وسى ايدىڭ 23 - كۇنى تۇراقتى كوميتەتتىڭ 11 - رەتكى ءماجىلىسىن اشۋدى ۇيعاردى

اۆتونوميالى رايوندىق حالىق قۇرىلتايى تۇراقتى كوميتەتى 57 - رەتكى مەڭگەرۋشىلەر ءماجىلىسىن اشىپ

وسى ايدىڭ 23 - كۇنى تۇراقتى كوميتەتتىڭ 11 - رەتكى ءماجىلىسىن اشۋدى ۇيعاردى

  ءتىلشىمىز لياڭ ليحۋا 7 - ايدىڭ 10 - كۇنى ۇرىمجىدەن حابارلايدى. 7 - ايدىڭ 10 - كۇنى تۇستەن بۇرىن، اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتى 57 - رەتكى مەڭگەرۋشىلەر ءماجىلىسىن اشىپ، وسى ايدىڭ 23 - كۇنى تۇراقتى كوميتەتتىڭ 11 - رەتكى ءماجىلىسىن اشۋدى ۇيعاردى.

  اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ءماجىلىستى باسقاردى.

  ءماجىلىس تۇراقتى كوميتەتتىڭ 11 - رەتكى ءماجىلىسىنىڭ كەڭەستىك ءتارتىپ جوباسىن جانە ورنالاستىرۋ پىكىرىن قارادى. مەڭگەرۋشىلەر ءماجىلىسىنىڭ ۇسىنىس ەتكەن كەڭەستىك تاقىرىبى بويىنشا، اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ 11 - رەتكى ءماجىلىسى «شينجياڭ ۇيعۇر اۆتونوميالى رايونىنىڭ ايدس اۋرۋىنان ساقتانۋ جانە ونى ەمدەۋ ەرەجەسىن (وزگەرىس ەنگىزۋ جوباسىنىڭ وزگەرىس ەنگىزىلگەن نۇسقاسى)» قارايدى؛ ءۇرىمجى قالالىق حالىق قۇرىلتايى تۇراقتى كوميتەتى وزگەرىس ەنگىزۋدى بەكىتۋگە ۇسىنعان «ءۇرىمجى قالاسىنىڭ سۋدى ۇنەمدەپ پايدالانۋ - باسقارۋ ەرەجەسىن»، بايىنعولين موڭعۇل اۆتونوميالى وبلىستىق حالىق قۇرىلتايى تۇراقتى كوميتەتى بەكىتۋگە ۇسىنعان «بايىنعولين موڭعۇل اۆتونوميالى وبلىستىق حالىق قۇرىلتايىنىڭ جانە ونىڭ تۇراقتى كوميتەتىنىڭ زاڭ شىعارۋ ەرەجەسىن» جانە «بايىنعولين موڭعۇل اۆتونوميالى وبلىسىنىڭ اتموسفەرانىڭ لاستانۋىنان ساقتانۋ جانە ونى جونگە سالۋ ءادىسىن»، موري قازاق اۆتونوميالى اۋداندىق حالىق قۇرىلتايى تۇراقتى كوميتەتى بەكىتۋگە ۇسىنعان «موري قازاق اۆتونوميالى اۋدانىنىڭ ءداستۇرلى قىستاقتاردى قورعاۋ ەرەجەسىن» قارايدى.

  ءماجىلىس تاعى اۆتونوميالى رايوندىق حالىق ۇكىمەتىنىڭ 2019 - جىلدىڭ الدىڭعى جارتى جىلىنداعى اۆتونوميالى رايوننىڭ حالىق شارۋاشىلىعى جانە قوعامدىق دامۋ جوسپارىنىڭ اتقارىلۋ جاعدايى جونىندەگى بايانداماسىن، 2019 - جىلدىڭ الدىڭعى جارتى جىلىنداعى اۆتونوميالى رايوننىڭ مەجە ەسەبىنىڭ اتقارىلۋ جاعدايى جونىندەگى بايانداماسىن، 2018 - جىلعى اۆتونوميالى رايوننىڭ ءوز دارەجەسىندەگى مەجە ەسەبىنىڭ اتقارىلۋىن جانە باسقا دا قازىنالىق كىرىس - شىعىستاردى قازىنالىق باقىلاۋ جاعدايى جونىندەگى قىزمەت بايانداماسىن، 2018 - جىلعى اۆتونوميالى رايوننىڭ ءوز دارەجەسىندەگى سوڭعى ەسەبى تۋرالى بايانداماسىن تىڭدايدى جانە قارايدى، 2018 - جىلعى اۆتونوميالى رايوننىڭ ءوز دارەجەسىندەگى سوڭعى ەسەبىن تەكسەرەدى جانە بەكىتەدى؛ اۆتونوميالى رايوندىق حالىق ۇكىمەتىنىڭ اۆتونوميالى رايوننىڭ 2018 - جىلعى قورشاعان ورتا جاعدايى جانە قورشاعان ورتانى قورعاۋ نىساناسىنىڭ ورىندالۋ جاعدايى جونىندەگى بايانداماسىن تىڭدايدى جانە قارايدى؛ اۆتونوميالى رايوندىق حالىق قۇرىلتايى تۇراقتى كوميتەتى زاڭنىڭ اتقارىلۋىن تەكسەرۋ گرۋپپاسىنىڭ «جۇڭحۋا حالىق رەسپۋبليكاسىنىڭ اۋىل شارۋاشىلىعى ونىمدەرىنىڭ ساپا حاۋىپسىزدىگى زاڭى»نىڭ جانە «شينجياڭ ۇيعۇر اۆتونوميالى رايونىنىڭ <جۇڭحۋا حالىق رەسپۋبليكاسىنىڭ اۋىل شارۋاشىلىعى ونىمدەرىنىڭ ساپا حاۋىپسىزدىگى زاڭىن> اتقارۋ ءادىسى»نىڭ اتقارىلۋ جاعدايى جونىندەگى بايانداماسىن تىڭدايدى جانە قارايدى، سونداي - اق اۆتونوميالى رايوننىڭ اۋىل شارۋاشىلىعى ونىمدەرىنىڭ ساپا حاۋىپسىزدىگى جاعدايى جونىندە ارناۋلى تاقىرىپتا سۇراۋ سالادى؛ اۆتونوميالى رايوندىق حالىق قۇرىلتايى تۇراقتى كوميتەتى زاڭنىڭ اتقارىلۋىن تەكسەرۋ گرۋپپاسىنىڭ «جۇڭحۋا حالىق رەسپۋبليكاسىنىڭ حالىق زاسەداتەل زاڭى»نىڭ، «جۇڭحۋا حالىق رەسپۋبليكاسىنىڭ الەۋمەتتىك مادەنيەت قىزمەت وتەۋدى قامتاماسىزداندىرۋ زاڭى»نىڭ اتقارىلۋ جاعدايى جونىندەگى باياندامانى تىڭدايدى جانە قارايدى؛ اۆتونوميالى رايوندىق حالىق قۇرىلتايى تۇراقتى كوميتەتى كوزدەن كەشىرۋ گرۋپپاسىنىڭ 2019 - جىلعى اۆتونوميالى رايونىمىزداعى ءتۇيىندى نىسانداردىڭ قۇرىلىس جاعدايىن كوزدەن كەشىرۋ جونىندەگى بايانداماسىن تىڭدايدى جانە قارايدى؛ كادرلاردى مىندەتكە تاعايىنداۋ، مىندەتىنەن قالدىرۋ كەڭەس جوباسىن قارايدى.

  اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى ءمۇتاللىپ قاسىم، دۇڭ شينگۋاڭ، باداي، گۇلشات ءابدىقادىر، مانەن زەينەل ماجىلىسكە قاتىناستى.

  اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار باس حاتشىلارى، قىزمەت كوميتەتتەرىنىڭ جاۋاپتىلارى؛ اۆتونوميالى رايوندىق حالىق ۇكىمەتىنىڭ، اۆتونوميالى رايوندىق باقىلاۋ - تەكسەرۋ كوميتەتىنىڭ، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ قاتىستى جاۋاپتىلارى ماجىلىسكە سىرتتاي قاتىناستى.

جاۋاپتى رەداكتور: سايراش تۇرارجان