بارىن سالىپ ۇيرەتىپ، ”تاپجىلمايتىن قوسىن“ قالدىردى

ءتىلشىمىز جاڭ يانفاڭ

  جاڭاءشار اۋداندىق 1 - تامىز ورتا مەكتەبىندە شاندۇڭ ولكەسى زاۋجۋاڭ شۋەيۋانىنان وقۋ - اعارتۋعا كومەككە كەلگەن ستۋدەنت لي چيانحۇي وقۋشىلارعا ساباق وتۋدە (6 - ايدىڭ 25 - كۇنى تۇسىرىلگەن). سۋرەتتى شينحۋا اگەنتتىگىنىڭ ءتىلشىسى ۋاڭ في تۇسىرگەن

  كادر - دارىندىلارمەن شينجياڭعا كومەكتەسۋ − شينجياڭعا باعىتتامالى كومەكتەسۋ قىزمەتىنىڭ ماڭىزدى نەگىزى. جاڭا كەزەكتى شينجياڭعا باعىتتامالى كومەكتەسۋ قىزمەتى ورىستەتىلگەننەن بەرى، شينجياڭعا كومەكتەسەتىن ولكە، قالالار، ورتالىق پەن مەملەكەت ورگاندارى، ورتالىققا قاراستى كاسىپورىندار شينجياڭعا كومەكتەسەتىن 12 مىڭنان استام كادر - دارىندىنى دەن قويا تاڭداپ شينجياڭعا قىزمەت ىستەۋگە جىبەردى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شىن ىقىلاستى كەلەلى تاپسىرماسىن ەستە بەرىك ساقتاپ، شينجياڭعا كومەكتەسەتىن كادر - دارىندىلار الىس ساپار شەگىپ، ۇزاق جول باسىپ وسىندا كەلىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، كەدەيلىكتەن ارىلتۋدان قامال الۋعا دەم بەرىپ، كاسىپ سالاسىنىڭ دامۋىن ىلگەرىلەتىپ، بۇقارانى جۇمىستانۋعا جەتەكتەپ، نەگىزگى ساتىنىڭ نەگىزىن بەكەمدەپ، جاڭا ۇستانىمدار تاراتىپ، جاڭا تەحنيكالار ۇيرەتىپ، شىن پەيىلدەرىمەن ۇيرەتتى، كومەكتەستى، جەتەكتەدى... ولار شينجياڭ سىندى ىرىستى توپىراقتا تالانت - دارىندارىن ايگىلەپ، بار كۇشىن سالىپ ۇلەس قوسىپ، جەرگىلىكتى ورىنعا باقىت سيلاپ، تالاي - تالاي ”كەتپەيتىن قوسىندار“ قالدىرىپ، شينجياڭنىڭ ورنىقتىلىعىنا، دامۋىنا قۇدىرەتتى قوزعاۋشى كۇش ۇستەدى.

■ ءتۇرلى دارىندىلاردى دەن قويا تاربيەلەدى

  7 - ايدىڭ 12 - كۇنى، جازعى دەمالىس كەزى، حىنان ولكەسىنەن شينجياڭعا كومەككە كەلگەن كادر، قۇمىل كاسىپتىك - تەحنيكالىق شۋەيۋانىنىڭ ورىنباسار باستىعى ليۋ جىحۋاي شۋەيۋاننىڭ دامۋى ءۇشىن ءالى جىگى - جاپار بولىپ ءجۇر.

  شينجياڭعا كومەككە كەلگەن 8 جىلدان استام ۋاقىتتا، ليۋ جىحۋاي قۇمىلعا تامىر تارتتى. ول قۇمىل كاسىپتىك - تەحنيكالىق شۋەيۋانىن قۇرۋ، ”سيفرلى مەكتەپ اۋلاسى ەرەكشە نىسانى“ قۇرىلىسى سياقتى ماڭىزدى قىزمەتتەرگە بەلسەنە ارالاستى. سونىمەن بىرگە، ول قولىنان كەلگەن ءادىس - امالدان پايدالانىپ شۋەيۋانداعى وقىتۋشىلار كۇشىن نىعايتىپ، وقۋ - وقىتۋ دەڭگەيىن جوعارىلاتىپ، ساباق بەرۋ، ۇلگى كورسەتۋ، ناقتى ىستەۋ ارقىلى وزىق تەحنيكانى، ۇستانىمدى جەرگىلىكتى وقىتۋشىلارعا جەتكىزدى؛ شينجياڭعا كومەككە كەلگەن وقىتۋشىلاردى باستاپ جەكە - جەكە 10 كاسىپتىك وقىتۋ توبىن قۇرىپ، ”ۇيرەتۋ، كومەكتەسۋ، جەتەكتەۋ“دى دەن قويا جاقسى ىستەدى؛ جىبەرگەن ورىن حىنان تەحنيكالىق داشۋەسىنىڭ قۇمىل كاسىپتىك - تەحنيكالىق شۋەيۋانىنا تاپشى كاسىپتىك وقىتۋشىلار مەن ينجەنەريا ماگيسترلەرىن اقىسىز تاربيەلەپ بەرۋ جۇمىستارىن سايكەستىردى.

  جاڭا كەزەكتى شينجياڭعا باعىتتامالى كومەكتەسۋ قىزمەتى ورىستەتىلگەننەن بەرى، شينجياڭعا كومەكتەسەتىن ولكە، قالالار (ورىن) عىلىم - تەحنيكا، وقۋ - اعارتۋ سياقتى سالالارداعى كادر - دارىندىلاردى دەن قويا تاڭداپ شينجياڭعا جىبەرىپ، شينجياڭنىڭ كادر - دارىندى قوسىنى قۇرىلىمىن جاقسارتىپ، جوعارى دەڭگەيدەگى دارىندىلار تاپشىلىعى قايشىلىعىن جەڭىلدەتتى.

  شينجياڭعا كومەكتەسەتىن ولكە، قالالاردىڭ الدىڭعى شەپ قولباسشىلىق شتاپتارى شينجياڭداعى كادر - دارىندىلاردىڭ ساپاسىن جوعارىلاتۋدى شەشۋشى شارا رەتىندە قاراپ، كوپ جاقتىڭ قولداۋىنا بەلسەنە قول جەتكىزىپ، كادر - دارىندىلارمەن شينجياڭعا كومەكتەسۋ نىساندارىن ىشكەرىلەي اتقارىپ، شينجياڭعا كومەككە كەلگەن كادر - دارىندىلاردى كومەك قابىلداۋشى جەردەگى ءار ۇلت كادر - دارىندىلارىمەن كومەكتەسۋ - سۇيەمەلدەۋ جۇپتارىن قۇراۋعا ۇيىمداستىرىپ، ”شاقىرىپ اكەلۋ“، ”سىرتقا جىبەرۋ“ سياقتى تاسىلدەر ارقىلى شينجياڭنىڭ ءتۇرلى كادر - دارىندىلارىن تاربيەلەدى.

  اقسۋ ايماعىندا جىجياڭ ولكەسى ”دارىندىلاردىڭ كومەكتەسۋ، جەتەكتەۋ، تاربيەلەۋ ينجەنەرياسىن“ اتقارىپ، 40 كومەكتەسۋ - جەتەكتەۋ قىزمەت كەڭسەسىن قۇرىپ، جىجياڭ مەن اقسۋ ەكى جەردىڭ الىس ارالىقتى وقىتۋ بويىنشا ءوزارا ىقپالداسۋىن ورىستەتىپ، جەرگىلىكتى وقىتۋشىلاردىڭ، شيپاگەرلەردىڭ كاسىپتىك دەڭگەيىن جوعارىلاتىپ، ناتيجەدە ءبىر توپ ءپان جەتەكشىلەرى مولىنان جارىققا شىقتى. حيلۇڭجياڭ مەن جيلين ولكەسىنىڭ شينجياڭعا كومەكتەسۋ كۇشتەرىنە سۇيەنىپ، التاي ايماعى ىلگەرىندى - كەيىندى 335 پارتيا، ۇكىمەت كادرىن جانە 252 كاسىپتىك تىرەكتىنى مىندەتكە ءىلىپ شىنىعۋعا جىبەردى.

  ءار جىلى وقۋ - اعارتۋ، دەنساۋلىق ساقتاۋ، اۋىل شارۋاشىلىعى سىندى 3 سالانىڭ ءارقايسىنان 100 كاسىپتىك تەحنيكالىق دارىندىنى سانجى حۇيزۋ اۆتونوميالى وبلىسىنا تەحنيكالىق قىزمەت وتەۋگە تاڭداپ جىبەردى، ءار جىلى سانجى وبلىسىنىڭ سايكەستى سالالارىنىڭ ءارقايسىنان 100 كاسىپتىك تەحنيكالىق دارىندىنى ءبىلىم اسىرۋعا قابىلدادى، فۋجيان ولكەسى ۇزدىكسىز ورىستەتكەن ”ءۇش قوس 100“ اقىل - پاراساتپەن شينجياڭعا كومەكتەسۋ ينجەنەرياسى سول جەر ءۇشىن كەتپەيتىن كاسىپتىك تەحنيكالىق قوسىن تاربيەلەپ بەردى.

  اۆتونوميالى رايوننىڭ قاتىستى تاراۋى بەرگەن ءبىر توپ ساندى مالىمەتتە كورسەتىلۋىنشە، تەك 2017 - جىلدان بەرى، شينجياڭعا كومەكتەسەتىن ولكە، قالالار شينجياڭعا كومەك قارجىسىنان 2 ميلليارد 340 ميلليون يۋان ورنالاستىرىپ، كادر - دارىندى نىساندارىنان 2300دەن استامىن اتقارىپ، شينجياڭنىڭ ءتۇرلى كادر - دارىندىلارىنان 847 مىڭنان استام ادام (رەت) تاربيەلەگەن، سونىمەن بىرگە، ءار جىلى 10 مىڭنان استام ءتۇرلى دارىندىنى شينجياڭعا كەلىپ قىزمەت وتەۋگە يكەمدى ەنگىزىپ، كومەك قابىلداۋشى جەردەگى كادر - دارىندىلاردىڭ جالپىلىق ساپاسىن ءونىمدى جوعارىلاتىپ، ءتۇرلى ىستەردىڭ دامۋىنا اقىل - پاراساتتىق قولداۋ كورسەتكەن.

■ ”ۇيىرمە فورماسىنداعى“ شينجياڭعا كومەكتەسۋ مول جەمىس بەردى

  ”شينجياڭعا كومەككە كەلگەن شيپاگەرلەر ماعان ەكىنشى ءومىر سيلادى، ولار مەنىڭ جان اشىر، جاقىندارىم“، - دەدى 7 - ايدىڭ 13 - كۇنى اتۇشتىق جاس قالبىنۇر قۇربان تەرەڭ العىس سەزىممەن جياڭسۋدان شينجياڭعا كومەككە كەلگەن شيپاگەرلەردىڭ ءوزىن ەمدەپ قۇتقارعانىن ايتىپ.

  2018 - جىلى داشۋەدەن ەندى عانا وقۋ تاۋىسقان قالبىنۇردىڭ ىستىعى ℃40تەن تۇسپەي، ەسىنەن تانىپ، قىزىلسۋ قىرعىز اۆتونوميالى وبلىستىق حالىق شيپاحاناسىنا ەمدەۋ - قۇتقارۋعا جەتكىزىلەدى، تەكسەرۋ ناتيجەسى ونىڭ جۇرەك ىشكى پەردەسىنىڭ قابىنعاندىعىن، سونداي - اق تىنىس الۋى السىرەۋ، جۇرەك قۋاتى السىرەۋ سياقتى كوپتەگەن ورگانداردىڭ السىرەۋى قوسانجارلاعاندىعىن كورسەتەدى. قاتەرلى ساتتە، جياڭسۋ ولكەسىنىڭ قىزىلسۋ وبلىسىنا باعىتتامالى كومەكتەسۋ الدىڭعى شەپ قولباسشىلىق شتابى جياڭسۋ ولكەسىنىڭ شينجياڭعا باعىتتامالى كومەكتەسەتىن شيپاحاناسى مەن قىزىلسۋ وبلىسىنداعى بىرنەشە شيپاگەردى شۇعىل جيناپ، ەمدەۋ - قۇتقارۋ ارەكەتىنە بار كۇش - قايراتپەن ات سالىسادى... ەمدەۋ قىزمەتكەرلەرىنىڭ بىرلەسە قۇلشىنۋىندا، وپەراتسيا ءساتتى بولادى. بۇل كۇندەرى قالبىنۇردىڭ دەنساۋلىعى قالپىنا كەلدى.

  ”قالبىنۇر جياڭسۋ ولكەسى ەمدەۋ دارىندىلارىنىڭ ’ۇيىرمە بولىپ‘ شينجياڭعا كومەكتەسىپ اتقارعان’جۇرەككە ءنار بەرۋ جوسپارى‘نان يگىلىكتەنگەن 121 - ادام“، - دەيدى قىزىلسۋ وبلىسى حالىق شيپاحاناسىنىڭ باستىعى، جياڭسۋدىڭ ”ۇيىرمە فورماسىنداعى“ شينجياڭعا كومەكتەسۋ ەمدەۋ اترەتىنىڭ باستىعى ديڭ چياڭ.

  قىزىلسۋ وبلىسىندا تۋما جۇرەك اۋرۋلارى كوپ تۋىلاتىن جاعدايعا مەڭزەس، جياڭسۋ ولكەسى شينجياڭعا كومەكتەسۋگە جىبەرگەن ەمدەۋ ماماندارى جۇرەك اۋرۋلارىنا قاتىستى 3 ءبولىمدى كۇشەيتىپ قۇرىپ، ”جۇرەككە ءنار بەرۋ جوسپارى“ سياقتى قاتىستى قىزمەتتەردى ورىستەتتى، قازىر 177 ناۋقاستىڭ جۇرەگى ءساتتى تۇردە قالپىنا كەلدى. بۇل مەزگىلدە جەرگىلىكتى ورىنداعى كاسىپتىك دارىندىلاردان ءبىر توبى تاربيەلەندى.

  مىڭداعان شاقىرىم الىستان ۇيىرمە بولىپ كەلىپ، شيپالى قولدارىمەن ءبىر وڭىرگە باقىت سيلادى. 2016 - جىلى 4 - ايدا ورتالىق كوميتەت ۇيىمداستىرۋ ءبولىمى، مەملەكەتتىك دەنساۋلىق ساقتاۋ، سالاماتتىق كوميتەتى ەمدەۋ دارىندىلارىنىڭ شينجياڭعا ”ۇيىرمە فورماسىندا“ كومەكتەسۋ قىزمەتىن باستاپ اتقاردى، تيانجين، گۋاڭدۇڭ، شاڭحاي، لياۋنيڭ، حۋنان قاتارلى شينجياڭعا كومەكتەسەتىن 7 ولكە، قالا 3A دارەجەلى 60 نەشە شيپاحانادان شينجياڭعا كومەك بەرۋگە جيىنى 500دەن استام ەمدەۋ ماماندارىن جىبەرىپ، وڭتۇستىك شينجياڭداعى 4 ايماق - وبلىستاعى، تۇرپان قالاسىنداعى، تارباعاتاي ايماعىنداعى جانە بيڭتۋان 1 - شىسىنداعى 8 ورتالىق شيپاحاناعا كومەك بەردى.

  قاتەرلى، اۋىر ناۋقاستاردى قۇتقارىپ، اۋىل - قىستاقتاردى ارالاپ تەگىن دياگنوز قويىپ، ەمدەۋ دارىندىلارىن تاربيەلەدى... 3 جىلدان بەرى ”ۇيىرمە فورماسىندا“ شينجياڭعا كومەك بەرەتىن ماماندار بۇكىل ىنتا - پەيىلدەرىن ارناپ، بارىن سالىپ ۇيرەتىپ، كومەك قابىلداۋشى 8 شيپاحاناعا كومەكتەسىپ 1470تەن استام جاڭا تەحنيكا، جاڭا نىسان ورىستەتىپ، 375 مىڭ 700دەن استام ناۋقاس قابىلداپ دياگنوز قويىپ، 41 مىڭ 300 رەتتەن استام وپەراتسيا جاساپ، ايماق - اۋدانداردىڭ ەمدەۋ قىزمەتكەرلەرىنەن 120 مىڭنان استام ادام (رەت) تاربيەلەدى.

  ەمدەۋ دارىندىلارىنىڭ ”ۇيىرمە فورماسىندا“ شينجياڭعا كومەكتەسۋىنىڭ ارقاسىندا، كومەك قابىلداۋشى 8 شيپاحانانىڭ قاتەرلى، شۇعىل، اۋىر ناۋقاستاردى قۇتقارۋىنىڭ ءساتتى بولۋ مولشەرى %94.3كە جەتىپ، بۇكىل رايونداعى بارلىق ايماق، وبلىس، قالالاردىڭ بارىندە 3A دارەجەلى شيپاحانا بولۋ سىندى تاريحي سەرپىلىس جۇزەگە استى، سونىمەن بىرگە، ”كەتپەيتىن ەمدەۋ قوسىنى“ تاربيەلەنىپ، جەرگىلىكتى ورىننىڭ ەمدەۋدەن قىزمەت وتەۋ دەڭگەيى بارىنشا جوعارىلادى.

■ نەگىزگى ساتىعا تامىر تارتىپ، بۇقاراعا قىزمەت وتەدى

  ”قىستاقتا تۇرۋ قىزمەتى قازىر ەڭبەك ەتىپ، پايداسىن بولاشاقتا كورەتىن جۇمىس، شينجياڭعا كومەككە كەلگەن كادرلار بەلسەنە ءۇن قوستى، بۇل ادالدىقتىڭ بەينەسى، سونداي - اق تاپتىرماس شىنىعۋ“، - دەدى 7 - ايدىڭ 13 - كۇنى جۇڭگو بانكە - قامسىزداندىرۋ باقىلاۋ - باسقارۋ كوميتەتىنىڭ شينجياڭعا كومەككە كەلگەن كادرى شاۋ شياڭلي.

  2017 - جىلى 8 - ايدا ورتالىق پەن مەملەكەت ورگاندارىنان 9 - توپتا شينجياڭعا كومەككە كەلگەن كادر رەتىندە، شاۋ شياڭلي اۆتونوميالى رايوننىڭ جەرگىلىكتى فينانس باقىلاۋ - باسقارۋ مەكەمەسىنە قىزمەتكە كەلەدى. جۇپ قۇراپ تۋىس بولۋ بارىسىندا ول اتۇش قالاسى سۇنتاع اۋىلى كەچىڭىز قىستاعىمەن تابىسادى، كوپ وتپەي، كەچىڭىز قىستاعىنا بارىپ قىستاقتا تۇرۋ قىزمەتىنە قاتىناسۋعا ىرىقتى تۇردە ءوتىنىش بەرەدى. اۆتونوميالى رايوننىڭ جەرگىلىكتى فينانس باقىلاۋ - باسقارۋ مەكەمەسىنىڭ اتۇش قالاسى سۇنتاع اۋىلى كەچىڭىز قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي بولعان 2 جىلعا جۋىق ۋاقىتتا، شاۋ شياڭلي بۇكىل ىنتا - پەيىلىمەن ىستەپ، قىستاق ”2 كوميتەت“ القاسىن باستاپ ”ءتورتتى كەڭەسۋ، ەكىنى اشىق جاريالاۋ“ سياقتى تۇزىمدەرىن قاتاڭ تياناقتاندىرىپ، نەگىزگى ساتى ۇيىمىنىڭ ۇيىسۋ قۋاتىن، جاۋىنگەرلىك قۋاتىن ۇزدىكسىز جوعارىلاتتى؛ شىن پەيىلمەن كىرىسىپ، قىستاق تۇرعىندارىن جاقىندارىنا بالاپ، قىستاق كادرلارىمەن بىرلەسە وتىرىپ قىستاق تۇرعىندارىنىڭ قيىنشىلىعىن شەشتى؛ شينجياڭعا كومەككە كەلگەن كادر ارتىقشىلىعىن ساۋلەلەندىرىپ، بەيجيڭ قالاسى مەيجياڭ وقۋعا كومەك قور قوعامىنان ”كەچىڭىز كەدەيلىكتەن ارىلتۋ قورى“ ن قۇرىپ، قىستاقتىڭ كوللەكتيۆ شارۋاشىلىعىن دامىتۋ، نەگىزدىك قۇرىلعىلارىن جاڭالاۋ - جاڭارتۋ، قيىنشىلىعى بار وقۋشىلارعا قارجىلاي جاردەم بەرۋ سياقتىلارعا پايدالاندى...

  تامشى سۋ تاس تەسەتىن قۇلشىنىس شاعىن قىستاقتا ۇلكەن وزگەرىس تۋدىردى. قىستاق بارعان سايىن كورىكتەنىپ، حالىق تىلەگى ونان ارى ۇيىسا ءتۇستى، قىستاق تۇرعىندارىنىڭ باقىتتى ومىرگە تالپىنۋ ارىنى اناعۇرلىم نىعايدى، بۇل وزگەرىستەردەن شاۋ شياڭليدىڭ اۋەلدەگى قىستاقتا تۇرۋ بەكىمى ونان ارى كۇشەيە ءتۇستى.

  تيانشاننىڭ تۇستىگى مەن تەرىستىگىنە كوز سالساڭىز، دامۋدى ىلگەرىلەتۋدىڭ الدىڭعى لەگىنىڭ، بۇقاراعا قىزمەت وتەۋدىڭ ءبىرىنشى شەبىنىڭ بارلىعىندا شينجياڭعا كومەككە كەلگەن كادر - دارىندىلاردىڭ قىزۋ ىنتالى بەينەلەرىن كورەسىز.

  جاڭا كەزەكتى شينجياڭعا باعىتتامالى كومەكتەسۋ قىزمەتى ورىستەتىلگەننەن بەرى، شينجياڭعا كومەككە كەلگەن توپ - توپ كادر - دارىندىلار شينجياڭدى ءوز مەكەندەرىندەي كورىپ، شينجياڭ قىزمەتىنىڭ باس نىساناسىن ارقاۋ ەتىپ، اۋىر مىندەتتى جۇرەكتىلىكپەن ارقالاپ، شىن پەيىلمەن ۇلەس قوسىپ، ءار ۇلت حالىقىمەن جۇرەكتەس بولىپ، شىنايى سۇيىسپەنشىلىكتەرىن سول جەرلەرگە ارنادى. ولاردىڭ قاتارىندا شينجياڭعا كوپ رەت كومەككە كەلگەندەر بار، شينجياڭعا كومەككە كەلۋمەن قويماي، شينجياڭدا قالىپ قالعانداردا بار، ولار شينجياڭعا كومەكتەسەتىن ولكە، قالالار مەن جىبەرگەن ورىنداردىڭ كۇشىنە سۇيەنىپ، شينجياڭنىڭ ورنىقتىلىعى مەن دامۋى ءۇشىن كورنەكتى ۇلەس قوسىپ، تيانشان پەرزەنتتەرىنىڭ جۇرەگىنەن وشپەس ورىن الدى.

جاۋاپتى رەداكتور: سايراش تۇرارجان