ءسىڭلىسىن باستاپ ارمانعا قۇلاش سەرمەدى

ءسىڭلىسىن باستاپ ارمانعا قۇلاش سەرمەدى

 ءتىلشىمىز رىن حۋا

  ”ءسىڭلىم، بۇل رەتكى ماۋسىمدىق ەمتيحان ناتيجەسى قالاي بولدى؟ دەمالىستى قالاي وتكىزبەكسىڭ؟“

  ”ەمتيحان ناتيجەم بولادى، اعىلشىن ءتىلى ناتيجەم ويلاعانىمداي بولمادى. دەمالىستا ءسىز كورسەتكەن APPدا ۇزدىكسىز ىلەسە ۇيرەنىپ، كەلەر وقۋ ماۋسىمىندا اناعۇرلىم العا باسۋعا ۇمتىلامىن“.

  ...7 - ايدىڭ 10 - كۇنى تۇستەن بۇرىن ءۇرىمجى قالاسى شۇيموگوۋ رايونى ۋيحۋلياڭ اۋماعىن باسقارۋ كوميتەتى ليجيڭ سولتۇستىك الەۋمەتتىك اۋماعىنىڭ تۇرعىنى ءزىبارا پانادجاننىڭ ۇيىنە اپەكەسى شياۋ شياۋيۇي كەلگەندە ءزىبارا ەرەكشە قۋاندى، ەكەۋى تەز ارادا شۇيىركەلەسە كەتتى.

  بۇل 7 جىلعا جالعاسقان اپەكە - ءسىڭلى سۇيىسپەنشىلىك.

  2012 - جىلى ءۇرىمجى 1 - تامىز ورتا مەكتەبىنىڭ تولىق ورتا 1 - جىلدىعىندا وقىپ جاتقان شياۋ شياۋيۇي ۇزاق جىلدار وقۋعا كومەك قارجى بەرىپ كەلگەن اكەسى شياۋ شيننىڭ ىقپالىمەن، الەۋمەتتىك يگىلىككە تەرەڭ قىزىعۋشىلىق تانىتادى. جازدىق دەمالىس كۇندەرىنىڭ بىرىندە، اكەسى ءبىر جاپىراق قاعاز الىپ كەلىپ، شياۋ شياۋيۇيدىڭ الدىنا قويىپ: ”قاراشى، ەگەر قالاساڭ، وعان كومەكتەسۋىڭە بولادى“ دەيدى.

  قاعازدا ءزىبارا وتباسىنىڭ جاعدايى تانىستىرىلىپ جازىلىپتى، 7 جاستاعى بۇل ءبۇلدىرشىننىڭ اكەسى ەندى عانا قايتىس بولىپتى، ءبىر جاسقا تولماعان ءبىر ءسىڭلىسى بار ەكەن. الەۋمەتتىك اۋماقتا تازالىق ىستەيتىن شەشەسى جاسى ەگدەلەپ قالعان ناعاشى اپاسىنا جانە ءزىبارا مەن سىڭلىسىنە قارايلاسىپ كەلىپتى.

  ”مەن وسى سىڭلىمە كومەكتەسەمىن“، - دەدى شياۋ شياۋيۇي اكەسىنە. ول ءوزىنىڭ مەرەكەلىك اقشاسىمەن ءبىر ءبولىم كىتاپ، داپتەر، قالام سياقتىلاردى ساتىپ الىپ، اكەسىمەن بىرگە ءزىبارانىڭ ۇيىنە بارادى.

  سۇلۋ، ۇيالشاق ونىڭ كوزىنەن زەرەكتىگى مەن مۇندالاپ تۇردى. بۇل ءزىبارانىڭ شياۋ شياۋيۇيگە بەرگەن العاشقى اسەرى ەدى. اپەكەلى - ءسىڭلى ەكەۋىنىڭ جۇلدىزى جاراسىپ، تەز ارادا جاقىنداسىپ كەتتى.

  7 جىلدان بەرى، ۋاقىت شىقسا بولدى، شياۋ شياۋيۇي ءوزىنىڭ جيناعان ۇساق - تۇيەك اقشاسىن الىپ، تاعى ءبىر ءبولىم كىتاپ، وقۋ قۇرالدارى سياقتىلاردى ساتىپ الىپ، اكەسىمەن بىرگە ءزىبارانىڭ ۇيىنە امانداسا باراتىن بولدى. ءار جىلى ”1 - ماۋسىم“ بالالار مەرەكەسىندە شياۋ شياۋيۇي ءزىباراعا بەرەتىن مەرەكەلىك ساۋعاتتى الدىن الا دايىندايتىن. ۋاقىت وتە كەلە، ءزىبارا ىقىلاستى تۇردە شياۋ شيندى ”وكىل اكە“، شياۋ شياۋيۇيدى ”اپەكە“ دەپ شاقىراتىن بولدى.

  ”سەن ءزىباراعا تۇرمىستىق جاقتان كومەكتەسىپ قويماي، تاعى ونىڭ مۇرات ورناتىپ، مۇرات ءۇشىن كۇرەس جۇرگىزۋىنە جەتەكشى بولۋىڭ كەرەك“ دەپ ءسوزىن ساباقتاعان شياۋ شين قىزىنا ”ءوزىڭ دە جاقسى ۇيرەنىپ، ءزىباراعا ۇلگى بولۋىڭ كەرەك“ دەيدى.

  ۇزدىك ناتيجەمەن شينجياڭ قازىنا - ەكونوميكا داشۋەسىنە قابىلدانادى، مەكتەپتىڭ الەۋمەتتىك يگىلىك ”جۇلدىزى“نا اينالادى، شينجياڭ قازىنا - ەكونوميكا داشۋەسىنەن ۇزدىك وقۋ تاۋىسقان وقۋشى بولىپ باعالانادى... كوپ جىلدان بەرى، شياۋ شياۋيۇي ءبىلىم ىزدەنۋ جولىنداعى ءاربىر قادامىن جاقسى باسۋ ءۇشىن قۇلشىنا تۇسەدى. ءزىبارا اپەكەسىن ۇلگى ەتىپ، قاجىرلىلىقپەن ۇيرەنىپ، ناتيجەسى كلاستىڭ الدىڭعى قاتارىنا وتەدى.

  شياۋ شياۋيۇي تاعى ءزىباراعا تاماشا ۇيرەنۋ ءادىسىن جانە تاجىريبەسىن ۇنەمى ۇيرەتەدى. ءزىبارانىڭ اعىلشىن ءتىلىن ۇيرەنۋدە قينالعانىن بىلگەن كەزدە، ول ءزىباراعا اعىلشىن ءتىلىن ۇيرەنەتىن APPدى تانىستىرىپ، ونىڭ ءار كۇنى جارىم ساعات اعىلشىن ءتىلىن وقۋىنا مۇمكىندىك جاسايدى. بۇل ءادىستىڭ ايتسا ايتقانداي ءونىمى كورىلەدى، ءبىر وقۋ ماۋسىمىنا جەتپەي، ءزىبارانىڭ اعىلشىن ءتىلى ناتيجەسىندە ىلگەرىلەۋشىلىك بولادى.

  ءزىبارا 5 - جىلدىققا شىققان كەزدە، بايلانىس جاساۋعا قولايلى بولۋ ءۇشىن، شەشەسى ءزىباراعا ءبىر قول تەلەفون ساتىپ الىپ بەرەدى. كوپ وتپەي ءزىبارانىڭ قول تەلەفون ويناۋعا قاتتى قۇمارتىپ، ۇيرەنۋدە وتە شەگىنىپ كەتەتىندىگىن ەشكىم ويلاماعان ەدى. شياۋ شياۋيۇي بۇل ىستەن حاباردار بولعاننان كەيىن، اينالاسىنداعى ناقتى مىسالدار ارقىلى ءزىبارانى ەندىگارى قول تەلەفون ويناۋعا قۇمارتپاي، جاقسى ۇيرەنۋگە ءناسيحاتتايدى. اپەكەسىنىڭ ءسوزى ءزىبارانىڭ ساناسىن وياتادى، ول بار ىنتا - پەيىلىمەن ۇيرەنۋگە كىرىسىپ، ناتيجەسى تەز ارادا جوعارىلايدى.

  شياۋ شياۋيۇي زىبارامەن ۇنەمى تەلەفوندا سويلەسەدى، ەكەۋى ۇيرەنۋدى، ارماندارىن، ارمان جولىندا قالاي قۇلشىناتىندىقتارىن اڭگىمەلەيدى.

  قازىر شياۋ شياۋيۇي داشۋە تاۋىسىپ، قىزمەت ورنىنا شىعۋ الدىندا تۇر، ول كوڭىلىنە ءبىر ويىن بۇرىننان بەرى بۇگىپ كەلگەن - دى. ”سەن، ءسوزسىز، جاقسى ۇيرەن، مەن تەز ارادا قىزمەتكە شىعامىن، ەڭبەكاقى الامىن، مەن ساعان داشۋەنى تاۋىسقانشا كومەك كورسەتۋدى ويلاپ وتىرمىن“، وسى رەت ءزىباراعا امانداسا كەلگەندە، شياۋ شياۋيۇي ول جونىندەگى ويىن ايتتى.

  اپەكەسىنىڭ جۇزىندەگى مەيىرلى كۇلكىنى كورگەندە، ءزىبارا تەبىرەنىسىن باسا الماي: ”مەنىڭ ارمانىم ءبىر جاقسى داشۋەگە ءوتىپ، داڭقتى ءبىر وقىتۋشى بولۋ. اپەكەمنىڭ كومەگىندە مەن، ءسوزسىز، ارمانىمدى جۇزەگە اسىرامىن. ەرجەتكەننەن كەيىن، مەن دە اپەكەم سياقتى قيىنشىلىعى بار ادامدارعا كومەكتەسەمىن“ دەيدى.

مەسئۇل مۇھەرىر: سايراش تۇرارجان