تارباعاتاي ايماعى تۇتاس وڭىرلىك ساياحاتتى شالقىتۋعا قۇلشىندى

بايلىقتاردى بىرىكتىرىپ، كاسىپ سالالارىن توعىستىردى

تارباعاتاي ايماعى تۇتاس وڭىرلىك ساياحاتتى شالقىتۋعا قۇلشىندى

دامۋ جەتىستىكتەرىنە نازار

  گازەتىمىزدىڭ جالپىلىق اقپارات قۇرالدارى تىلشىلەرى لي جيانپيڭ، ليۋ شياڭ، ءريدا 7 - ايدىڭ 28 - كۇنى شاۋەشەكتەن حابارلايدى. ”بيىل الدىڭعى جارتى جىلدا، تارباعاتاي ايماعى جيىنى 4 ميلليون 643 مىڭ ادام - رەت ساياحاتشى قابىلداپ، سايكەس مەزگىلدەگىدەن %52.6 ارتتى؛ ساياحات جالپى كىرىسى 4 ميلليارد 280 ميلليون يۋانعا جەتىپ، سايكەس مەزگىلدەگىدەن %51.7 ارتتى. 2020 - جىلعا بارعاندا، بۇكىل ايماق ساياحاتى جىلدىق قابىلدايتىن ادام سانىن 10 ميلليون ادام - رەتتەن اسىرۋعا كۇش سالىپ، ساياحات جالپى تۇتىنۋىن 10 ميلليارد يۋاننان اسىرۋدى جۇزەگە اسىرىپ، تۇتاس وڭىرلىك ساياحات جەلىسىن العاشقى ادىمدا قالىپتاستىرادى“، - دەدى 7 - ايدىڭ 26 - كۇنى تارباعاتاي ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى مۇقيات جارمۇقامەت.

  ءدال قازىر تارباعاتاي ايماعىنىڭ بارلىق تاۋى گۇلمەن قۇلپىرىپ تۇرعان مەزگىل، جياڭسۋدان كەلگەن ساياحاتشى چين شياڭحىڭ اپپاراتىن ”سىرتىلداتىپ“ توقتاماي سۋرەتكە تۇسىرۋدە. ”كوبىرەك سۋرەت ءتۇسىرىپ، قايتىپ بارعاندا تۋىس - تۋعان، دوس - جاراندارىما كورسەتپەكشىمىن، ولاردىڭ قاتتى قىزىعىپ، اڭسارى اۋاتىنى مۇندا تۇر“، - دەدى چين شياڭحىڭ.

  كوركەم دە ايبىندى تيانشان سۋرەت ءدالىزى، قاراپايىم دا تابيعي ساحارا كورىنىسى، ناعىز شەبەردىڭ قولىنان شىققانداي يارداڭ جەر ءتۇزىلىسى، باي مازمۇندى، الۋان ءتۇرلى ۇلتتىق سالت - سانا مادەنيەتى... بايلىق قاينارى جاعىنان، تارباعاتاي ايماعى تۇتاس وڭىرلىك ساياحاتتى دامىتۋدىڭ تابيعي ابزالدىلىعىنا يە.

  بايلىق ابزالدىلىعىن قايتكەندە دامۋ ابزالدىلىعىنا اينالدىرۋعا بولادى؟ تارباعاتاي ايماقتىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ باستىعى چاي حۇڭحۋا مىنالاردى ءبىلدىردى: كەزەكتە، تارباعاتاي ايماعى 3 ساياحات نەگىزگى لەنياسى جولى مەن سايكەستى قۇرىلعىلار قۇرىلىسىن كۇش سالا ىلگەرىلەتىپ، قۇلىستاي ويپاتى، شيحۋ جانە ساۋان، قوبىقسارى سىندى 3 ۇلكەن ساياحات بولەگىن ءبىر تۇتاس جوسپارلاپ ورنالاستىرىپ، 3 ۇلكەن كورىنىس ءوڭىرىن قۇرىپ، ەرەكشەلىگى ايقىن ساياحات كوزەۋلى جەرى جۇيەسىن جەتىلدىردى. مەملەكەت تاس جولى 219 - لەنياسىن بويلاي، قۇلىستاي ويپاتىنداعى 5 اۋداننىڭ (قالا) 10 كورىنىس ءوڭىرىنىڭ ساپالى بايلىعىن بىرىكتىرىپ، بىرىككەن كۇش قالىپتاستىرىپ، قۇلىستاي ويپاتى شەكاراسىنداعى جاسىل القاپ تۇتاس وڭىرلىك ساياحاتىنان ۇلگى كورسەتۋ ءوڭىرىن بىرگە قۇرۋ؛ ولكە تاس جولى 101 - ساياحات اينالمالى لەنياسى قۇرىلىسىن ىلگەرىلەتىپ، شيحۋ جانە ساۋان بولەگىندەگى تيانشان سۋرەت ءدالىزى تۇتاس وڭىرلىك ساياحاتتان ۇلگى كورسەتۋ ءوڭىرىن تۇلعالاۋ؛ ولكە تاس جولى 318 - ساياحات اينالمالى لەنياسى قۇرىلىسىن ىلگەرىلەتىپ، قوبىقسارى ”جۇڭگو . موشي بۋ اراسانى كۇتىنۋ حالىقارالىق ساياحات - دەمالىس ورنى“4A دارەجەلى ساياحات ءوڭىرىن قۇرۋ سياقتىلار ساياحات كاسىبىن تارباعاتاي ايماعىنىڭ ستراتەگيالىق تىرەكتىك كاسىبىنە جانە ەكونوميكانى جوعارى ساپالى دامىتۋدىڭ ماڭىزدى قوزعالتقىشىنا اينالدىردى.

  چاي حۇڭحۋا بىلاي دەپ تانىستىردى: كەلەسى قادامدا، تارباعاتاي ايماعى ءتۇيىندى كورنەكتىلەندىرىپ، سارا كورىنىس ءوڭىرىن قۇرىپ، تەمىر جول، تاس جول، حالىقتىق اۆياتسيا ۇشتاسقان سترەولىق قاتىناس جۇيەسىن ورناتۋدى جەدەلدەتىپ، ساياحات كاسىبىنىڭ ۇدەمەلى دامۋىن پارمەندى تىرەكپەن قامدايدى؛ ”كوركەم تارباعاتاي، جىبەك جولىنداعى تازا الاپ، دەنساۋلىقتىڭ، كۇتىنۋدىڭ تاماشا جەرى“ سىندى تارباعاتاي ايماعىنىڭ ساياحات وبرازى ۇرانىن اسقاقتاتىپ، ءتۇرلى فورمالارمەن ساياحات ۇگىتىن، تانىستىرۋدى ورىستەتىپ، تارباعاتاي ايماعى ساياحاتىنىڭ تانىمالدىعى مەن اتاعىن ۇزدىكسىز اسىرىپ، شينجياڭنىڭ ءىشى - سىرتىنداعى ساياحاتشىلاردى تارباعاتاي ايماعىنا كەلىپ ساياحاتتاۋعا باۋرايدى. سونىمەن بىرگە، تارباعاتاي اۋىل شارۋاشىلىق قوسىمشا ونىمدەرى، جەرگىلىكتى ەرەكشە ونىمدەر، ۇلتتىق قولونەر بۇيىمدارى مەن كيىم - كەشەك سياقتى ساياحات تاۋارلارىندا جاڭالىق اشۋعا كۇش سالىپ، تارباعاتاي ايماعىنىڭ ەرەكشە ساياحات تاۋار ماركاسىن تۇلعالايدى.

جاۋاپتى رەداكتور: ريزا حاميت
  • 1
  • 2
  • 3
  • 4