىزىل گەندى جالعاستىرىپ، مۇرات - سەنىمدى بەكەمدەۋ كەرەك؛ جۇڭگونىڭ ەڭسە كوتەرۋدەن، بايۋدان قۇدىرەتتەنۋگە دەيىنگى جاپالى ىزدەنىسى مەن تاريحي سوزسىزدىكتى اناعۇرلىم تەرەڭ تانىپ، جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بەكەمدەۋ كەرەك؛ پارتيانىڭ بيلىك جۇرگىزۋ بورىشى مەن باستى ماقساتىن اناعۇرلىم تەرەڭ تانىپ، پارتيا مەن حالىقتىڭ بالىق پەن سۋداي ەتەنە سۇيىسپەنشىلىگى بارىسىندا حالىققا دەگەن ىنتا - ىقىلاستى بەرىك ساقتاۋ كەرەك؛ ءار داۋىردەگىلەردىڭ وزىنە ءتان جاۋاپكەرشىلىگى بولۋداي ماندىك مازمۇندى اناعۇرلىم تەرەڭ تانىپ، توڭكەرىستىك رۋح پەن كۇرەسكەرلىك رۋحتى ساۋلەلەندىرىپ، تاريحي ماڭىزدى مىندەتتى جۇرەكتىلىكپەن ارقالاۋ كەرەك؛ پارتيامىزدىڭ ادالدىققا سۇيەنىپ سىناقتاردان وتكەندىگىن، ادالدىققا سۇيەنىپ قيىنشىلىقتاردى جەڭگەندىگىن، ادالدىققا سۇيەنىپ دامىپ - زورايعاندىعىن اناعۇرلىم تەرەڭ تانىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، باستان - اياق يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك.

  حابارلاندىرۋدا مىنالار اتاپ كورسەتىلدى: ءار دارەجەلى پارتيا ۇيىمدارى نەگىزگى تاقىرىپتىق تاربيە بارىسىندا پارتيا تاريحىن، جاڭا جۇڭگو تاريحىن ۇيرەنۋگە ناقتى ورنالاستىرۋ جاساۋى كەرەك، «جۇڭگو كوممۋنيستىك پارتياسىنىڭ 90 جىلى» سياقتى پارتيا تاريحى، جاڭا جۇڭگو تاريحى شىعارمالارىن قوسىمشا وقۋ ماتەريالى ەتىپ، پارتيا مۇشەلەرىن، كادرلاردى وزدىگىنەن ۇيرەنۋدى مۇقيات مىقتاپ يگەرۋگە ۇيىمداستىرۋ كەرەك. پارتيالى باسشى كادرلار وزدەرىن كىرىستىرىپ، ناقتى ۇيرەنىپ، تەرەڭدەي ۇيرەنىپ، تاريحقا وي جۇگىرتۋدى يگەرىپ، تاريحقا دەگەن كوز ايانى جەتىلدىرىپ، تاريحقا دەگەن جاۋاپكەرشىلىكتى كۇشەيتۋ كەرەك. ءار دارەجەلى پارتكومداردىڭ (پارتيا باسشىلىق گرۋپپاسى) نازاريا ۇيرەنۋ وزەكتى گرۋپپالارى لايىقتى تاسىلدەر قولدانىپ ۇيرەنۋ، اۋىس - كۇيىس جاساۋ كەرەك. نەگىزگى تاقىرىپتىق تاربيە اياقتالعاننان كەيىن، باياندى مەحانيزم قالىپتاستىرىپ، پارتيا تاريحىن، جاڭا جۇڭگو تاريحىن ۇيرەنۋدى پارتيا مۇشەلەرىن، كادرلاردى كۇندەلىكتى تاربيەلەۋدىڭ، باۋلۋدىڭ ماڭىزدى مازمۇنى ەتىپ، پارتيا تاريحىن، جاڭا جۇڭگو تاريحىن ۇيرەنۋدى ۇزدىكسىز يگەرىپ، شىن مانىندە يگەرىپ، ناقتى ونىمدىلىك جاراتۋ كەرەك.

جاۋاپتى رەداكتور: ريزا حاميت
  • 1
  • 2
  • 3
  • 4