لي پىڭ جولداستىڭ سۇيەگى بەيجيڭدە ورتەلدى

لي پىڭ جولداستىڭ سۇيەگى بەيجيڭدە ورتەلدى

شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، جياڭ زىمين قاتارلىلار باباۋشان توڭكەرىستىك قابىرستانىنا بارىپ، سۇيەكتى اتتاندىردى. حۋ جينتاۋ سىرت جەردەن گۇل شەڭبەر جىبەرىپ ازا ءبىلدىردى

لي پىڭ جولداستىڭ ناۋقاسى اۋىرلاعان كەزدە جانە قايتىس بولعاننان كەيىن، شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، جياڭ زىمين، حۋ جينتاۋ قاتارلى جولداستار شيپاحاناعا بارىپ كوڭىلىن سۇرادى نەمەسە ءتۇرلى فورمالارمەن لي پىڭ جولداستىڭ قايتىس بولعانىنا قايعىلى ازا ءبىلدىردى ءارى ونىڭ تۋىس - تۋعاندارىنان شىن ىقىلاسپەن حال سۇرادى

7 - ايدىڭ 29 - كۇنى لي پىڭ جولداستىڭ سۇيەگى بەيجيڭدەگى باباۋشان توڭكەرىستىك قابىرستانىندا ورتەلدى. شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، جياڭ زىمين قاتارلىلار باباۋشانعا بارىپ سۇيەكتى اتتاندىردى، حۋ جينتاۋ سىرت جەردەن گۇل شەڭبەر جىبەرىپ ازا ءبىلدىردى. سۋرەتتە: شي جينپيڭ لي پىڭنىڭ تۋىس - تۋعاندارىمەن قول الىسىپ، شىنايى حال سۇراۋدا. □ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  شينحۋا اگەنتتىگىنىڭ 7 - ايدىڭ 29 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسىنىڭ تاڭداۋلى مۇشەسى، ۇزاق سىنداردان وتكەن ادال كوممۋنيزم جاۋىنگەرى، ۇزدىك پرولەتاريات توڭكەرىسشىسى، ساياساتشى، پارتيا مەن مەملەكەتتىڭ كورنەكتى باسشىسى، جۇڭگو كوممۋنيستىك پارتياسى 12 - كەزەكتى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، 13 - كەزەكتى، 14 - كەزەكتى، 15 - كەزەكتى ورتالىق كوميتەت ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ بۇرىنعى زۇڭليى، 9 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ باستىعى لي پىڭ جولداستىڭ سۇيەگى 7 - ايدىڭ 29 - كۇنى بەيجيڭدەگى باباۋشان توڭكەرىستىك قابىرستانىندا ورتەلدى.

  لي پىڭ جولداس 2019 - جىلى 7 - ايدىڭ 22 - كۇنى ساعات 23تەن 11 مينۋت وتكەندە بەيجيڭدە 91 جاسىندا ناۋقاستان قايتىس بولدى.

  لي پىڭ جولداستىڭ ناۋقاسى اۋىرلاعان كەزدە جانە قايتىس بولعاننان كەيىن، شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، جياڭ زىمين، حۋ جينتاۋ قاتارلى جولداستار شيپاحاناعا بارىپ كوڭىلىن سۇرادى نەمەسە ءتۇرلى فورمالارمەن لي پىڭ جولداستىڭ قايتىس بولعانىنا قايعىلى ازا ءبىلدىردى ءارى ونىڭ تۋىس - تۋعاندارىنان شىن ىقىلاسپەن حال سۇرادى.

  7 - ايدىڭ 29 - كۇنى تۇستەن بۇرىن باباۋشان توڭكەرىستىك قابىرستاندىعىنىڭ زالى قايعىلى جىم - جىرت كۇيگە ەنگەن، ازالى مۋزيكا ءۇنى باياۋ تولقىپ تۇردى. زال ءتورىنىڭ جوعارعى جاعىنا «لي پىڭ جولداسقا قايعىلى ازا بىلدىرەمىز» دەگەن اق ارىپپەن جازۋ جازىلعان قارا كەرمە تۋ ىلىنگەن، كەرمە تۋدىڭ استىنا لي پىڭ جولداستىڭ سۋرەتى قويىلعان. شالقالاي جاتقىزىلعان لي پىڭ جولداستىڭ سۇيەگىنىڭ اينالاسىنا الۋان گۇلدەر مەن ارشالار قويىلىپ، سۇيەگىنە جۇڭگو كوممۋنيستىك پارتياسىنىڭ نارت قىزىل پارتيا تۋى جابىلعان.

  تۇستەن بۇرىن ساعات 9دان 30 مينۋت وتكەن مولشەردە شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان، جياڭ زىمين قاتارلىلار ازالى مۋزيكا ءۇنى ىشىندە لي پىڭ جولداستىڭ سۇيەگىنىڭ الدىنا باياۋ كەلىپ، ءۇنسىز ازا ءبىلدىرىپ، لي پىڭ جولداستىڭ سۇيەگىنە 3 رەت تاعزىم ەتتى ءارى لي پىڭ جولداستىڭ تۋىس - تۋعاندارىمەن ءبىر - بىرلەپ قول الىسىپ حال سۇرادى. حۋ جينتاۋ سىرت جەردەن گۇل شەڭبەر جىبەرىپ لي پىڭ جولداستىڭ قازا بولعاندىعىنا ازا ءبىلدىردى.

  پارتيا مەن مەملەكەتتىڭ قاتىستى باسشى جولداستارى سۇيەكپەن قوشتاسۋعا باردى نەمەسە ءتۇرلى جولدارمەن ازا ءبىلدىردى. ورتالىقتىڭ جانە مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، لي پىڭ جولداستىڭ كوزى تىرىسىندەگى دوستارى مەن اۋىلداستارىنىڭ ۋاكىلدەرى دە سۇيەكپەن قوشتاستى.

جاۋاپتى رەداكتور: ريزا حاميت