ۇلتتار ىنتىماعىنىڭ اسەم سيمفونياسىن اسقاقتاتامىن

 ءۇرىمجى قالاسى ميدۇڭ رايوندىق ساياسي كەڭەس پارتيا باسشىلىق گرۋپپاسىنىڭ ورىنباسار شۋجيى، ءتوراعاسى ايساجان مامەت

  كەمەنىڭ كۇشى − جەلكەنىندە، ادامنىڭ كۇشى − جۇرەگىندە. ۇلتتار ىنتىماعىنىڭ ماڭىزى − جۇرەكتەردىڭ توعىسۋىندا، وزگەنى وزىڭدەي كورىپ، وزگەلەردىڭ قامىن جەي ءبىلۋ كەرەك. اۆتونوميالى رايوننىڭ ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلى − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرۋدىڭ، تياناقتاندىرۋدىڭ ناقتى شاراسى.

  مەن بۇراتالا قالاسىنداعى ءبىر قاراپايىم ديقان وتباسىندا دۇنيەگە كەلدىم، شينجياڭدا تۋىپ، شينجياڭدا ەرجەتىپ، باستان - اياق جۇڭحۋا ۇلتى ۇلى شاڭىراعىنىڭ ىستىق مەيىرىنە بولەنىپ كەلەمىن. جاقىنعى جىلداردان بەرى، جۇپ قۇراپ، تۋىستاسۋ قيمىلىنىڭ قول جەتكىزگەن وراسان زور ناتيجەسىن ءوز باسىمنان شىنايى سەزىندىم. شينجياڭداعى ءار ۇلت كادر - بۇقاراسى ۇلتپەن، قاندىق بايلانىسپەن، وڭىرمەن شەكتەلىپ قالماي تۋىستىق سۇيىسپەنشىلىك ورناتىپ، كوپشىلىك بىرگە تاماقتانىپ، بىرگە تۇرىپ، بىرگە ەڭبەك ىستەپ، بىرگە ۇيرەنىپ، ءوزارا كومەكتەسىپ، اۋقاتتانۋدى، دامۋدى بىرگە جوسپارلاپ، ۇلتتار ىنتىماعىنىڭ، جاراسىمدىلىقتىڭ اسەم سيمفونياسىن تيانشاننىڭ تۇستىگى مەن تەرىستىگىندە اسقاقتاتۋدا.

  مەنىڭ جۇپ قۇراعان تۋىسىم زەينەتكە شىققان كادر، ساقا پارتيا مۇشەسى، اتى جاڭ شۋەباۋ، بيىل 72 جاستا، ءۇرىمجى قالاسى ميدۇڭ رايونى بۇرىنعى اۋىل شارۋاشىلىق تەحنيكاسىن جالپىلاستىرۋ پۋنكتىنەن زەينەتكە شىققان قىزمەتكەر. 2017 - جىلى جۇپ قۇراپ، تۋىس بولعاننان كەيىن، مەن جاڭ شۋەباۋ كاريانىڭ بالالارىمەن بىرگە تۇرمايتىندىعىن ۇعىسىپ، ۇنەمى بارىپ ول كىسىمەن اڭگىمەلەسىپ تۇراتىن بولدىم. وسىلاي ىشتەسۋ ارقىلى جاڭ شۋەباۋ كاريانىڭ ميدۇڭ رايونىندا ءومىر بويى قىزمەت ىستەپ، ميدۇڭ رايونىنىڭ نەگىزگى ساتىسىنىڭ ءىس جۇزىندىك جاعدايىن قانىق تۇسىنەتىندىگىن ءبىلدىم. جاڭ شۋەباۋ كاريا جانە ول كىسى تانىستىرعان زەينەتكەر ساقا كادرلار ارقىلى مەن ميدۇڭ رايونىنىڭ تاريحي دامۋى جونىنەن اناعۇرلىم تەرەڭ تۇسىنىككە يە بولدىم، ونىڭ ۇستىنە ولار ارقىلى نەگىزگى ساتىداعى بۇقارانىڭ ءۇنىن جانە تىلەگىن ىشكەرىلەي ۇعىستىم، بۇل مەنىڭ ساياسي كەڭەس قىزمەتىن ورىستەتۋىمە توتەنشە زور كومەگىن تيگىزدى. جاڭ شۋەباۋ كاريا زەينەتكە شىققانىمەن، ءبىراق ميدۇڭ رايونىنىڭ دامۋىنا، كوركەيۋىنە باياعىسىنداي ەرەكشە كوڭىل ءبولىپ، حاباردى كۇن قۇرعاتپاي كورەدى ەكەن. الدا - جالدا ميدۇڭ رايونىندا تياناقتانعان جاڭا ساياسات، دامۋدىڭ جاڭا وي جەلىسى بولا قالسا، ول مەنىمەن پىكىر اۋىستىرىپ، وي ورتاقتاستىرادى، مەنىڭ قىزمەت بارىسىندا جولىققان قيىن ماسەلەلەرىم جونىندە دە كوپتەگەن ورەلى ۇسىنىستار بەرىپ، مەنىڭ قىزمەت وي جەلىسىن اشۋىما كومەكتەستى. ءبىزدىڭ دوستىق سۇيىسپەنشىلىگىمىز كەيىنگى ۇرپاقتارعا جالعاسادى، قازىر مەرەكە - مەيرام كۇندەرىندە، ەكى وتباسىنداعىلار ءبىر - ءبىرىمىزدىڭ ۇيىمىزگە قىدىرىپ باس قوسىپ، امان - سالەم جاسايمىز.

  ”ءىس تاتۋ - تاتتىلىكپەن بىتەدى، كۇش ىنتىماقتان كەلەدى“. ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، قاي - قاشان دا نازاردى باس نىساناعا مىقتاپ شوعىرلاندىرىپ، كوكىرەك تولى سۇيىسپەنشىلىك سەزىممەن، اناعۇرلىم تاماشا كۇيمەن، اناعۇرلىم تىڭعىلىقتى ستيلمەن ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ۇزدىكسىز ويداعىداي ورىستەتىپ، ءار ۇلت كادر - بۇقاراسىنىڭ ”ءۇشتىڭ ءبىر - بىرىنەن ايرىلا الماۋى“ يدەياسىن بەرىك ورناتىپ، ”بەستى شىنايى مويىنداۋ“دى شىن مانىندە كۇشەيتىپ، ىنتىماق، ورنىقتىلىق − قۇت، بولشەكتەۋشىلىك، بىلىقپالىق − جۇت ەكەنىن ەستە بەرىك ساقتاپ، ۇلتتار ىنتىماعىن تاباندىلىقپەن قورعاپ، ۇلتتىق بولشەكتەۋشىلىككە قارسى تۇرىپ، جۇرت تىلەگىن، كۇش - قۋاتتى ەڭ زور دارەجەدە ۇيىستىرۋعا مۇمكىندىك جاساۋىمىز، ۇلتتار ىنتىماعىنىڭ گۇلىن تيانشاننىڭ تۇستىگى مەن تەرىستىگىندە قۇلپىرتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ پاراعىن ويداعىداي جازۋعا تىڭ ۇلەس قوسۋىمىز كەرەك.

جاۋاپتى رەداكتور: نۇربولات قابىل