ۇلتتار ىنتىماعىنىڭ امالياتتا ايگىلەۋشىسى بولامىن

  □ قىزىلسۋ قىرعىز اۆتونوميالى وبلىسىتىق پارتكوم ارالاپ تەكسەرۋ كەڭسەسىنىڭ ورىنباسار مەڭگەرۋشىسى ليۋ سايشيۇڭ

  مەن بيڭتۋان 3 - شىسىنىڭ 45 - تۋانىندا ەسەيىپ - ەرجەتتىم، ”3 - ۇرپاق شينجياڭدىقپىن“. اتام 1 - توپتا تىڭ يگەرۋگە، شەكارانى قورعاۋعا كەلگەن بيڭتۋاندىق، اتام ۇنەمى ءبىزدى جاقسىلىقتى ءبىلىپ، قامقورلىقتى قايتارۋعا، پارتيا مەن وتانعا العىس ايتۋعا، ءار ۇلت اعا - ءىنى، اپەكە - سىڭلىلەرمەن تاتۋ - ءتاتتى بولۋعا تاربيەلەدى. مەنىڭ اتا مەكەنىم 45 - تۋاندا كوپتەگەن ۇيعۇر ۇلتى باۋىرلاستارى بار، ءبىز ءبىر تۋعان اعا - باۋىرداي، ءبىر ءۇيلى جاندارداي تاتۋ - ءتاتتى وتەمىز. بالا كۇنىمدە مەن ءار ۇلت كىشكەنتاي دوستارىممەن بىرگە قۇستىڭ ۇياسىنان جۇمىرتقا الىپ، تەپكىش تەۋىپ، مۇزدا سىرعاناپ، جيدە تەرەتىنبىز ... شات - شادىمان بارىس - كەلىستە بولاتىنبىز.

  شەشەم ماعان مىنانى ايتتى، 1976 - جىلى مەنىڭ 4 جاستاعى كەزىم، اكەم گانسۋدەگى تۋعان اۋىلىمىزدان شەشەمدى جانە مەنى، ءسىڭىلىمدى ەرتىپ شينجياڭعا اتتانادى، اقسۋعا جەتكەنىمىزدە، اكەمنىڭ تۇتقيىلدان وكپەسى قابىنىپ، قىزۋى قايتپاي، ءتىپتى، قان قۇسادى، از عانا جول قاراجاتىمىزدىڭ ءبارىن ەمدەۋ اقىسىنا تولەپ، سوڭىندا تاماق ىشەتىن اقشامىز دا قالمايدى. سول كەزدە اكەممەن ءبىر ناۋقاستار جاتاعىندا جاتقان ۇيعۇر اتاي بىزگە ءوز نانىن ءبولىپ بەرىپ، ءبىز سونىمەن اتام ادام تاۋىپ، ءبىزدى الىپ كەتكەنگە دەيىن شىداعان ەكەنبىز. 45 - تۋاننىڭ 2 - ليانىندا تۇرعان كەزىمىزدە اكەمنىڭ جاقىن دوستارىنىڭ اراسىنداعى 2 دوسى ۇيعۇر ۇلتىنان، ولار ءبىر - بىرىنە قامقورلىق جاساپ، ناۋقاستانىپ شيپاحانادا جاتقاندا حال سۇراپ باراتىن - دى. اكەم ”ەگەردە ۇيعۇر تۋىسقاندار بولماسا، اقسۋدا - اق جانىمنان ايرىلار ەدىم“ دەگەن ءسوزدى اۋزىنان تاستامايتىن. اكەلەرىمىزدىڭ ىقپالىندا، ءبىز اعا - ءىنى، اپەكە - سىڭلىلەرىمىزدىڭ ۇيعۇر باۋىرلاستارعا دەگەن تەرەڭ سۇيىسپەنشىلىگىمىز سانامىزعا بالا كۇنىمىزدەن تەرەڭ ۇيالاعان ەكەن.

  كەمەنىڭ كۇشى جەلكەنىندە، ادامنىڭ كۇشى جۇرەگىندە. ۇلتتار ىنتىماعىنىڭ ءتۇيىنى جۇرەكتەردىڭ توعىسۋىندا. جۇرەك پەن جۇرەك ءتىل تابىسىپ، جۇرەك پەن جۇرەك سىر بولىسەتىن بولۋى قاجەت. 2017 - جىلى مەن ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىنە قاتىناسىپ، ۇلىقشات اۋدانى بوستانتەرەك اۋىلى جۇلۇقباش قىستاعىندا تۇردىم، ەگىنشى - مالشىلاردىڭ وتباىسن ارالاۋ ارقىلى پارتيانىڭ ءتۇرلى حالىققا ءتيىمدى ساياساتتارىنىڭ ارقاسىندا ءار ۇلت بۇقاراسىنىڭ باقىتتى تۇرمىسقا كەنەلگەنىن ءوز كوزىممەن كورىپ، شىنايى سەزىندىم. قىستاقتا مەن 12 جاستاعى قىرعىز قىز بالا سۇبينۇرمەن انا مەن بالانىڭ سۇيىسپەنشىلىگىن ورناتتىم. ءىس جۇزىندە، مەن تەك وعان شامامنىڭ جەتىسىنشە قامقورلىق جاساپ، كومەكتەسىپ تۇردىم، ول العاشىندا مەنى ”اپەكە“دەپ شاقىرىپ ءجۇردى، كەيىنىنەن ”وكىل شەشە“دەپ اتادى، قىستاق تۇرعىندارى دا مەنى ىقىلاسپەن ”گۇلجامال“دەپ شاقىردى. مەن مەكەمەگە قايتاردان ءبىر كۇن بۇرىن، ءسۇبينۇر مەنىڭ قىستاقتان كەتەتىنىمدى ءبىلىپ، مەنى قۇشاقتاپ جىلاي بەردى. مەنىڭ ايتپاعىم، سەن تەك شىن كوڭىلىڭدى ارنايدى ەكەنسىڭ، قارىمجىسىنا، ءسوز جوق، شىنايى سۇيىسپەنشىلىككە يە بولا الاسىڭ.

  ۇلتتار ىنتىماعىنىڭ ومىرشەڭدىگى امالياتتا، ءار ادامنىڭ دەن قويا ايالاۋى مەن سانالى ارەكەتىندە. ءبىر پارتيا مۇشەسى رەتىندە، ۇساق ىستەردەن باستاپ كىرىسىپ، ماڭايىمداعى ىستەردەن باستاپ ىستەپ، ۇلتتار ىنتىماعىن كوز قاراشىعىمدى ايالاعانداي ايالاپ، ۇلتتار ىنتىماعىن ءومىرىمدى قاستەرلەگەندەي قاستەرلەپ، ۇلتتار ىنتىماعىنا ءتيىمسىز بارلىق ءسوز - ارەكەتتەرگە باتىل قارسى تۇرىپ، ۇلتتار ىنتىماعىن بۇلدىرەتىن ءارقانداي ءىستى مۇلدە ىستەمەيمىن.

  مەن ءوزىمنىڭ ءبىرىنشى سالاۋاتىمنىڭ كوممۋنيستىك پارتيا مۇشەسى ەكەندىگىمدى ماڭگى ەسىمدە بەرىك ساقتاپ، باستان - اياق اۋەلگى ماقساتتى ۇمىتپاي، بورىشتى ەستە بەرىك ساقتاپ، ”ءتورت تانىم“دى سانالىلىقپەن كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، ساياسي قابىلەتىمدى ۇزدىكسىز جوعارىلاتىپ، ساياسي تانىمىمدى ارتتىرىپ، ساياسي جاۋاپكەرشىلىك ارقالاۋدى كۇشەيتەمىن. سونىمەن بىرگە، نازاردى باس نىساناعا ونان ارى شوعىرلاندىرىپ، بولشەكتەۋشىلىككە قارسى تۇرۋ كۇرەس تارتىبىنە قاتاڭ بويسۇنىپ، وتاننىڭ تۇتاستىعىن، ۇلتتار ىنتىماعىن، قوعامنىڭ ورنىقتىلىعىن باتىل قورعاپ، باتىل بەكەم تۇردە ۇلتتار ىنتىماعىنىڭ امالياتتا ايگىلەۋشىسى بولىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا تيەسەلى ۇلەسىمدى قوسامىن.

جاۋاپتى رەداكتور: نۇربولات قابىل