جۇڭگو كوممۋنيستىك پارتياسى ورتالىق كوميتەتى پارتيا سىرتىنداعى قايراتكەرلەردىڭ اڭگىمە ءماجىلىسىن اشتى شي جينپيڭ باسقاردى ءارى ماڭىزدى ءسوز سويلەدى

كەزەكتەگى ەكونوميكالىق جاعداي جانە سوڭعى جارتى جىلداعى ەكونوميكالىق قىزمەت جونىندە

جۇڭگو كوممۋنيستىك پارتياسى ورتالىق كوميتەتى پارتيا سىرتىنداعى قايراتكەرلەردىڭ اڭگىمە ءماجىلىسىن اشتى   شي جينپيڭ باسقاردى ءارى ماڭىزدى ءسوز سويلەدى

لي كىچياڭ قاتىستى جاعدايلاردى حابارلاندىردى، ۋاڭ ياڭ، ۋاڭ حۋنيڭ، حان جىڭ قاتىناستى

  شينحۋا اگەنتتىگىنىڭ 7 - ايدىڭ 30 - كۇنى بەيجيڭنەن بەرگەن حابارى. 7 - ايدىڭ 29 - كۇنى جۇڭگو كوممۋنيستىك پارتياسى ورتالىق كوميتەتى جۇڭنانحايدا پارتيا سىرتىنداعى قايراتكەرلەردىڭ اڭگىمە ءماجىلىسىن اشىپ، كەزەكتەگى ەكونوميكالىق جاعداي جانە سوڭعى جارتى جىلداعى ەكونوميكالىق قىزمەت جونىندە ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىنىڭ جانە پارتيادا، توپتا جوق قايراتكەرلەردىڭ ۋاكىلدەرىنىڭ پىكىرلەرىن جانە ۇسىنىستارىن تىڭدادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ اڭگىمە ءماجىلىستى باسقاردى ءارى ماڭىزدى ءسوز سويلەدى. ول بىلاي دەپ باسا دارىپتەدى: سەنىمدى كۇشەيتىپ، تاباندىلىقتى ساقتاپ، قايرات - جىگەردى بەكەمدەپ، ەل ءىشى، حالىقارا سىندى ەكى كەلەلى جاعدايدى ءبىر تۇتاس جوسپارلاپ، ورنىقتىلىق بارىسىندا ىلگەرىلەۋ جالپى قىزمەت ارناسىنا تاباندى بولىپ، ەكونوميكانىڭ باياندى، اقاۋسىز دامۋىن جەبەۋ كەرەك. ەكونوميكالىق اينالىمداعى قيىنشىلىقتار مەن ماسەلەلەردى بايقاۋمەن قاتار، ەلىمىز ەكونوميكاسىنىڭ ۇزاق ۋاقىت جاقسارۋ اۋقىمى وزگەرمەگەندىگىن دە كورۋ، قامداۋ جاعىنداعى قۇرىلىمدىق رەفورمانى تاباندىلىقپەن تەرەڭدەتىپ، ەكونوميكانىڭ جاڭا ارتۋ ءتۇيىنىن جەتىلدىرىپ، ەكونوميكانىڭ جوعارى ساپالى دامۋىن تىڭعىلىقتى ىلگەرىلەتۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، ۋاڭ ياڭ، ۋاڭ حۋنيڭ، حان جىڭ اڭگىمە ماجىلىسكە قاتىناستى. لي كىچياڭ وتكەن جارتى جىلدىق ەكونوميكالىق قىزمەتتىڭ قاتىستى جاعدايلارىن حابارلاندىرىپ، جۇڭگو كوممۋنيستىك پارتياسى ورتالىق كوميتەتىنىڭ سوڭعى جارتى جىلداعى ەكونوميكالىق قىزمەتتى جاقسى ىستەۋ جونىندەگى ويلارىن تانىستىردى.

  اڭگىمە ماجىلىستە جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى ۋان ى - شياڭ، جۇڭگو دەموكراتيالىق وداعى ورتالىق كوميتەتىنىڭ ءتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇڭگو شارۋا - جۇمىسشى دەموكراتيالىق پارتياسى ورتالىق كوميتەتىنىڭ ءتوراعاسى چىن جۋ، جۇڭگو ادىلەت پارتياسى ورتالىق كوميتەتىنىڭ ءتوراعاسى ۋان گاڭ، «3 - قىركۇيەك» ءىلمي قوعامى ورتالىق كوميتەتىنىڭ ءتوراعاسى ۋ ۋيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ، پارتيادا، توپتا جوق قايراتكەرلەردىڭ ۋاكىلى لي داۋكۇي ىلگەرىندى - كەيىندى ءسوز سويلەدى. ولار جۇڭگو كوممۋنيستىك پارتياسى ورتالىق كوميتەتىنىڭ كەزەكتەگى ەكونوميكالىق جاعدايعا جاساعان تالداۋى مەن سوڭعى جارتى جىلداعى ەكونوميكالىق قىزمەت جونىندەگى ويلارىن قۇپتادى ءارى ەكونوميكانىڭ جالپى جاقتان ورنىقتى دامۋىن جەبەۋ، جۇيەلى عىلىم - تەحنيكالىق ستراتەگيالىق ورنالاستىرۋدى ويداعىداي جاساۋ، تەحنيكا بازارىن كەمەلدەندىرۋ، وزىق جاساۋ كاسىبى مەن وسىزاماندانعان قىزمەت وتەۋ كاسىبىن توعىستىرا دامىتۋدى ىلگەرىلەتۋ، سالاماتتىق كاسىپ سالاسىنىڭ جوعارى ساپالى دامۋىن ىلگەرىلەتۋ، اكىمشىلىك تيىمدىلىكتى جوعارىلاتا وتىرىپ، قىزمەت وتەۋ بازارىن جۇيەگە ءتۇسىرۋ، حالىقتىق كاسىپورىنداردىڭ ەلەۋلى حاۋىپ - قاتەردەن ساقتانۋ جانە ونى جويۋ قىزمەتىن ويداعىداي ىستەۋ، عىلىم - تەحنيكالىق حالىقتىق كاسىپورىنداردىڭ جاڭالىق اشۋ، جەتەكشىلىك ەتۋ رولىن ساۋلەلەندىرۋ، سىرتقا شىققان كاسىپورىنداردىڭ زاڭدى ۇقىق - مۇددەسىن قورعاۋ، ەركىن ساۋدا سىناق رايونىنىڭ رەفورماسىن تەرەڭدەتۋ، كەدەيلەردى سۇيەمەلدەۋدىڭ باياندى مەحانيزمىن ورناتۋ، ”ءبىر بەلدەۋ، ءبىر جول“ جاڭالىق اشۋ سەلبەستىگىن حالىق تىلەگىمەن توعىستىرۋدى ىلگەرىلەتۋ سياقتىلار جونىندە پىكىر جانە ۇسىنىستار قويدى.

  كوپشىلىكتىڭ ءسوزىن مۇقيات تىڭداعاننان كەيىن، باس شۋجي شي جينپيڭ ماڭىزدى ءسوز سويلەدى. ول مىنالاردى ءبىلدىردى: بيىل جاڭا جۇڭگو قۇرىلعاندىعىنىڭ 70 جىلدىعى، سونداي - اق جاپپاي دوڭگەلەك داۋلەتتى قوعام ورناتۋدىڭ، ءبىرىنشى 100 جىلدىق كۇرەس نىساناسىن جۇزەگە اسىرۋدىڭ شەشۋشى جىلى. جىل باسىنان بەرى، قىم - قۋىت كۇردەلى حالىقارالىق، ەل ءىشى جاعدايىندا جۇڭگو كوممۋنيستىك پارتياسى ورتالىق كوميتەتى ورنىقتىلىق بارىسىندا ىلگەرىلەۋ جالپى قىزمەت ارناسىنان جازباي، جاڭا دامۋ ۇستانىمىن دايەكتىلەندىرىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ، ورنىقتىلىقتى ساقتاۋ ءتۇرلى قىزمەتتەرىن ءبىر تۇتاس جوسپارلاپ ىلگەرىلەتتى، ەكونوميكالىق اينالىم جالپى جاقتان ورنىقتى بولدى، ورنىقتىلىق بارىسىندا العا ىلگەرىلەدى، ەكونوميكانىڭ جوعارى ساپالى دامۋى جاڭا ىلگەرىلەۋشىلىكتەرگە قول جەتكىزدى.

  شي جينپيڭ بىلاي دەپ باسا دارىپتەدى: ءارقايسى دەموكراتيالىق پارتيا - توپتاردىڭ ورتالىق كوميتەتتەرى، مەملەكەتتىك ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر پارتيا مەن ۇكىمەتتىڭ وزەكتى قىزمەتىن ارقاۋ ەتىپ، نازاردى جاڭالىق اشۋ ارقىلى جوعارى ساپالى دامۋعا دەم بەرۋ جانە وعان جەتەكشىلىك ەتۋ، شارۋاشىلىق - ساۋدا ورتاسىن ساپالىلاندىرىپ ميكرو تۇلعالاردىڭ ومىرشەڭدىگىن قاۋلاتۋ سياقتى كەلەلى ماسەلەلەرگە شوعىرلاندىرىپ، تەكسەرۋ - زەرتتەۋدى ىشكەرىلەي ورىستەتىپ، ءبىر قىدىرۋ جوعارى ساپالى تەكسەرۋ - زەرتتەۋ ناتيجەسىن قالىپتاستىرىپ، جۇڭگو كوممۋنيستىك پارتياسى ورتالىق كوميتەتىنىڭ شەشىم جاساۋىن ماڭىزدى دايەكتەرمەن قامدادى. اسىرەسە، نەگىزگى جاۋاپتى جولداستار ماسەلەنى باعدار ەتۋدەن جازباي، تىكە اترەت باستاپ كەدەي وڭىرلەرگە بارىپ، نازاردى نىسانا - ولشەمگە تاباندى بولۋ، كەدەيلىكتەن ارىلتۋ ساپاسىن جوعارىلاتۋ، كەدەيلىكتەن ارىلتۋ ناقتى ءونىمىن كۇشەيتۋ سياقتىلارعا دەموكراتيالىق باقىلاۋ جۇرگىزۋگە شوعىرلاندىرىپ، پارتيا مەن ۇكىمەتتىڭ قامىن جەپ، مەملەكەتتىڭ دامۋىنا بار كۇشتەرىن جۇمسادى. شي جينپيڭ جۇڭگو كوممۋنيستىك پارتياسى ورتالىق كوميتەتى اتىنان جولداستارعا شىنايى العىس ايتتى.

  شي جينپيڭ بىلاي دەپ اتاپ كورسەتتى: كوپشىلىك سوزدەرىندە الدىڭعى جارتى جىلدا ەكونوميكالىق قىزمەتتە قول جەتكەن ناتيجەلەردى تولىق تۇراقتاندىردى ءارى كەزەكتەگى ەكونوميكالىق جاعدايعا قالاي تالداۋ جاساۋ جانە قالاي تۇجىرىمداۋ، سوڭعى جارتى جىلداعى ەكونوميكالىق قىزمەتتەردى جاقسى ىستەۋ جونىندە باعىتتامالىلىعى كۇشتى ناقتى پىكىرلەردى العا قويدى، قاتىستى تاراۋلار مۇقيات زەرتتەۋ جۇرگىزىپ، بەلسەنە قابىلداۋى كەرەك.

  شي جينپيڭ بىلاي دەپ باسا دارىپتەدى: سوڭعى جارتى جىلدا ءبىز جاڭا جۇڭگو قۇرىلعاندىعىنىڭ 70 جىلدىعى جەلىلەس قۇتتىقتاۋ قيمىلدارىن وتكىزەمىز، ەكونوميكالىق قىزمەتتى ويداعىداي ىستەۋدىڭ ءمانى زور، وڭىرلەر، تاراۋلار كۇش ۇستىنە كۇش قوسىپ، ۇزدىكسىز العا باسۋى كەرەك. شي جينپيڭ كوپشىلىككە 3 ءۇمىت ارتتى. ءبىرىنشى، ەكونوميكالىق جاعدايدى دۇرىس تانىپ، سەنىمدى كۇشەيتىپ، بەكىمدى نىعايتۋ كەرەك. قازىر ەلىمىزدىڭ ەكونوميكالىق جاعدايى جالپى جاقتان جاقسى، الايدا ەكونوميكانىڭ دامۋى ءدوپ كەلگەن حالىقارالىق ورتا مەن ەل ىشىندەگى شارت - جاعدايلاردا تەرەڭ ءارى كۇردەلى وزگەرىستەر تۋىلۋدا. ءبىز تەك تاباندىلىقتى ساقتاپ، تياناقتاپ تۇرىپ، بارىن سالا كىرىسۋ بارىسىندا قۋاتتى ارتتىرساق، رەفورما جاساۋ، جاڭالىق اشۋ بارىسىندا كومەسكى قۋاتتى كادەگە جاراتساق، بەلسەنە ۇمتىلۋ بارىسىندا جاڭا ءورىس اشساق، جۇڭگو ەكونوميكاسىنىڭ كەمەسى، ءسوز جوق، تولقىن جارا ىلگەرىلەپ، نىق قاداممەن الىستارعا بارا الادى. كوپشىلىكتىڭ جۇڭگو كوممۋنيستىك پارتياسى ورتالىق كوميتەتىنىڭ كەزەكتەگى ەكونوميكالىق جاعداي جونىندەگى تالداۋى مەن تۇجىرىمىن دۇرىس يگەرىپ، قالىڭ مۇشەلەردىڭ سەنىمىن ارتتىرىپ، بەكىمىن نىعايتىپ، ەكونوميكانىڭ باياندى، اقاۋسىز دامۋىنا جاڭا ۇلەس قوسۋعا جەتەكشىلىك ەتۋلەرىن ءۇمىت ەتەمىن. ەكىنشى، نازاردى ءتۇيىندى نىسانا - مىندەتتەرگە شوعىرلاندىرىپ، باسىمدىقتاردى ساۋلەلەندىرىپ، اقىل - پاراسات قوسىپ، كۇش شىعارۋ كەرەك. ەلىمىز ەكونوميكاسى جوعارى جىلدامدىقپەن ارتۋ ساتىسىنان جوعارى ساپالى دامۋ ساتىسىنا بۇرىلىس جاسادى، دامۋ ۇستانىمىن وزگەرتۋ، ەكونوميكالىق قۇرىلىمدى ساپالىلاندىرۋ، ارتۋ قوزعاۋشى كۇشىن جاڭالاۋ ءساتتى بولا بەرمەيدى. كوپشىلىكتىڭ نازاردى جۇڭگو كوممۋنيستىك پارتياسى ورتالىق كوميتەتى نازار اۋدارعان ءتۇيىندى ماسەلەلەرگە، مەملەكەتتىڭ ەكونوميكالىق، قوعامدىق دامۋىنداعى شەشۋشى ماسەلەلەرگە اۋدارىپ، ءوز - وزدەرىنىڭ ماماندىق ارتىقشىلىقتارى مەن ەرەكشە باسىمدىقتارىن ساۋلەلەندىرىپ، ىشكەرىلەي زەرتتەپ، ورەلى، قۇندى پىكىر - ۇسىنىس بەرۋلەرىن ءۇمىت ەتەمىن. ءۇشىنشى، دامۋ جولىنداعى قيىنشىلىقتارعا، سايىستارعا دۇرىس مامىلە جاساپ، باتىلدىقپەن جاۋاپكەرشىلىك ارقالاپ، بار پەيىلىن سالىپ، جاۋاپكەرشىلىگىن وتەۋ كەرەك. جاڭا جۇڭگو قۇرىلعان 70 جىلدان بەرى، ءبىز ايتاعاسىن جولداردى باسىپ وتتىك. ءبىز جۇڭگونىڭ دامۋ بولاشاعىنىڭ جارقىن ەكەنىنە باتىل سەنىپ قانا قويماي، جولداردىڭ بۇراڭ، قيىنشىلىقتاردىڭ وتە كوپ ەكەنىن دە جەتە تانىپ، جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك ءتۇزىمىنىڭ ساياسي ارتىقشىلىعىن ساۋلەلەندىرىپ، كۇشتەردى شوعىرلاندىرىپ ءىرى ىستەر تىندىرىپ، حاۋىپ - قاتەردەن ساقتانۋداعى جانە وعان توتەپ بەرۋدەگى تولىق دايىندىقتى شايقاستى ويداعىداي جۇرگىزۋىمىز، حاۋىپ - قاتەردەن قۇتىلۋ، حاۋىپ - قاتەردى ورايعا اينالدىرۋ ستراتەگيالىق ىرىقتىلىق شايقاسىن ويداعىداي جۇرگىزۋىمىز كەرەك. كوپشىلىكتىڭ تۋى ايقىن بولۋىن، باتىلدىقپەن كۇرەسۋىن، بەلسەندى، ىرىقتى تۇردە ءۇن قاتىپ، قاتە سوزدەرگە كوكىرەك كەرە تويتارىس بەرىپ، جۇڭگو حيكايالارىن جاقسى شەرتىپ، جۇڭگونىڭ وڭ ەنەرگياسىن بەلسەنە تاراتۋلارىن ءۇمىت ەتەمىن.

  ديڭ شۋەشياڭ، ليۋ حى، سۇن چۇنلان، حۋ چۇنحۋا، يوۋ چۋان، ۋاڭ يۇڭ، شياۋ جيە، حى ليفىڭ، جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ قاتىستى تاراۋلارىنىڭ جاۋاپتىلارى اڭگىمە ماجىلىسكە قاتىناستى.

  اڭگىمە ماجىلىسكە پارتيا سىرتىنداعى قايراتكەرلەردەن تاعى چىن شياۋگۋاڭ، جىڭ جيانباڭ، گۋ شىڭزۋ، ليۋ شينچىڭ، حى ۋي، شاۋ حۇڭ جانە جياڭ زوجۇن، لي يۋەفىڭ، جاڭ بوجۇن، جاڭ داۋحۇڭ، لي شىجيە، جۋ يۇڭشين، ياڭ جىن، ساۋ حۇڭميڭ، لاي ميڭ، حۋاڭ رۇڭ، وۋياڭ چاڭچيۇڭ قاتارلىلار قاتىناستى.

جاۋاپتى رەداكتور: ريزا حاميت