دامۋ ورتاسىن ساپالىلاندىرىپ، مادەنيەت جانە ساياحات كاسىبىنىڭ جوعارى ساپالى دامۋىن ىلگەرىلەتەيىك

شوكىرات زاكىر ءۇرىمجى قالاسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

دامۋ ورتاسىن ساپالىلاندىرىپ، مادەنيەت جانە ساياحات كاسىبىنىڭ جوعارى ساپالى دامۋىن ىلگەرىلەتەيىك

  ءتىلشىمىز جاۋ جىيۇن 7 - ايدىڭ 10 - كۇنى ۇرىمجىدەن حابارلايدى. ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنە ۇشتاستىرا وتىرىپ، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر 7 - ايدىڭ 9 - كۇنى ءۇرىمجى قالاسىندا تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: شينجياڭدى ساياحات ارقىلى گۇلدەندىرۋ ستراتەگياسىن اتقارۋدى ارقاۋ ەتىپ، رايونىمىزدىڭ مادەنيەت جانە ساياحات كاسىبنىڭ دامۋىنا تۇساۋ بولىپ وتىرعان ماسەلەلەردى بار كۇشپەن شەشىپ، دامۋ ورتاسىن ساپالىلاندىرىپ، ساياحات كاسىبىنىڭ نەگىزگى تۇلعاسىن ۇلعايتىپ، رايونىمىزدىڭ مادەنيەت جانە ساياحات كاسىبىنىڭ جوعارى ساپالى دامۋىن اناعۇرلىم ىلگەرىلەتۋ كەرەك.

  ءۇرىمجى اۋدانىنىڭ كوپ ساتىلى، جان - جاقتى ساياحات ورتاسىن ىشكەرىلەي ايگىلەۋ، جالپى وڭىرلىك ساياحات ۇلگى رايونىن بار كۇشپەن قۇرۋ ءۇشىن، بيىل ءۇرىمجى اۋدانى جىبەك جولى مادەنيەتىن ايگىلەۋ ورتالىعىنىڭ ماڭىنان 10 مىڭ مۋلىق گۇل تەڭىزى كورىنىسىن قۇرىپ، ەكولوگيالىق ورتانى قالپىنا كەلتىرۋمەن بىرگە، ناقتى كورىنىس كونسەرت ورتالىعى، ەرەكشەلىككە يە شاعىن قالاشىق سياقتى فورمالاردان پايدالانىپ، ساياحات شوعىرلانعان رايون قالىپتاستىرىپ، گۇل اشۋ مەزگىلىندە ساياحاتشىلاردىڭ كۇندىز گۇلدەردى تاماشالاپ، كەشتە ناقتى كورىنىس كونسەرت نومىرلەرىن كورۋىنە مۇمكىندىك جاساپ، بۇكىل اۋدان ساياحات كاسىبىنىڭ دامۋىن جەبەدى. شوكىرات زاكىر قاتىستى جاعدايلار جونىندەگى تانىستىرۋدى تىڭداعاننان كەيىن بىلاي دەپ اتاپ كورسەتتى: ءۇرىمجى اۋدانىنىڭ ساياحات بايلىعى مول، ساياحات بايلىعىنىڭ جالپى مولشەرى زور، ءتۇرى كوپ، ساپاسى جاقسى. سوڭعى جىلدارى ءۇرىمجى اۋدانى ۇلكەن نانسان حالىقارالىق ساياحات رايونى قۇرىلىسىن ارقاۋ ەتىپ، قار - مۇز سپورتى، ەكسپەدەتسيا، دەنە شىنىقتىرۋ، دەمالىس، سەيىل - سەرۋەن سىندى كوپ ءتۇرلى كاسىپ كۇيى ءبىر تۇلعالانعان ەرەكشەلىككە يە شاعىن قالاشىقتى سۇيەنىش ەتىپ، جالپى وڭىرلىك ساياحات قۇرىلىسىندا بەلگىلى ناتيجەلەرگە قول جەتكىزدى. الدا تاڭداۋلى كورىنىس ءوڭىرى قۇرىلىسىن كۇشەيتىپ، ساپاسىن جاپپاي جوعارىلاتىپ، دارەجەسىن ءوسىرىپ، جالپى وڭىرلىك ساياحاتتىڭ دامۋىن ىلگەرىلەتىپ، شينجياڭنىڭ سىرتقا ساياحاتتى ۇگىتتەۋىنىڭ تانىستىرعىسىن ازىرلەۋ كەرەك.

  سوڭعى جىلدارى ءۇرىمجى اۋدانى حالىقتىق تۇسەلحانا كاسىبىن جالپى وڭىرلىك ساياحاتتىڭ دامۋىن ىلگەرىلەتۋدىڭ ماڭىزدى تۇتقاسى، اۋىل - قىستاقتى گۇلدەندىرۋ ستراتەگياسىن اتقارۋدى جەبەۋدەگى ءونىمدى شارا ەتىپ، ساياساتتاردى العا قويىپ، حالىقتىق تۇسەلحانا كاسىبىنىڭ كورىكتى بايلىقتىڭ كورىكتى ەكونوميكاعا قاراي بۇرىلىس جاساۋىن جەبەۋدەگى جاڭا كاسىپ كۇيى، جاڭا موتور، جاڭا قوزعاۋشى كۇشكە اينالۋىن بار كۇشپەن دەمەدى. ءۇرىمجى اۋدانىنىڭ ەرەكشە حالىقتىق تۇسەلحانا تۇيىنىندە، شوكىرات زاكىر تيجارات جاعدايىن ەگجەي - تەگجەيلى ۇعىستى ءارى قاتىستى ورىنداردىڭ جاۋاپتىلارىنا ەكولوگيالىق مادەنيەتتى، ۇلتتىق سالت - سانا مادەنيەتىن ساۋلەلەندىرۋدى جانە ودان پايدالانۋدى كۇشەيتۋ ارقىلى قونىستانۋ ورتاسىن، گۋمانيتارلىق ورتانى، جاراتىلىستىق ورتانى ورگانيكالى توعىستىرۋعا قۇلشىنىپ، كورىكتى اۋىل - قىستاقتىڭ ”كورىكتى ەكونوميكا“سى بولۋىنا مۇمكىندىك جاساپ، اۋىل - قىستاقتىڭ گۇلدەنۋىن جەبەۋدى قاداعالادى.

  شوكىرات زاكىر ىلگەرىندى - كەيىندى ءۇرىمجى قالاسى نان مادەنيەتى كاسىپ باقشاسىنا، چيفاڭ كوشەسى جاسامپازدىق كاسىبى شوعىرلانعان رايونعا، ءۇرىمجى ۇلكەن بازار كورىنىس اۋماعىنا بارىپ، نىساندار اياق الىسى، كاسىپورىنداردىڭ تيجاراتى سياقتى جاعدايلاردى ۇعىستى. شوكىرات زاكىر بىلاي دەپ باسا دارىپتەدى: ءوز باسىمدىعىن ساۋلەلەندىرىپ، ”وزىق، ەرەكشە، تاڭداۋلى“ ەتىپ تۇراقتاندىرۋعا تاباندى بولىپ، ساياحات كاسىبىنىڭ دامۋ ورەسىن وسىرۋمەن بىرگە، وڭىرلىك ەرەكشەلىكتى دە كورنەكتىلەندىرىپ، ءار ۇلتتىڭ تاڭداۋلى ءداستۇرلى مادەنيەتىن ساۋلەلەندىرۋگە، مۇراگەرلىك ەتۋگە جانە قورعاۋعا باسا ءمان بەرىپ، جاسىل دامۋ، جوعارى ساپالى دامۋ تالابىن مىقتاپ يگەرىپ، مادەنيەت ىستەرى مەن ساياحات كاسىبىنىڭ جوعارى ساپالى دامۋىن ىلگەرىلەتۋ كەرەك. نازاردى قوعام ورنىقتىلىعى مەن باياندى تىنشىتىق باس نىساناسىنا شوعىرلاندىرىپ، سوتسياليستىك وزىق مادەنيەتتىڭ العا باسۋ بەتالىسىنا تاباندى بولىپ، جاڭا بورىشتىلىقپەن، جاڭا جاۋاپكەرشىلىكپەن، جاڭا ىسكەرلىكپەن مادەنيەت فاكتورى مەن ساياحات بايلىعىنىڭ ىشكەرىلەي توعىسۋىن ىلگەرىلەتىپ، مادەنيەت پەن ساياحاتتى ىشكەرىلەي توعىستىرۋ سىندى ءىرى ءىستى ويداعىداي ىستەۋ كەرەك.

  اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز بىرگە تەكسەرۋ - زەرتتەۋ جۇرگىزدى.

جاۋاپتى رەداكتور: سايراش تۇرارجان