ارناۋلى رەتتەۋ - وڭاۋ ورىستەتىپ، كورنەكتى ماسەلەلەردى شوعىرلى جونگە سالايىق

ارناۋلى رەتتەۋ - وڭاۋ ورىستەتىپ، كورنەكتى ماسەلەلەردى شوعىرلى جونگە سالايىق

− ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن تىڭعىلىقتى ورىستەتۋ جونىندە

 □ حالىق گازەتىنىڭ شولۋشىسى

  اۋەلگى ماقساتتى ۇمىتپاۋ، بورىشتى ەستە بەرىك ساقتاۋدىڭ تەتىگى − ماسەلەگە تۋرا قاراي الاتىن سانالىلىق پەن پىشاقتىڭ ءدۇزىن ىشكە قاراتا الاتىن باتىلدىق بولۋدا.

  جۋىقتا، ورتالىقتىڭ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنە باسشىلىق ەتۋ گرۋپپاسى «”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىندە ارناۋلى رەتتەۋ - وڭاۋ ورىستەتۋ جونىندەگى حابارلاندىرۋ»دى باسىپ تاراتىپ، وڭىرلەردەن، تاراۋلاردان، ورىنداردان باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنۋدى، دايەكتىلەندىرۋدى تالاپ ەتىپ، نەگىزگى تاقىرىپتىق تاربيەدە كورسەتىلگەن 8 جاقتاعى كورنەكتى ماسەلەنى ارناۋلى رەتتەۋ - وڭاۋدى شىنايى يگەرۋگە ناقتى ورنالاستىرۋ جاساپ، وڭىرلەردىڭ، تاراۋلاردىڭ، ورىنداردىڭ ارناۋلى رەتتەۋ - وڭاۋدى ىشكەرىلەي ورىستەتىپ، نەگىزگى تاقىرىپتىق تاربيەنىڭ ساپاسىنا شىنايى كەپىلدىك ەتۋىنە پارمەندى جەتەكشىلىك ەتتى.

  جۇرەكتىلىكپەن ماسەلەگە تۋرا قاراپ، قاتەلىگىن باتىلدىقپەن تۇزەتۋ پارتيامىزدىڭ كورنەكتى ەرەكشەلىگى جانە ارتىقشىلىعى، پارتيامىزدىڭ ءوز - وزىنە توڭكەرىس جاساۋ رۋحىنىڭ ماڭىزدى بەينەسى. بۇل رەتكى نەگىزگى تاقىرىپتىق تاربيە ماسەلەنى قاداعالاۋدى ءتۇيىن، رەتتەۋ - تۇزەتۋدى تياناقتاندىرۋدى ماقسات ەتەدى، پارتيا ىشىندە ساقتالعان اۋەلگى ماقسات پەن بورىشقا قايشى كەلەتىن ءتۇرلى ماسەلەلەردى جاپپاي انىقتاپ، وزىنە تۇبەگەيلى توڭكەرىس جاساۋ رۋحى ارقىلى شەشەدى. وسى رەتكى نەگىزگى تاقىرىپتىق تاربيە 8 جاقتاعى كورنەكتى ماسەلەنى ارناۋلى رەتتەپ - وڭايدى، بۇل پارتيا ورتالىق كوميتەتىنىڭ قازىر ىستەلىپ جاتقان جۇمىستارعا ۇشتاستىرىپ، پارتيا ىشىندە ساقتالعان كورنەكتى ماسەلەلەردى شوعىرلى شەشۋ ءۇشىن جاساعان ماڭىزدى ورنالاستىرۋى، نەگىزگى تاقىرىپتىق تاربيەنىڭ ناقتى ونىمدىلىككە قول جەتكىزۋىنە شىنايى كەپىلدىك ەتۋدەگى ماڭىزدى شاراسى. وڭىرلەر، تاراۋلار، ورىندار ”ءتورت تانىم“دى كۇشەيتۋ، ”ءتورت سەنىم“دى بەكەمدەۋ، ”ەكىنى قورعاۋ“دى ورىنداۋ سىندى ساياسي دەڭگەيدە تۇرىپ ارناۋلى رەتتەۋ - وڭاۋ قىزمەتىن مىقتى يگەرۋى كەرەك.

  وسى رەتكى نەگىزگى تاقىرىپتىق تاربيەدە ارناۋلى رەتتەۋ - وڭاۋ ورىستەتۋ ءبىر ماڭىزدى تۇتقا. ارناۋلى رەتتەۋ - وڭاۋ پارتيامىزدىڭ كورنەكتى ماسەلەلەردى شوعىرلى جونگە سالۋداعى ماڭىزدى ءادىسى. جۋىق جىلداردان بەرى، پارتيامىز بۇقارانىڭ ءجىتى قادالاپ وتىرعان ىستەرىنە جاۋاپ قاتىپ، ۇكىمەت اقشاسىمەن ءىشىپ - جەۋ، بەلگىلەمەدەن اسىرا ۇكىمەت كولىگىن سەپتەۋ، بەتالدى عيمارات - ساراي سالۋ سياقتىلاردى ىلگەرىندى - كەيىندى ارناۋلى رەتتەپ - وڭاپ، كورنەكتى تابىستارعا قول جەتكىزدى. ارناۋلى رەتتەۋ - وڭاۋ كورنەكتى ماسەلەلەردى شەشۋدەگى جاقسى ءادىس، ونىڭ جاقسىلىعى ءداپ باسار ءتۇيىنى انىق، كۇش جۇمسالۋى ءدال، ءونىمى جاقسى بولۋىندا. وسى رەتكى نەگىزگى تاقىرىپتىق تاربيەدە كوپتەگەن جەرلەر مەن تاراۋلار باستابىندا - اق پارتيا ورتالىق كوميتەتىنىڭ تالاپتارى بويىنشا ارناۋلى رەتتەۋ - وڭاۋ مەن شوعىرلى جونگە سالۋ ورىستەتۋدى ورنالاستىرىپ، ارناۋلى رەتتەۋ - وڭاۋ مىندەتىن اشالاپ، ناقتىلاندىرىپ، جاۋاپكەرشىلىك ارقالاعان ورىندى ايقىنداپ، نەگىزگى ماسەلەنى سالالاپ، رەتتەۋ - وڭاۋ شاراسىن ورتاعا قويىپ، بەلسەندى ونىمدىلىككە قول جەتكىزدى. وڭىرلەر، تاراۋلار، ورىندار ماسەلەنى باعدار ەتۋدەن جازباي، ارناۋلى رەتتەۋ - وڭاۋ سىندى وسى ماڭىزدى تۇتقادان ويداعىداي پايدالانىپ، نەگىزگى تاقىرىپتىق تاربيەنى تەرەڭدەتۋى كەرەك.

  ارناۋلى رەتتەۋ - وڭاۋ ورىستەتۋدى نەگىزگى تاقىرىپتىق تاربيە بارىسىندا مىقتى يگەرۋ، شىنايى يگەرۋ كەرەك. 1 - توپتاعى ورىندار شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋ، تياناقتاندىرۋداعى كورنەۋدە بويسۇنعانسىپ، كومەسكىدە قايشىلىق جاساۋ سياقتى 5 جاقتاعى ماسەلەنى ارناۋلى رەتتەۋ - وڭاۋدى مىقتى يگەرۋى، سونىمەن بىرگە، قالا، اۋدان ەكى دارەجەلى ورىندارعا باعىتتاي وتىرىپ بۇقارانىڭ مۇددەسىنە زيان جەتكىزۋ سياقتى 3 جاقتاعى ماسەلەنى رەتتەۋ - جونگە سالۋعا كوڭىل ءبولىپ، ماسەلە ءتىزىمىن ءتۇر بويىنشا اشالاپ، سەبەبىن ءوز بويىنان قاراستىرىپ، رەتتەۋ - وڭاۋدى يگەرۋى كەرەك؛ 2 - توپتاعى ورىندار الدىمەن ارەكەتتەنىپ، تۇزەتۋگە تيىستىلەرىن جەدەل تۇزەتۋى كەرەك. ارناۋلى رەتتەۋ - وڭاۋدى ۇيرەنۋ - تاربيەمەن، تەكسەرىپ - زەرتتەۋمەن، ماسەلەنى قاداعالاۋمەن ۇشتاستىرىپ، ەكى توپتاعى نەگىزگى تاقىرىپتىق تاربيەنى ساباقتاستىرىپ، جوعارى مەن تومەننىڭ ىقپالداستىعىن جانە تاراۋلاردىڭ بىرلەسىپ ارەكەتتەنۋىن كۇشەيتۋ كەرەك. نىسانعا اينالدىرىپ ىلگەرىلەتۋدى اتقارىپ، ءاربىر ارناۋلى رەتتەۋ - وڭاۋدىڭ كىرىسۋ ءتۇيىنىن ءدال تاۋىپ، نىسانا مىندەتتەردى ايقىن تۇراقتاندىرىپ، جاۋاپكەرشىلىك تۇلعاسىن، قارقىن ۋاقىت شەگىن جانە قىزمەت شارالارىن ايقىنداپ، تارماق بويىنشا، ءتۇر بويىنشا ىلگەرىلەتىپ تياناقتاندىرۋ كەرەك. پارتيا ورتالىق كوميتەتىنىڭ ءبىر تۇتاس ورنالاستىرۋىنان تىس، وڭىرلەر، تاراۋلار، ورىندار رەتتەۋ - وڭاۋعا ءتيىستى كورنەكتى ماسەلەلەردى باعىتتامالى تۇردە العا قويىپ، شوعىرلى تۇردە جونگە سالۋ كەرەك.

  نەعۇرلىم ۇزاق ۋاقىت بيلىك جۇرگىزگەن سايىن، پارتيانىڭ اۋەلگى ماقساتى مەن بورىشىن سولعۇرلىم ۇمىتۋعا بولمايدى، ءوز - وزىنە توڭكەرىس جاساۋ رۋحىنان سولعۇرلىم ايرىلۋعا بولمايدى. ءاربىر پارتيا مۇشەسى، كادىر، اسىرەسە، باسشى كادر پارتيانىڭ قامىن جەسە، پارتيا ءۇشىن جاۋاپكەرشىلىك ارقالاسا، پارتيانى قۇدىرەتتەندىرۋ جىگەرىندە بولسا، وسى رەتكى نەگىزگى تاقىرىپتىق تاربيەگە بەلسەندى، ىرىقتى تۇردە ات سالىسسا، ارناۋلى رەتتەۋ - وڭاۋدى مۇقيات ورىستەتىپ، كەمشىلىگىن جاسىرماي، قاتەلىگىن بۇركەم−ەلەمەي، پارتيانىڭ العاباسارلىعى مەن پاكتىگىن السىرەتەتىن، پارتيانىڭ تۇلعالىق اقاۋسىزدىعىنا زالالىن تيگىزەتىن قۇبىلىس اتاۋلىمەن باتىل كۇرەس جۇرگىزسە، ءبىز، ءسوزسىز، ءوزىمىزدى كىرشىكسىزدەندىرۋدى، ءوزىمىزدى كەمەلدەندىرۋدى، ءوزىمىزدى جاڭارتۋدى، ءوز دەڭگەيمىزدى جوعارىلاتۋدى ىسكە اسىرا الامىز.

  (ماقالا 2019 - جىلى 7 - ايدىڭ 23 - كۇنگى «حالىق گازەتى»ندە باسىلعان)

جاۋاپتى رەداكتور: سايراش تۇرارجان