سەنىمدى بەكەمدەپ، ءوز ءىسىمىزدى كۇش سالا ويداعىداي ىستەيىك

سەنىمدى بەكەمدەپ، ءوز ءىسىمىزدى كۇش سالا ويداعىداي ىستەيىك

− كەزەكتەگى ەكونوميكالىق قىزمەتتى ويداعىداي ىستەۋ تۋرالى

حالىق گازەتىنىڭ شولۋشىسى

  سەنىمدى كۇشەيتىپ، تۇراقتىلىقتى ساقتاپ، ارىندى بەكەمدەپ، كۇش - قۋاتتى شوعىرلاندىرىپ ءوز ءىسىمىزدى ويداعىداي ىستەۋ − ءتۇرلى حاۋىپ - قاتەرلەر مەن سىن - سايىستاردى جەڭۋىمىزدىڭ تەتىگى.

  7 - ايدىڭ 30 - كۇنى جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى ءماجىلىس اشىپ، ەلىمىزدىڭ ەكونوميكالىق دامۋىنىڭ ۇزاق ۋاقىتتىق اۋقىمىن عىلمي يگەرىپ، كەزەكتەگى ەكونوميكالىق جاعدايعا تالداۋ جاساپ، اقىلداسىپ، كەلەسى جارتى جىلدىق ەكونوميكالىق قىزمەتكە ورنالاستىرۋ جاسادى، ياعني ”قالاي قاراۋ“دى اتاپ كورسەتىپ، ”قالاي ىستەۋ“دى دە ايقىنداپ، بۇكىل پارتيانى، بۇكىل ەلدەگى ءار ۇلت حالقىن سەنىمدى بەكەمدەپ، ىرىقتىلىقپەن ىسكەرلىك كورسەتىپ، ءوز ءىسىن كۇش سالا ويداعىداي ىستەپ، ەكونوميكانىڭ، قوعامنىڭ ءۇرتىس اقاۋسىز دامۋىن قۇلشىنا جەبەۋگە شابىتتاندىردى جانە ىنتالاندىردى.

  بيىلدان بەرى، قىم - قۋىت كۇردەلى حالىقارالىق، ەل ءىشى جاعدايىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جەر - جەر، تاراۋلار پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، ءۇش ۇلكەن قامال الۋ شايقاسىن ويداعىداي جۇرگىزىپ، ماكرولىق ساياساتتى كەرى پەريودتىق رەتتەۋدى لايىقتى ۋاقىتتا ۇيلەسىمدى جۇرگىزىپ، جوعارى ساپالى دامۋدى پارمەندى ىلگەرىلەتتى. الدىڭعى جارتى جىلدا ەلىمىز ەكونوميكاسىنىڭ ۇلكەن جاعدايى ”ورنىقتى“ بولىپ، قۇرىلىمدى رەتتەۋ ”ىلگەرىلەپ“، جاڭا - كونە قوزعاۋشى كۇشتەردىڭ اۋىسۋى ”جارقىن“ بولىپ، تۇتىنۋ دەڭگەيىن جوعارىلاتۋ كەڭىستىگى ”كەڭەيىپ“، ەكونوميكالىق اينالىم جالپى جاقتان ورنىقتى بولۋ، ورنىقتىلىق بارىسىندا ىلگەرىلەۋ سىندى دامۋ كۇيىن جالعاستىردى. سونىمەن بىرگە، ەكونوميكالىق دامۋ ءدوپ كەلگەن حالىقارالىق ورتا مەن ەل ءىشى شارت - جاعدايىندا تەرەڭ دە كۇردەلى وزگەرىستەر تۋىلىپ، ەل ءىشى ەكونوميكاسىنىڭ باسەڭدەۋ قىسىمى زورايدى. دەسەدە، قامداۋ جاعىنداعى قۇرىلىمدىق رەفورمانىڭ جانە جوعارى ساپالى دامۋدىڭ ىشكەرىلەي ىلگەرىلەۋىنە ىلەسە، رەفورما جاساۋدىڭ، ەسىك اشۋدىڭ كەلەلى شارالارى مەن ماكرولىق ەكونوميكالىق ساياساتتىڭ اسەرى ۇزدىكسىز كورنەكتىلەنىپ، قۋاتتى ەل ءىشى بازارىنىڭ كومەسكى كۇشى ىشكەرىلەي اشىلدى، بۇعان حاۋىپ - قاتەر مەن سىن - سايىسقا توتەپ بەرۋدىڭ ساياساتتىق قورىنىڭ ءالى دە جەتكىلىكتى ەكەندىگىن قوسقاندا، بىزدە كەزەكتەگى ەكونوميكالىق قىزمەتتى ىستەۋگە اناعۇرلىم سەنىم جانە ارىن بار.

  ۇزاق ۋاقىتتان قاراعاندا، ەلىمىز ەكونوميكاسى ورنىقتى، اقاۋسىز، باياندى دامۋدىڭ جەتكىلىكتى تىرەكتىك شارت - جاعدايىنا يە بولدى. ەلىمىزدە ءبىر ميلليارد 400 ميلليونعا جۋىق جان سانى، 900 ميلليون ەڭبەككۇش، 170 ميلليون جوعارى دارەجەلى ءبىلىم العان جانە شەبەرلىككە يە دارىندى بايلىعى، الەمدەگى ەڭ ءىرى ورتاشا كىرىستى شوعىر، 100 ميلليوننان استام بازار نەگىزگى تۇلعاسى بار، بۇل وراسان زور بايلىق كومەسكى كۇشى ەسەپتەلەدى؛ ەلىمىز ەكونوميكاسىنىڭ ارتۋى، باستىسى، ىشكى سۇرانىستىڭ جەتەكتەۋىنە سۇيەنەدى، بيىل الدىڭعى جارتى جىلداعى تۇتىنۋدىڭ ارتۋىنىڭ ەكونوميكانىڭ ارتۋىنا قوسقان ۇلەس مولشەرى %60تەن اسىپ، تۇتىنۋدىڭ نەگىزدىك رولى ۇزدىكسىز بەكەمدەلدى، بۇل قۋاتتى ىشكى قوزعاشى كۇش ەسەپتەلەدى؛ بىلتىر ”ءۇش جاڭا“ ەكونوميكانىڭ ارتقان قۇنى ەل ءىشى ءوندىرىس جالپى ءونىم قۇنىنان ۇستاعان ارا سالماعى %16.1كە جەتتى، ستراتەگيالىق جاڭادان گۇلدەنگەن كاسىپ، بىرگە يگىلىكتەنەتىن ەكونوميكا سياقتىلاردى ۋاكىل ەتكەن جاڭا قوزعاۋشى كۇش ۇزدىكسىز زورايدى، بۇل قارىشتاپ دامىعان دامۋ ومىرشەڭدىك كۇشى ەسەپتەلەدى. اماليات ەلىمىز ەكونوميكاسىنىڭ توزىمدىلىگى جاقسى، كومەسكى قۋاتى جەتكىلىكتى، مۇمكىندىگى مول بولۋداي نەگىزگى ەرەكشەلىگىنىڭ وزگەرمەگەندىگىن، ەكونوميكانىڭ ءۇرتىس ارتۋىنىڭ تىرەكتىك نەگىزى مەن شارت - جاعدايىنىڭ وزگەرمەگەندىگىن، جۇڭگو ەكونوميكاسى دامۋىنىڭ ءىرى بەتالىسىنىڭ وزگەمەرگەندىگىن ءارى وزگەرمەيتىندىگىن تولىق كورسەتتى.

  جاڭا جۇڭگو قۇرىلعان 70 جىلدان بەرى، ءبىز ەرەكشە جولداردى باسىپ وتتىك. جاڭا ساپاردا، ءبىز جۇڭگونىڭ دامۋ بولاشاعىنىڭ نۇرلى ەكەنىنە باتىل سەنىپ قانا قويماي، جولداردىڭ بۇراڭ، قيىنشىلىقتاردىڭ وتە كوپ ەكەنىن جەتە تانىپ، جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك ءتۇزىمىنىڭ ساياسي ارتىقشىلىعىن ساۋلەلەندىرىپ، كۇشتەردى شوعىرلاندىرىپ، ءىرى ىستەردى تىندىرىپ، حاۋىپ - قاتەردەن ساقتانۋداعى جانە وعان توتەپ بەرۋدەگى تولىق دايىندىقتى شايقاستى ويداعىداي جۇرگىزۋىمىز، حاۋىپ - قاتەردەن قۇتىلۋ، حاۋىپ - قاتەردى ورايعا اينالدىرۋ ستراتەگيالىق ىرىقتىلىق شايقاسىن ويداعىداي جۇرگىزۋىمىز كەرەك. ەلىمىز ەكونوميكاسىنىڭ نەگىزگى جاعى ۇزاق ۋاقىت جاقسارىپ، جاڭا قوزعاۋشى كۇشتىڭ جىلدام جوعارىلاپ، دامۋدىڭ سايكەسىمدىلىگى ءۇرتىس كۇشەيىپ، ارتۋدىڭ باياندىلىعى ۇزدىكسىز شوعىرلانىپ، سىرتقى سىن - سايىستارعا توتەپ بەرۋگە، جوعارى ساپالى دامۋدى جۇزەگە اسىرۋعا ءبىرشاما زور بوساتۋ - جىلجىتۋ كەڭىستىگى ازىرلەنگەندىگىن كورە ءبىلۋىمىز كەرەك. ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، قامداۋ جاعىنداعى قۇرىلىمدىق رەفورمانى بۇلجىماستان تەرەڭدەتىپ، ەكونوميكانىڭ جاڭا ارتۋ تۇيىندەرىن جەتىلدىرىپ، ەكونوميكانىڭ جوعارى ساپالى دامۋىن تىڭعىلىقتى ىلگەرىلەتىپ، باس الماي ىستەۋ بارىسىندا ناقتى قۋاتتى ارتتىرىپ، رەفورما جاساۋ، جاڭالىق اشۋ بارىسىندا كومەسكى قۋاتتى اشىپ، بەلسەندىلىكپەن ىلگەرىلەۋ بارىسىندا جاڭا جاعداي اشساق، ءبىزدىڭ ءتۇرلى حاۋىپ - قاتەرلەر مەن سىن - سايىستارعا توتەپ بەرۋگە شارت - جاعدايىمىز، قابىلەتىمىز، سەنىمىمىز بۇكىلدەي بار ەكەندىگىن دە كورە ءبىلۋ كەرەك.

  العا ىلگەرىلەۋ جولىندا بىزدە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى بار، رەفورما جاساعاننان، ەسىك اشقاننان بەرگى ۇزدىكسىز جوعارى قارقىنمەن دامۋدان جيناقتالعان مايەكتى زاتتىق، تەحنيكالىق نەگىز بار، مول ماكرولىق رەتتەۋ - تىزگىندەۋ تاجىريبەمىز بەن جەتكىلىكتى ساياسات كەڭىستىگىمىز بار، جالپى جۇرت ءبىر نيەتپەن جۇمىلىپ، جۇرت يراداسىنان قامال ورناتىپ، ءورىس اشا العا ىلگەرىلەپ، قامال الىپ، قيىنشىلىقتاردى جەڭسەك، جۇڭگو ەكونوميكاسىنىڭ كەمەسى، ءسوز جوق، تولقىن جارا العا ىلگەرىلەپ، ورنىقتى قاداممەن الىستارعا جەتەتىن بولادى.

(شينحۋا اگەنتتىگىنىڭ 7 - ايدىڭ 31 - كۇنى بەيجيڭنەن بەرگەن حابارى)

جاۋاپتى رەداكتور: ريزا حاميت